Ice Puff

營業中

休息中

自從上次食過阿華田雞蛋仔同格仔餅之後一直都對佢念念不忘😝今次一於試埋同樣人氣嘅黑朱古力🤤-㋡ 比利時70%黑朱古力雞蛋仔(加麻糬) $28 (+$7)雞蛋仔外脆內軟粒粒飽滿 唔系空心雞蛋仔入面仲好足料😍朱古力味好香濃 半溶嘅狀態加埋煙煙韌韌嘅麻糬好好食70%黑朱古力甜度啱啱好食完唔會覺得漏😚不過對比起小妹更加鐘意阿華田😜味道: 8.5/10性價比: 8/10-原來小妹鐘意食格仔餅多啲不過ice puff嘅雞蛋仔都好出色🤩真系食咁多次都想再翻轉頭😆見到餐牌換晒 價錢微調咗雖然雞蛋仔嚟講佢偏貴但佢有真材實料 唔系空心有呢個質素 小妹覺得值🤪回頭率: 10/10🥳已經第三次回頭仲唔系滿分!?😚-

伯爵茶味雞蛋仔$28-份量好多 絕對可以醫肚✅-偏脆身因為蛋漿唔係好多👌🏿-所以入口冇軟糯嘅口感❌-有茶香味嘅✅但係可能加熱左之後就會變咗中藥❌係有少少奇怪/或者唔似伯爵茶味我同男朋友share嚟食入口頭幾粒幾好唔錯我自己都本身鍾意食雞蛋仔但係食咗三成左右就開始悶同厭　有少少俾雞蛋仔塞飽咗建議三個人share會好啲　雖然講到麻麻地有啲位唔係做得咁好但都可以一試嘅因為試過其他伯爵茶雞蛋仔係可以冇伯爵茶味嘅XD

🧇 ICE PUFF 🧈好耐之前出左個投票活動問最好食嘅雞蛋仔究竟係邊一間我自己就不嬲都鍾意筲箕灣低調高手但好多手足就話旺中ICE PUFF仲好食(●´ω｀●) 唔L係呀 仲有更好食既雞蛋仔比利時70%黑朱古力 雞蛋仔 $28Dark Chocolate 70% 即叫即整 大概10分鐘到就有得食拎上手熱辣辣千祈唔好等 即刻就要食啦皮脆餡足 餡大概3分之1而3分之2係雞蛋仔必須有既空氣感個朱古味幾香濃70%既朱古力香得黎又唔會好甜少少溶溶地又唔會流曬出嚟又真係幾好食下次想試下其他味同格仔餅（＾ω＾）其實兩間都好食低調高手既雞蛋仔就原味勁好食另外兩個雞蛋仔口味相對上冇咁吸引而Ice Puff勝在好食得黎仲要勁多口味揀唯有去旺中食Ice Puff去筲箕灣就食低調高手啦打和 SUPER !

旺角中心掃街雞蛋仔小食店 好耐之前黎過 今次再番黎試試 唔多人 等3-4個 大概等左15分鐘.⭐️伯爵茶雞蛋仔$28👍🏻出餐前有用風機吹過拎上手熱辣辣 感覺今次同之前好唔同蛋漿比之前重手好多 所以雞蛋仔空心位置唔多大概係8 2比 （8成up蛋漿 2成空位）👍🏻呢個比例 雞蛋仔入面好軟熟 外面微脆👍🏻伯爵茶同之前一樣都係咁香 好評.如果同低調高手比一個係空心脆 一個係飽滿軟熟2種風格 我都認為唔錯 你地又鐘意邊種？.#hkfunfoodrecord窮遊香港#hkfunfoodrecord_旺角#hkfunfoodrecord黃店 .#IcePuff (旺角)地址：旺角彌敦道688號旺角中心一期1樓F51舖.⭐️評分：味道：4/5環境：-/5服務：-/5抵食：3.5/5.鐘意睇野食既朋友仔 記住幫手like分享 同撳埋右上鐘仔超感謝你嘅支持🙏🏻一齊見證我脂肪成長..#飲食 #美食 #優惠 #抵食 #hk #food #foodphotography #foodstagram #hkfood #hkfoodie #foodiehk #hkfoodblogger #hkblogger #hkf

去開旺中行街，想食下小食，就幫襯呢間嘅夾餅都幾多人幫襯，但店主好快手，唔洗等好耐，好快就有，佢快手得嚟，質素係完全不受影響，我叫咗原味，好大份好厚嘅一件夾餅，外層好脆，雖然佢厚，但內層又唔會好似蛋糕咁又濕又重，而係鬆軟，咬落口感好好，而佢啲醬，係搽得勁足勁多，要知道坊間好多賣夾餅嘅，都唔夠醬，但佢係足夠你每一啖都食到多醬，牛油咸香好出，花生醬綿滑，配埋煉奶啲甜味，真係好好食不得不提嘅係，佢鋪仔細細，但店外有張高高地bar枱仔同幾張櫈，方便人等嘅時候擺嘢，或者直接坐低食，又有搓手液提供，店主仲會問你要唔要紙巾，食完又幫你掉埋個紙袋，真係好細心！

只要經過都會聞到好香嘅雞蛋仔嘅味🤤 小店有多達十幾款唔同口味嘅雞蛋仔同格仔餅，款式新奇！💛芝士黑松露雞蛋仔 ($45)雞蛋仔拎上手即刻聞到好香嘅黑松露味！小店採用100%日本製麵粉，咬落熱辣辣，食到外脆內軟😋 每一粒都有滿滿嘅黑松露同埋芝士，令雞蛋仔昇華咗好多級！💛兩者味道都好突出同互夾，但仍然食到淡淡蛋味，唔會有被搶過嘅感覺😚 💛雞蛋仔相對比較油，但絕對係一款會有驚艷感覺嘅雞蛋仔———————————————————————🌼評分：5個🌕為滿分🫧味道：🌕🌕🌕🌕🌗🫧環境：🌕🌕🌕🌕🫧性價：🌕🌕🌕🌖🫧回頭：🌕🌕🌕🌗⏰限時：NA

每次去旺中行街，都會幫襯呢一間雞蛋仔。用料上乘，食得出真係用靚料，日本麵粉新鮮雞蛋即叫即整，所以都要等大概10分鐘或以上，但係都值！除咗原味雞蛋仔同埋原味格仔餅佢仲有其他新口味，有機會一定要試！格仔餅大件夾抵食，一個人都食唔晒，所以老闆幫我一開二！開心share! 不過附近都冇地方食，有機會會被商場嘅人趕，所以最後都係買上車慢慢嘆行過路過，唔好錯過！值得推介！值得推介！值得推介！值得推介！值得推介！

見到雞蛋仔真係好難抗拒•比利時朱古力雞蛋仔🧇賣相已經好吸引以70%比利時朱古力製成食落唔甜又唔會太甘苦 朱古力比例啱啱好而且食落外脆內軟 入邊仲係綿綿嘅質地好食 過關🧡

介紹一間我每次去旺中掃街～都一定會食嘅雞蛋仔✨位於一樓嘅Ice Puff長期都好多人排隊架！（近新之城）因為佢嘅雞蛋仔同格仔餅係有好多口味可以揀嘅😇之前食過好突出到蛋香味嘅原味，同食完一啲唔膩、好清新嘅伯爵茶口味😜今次一於試下Nutella榛子花生🥜同之前食嘅雞蛋仔一樣外脆內軟🤩Nutella嘅味道都幾濃，仲食到一粒粒嘅花生係粒雞蛋仔入邊！口感都幾過癮😉唔知大家去到又食過咩口味嘅雞蛋仔？介紹俾我下次再去食呀😆回頭指數：🌟🌟🌟🌟🌟Ice Puff (旺角)旺角彌敦道688號旺角中心一期1樓F51舖

🐭 米奇老豬Vol. 280 🐷［Ice Puff］呢間係得到雞蛋仔關注組認證嘅 🉐️老豬怕排隊 所以開舖前5分鐘已經等緊🤭一開舖之後已經有1X個人陸續下單 果然早起的豬有雞蛋仔吃😎.🐖🐖《阿華田脆脆雞蛋仔》🐖🐖 🛑 8/10 🛑 💰$29 （麻糬+$6 麥精雪糕+$30）💰雞蛋仔超脆 係脆到有聲 👂🏻不過有d比較空心～加左麻糬 差唔多每粒都有 仲有阿華田脆脆醬 🤤但變相雞蛋仔底漿少左雞蛋仔本人就食唔出阿華田味😳雪糕係XTC出品嘅麥精味口感偏雪芭 無gelato嘅口感 🫣同埋因為加雪糕要用杯上所以食到底嘅雞蛋仔就會焗到淋左咁樣一個雞蛋仔要$65就覺得小貴🥹.🐖🐖《伯爵茶雞蛋仔》🐖🐖 🛑 8.5/10 🛑 💰$26 （蜂蜜+$6）💰本身老豬好怕伯爵茶加左奶嘅任何製品今次呢個試完超驚喜 🤩係❣️真❣️伯爵茶味 唔會有果種番梘味😂見到每粒雞蛋仔都有茶葉碎入口清香 👃🏻 🍃蜂蜜係一粒粒爆珠咁 同茶味好夾.雖然呢間都唔錯 幾脆口而且伯爵茶蜂蜜有驚喜 👻不過我都係鍾意潮食同醉香雞蛋仔多d.❣️🐭總評分🐷❣️味道：8.3/10服務：N/A環境：N/ACP值：✴️ 中 ✴️ ENCORE：✅ （伯爵茶蜂蜜）.自費️

喺旺中掃街，好多人推介呢間雞蛋仔！即管一試～店有好多唔同口味嘅雞蛋仔，有咸有甜、亦有夾餅。我哋叫左70%比利時黑朱古力雞蛋仔，等左大約十分鐘，即叫即做！仲可以儲Mee積分添1. 70%比利時黑朱古力雞蛋仔一拎上手熱辣辣，黑朱古力味撲鼻而來！雞蛋仔唔太夠蛋味，但落足黑朱古力料！成個雞蛋仔唔甜、唔算偏脆，但都好好味！大推

下午茶時間想食少少野，掃街黎講食雞蛋仔是我的首選，呢間係我覺得幾好食既。今次試下咸味雞蛋仔，叫左車打芝士味，仍然保持水準，外脆內軟，每一粒都有濃郁芝士味，2個人 share食都好滿足了。鋪頭細細，得一張枱仔喺門面，所以要搵個角落企埋一邊慢慢食。

旺中掃街飽肚之選一定係ice puff💛雖然價錢比較貴少少，但真係真材實料😚雞蛋仔即叫即整，所以即使前面無單都要等5分鐘左右⏱特別推薦紫菜肉鬆口味($30)同栗子($28)🌰格仔餅外層脆口，非常重蛋味，而且每粒都脹卜卜，非常之足料😋佢哋啲蛋漿高質到見到好多人買原味格仔餅走所有醬🤣另外跟餐買埋泰式奶茶都好化算👍🏻價錢只係$16，用ChaTraMue茶葉🫖除咗價錢平啲，優勝過ChaTraMue專門店嘅原因係冰係數目😶ChaTraMue專門店啲冰多到飲咗2啖就無曬🥲雖然佢解釋係泰國天氣好熱所以落足冰，但呢度係香港，或者佢可以收返我泰國嘅價錢😠加埋都係$46，有時候唔太餓真係可以咁就當lunch/dinner😆

2022.8.27 星期六 3:50pm上次吃過車打芝士味，今日第二次吃，必定是點沒有試過的味道啦，今次咸蛋黃味~| 黃金咸蛋黃雞蛋仔 | $32咸蛋黃不少，佈滿雞蛋仔，不會有硬粒，很香口但不太咸，都很有蛋香。這個比上次吃的車打芝士，沒有那麼挺身和脆，所以有些錯覺，沒有上次的那麼大份。不過還是很好吃的~

每次經過旺角中心都「心郁郁」想來這店買雞蛋仔做甜品💓已吃過不下十次，雖然這家有好多不同口味的雞蛋仔，但我還是鐘情於他們的伯爵茶口味，新鮮製作的伯爵茶雞蛋仔，除了熱氣騰騰外，未脫下口罩已聞到伯爵茶獨有的香氣～配料選擇了蜂蜜口味的爆珠，咬開雞蛋仔時會先嘗到伯爵茶的茶香味及蛋香味，再咬到蜂蜜的部份是，甜味就會在口腔內爆發開，非常有趣的口感！🤤