i CREMERiA Café

❤️今日跟好朋友去咗旺角朗豪坊行街買嘢，經過依間日式西餅店，見到啲蛋糕好靚，不過價錢都唔平。於是即刻買一件試試，睇吓值唔值。🤭🤭最後小編買咗一件日本和三盆糖蜜瓜海綿卷 Japanese Wasanbon Melon Roll（$78） ，和三盆糖是經過多重功夫煉製而成，將糖精及糖蜜分開，所以味道比較清甜，甜度適中，口感豐富。🤗蛋糕質地鬆軟濕潤可口，蜜瓜香甜多汁，鮮忌廉又夠滑，味道不錯，可以一試。👍🏻👍🏻👍🏻…查看更多

今個星期又來到朗豪坊吃lunch，似乎市面的熱鬧已經完全恢復，人頭湧湧，但今次懶得上到十幾樓覓食，美食廣場又坐無虚席，再行來行去又滿頭大汗，只見很這間餐廳有位，「求其」吧! 這間午餐選擇不多，而且價錢偏貴，原本想食的餐售罄，要不是已經入座並放下行裝，走到櫃檯前點餐，一定掉頭就走 。羅勒青醬鮮蝦長通粉，味道只是一般，份量也不多，附上的一小紙杯水，很不得體，讓我想起洗完牙後，牙醫遞給你潄口用的那杯水一樣!雖然另外又有一只小杯放置一束小黃花，但要知餐廳所在的地方只是商場內open的位置，佔地亦不多，其他遊人在近距離不斷經過，完全get不到優雅的點。在經濟亦未完全復甦的情況下，餐點性價比低，並不吸引。…查看更多

我同朋友兩個人口痕好耐冇食甜品 又想搵個位坐低吹吓水 所以就嚟咗呢間試啦🙆🏻‍♀️我揀左京都宇治抹茶mix原味雪糕兩樣嘢撈埋就啱啱好唔會太甜喺雪糕下面會有一層脆口 有啲似cereal嘅餅底？雪糕同埋餅底一齊食 個口感冇咁單調 都係一個幾細心嘅位在場環境都算幾舒適 雖然朗豪坊都幾多人 過亦都因為咁 就算你係自己一個人嚟食 都唔會覺得好悶！同時亦都好啱約埋幾個friend一齊坐喺度慢慢食吹水～下次再試吓佢其他嘢食先推介！…查看更多

適逢朋友生日 可惜疫情下都無乜特別慶祝活動食完飯就去朗豪坊閒逛下順手坐底左食甜品😬🥰白玉餡蜜芭菲 🍧 $58雪糕質地好滑 好柔軟 抹茶味好香濃又一啲都無苦澀味道我最怕抹茶味既製品一陣苦味除左雪糕本人🍦仲有配料都幾出色紅豆食落口好綿密 熟度岩岩好一粒粒既白玉好煙韌 好有咬口🤩伯爵茶戚風蛋糕 🎂 $88 當日朋友生日突登叫左個蛋糕try try😜點知又surprise到我啵！蛋糕本體好鬆軟😍淡淡伯爵茶香 忌廉充滿奶香味唔會太甜⋯完全系我杯茶🥰👍🏼下次再試埋佢地其他味道既蛋糕…查看更多

同朋友行街攰攰地，經過呢間餐廳，入去同朋友食個下午茶，朋友點了個蜜瓜蛋糕及凍鮮奶，我本身只想點花茶，但收銀姐姐話叫埋蛋糕抵啲，70幾蚊有埋蛋糕，所以我就叫埋蜜瓜蛋糕，不過因為唔肚餓，所以蛋糕叫左外賣（收銀姐姐好好，俾我件蛋糕放係雪櫃，臨走先攞返，好細心）。入去餐廳坐前，要自行登記安心出行資料，量體溫洗手，跟住要自己搵位坐，然後放個號碼牌係餐枱等人送餐黎。大約等左5分鐘已經有野食，朋友話件蛋糕好好味，蜜瓜夠甜，蛋糕鬆軟，凍牛奶加了些焦糖，朋友話飲落去似凍咖啡。至於我杯花茶，用左個靚靚茶壺上，茶夠熱但茶味唔夠濃，整體環境唔錯，適合下午茶同朋友坐低傾下計既好地方。…查看更多