IL Cibo Italian Restaurant

營業中

休息中

想食的餐廳無位，唯有繼續邊行邊搵。來到一間意大利餐廳，但我之前一直都無食過，於是就進內試試。侍應生全都是外籍人士，全用英文溝通。我點了煙三文魚配田園菜香醋汁、海鮮意大利粉及甜品。同事只有點的主菜不一樣，其他都是相同的。頭盤是手工麵包，熱熱的，好鬆軟。配欖梘油或是醋食，別有一番風味。沙律正常海鮮意大利粉，味道不錯。同事點的澳洲西冷扒。甜品是鮮果蛋糕配雲尼拿雪糕，蛋糕都是手工做的，內含有提子乾，增添不同口味，蛋糕好鬆軟。雪糕味道不錯。

大角咀這條大全街也有不少食店，這一間意大利餐廳 IL CIBO Italian Restaurant 原來大有質素。店舖雖小，坐位舒服。選擇不多，看來精緻。沙律蛋前菜吃來清爽。餐包也不是一般麵包，很鬆軟，看似自家制。海鮮意大利粉也很豐富，巧大隻海蝦。當中試了Linguine Beef，是燒牛扒肉，刮目相看。想不到甜品也是這麼細緻，香滑雪糕配暖暖的海綿蛋糕。真心說，八九十元左右有沙律、餐包、主菜、甜品，質素令人滿意，份量剛好，性價比高。在緊張的工作中，這樣的午餐能帶來不一樣的清泉。

稔住去金船長，原來換左依間，系外國人開的，見$150 左右一個西餐，平過奧海城任何一間，可以試下。服務： 非常好，隨時候命fill水味道： 推介 牛肉沙律(starter), 海鮮意粉 (main). 佢個炒意粉d味 較得好好，意粉軟硬度剛剛好，就算無海鮮無餸，都好味。 3 course的 NZ 牛扒就 中規中矩，都ok, 但沒什麼驚喜。 menu仲有其他$175 的牛扒連紅酒，不過未試， 留反下次試。價錢： $150-200 (3 course dinner)

大角咀横街開咗間意大利餐廳，全間餐廳嘅服務員都係外籍人士，不過佢地都好細心，每道菜都講解得好清楚，仲開埋個apps話俾我知邊支紅酒好。我地食完之後仲話有好嘢益我地，原來每逢Monday & Tuesday，特價餐牌上食物買一送一，又好似幾好喎！ 今晚我們叫左4樣食物, 都好味, 叫甘多攪到我們好似好大食甘。Antipasto: 意大利冷切熟香腸, 意大利辣香腸, 帕爾瑪火腿, 薰鮭魚, 精選芝士 (HKD118)Spaghetti alla Gamberetto: 意大利麵, 炒蝦, 蕃茄, 蘆荀, 黑松露, 白葡萄酒, 蒜醬 (HKD149)Prime Strip Steak: 烤美國Prime牛扒, 配烤蔬菜磨菇醬 350g (HKD228) Pizza Rucola: 蕃茄醬, Mozzarella Cheese, 芝麻菜 帕爾瑪火腿, 帕爾瑪芝士 (HKD128)紅酒:Serengeti Merlot Montepulciano d'Abruzzo

話說人生路不熟，去到大角咀唔知食乜好。行左好耐見到間西餐廳，見唔洗等位，間餐廳又幾新淨，決定一試。入到去先發現店員都係外國人為主，要出動到我水皮既英文溝通放心餐牌係有中英雙語既，唔洗驚唔識叫。餐廳不大，但係都坐得舒舒服服。講返食物，呢間餐廳係有SET DINNER ，一個SET包括湯或沙律，主菜同埋甜品。另外亦可以散叫PIZZA，意大利麵之類，比較適合一班人開心分享。我地兩個人就分別點左兩個SET。雞肉沙律，雞塊即叫即煎熱辣辣，而且份量都唔少！牛排雖然未算好出色，但性價比係唔錯既意大利餃子一般西餐廳比較少見，餃子皮既麵粉感比較重。最後仲有甜品值得一讚係既餐廳服務，雖然只係一般平民西餐廳，但店員服務一啲都唔馬虎。例如佢地會睇下你食完未，等你食晒個沙律先上主菜，其中個主菜出慢左會主動同你講「唔好意思要等多幾分鐘」，見你個杯無水即刻又幫你添水，食完主菜，甜品又會自動上埋比你，咁照顧周全既服務真係要大讚

成日都話去金船長食晚餐，住咗咁多年都無去過食。反而係同位置開咗另一間餐廳既時候先的起心肝去食，真係諷刺呀三文魚沙律OK嘅 只係啲蔬菜有點苦，不過佢有另一個烤雞肉係比較好食！但係我就無影到相 非常建議嗌雞肉嗰個餐前麵包下面講翻個感受龍利魚個醬單點黎試就mama地，但係放落條魚到就有驚喜！肉質都算嫩滑既，味道就咸咗少少 配菜ok既甜品可能小弟唔係太喜歡呢度款式既鬆糕 類似雪芳蛋糕既質感 食落去好乾 所以同餐包一樣 唔太好食總結，中規中矩啦 新嘗試 價錢合理不過唔會特登走去食

We ordered two dinner sets, US Sirloin and NZ sirloin. Both main steaks taste good and even side dishes are worth expecting. Linguine should be the No. 1 surprise here. It is juicy with some basil and garlic flavor(could be a wrong guess). Service here is also recommended and can be compared to Central Standard. We ordered medium rare steaks. At first, one of the steaks was a bit overcooked, like medium/medium well. We told the waitress and the restaurant quickly served another medium rare s

下午搵食逛至大全街 由於老闆的熱情推薦 加上餐牌價錢合理,二人決定一試.lunch menu 大約$88, 餐湯,飲品要另加錢本日(+$12)為海鮮湯,唔係普通嘅紅湯1/白湯,係一種微酸嘅海鮮湯。海鮮意粉: 意粉是Al Dente質感, 配上香味撲鼻的蒜泥醬, 當中除了一般的海鮮配料,還有酸甜的紅椒,非常開胃chicken mushroom risotto都值得推薦,佢用煙燻過嘅雞肉,幾特別。咖啡選擇唔多,只有一般即磨咖啡,都唔錯啦. 新開人唔算多,可以慢活一下。

有幾次行過依條街，都見依間鋪有人喺門口做招徠介紹。今次終於有機會黎試。間鋪嘅侍應全部都係講英文，所以我地都用英文點餐。見個lunch set都幾吸引，有唔同種類嘅野可以揀，我揀左食意粉。個set雖然無包餐湯，不過一落完order，就有麵包送黎。個麵包口感幾特別，好似蛋糕嘅texture，同平時食開嗰啲好唔同，而且味道都ok。至於個意粉黎到已經覺得賣相唔錯，我叫嘅係蜆肉扁意粉。大概有8/9隻蜆，不過d蜆肉算係比較細size。味道方面，成個意粉加左啲garlic sauce，都幾惹味，而且意粉嘅軟硬度煮得岩岩好，分量又適中，覺得幾好食。不過反而係有同事叫左牛排，覺得佢overcooked，太硬又難咬，話下次唔會再點。所以如果我下次食，都係會叫翻依個意粉。

小朋友生日想吃意大利餐， 喜歡芝士意粉及薄餅， 看openrice又一間在大角咀 的新開店的意大利餐廳, 坐地鐵很方便去到奧運站行六分鐘就到， 就在我非常喜歡吃大角咀芋圓再過一條街。可以用openrice訂位非常之方便， 因為餐廳侍應全是外國人不懂聽廣東話， 幸好menu內有中英對照， 如果可以加上圖片就更加方便了。他們有Set Dinner 3 course138-188 不等, 除了識之外還有單点， 想不到款式也十分之多選擇。座位舒服 ,五個人叫了羊架/ 肉眼扒/ 卡邦尼意粉 /pizza /沙律 /焗青口。 吃完自製麵包後 ,吃主菜之後他們還會問我們 有沒有意見，好不好吃 ？ 可能由於是外國人關係， 好nice及服務態度也十分之好， 令人感到這一餐很舒服。羊架煎得十分好， 十分好食是我在香港吃得最好的羊架。肉眼扒五成熟剛剛好， 因為是炭燒的關係火候掌握得很好， 中間有粉紅色的肉質比較嫩滑卡邦尼意粉十分好味，吃到連個汁都冇剩我一有少少失望就是個六隻青口， 是用洋蔥醬汁去燒的， 不合我的口味。最後因為生日關係他們每一位送一份甜品就是雪糕加小蛋糕， 令我們十分驚喜的一餐吃得很愉快。最後

金船長接任人，鬼佬睇場的IL CIBO鋪面，係8成5同金船長一樣檯凳無變，鋪左紙檯布係感覺好D但冇cover到檯角，搞到揩到檯角其實仲有d痴立立餐牌方面，冇圖可以話賭博一樣雖然有圖都可能伏不過價錢尚算可接受甚至比金船長好似仲抵dd?侍應用英文所以我地都冇嘗試用廣東話落單叫左一個set煙三文魚沙律，西冷扒散叫凍盤，意式餛飩，海鮮pizza三個人share食餐包係似蛋糕咁，texture麻麻地，有少少soggy再點埋醋同橄欖油，整體不太好食沙律同冷盤都好快上菜，約5-8分鐘就有得食沙律普通貨色啦，冷盤雖然有輕微對唔住價錢(ard100蚊)但整體黎講除左隻碟唔係好夠風味，都叫可接受主菜打頭陣既係餛飩，賣相我覺得幾好都算新鮮挺身唔會太一pat野，餡料係似菠菜碎+芝士粉+薯蓉咁，唔太記得點寫，味道可以但偏鹹，但完全缺乏松露味(揀左松露菇汁)跟住上既係pizza，穩陣冇伏，薄批，脆邊，芝士味重，海鮮料就尚可，量唔多但冇雪味，收貨。牛扒最遲上，幾驚佢overdone但好彩係冇既，叫左mid-rare黎既都係mid-rare而且扒面煎得相當靚，條邊既油同筋膜有煎過但可以再煎多少少。略為失望既係佢冇落粗

價錢公道，基本上可以稱之為抵食👍🏻我地叫咗2個set dinner, appetiser 個沙律夠大份d菜又新鮮, 其口一份主菜係海鮮炒意粉，意份彈牙之餘又足料，另一個係grill 雞胸，從來未食過一d都唔鞋嘅雞胸。甜品係carrot cake 配雪糕，做得有heart 絕對唔係出面求其上件cake就算。總括黎話，絕對值得試嘅一間餐廳，而我地絕對會返去再試埋其他菜(當時偷睇到格離枱個pizza都好正) PS: 從來冇寫過食評，不過依間小店絕對值得推介

朋友下個月生日，但自己唔係香港，所以想同佢catch up兼慶生，搵到大角咀一家開左無耐的義大利餐廳。其實，準確來說，應該話係西餐廳，因為睇完menu就發覺義式元素唔強，不過款式都幾正常。我地兩個人點了兩份餐，分別係: 我: 雞肉沙律 + 海鮮義大利粉 + 雪糕蛋糕朋友: 餐湯 + 魚柳+ 雪糕蛋糕食物質素都係發揮正常，不過不失，雞肉唔會太老，菜幾新鮮，意粉都彈牙😍，係海鮮有少少"沙"，蛋糕比較硬身，係雲呢拿雪糕融得快。由於二人訂位關係，獲送一客甜品，但朱古力奶凍真係甜左少少。整體來說，份量夠，性價比高。加分位 : 侍應服務周到，不時加水，同會主動幫我地影相。我個朋友下個月生日，佢地會在甜品盤上寫了生日快樂，非常貼心。

第一次在大角咀見到正宗意大利餐廳，是有驚喜。當時路過餐廳看見一份中英並列菜單，但𥚃面的中文明顯是 google translate 出來的（因為不少錯譯的地方），感到店主和員工都應該不懂中文，心想食物也許會地道吧？就挑起了一試的興趣了。然後有人招呼我們進去。全程要講英文，但他們態度非常親切。羊肉質感嫩滑，最有驚喜是薄荷醬汁，很搭配。意粉質感幾特別，很彈牙很有咬口，海鮮很足料。甜品一咸一甜配搭幾好。晚上去吃，最後每人要付超過 $200，不算便宜但也不太貴，值得一試。

可能落大雨關係 唔係好多客 但環境好舒服 playlist播住係類似意大利民謠 好輕鬆百幾蚊有個dinner set, 由starter 至dessert 都食得岀好有心思 麵包同蛋糕都係自己整 好有去歐洲家庭式餐廳既感覺一坐低已經比左自家製既麵包 香草好香雞肉沙律 有幾滑又烤得好香嘅雞胸肉 牛油果 車厘茄～蕃茄湯好正！！ 有少少薯蓉既質感 好香既蕃茄味 同少少芝士碎 主菜 食左黑松露意大利雲吞 同蕃茄海鮮意大利麵 ， 兩款個醬汁都好食～ 海鮮好多款 好鮮味～最後仲有甜品 自家製蛋糕同vanilla 雪糕 成餐飯都食得好舒服 店員服務好好 好好笑容 仲好有心機介紹你食咩飲咩 兩款主菜又有好多款醬汁比你揀 唔怕唔啱食～