INN - I’m Not Nothing

營業中

休息中

提起長沙灣食飯，平時大家都會想起普通既工廠飯堂。但原來個邊都有浪漫靚靚西餐廳。今日介紹既就係D2place 隔離工廈既INN-I am not nothing。🔶牛油香煎帶子伴忌廉波菜配香脆酸種多士：帶子大大粒，又煎得好香，夾陣住陣陣牛油香味好食！忌廉菠菜唔係特別heavy，用黎配脆口多士一流！🔶香辣蒜香鯛魚柳意粉：意粉炒得幾乾身。雖然比想像中辣，但都好食！而魚柳真材實料，唔會加粉僭建，肉質都仲好嫩滑！🔶慢煮西班牙黑毛豬鞍架配香桃醬：豬鞍經過慢煮後，非常juicy。香桃醬好香果味，甜甜地同豬鞍非常夾！配菜亦都係即炸，抵讚！餐廳氣氛好好，好岩情侶一齊去約會！下次去D2place，又多一間新選擇！

今日放工就同男朋友喺荔枝角附近行吓，行到肚餓於是就睇下附近有啲咩好食。億利工業中心喺出名係唔同餐廳嘅集中地，今次我哋就揀咗一間西餐去試試。去到門口，就覺得好適合女仔黎打卡影相。門口裝修有歐陸風格，亦都擺放咗一啲乾花擺設，好有心思同幾靚。 入到去，空間都大，裝修繼續保持少女心同浪漫風，好啱一班三五知己或者情侶喺呢度聚下。我哋今次就嗌咗一份小食加兩份主菜同一份甜品。主食我哋嗌咗一份巴馬芝士黑松露薯條，薯條啱啱炸起，熱辣辣，好香口。薯條唔係平時嗰啲幼薯條係有返啲粗度嘅，食落口感提升咗。而薯條亦都鋪滿咗切碎嘅巴馬臣芝士，增加鹹香味。而配搭嘅黑松露醬嘅黑松露味亦都突出，配搭起嚟比到層次昇華。主菜就燒虎蝦牛肝菌黑松露意大利飯，意大利飯嘅質感適中，唔會太腍仍然保持到彈牙嘅口感。牛肝菌聞落去已經好香食落去好濃郁好creamy，加埋黑松露嘅點綴，唔錯。而虎蝦相當大隻，口感彈牙。另一度主菜就叫咗煙三文魚香草醬扁意粉，煙三文魚好足料，扁意粉食落口感保持到al dente。加埋香草醬同埋水牛芝士，成個配搭都好夾。甜品就叫咗香蕉榛子朱古力忌廉班戟，班戟皮薄得來有朱古力味，加埋軟滑嘅忌廉同埋香蕉，為成餐飯加咗個完

餐廳位置標示得不太清楚、找了很久才找到、上到去、環境都可以、職員的態度也很好、食物就一般般、都適合朋友談天、我們點了一個主菜跟兩個小食、還有一個甜品、價錢不算太貴、人均消費大約$200，但我就對於他的的是日餐湯有點失望！粟米湯、竟然全是粟米渣、廚師明顯無處理過、其餘食物就不過不失、松露薯條、我覺得個松露醬太甜、沒有太多松露的味道！可以再做得好點、而意粉味道就比較正常、反而甜品有點驚喜、不算太甜、外觀都吸引的、總體而言，我覺得餐廳可以再做多啲優惠吸引顧客、不過食物質素都要提高返！特別係餐湯的處理！

餐廳地點方便就腳，就喺一堆巴士站同地鐵出口隔離，而且只係上2層，唔似其他更就樓層餐廳要等好耐𨋢。入到去係另一個世界，裝修用心，有羅馬石柱，牆上投影住月亮花朵等嘅影片，燈光昏暗，氣氛良好，但略嫌餐枱圓形同埋比較細。欣賞廁所有屏風隔一隔，關顧食客感受🫶🏻食物款式不少，亦有提供晚餐，不過晚餐嘅配搭3位女士都唔啱，所以最後散叫。頭盤/小食：牛油香煎蟹餅伴檸檬忌廉脆多士(餐廳贈送)-檸檬多士第一次食，好特別；蟹餅香口，食到蟹肉絲。牛油香煎帶子伴忌廉菠菜配香脆酸種麵包多士-帶子口感爽，菠菜竟然係湯，而且好好味，幾配合 主食：燒安格斯西冷牛扒8安士半牛油燒波士頓龍蝦-扒7成熟，牛味濃，皮脆肉嫩，因為太暗，估唔到咁好食；龍蝦少少韌。和牛漢堡扒蕃茄意大利粉，不錯。甜品：藍莓紅豆抹茶忌廉班戟-班戟好薄，紅豆同抹茶好夾，食埋藍莓好Fresh；因為有朋友生日，餐廳有提供甜品寫字服務，寫得好靚，打卡一流🫶🏻。餐飲+餐湯：熱朱古力，有朱古力香，甜度適中。番茄湯，較浠身，味道適中。

同好友👯‍♂️去荔枝角名工廈吹水，book 左呢間西餐廳。環境優雅舒服、衛生良好。侍應姐姐服務態度非常好及有禮貌，佢提議我哋三個女士叫咗一個二人餐再加多一個主菜。我哋叫咗龍蝦湯及蕃茄忌廉湯，味道唔錯👍🏻。麵包🥖好食及脆口頭盆係沙律、甜甜地好好味及開胃🤤三文魚🍣新鮮Main course 2+1牛扒🥩👍🏻👍🏻👍🏻豬鞍味道好、萍果醬👍🏻👍🏻海鮮意粉晚餐訂座送咗個pancake 俾我哋⋯好好好好味😋🥰配俾我杯咖啡☕️，好滿足 😌餐廳細細地、空間也不錯👍🏻👍🏻

女朋友仔生日🎂搵咗間浪漫情調氣氛嘅餐廳約會一下❤️餐廳喺裕民坊頂樓，有室外室內環境，氣氛佈置唯美歐陸風，非常適合打卡📸，食物質素亦非常有驚喜！😍前菜🌟#燒西班牙八爪魚沙律🥗🐙鮮甜八爪魚腳配果醋沙律菜，八爪魚腳鮮甜多汁非常鮮嫩有咬口，令整份沙律提升層次！再加上食用花🌼🌸🌺，令整份沙律美感提升！主菜🌟#香煎銀鱈魚柳配露笋茸鮮魚忌廉汁🐠這份主菜超級驚喜😍！魚的外皮煎得非常香脆，但估唔到銀鱈魚柳可以咁鮮甜！佢個汁唔係一般忌廉汁，喺加入咗鮮魚精華落去，每一啖都非常滿足！主菜🌟牛油煎北海道帶子蟹膏意大利飯🦀刺身級帶子鮮味無比🌊廚師將蟹膏香菇🍄加入上湯熬製意大利飯，睇落平平無奇，但食落淡淡蟹膏鮮甜，非常出色！甜品🌟香蕉榛子朱古力忌廉班戟🥞香濃朱古力班戟一層一層疊起來，中間夾雜香蕉同朱古力醬，口感層次豐富，配埋忌廉香蕉🍌士多啤梨🍓，香甜可口！

去到荔枝角億利工業中心2樓試一試呢個出名嘅打咭餐廳，比起其他分店，裝修較普通，我地二人食一個餐餐湯煙三文魚蟹籽忌廉汁意粉 $128加配tiramisu $38輕食下午茶

今日同妹妹係工作室做野 做到一半就肚餓 去附近食啲野先返去繼續做😗揀左工廈入面既一間西餐廳 INN-I’m not noting 門口佈置都好靚 入面設計係西式宮廷風🕌 呢啲咁浪漫既地方竟然係妹妹過黎 唔係同老公過黎🤣🥩燒安格斯肉眼牛扒10安士伴紅酒燒汁我地揀左五成熟 煎得岩岩好 🐂牛肉既質感偏嫩 仲帶有啲油香味 肉汁都好夠 🍷醬汁都比較重紅酒味 點黎食可以令肉質更加香口 而配菜薯條炸得好酥脆 好好食🦐珍寶虎蝦墨汁意大利飯意大利飯屬於粒粒分明 偏硬身 唔係煮到爛晒果啲 🦑墨汁食落有鮮甜味 加上墨魚粒 洋蔥粒 菇粒 令整體更有咬口更有口感層次🍫凍朱古力朱古力味同奶味成正比 偏滑口 好好飲😋

今日工作來到荔枝角，同事帶我來到億利工業中心2樓的「Inn I'm not nothing」食晚飯，這間餐廳有幾間分店，出品有保證。餐廳光猛開揚，歐陸式的裝修令人感覺舒服，天花上掛了水晶吊燈更添華麗。套餐的選擇頗多。「慢煮西班牙黑毛豬鞍架伴香桃醬」$238皮膚要保濕，豬肉都要保濕。慢煮的烹調方式能令豬肉保存充足水份，肉質更鬆軟嫩滑，營養價值也很高。「和牛漢堡扒蕃茄意大利粉」$158和牛漢堡扒軟腍，充滿牛肉香，意粉軟硬適中，絕對美味。「Tiramisu」$58經典意大利甜品《Tiramisu》，面層是細滑的忌廉，底下是香濃的多糕，層次和口感都非常豐富，每一口都散發著淡淡的咖啡酒香。「Chocolate banana smoothie」$48大大杯朱古力加軟綿綿的忌廉，好睇又好飲。

最近係荔枝角搵食嘅時候發現左呢間係工廠大廈嘅cafe，上到樓感覺截然不同，呢度嘅氣氛好優雅別致～有一刻覺得自己處於歐洲 柚子大蝦沙律伴秘製甜酸汁 - 呢款沙律個樣好靚，色彩鮮豔，清新嘅柚子香氣加埋大蝦ge鮮嫩多汁，味道酸甜恰到好處煎盲曹魚柳伴香辣莎莎醬 - 啲魚柳煎得金黃酥脆，內裡嘅肉質鮮嫩多汁，配上香辣嘅莎莎醬完美地平衡咗魚嘅鮮味同辣味，值得推薦提拉米蘇 - 濃郁嘅咖啡香同滑順嘅cream cheese奶油，每一啖都好有層次感Mightyleaf tea 有機茉莉山泉 - 呢度嘅飲品選擇都幾豐富，而呢杯茉莉山泉茶成壺上，清新芳香，令人心情放鬆

今日約咗朋友慶祝生日之前已經去過觀塘嗰間分店覺得嗰度環境好啱用嚟打卡仲有生日甜品可以提供因為想就近壽星女所以今次就訂荔枝角呢間今日加埋我係有三個人餐廳就安排咗兩張枱比我哋但冇醒起呢度每張圓枱只係適合坐兩個人第三個人就會有距離感真係建議一係兩人一係四人以上先好嚟- - - - - - - - - - - - - - - - - - - - - - - -1. 和牛漢堡扒蕃茄意大利粉和牛漢堡扒肉質唔係壓到實晒嗰種反而似係肉醬形式小心煎起確保啲肉唔會散晒出嚟經過細心烹調 啲肉汁鎖晒喺入面食落就會好有濃郁牛肉風味加埋蕃茄味道意粉酸甜程度適中 味道都好自然有令人想一啖接一啖嘅感覺先食呢碟可以幫手開胃2. 燒安格斯西冷牛扒8安士伴牛油燒波士頓龍蝦我哋叫咗七成熟嘅牛扒嚟到仲要已經切好等份超級方便懶人入口XD牛扒色澤焦而不燶 煎得好靚食落肉質厚實 外脆內嫩而且重要冇咩脂肪入口即溶 唔使咀嚼好耐另外仲有波士頓龍蝦成個配搭好豪華嘅感覺雖然龍蝦好難起肉唔係好食到牛油嘅味道但肉質都幾有彈性3. 牛油香煎帶子伴忌廉菠菜配香脆酸種麵包多士呢碟好有潛質做fusion菜我哋將多士、帶子切成細細塊跟住就將帶子放落多士上

荔枝角出名多工廈多好野食，今日搵左間西餐廳gathering係憶利工業大廈2樓。餐廳晚市開18:00，但夠晒鐘都未開門，要係門口等…叫左個$158和牛漢堡扒蕃茄意大利粉同埋燒波士頓龍蝦牛油果意大利飯$198。叫左5分鐘唔洗就有野食到，勁快！首先半隻龍蝦暖暖地，蝦鉗開左口方便食！個飯冇乜牛油果味，但就好重黃椒味。和牛漢堡扒蕃茄意大利粉就勁多蕃茄醬👍🏻和牛漢堡都有4片，燒到香香地。份量偏少，兩個人食應該要加多樣小食/前菜才夠，最後叫左個黑松露芝士薯條。飲品好飲，叫左個chocolate banana smoothie 同 grapefruit lemon soda.飲品都幾精緻，重香蕉味配朱古力！👍🏻

係呢邊翻工成日都要諗食乜真係好頭痛，咁啱有同事介紹呢間餐廳，所以黎試下，我叫左個香煎北海道帶子龍蝦汁扁意粉，佢就叫左個漢堡 我冇食到佢果個 所以我就咁講下我呢個意粉啦個帶子d肉質幾鮮嫩彈牙，味道都算甘甜，香煎左之後更加增加左香氣同風味，表面有d焦香而內裡鮮嫩，但龍蝦汁係用龍蝦殼和肉熬煮而成的醬汁，顏色幾誘人，但比較稀，扣左d分。 呢個意粉份量比較少，唔啱男仔去食，不過如果你只係想試下都無妨，價錢就係普通cafe嘅定價。

今日同媽咪去荔枝角行街，我一早做定功課搵下有咩餐廳好食，見到好多網友話呢間餐廳好食、環境又岩打卡，所以決定帶媽咪去食dinner，果然冇令佢失望餐廳環境好浪漫，燈光微暗，播放住啲懷舊西片同英文歌，好有情調。頭盤我地叫左牛油香煎帶子伴忌廉菠菜。帶子大大粒、煎得香口，醬汁有濃郁嘅忌廉味，同埋加咗啲洋蔥碎同菠菜係入面，好開胃。另外仲有兩塊香脆嘅麵包送埋，好貼心。主菜我地叫咗兩款，第一款係香辣蒜香鯛魚柳扁意粉。有兩塊大大塊嘅魚柳，意粉辣辣地，好惹味，仲有爽口嘅鴻喜菇做配菜，口感豐富第二樣主食叫左珍寶虎蝦墨汁意大利飯。虎蝦好大隻，新鮮彈牙，墨汁意粉味道濃郁，食落好滿足。飲品方面，媽咪中意抹茶，所以叫左杯熱matcha latte俾佢，價錢都好平易近人，只係$38。至於我想keep fit，就揀咗杯熱檸水，好解渴，而且檸檬好新鮮，一d苦澀味都冇

今日放工響荔枝角行街，上網搜尋，見到好多朋友推介呢一間西餐廳係人細美食小店，所以就去試吓，估唔到呢一間餐廳一食就愛上咗，我數學個頭好浪漫嘅氣氛非常好，燈光暗啲，而且佢呢間餐廳位置於億利工業中心，位置非常方便，喺荔枝角站嗰間，好啱大班朋友，情侶，嚟食飯，一齊慶祝紀念日，佢哋裏面嘅裝修好靚，乾淨衛生，而且我好推介佢哋嘅燒三文魚芥末籽意大利飯，賣相非常吸引嘅心機，而且佢哋嘅三文魚火候流利得好好，入口即溶，而且佢哋嘅燒味過去掛抵，真係好抵食，非常林，肉質鮮嫩，仲有呢度都有漢堡類，燒烤菇，芝士牛肉漢堡，賣相精緻，都係好吸引，一試就愛上了，而且呢度嘅服務質素都好高，服務有笑容，有親切感，咁講，所以我覺得呢度嘅服務好好，食得好舒服