hygge

之前知道有間位於將軍澳幾出名嘅pizza但嫌太遠冇去 好彩開左分店 就去到近D嘅大角咀🥺附近一帶都係好出名嘅餐廳勁想慢慢打卡曬！呢間環境好大 門口白色簡約入面就小清新木系風 空間感好大 坐得都好舒服！mark定左D必食 好彩都差唔多試到曬😗而且 坐係廚房門口正對個邊真係好香 係勁想下一碟送來我地度🥺🍝香煎手工薯團配青醬💰158呢個就係bookmark左勁耐的薯團！gnocchi係好多義大利餐廳都少見 但之前係澳洲食過幾次已經愛上了首先賣相好靚 薯團煎到金黃色 上面有刨成薄快嘅芝士同椰菜花 經過香煎全部都散發著香氣薯團煎得比較硬身 入面芝士味唔算好突出 加青醬味道強烈D 但個人鍾意比較淋芝士比例較高嘅薯團🍕燈籠腸布拉塔芝士薄餅💰198食唔到金文畢芝士覺得呢個都算吸引賣相有D似fiata嘅大氣孔pizza 不過唔係燶邊 餅底會乾身D 但我鍾意咁有咬口上面嘅mortadella薄切好好味！兜住burrata其實又冇話好漏 加埋開心果可能會有小小😂整體都幾好 但會想試下晉文畢芝士或者茄汁底多D🧁三重芝士梳乎厘💰138呢個真係是日最佳 睇個名係咪好似甜品呢 其實係antipasti中間係梳乎厘（鹹版）加埋芝士隔離圍住嘅就係菠菜同埋椰菜花 呢兩樣絕對係溝芝士最好味嘅蔬菜！整體就係非常融洽 好好味😭整體來講坐得好舒服同埋野食真係高質好食好香 色香味俱全 但我地冇book所以要1個鐘內食曬 都夠時間的如果真係想同frd 聚會耐D可以book定先！…Read More

Hygge一直都喺我既收藏名單入面，不過將軍澳對我來說實在是一東一西，所以遲遲未去😮‍💨最近得知在大角咀開了分店，便立刻訂座一家三口試試看(✌︎˙˘˙✌︎)🌟金文畢烤豬肉卷薄餅 $188薄餅是這裡招牌之一，果然名不虛傳❣️餅底外脆內軟，帶少許燶邊，邊皮非常鬆軟有彈性，可以媲比Fiata( •̀∀•́ )✧ 小屁孩扭哂計要食埋一份，比左D麵包邊佢食到lam lam脷😋餡料有：邪惡又大粒的厚角切芝士，芝味濃郁又順滑；烤豬肉卷鹹鹹香香，鹹度恰到好處又可以食到肉香，推介.ᐟ.ᐟ🌟拿波里水煮魚(兩位用) $338南義風味的水煮魚講求海鮮的原汁原味，清爽又無負擔，是我一直很想試的菜式之一🤤兩大塊鱸魚扒的魚皮煎至金黃色，入口脆卜卜；啖啖肉，嫩滑無骨，不愛吃魚的老公也讚好👍🏻小屁孩仲捉住我隻手追住食😌除了鱸魚，還加入無沙、鮮甜滑溜的沙白，令湯汁充滿海鮮的香甜，同時又帶點Tabasco的微微辣🌶️伴菜有：洋蔥、蕃茄、酸豆、茴香、甜椒等，酸酸甜甜的開胃又惹味，讓人忍不住用蒜蓉包沾著吃得乾乾淨淨ჱ̒⸝⸝•̀֊•́⸝⸝)🌟香煎油蒜大頭蝦 $188以油蒜煎香的大頭蝦，端上枱時香噴噴的，份量也不欺趁，有七大隻🦐雖然肉身稍為唔夠爽彈，不過滿滿的蝦膏搭救！同樣提供外脆內軟的蒜蓉包，沾上蝦頭油邪惡又美味(•̀⤙•́ )⭐️香煎手工薯糰伴青醬 $158初嚐薯糰的我表示口感很有趣，軟糯得來不會肉麻糬般太軟黏，煎香了外皮也更加外脆內軟。伴碟的琥珀合桃和椰菜花也很入味，可以一試( ˃̶͈◡ ˂̶͈ )🌟抹茶牛奶 $50老公點了一杯凍的抹茶牛奶，偷嚐了一口意想不到抹茶味也很濃郁，入口順滑🍵/是次晚餐是遲來的補祝母親節，兩大一細加一後合共消費$1014；未來前捱餓的大老闆不斷恐嚇我唔好味就嬲嬲豬，幸好埋單後也表示十分滿意🥰餐廳十分BB friendly，提供兒童餐具，職員也很用心地幫我們影了很多張大合照，誠意推介🫶🏻而且我們都一致認同有下次🙂‍↕️…Read More

We came here during their soft opening, and it was a busy night. Having an overdue gathering, we went overboard ordering everything from the menu. The interiors were relaxing, although a little noisy, seatings were spacious and great for big-scale reunions. My personal favourites were the Camembert cheese & ham pizza, the base was baked in Italian Naples style and was chewy. You should also try their savoury soufflé baked with a trio of cheese, and spinach. This dish was a winner, tasted rich, cheesy and unique. My friends gave high commendation to the squid ink pasta with a very tender octopus tentacle. The braised beef pumpkin risotto lacked pumpkin flavour, but came with a bone marrow, it was a nice touch. We sampled the fruity shakes, which were served in small glasses. Wish they were larger. Desserts were crepes, which batter were layered and cooked in medium thickness. Both flavours were good, it could be more “French” if they made the crepes a little thinner. …Read More

見到好多Foodie介紹，被吸引咗去試。門口有隻水豚好得意而家平日夜晚都滿座做到兩round，係犀利嘅。店內裝修都幾舒服，唔算太迫，但唔知點解都有少少嘈嘈，要講嘢大聲先聽到朋友講乜。抹茶latte，飲落去抹茶味都係高級嘅，不過唔夠濃。朋友叫咗莓莓奶昔，賣相好靚，不過我就冇試飲啦。是日餐湯係蘑菇湯，呢個係全晚最差，冇乜味，然後有啲好似栗子味，少少奇怪。另外，只係叫咗一碗湯，碗湯嚟到好大碗，問店員拎個碗仔諗住分一半俾朋友，店員應該聽唔清楚就拎咗隻碟嚟，我哋係想要碗，佢話冇，咁我哋就話碟就唔使啦，然後佢本身好好笑容突然黑面好串話咁其實你哋係想點啫。。。。 白酒青口500g，望落個份量其實就OK嘅，但因為啲青口殼好大但肉超細粒，食落就真係得好少，味道正常冇乜特別，有配一碟包。金文畢烤豬肉卷Pizza，喺IG上好多人食同介紹，都真係唔錯，餅皮煙靭，豬肉份量都OK，每塊都有一嚿芝士，上面都好多火箭菜，整體好食，不過同意粉相比就冇乜驚喜。海鮮水管麵，個汁係類似龍蝦汁都幾濃，意粉同海鮮一比一，份量係比較細，但味道真係高質有驚喜，只係個水管面硬咗少少，但整體嚟講好好味。餐牌上好多嘢都冇供應，佢之前最好睇吓佢網上book位系統個餐牌。食物總體而言都唔錯，本身諗住試食煎薯糰先揀呢間餐廳，但最後冇叫到。然後食到好飽冇叫甜品，但咁樣食已經人均4xx喇，好食嘅，但係大角咀嚟講有啲貴。職員整體都有禮貌友善，係問攞碗嗰度無啦啦黑面，但佢之後都正常。…Read More

睇店舖社交平台自介得知 原來Pizza Dough係同本地麵包店「品穀」麵包師共同研發👨🏻‍🍳試咗兩款Pizza覺得好食到要回訪！Pizza Dough外脆內煙韌 批底薄得嚟夠承托力 有好多麵粉 所以焗完出嚟擺咗陣仲脆批邊發酵充足 越嚼越香✨Margarita🍅味道簡單 酸酸甜甜煙韌嘅水牛芝士同批底口感好夾Porchetta & Camembert🥓比較重口味底部鋪滿烤豬肉片 有啲鹹 但可接受每塊Pizza都有一嚿金文畢芝士 食完勁滿足🤩餐廳內部開揚 空間感充足 好啱朋友聚會！不過大家一齊傾計 環境噪音水平偏高如果可以裝啲吸音設備就傾得更舒服喇😆評分💫：味道：4/5環境：3/5價錢：3.5/5…Read More

呢間係將軍澳個陣已經好出名 但位置對我嚟講實在太遠了 前排係大角咀開咗分店咁方便 終於可以試試︎︎◝✩ 開心果可麗餅| $88好好食ദ്ദി -᷅ ·̫ -᷄ )✧︎topping有大量開心果醬同杏仁片 餅皮有小小厚度 口感軟韌 開心果味都幾香濃 建議連埋cream同紅莓醬一齊食 味道更豐富(紅莓醬醮好少都夠 因為都幾搶味/•᷅•᷄\୭◝✩ All Day Breakfast | $158份量相當澎湃嘅ADB 即叫即整熱辣辣很好.ᐟ.ᐟ但個主角frittata太鹹 食到一半都真係頂唔緊了(唔知係咁啱今次廚師重手咗定不嬲都係偏重口味⸝⸝⸝°ヮ°⸝⸝⸝鴨胸味道正常 蕃茄仔toast係最好食ꉂꉂ🤣Crepe真係幾出色 ABD試一次就夠ᵔ⤙ᵔ)餐廳樓底高 空間感頗大 窗口位自然光 影相靚靚⸝⸝⸝⸝⸝⸝♡員工服務態度超好又好禮貌 見我哋一袋二袋主動比個籃我哋放袋 又無間斷幫我哋refill水(呢點好加分🥺🫶🏻…Read More

水豚君的可愛招牌Logo十分吸睛👀✨店舖裝潢以米白木系為主🤍💛暖光吊燈, 打造溫和氛圍🕯️✿金文畢烤豬肉卷薄餅Pizza批邊發酵得鬆軟得來有嚼口,亦帶焦脹微脆的口感👅味道相對純粹倚靠原材料的味道⚪️明顯吃到餅皮的麵粉香🍕同時有豬肉片的油脂鹹香🥓及一嚿嚿慷慨的金文畢芝士的奶香🤍✿蟹肉三文魚籽藏紅花意粉 意粉醬汁creamy掛汁 🍝蟹黃鮮味比相像中濃重❕三文魚籽新鮮不腥😛味道不差但cafe來講偏貴🙂‍↕️✿香煎手工薯糰配青醬終於吃到薯糰仔😃表皮煎得帶微微脆口👅入口偏向重粉感,煙靭感反而唔太強🤨伴碟有椰菜花,芝士片及青醬🤓份量不多😶‍🌫️整體頗為失望🫠✿蜜汁醬雞翼
黏杰蜜汁醬均勻分布🍯單骨雞翼不失脆度,惹味香口🤪除左偏向瘦削之外,是無可挑剔的🙃
金文畢烤豬肉卷薄餅$𝟭𝟴𝟴蟹肉三文魚籽藏紅花意粉 $𝟮𝟮𝟴香煎手工薯糰伴青醬$𝟭𝟱𝟴蜜汁醬雞翼 $𝟴𝟴（❁ 設有加一服務費）…Read More

大角咀新開高質小餐館🍽️New Restaurant Alert🚨✨明明新開個陣去 點知拖到依家先出post🤪 今次想介紹呢間大角咀新開嘅小餐館😋 佢本身係將軍澳向來都好出名 不過實在太遠 所以一直都未去🥲 佢5月開始係大角咀開設新店 新店位於奧海城、滙豐銀行中心附近👍🏻 店內以奶油色系、木系裝修 營造明亮、溫暖嘅感覺🥰.佢主打手工Pizza、Crepe😋 Pizza有8款選擇 價錢$138-$198不等🤪 除左Pizza 主食仲有Pasta、Risotto、三黃雞等👍🏻 甜品方面 主打嘅Crepe有5款味道 包括Baileys Chocolate、開心果、海鹽焦糖等😍🔹香煎手工薯團伴青醬🥔推介❤️ 佢其中一款Signature Dish 果然冇令我失望😍 佢嘅薯團外脆內軟 口感煙韌 好好食😋 連埋椰菜花、核桃等其他配料食 口感更加豐富👍🏻 唯獨係略嫌份量可以再多少少🤪🔹香煎八爪魚墨汁意粉🍝推介❤️ 墨汁意粉好鮮味 口感唔會好漿口👍🏻 八爪魚亦煎得剛剛好 口感嫩口😋🔹Hygge’s開心果可麗餅🥞Crepe夠薄身 口感香軟😋 中間、淋面都有大量開心果醬 開心果味突出😍🔹花生醬脆脆煙肉奶昔🥜推介❤️ 好特別嘅奶昔 但估唔到又幾好飲🤪 花生醬味好濃 Feel到好足料 但飲落唔會好杰身、好漏😋 將上面片脆脆煙肉淋埋落奶昔度 會有少少鹹香 味道更加特別👍🏻.整體✨ 呢間小餐館本身係將軍澳已經好出名 最近係大角咀開設分店 位置更加方便👍🏻 新店環境明亮、溫暖 食物整體都好高質 不過略嫌價錢偏貴🤪 特別推介手工薯團、Crepe😋hygge (大角咀)大角咀博文街28號地舖…Read More

Hygge 大角咀嘅木門，簡約木系裝修加上柔和燈光，真係有種置身丹麥小咖啡館嘅感覺。不過，今次最驚喜嘅唔止係食物，而係 超Nice、超Talkative嘅經理，成個用餐體驗即刻升呢 食物：意式手工青醬薯團 我最愛❤️並非一般軟糯薯團，而係帶微微煙韌感，咬落去薯仔香氣濃郁，配上自家製 羅勒青醬，醬汁香濃但唔會過膩，每一粒薯團都完美掛汁，入口層次豐富。 薯團質感：比起傳統Gnocchi更彈牙，唔會一夾就散，證明師傅手勢夠好！ 青醬特色：採用新鮮羅勒同松子打成，帶少許堅果香，唔會太油膩，適合香港人口味。 配料加分：灑上烤香嘅松子同巴馬臣芝士碎，增添口感同鹹香。 美中不足：如果青醬可以再多啲，讓薯團更濕潤就完美！ 重點讚揚：經理服務超貼心👍🏻我哋掛住影相個薯團凍咗佢都換過個新嘅俾我哋真係有用心跟進每一台服務今次最難忘嘅，絕對係經理嘅服務態度！佢唔似一般餐廳Staff咁公式化，而係真係好Enjoy同客人傾偈，成個過程好自然，完全唔會Hard Sell。我哋問佢餐廳名「Hygge」點解，佢仲好有Heart咁解釋：「Hygge係丹麥文，代表溫暖、舒適嘅感覺，我哋就想俾客人咁嘅體驗。」——真係做到啦！ 佢哋暫時仲未有酒牌 ，經理同我講話佢係一個好鍾意飲酒嘅人，遲啲等佢有酒牌我一定會過去同佢飲番幾杯😉不過整體個場唔太適合傾偈 因為樓底太高空間太大有點嘈，希望改善呢個問題就更加完美總結：食物+人情味=必回頭！食物有水準，但 經理嘅熱情同細心先係最大加分位，成個體驗好Relaxing，完全符合「Hygge」嘅精神。如果你鍾意同人傾偈、享受慢活氛圍，呢度絕對係大角咀隱藏好去處！ 備註：週末較多人，建議預早少少去，順便同經理吹下水！ …Read More

好似好多交平台都介紹過Hygge嘅將軍澳分店，依家大角咀都有分店啦⸝⸝‪⸝♡✩⡱燈籠腸布拉塔芝士薄餅🍕 $198芝士上面加咗青醬（pesto），味道幾特別，青醬帶少少清新嘅香氣，中和咗芝士嘅濃郁感，整體味道唔錯～但切嘅時候火腿成日跌落嚟，有啲麻煩😂 外皮比較厚，中間餡料偏薄，唔算重口味，食落去感覺唔會太膩，但口感未做到好鬆軟，唔似預期中咁出色₍ᐢ･֊･ᐢ₎✩⡱海鹽焦糖可麗餅🥞 +$30鹹鹹甜甜嘅味道，crepe偏厚⋆˚ʚɞ 無咗應有嘅輕盈感୨୧ 大角咀分店嘅環境真係幾唔錯，樓底高，裝修簡約有質感，陽光透過玻璃窗射入嚟，感覺舒適又chill。座位間隔唔算太密，周圍都有綠植點綴，氛圍幾適合約朋友慢慢傾計或者自己坐低hea下˖ ࣪⊹唔知將軍澳嗰間會好食啲呢?🤣…Read More

見新開試一下 :(有點失望環境明顯極簡約 燈光效果還行 人不多服務還行兩個人點了瑪格麗Pizza 138$ 眼睇6-8吋左右 新鮮整 但味道 冇咩特別 蜜汁雞翼 88$ 單骨 食用都方便 味道尚可 但量不多 計埋可能得4-5隻美式咖啡 38$量比較細 味道正常搽茶奶昔 68$量比較細杯 好睇唔好味 只喝了兩口 而且根本就不算奶昔 都是豆子大的小冰粒 連冰沙都算不上 一言難盡……………………………………..…..總結 適合拍照打卡聊天 論食物及性價比就比較底 仲要+1 唔會再去 平常都很少會評價 不過感覺有點中伏 …Read More

2025.08.02早前食過將軍澳既 @hygge_pizza_crepe 高水準的食物一直令我念念不忘經過上次知道佢地成日都好 full 於是一早book定今晚再戰新開既大角咀分店新店外觀好靚 一整排大玻璃窗配暗黃燈 帶點歐陸感 係寧靜既大角咀街道上顯得好搶眼準時 8 點去到 座位一早已準備好 全餐廳都滿座新店跟舊店一樣走簡潔木系風 但比舊店大大約一倍 空間寬敞好多感覺舒適自在金文畢烤豬肉卷薄餅蟹肉三文魚籽藏紅花意粉Chocolate smoothie金文畢烤豬肉卷薄餅薄餅上枱熱辣辣 薄餅上鋪滿大大舊半溶既金文畢芝士每件都有拉不斷既芝士拉絲效果樣子帶點邪惡但又非常吸引 😆餅底依舊是 @hygge_pizza_crepe 做得好出色的酸種包 就算放涼左都依然鬆軟有彈性 配上新鮮火箭菜減低芝士既油膩感整個薄餅咸咸香香好惹味！蟹肉三文魚籽藏紅花意粉意粉卷得好靚！一上枱見到嗰刻真係忍不住讚好靚！蟹肉份量唔算多 但意粉汁唔係一般忌廉汁 估計係用蟹或蝦類煮製出黎 非常濃味亦帶鮮味 撈埋意粉一齊食真係令人垂涎三尺！兩間 Hygge 都食過 兩間水準都一樣高不分上下 以本土餐廳出品黎講 Pizza 真的做得非常出色 Hygge 亦已成為我心目中最好食既 cafe Top 3 之一！…Read More

約了朋友於7月31日（四）到hygee大角咀聚餐，於是於星期一親身到店做booking。我在做booking時睇住嗰職員畫左嗰角位（比較靜）比我哋，怎料當晚去到，職員話無留角位，並且「要聽吓之前的錄音來證實我booking時係有咁要求角落位置」。之後安排我們坐在中間位置，傾計都聽唔得清楚，因為很嘈。期間睇到侍應一邊做事一邊食麵包和飲水，另外一侍應也是一樣。當天7:30pm我和朋友們要進入餐廳時，發覺大門的門較door knob沒有了。也沒有職員在旁企喺度，於是嘗試開門不果。後來職員過來把門鎖開了之後才把門打開。原來因為有人掟嘢，職員於是決定把門較door knob 拆掉，之後把門鎖上:(…Read More

見推好吸引+新開張就嚟試！奧運站出行大概5-10分鐘就到，可愛水豚logo好顯眼星期日嚟最好有booking，1點零鐘嚟到，已經接近八成滿座，Walk in都要等幾耐下1. 自家製煙燻牛肉酸種多士 $138呢份Toast係超級好食，煙燻牛肉唔會死鹹，肉味鹹香，多士有牛油煎過、外脆內煙韌鬆熟，仲有沙律菜平衡返，又有少少辣椒spice up ，又唔覺油膩，食完好滿足整體非常好味，食完想再食～由於已經食咗麵包，所以冇order到呢間餐廳都出名嘅pizza，留返下次再試2. 潮式鮑魚意大利飯 $168Rissoto煮得啱啱好，米粒有嗰種我形容為生米熟米之間嘅口感🤣，個汁非常Creamy又夠香口；鮑魚就不過不失，煎短少少時間可以再嫩口啲（稍熟），份量2個人share都算合適，食完有飽腹感3. 飲品凍黑咖啡，烘焙味重，帶少少酸熱焦糖鮮奶咖啡，拉花好靚，有奶平衡返，所以冇感覺咁酸，都幾好飲揸車的話，附近都有唔少停車場泊車，好彩就泊到咪錶位，不過都要預兜嘅個圈搵位整體食物質素算高質，都會想再嚟試其他嘢食訂位Link …Read More

Hygge價錢: $88/ $188/ $168/ $68好味程度: 4.3/5服務🍴: 4/5 環境🗾: 4/5性價比🥢: 3.7/5回頭率😚: 4.3/5-大角嘴早排的人氣cafe一定係hygge! 佢哋係將軍澳的時候都試過一次，好食好食，係將軍澳有呢類型小店更加難得。開到來大角嘴今次的裝修一樣走木系，但外面已經好靚！仲有佢地的招牌水豚。呢到menu一樣有手工pizza、risotto、小食，crepe甜品等。-✅蜜汁醬雞翼。原本好怕佢係俾cp雞翼我，佢哋嘅醬汁係自家製調配，幾有誠意。雞翼炸得香脆，雖然叫蜜汁，但佢酸甜酸甜微辣，有啲青檸調味，感覺似泰式😬-✅✅金文畢烤豬肉卷薄餅。超好食嘅pizza！pizza餅底鬆軟有嚼頭，邊邊位烘得香脆而有麵粉香，見到脹卜卜嘅邊位就知呢個Pizza合格。每一塊入面都有一嚿金文畢芝士，好慷慨🥰芝士鹹香味道唔會過分重，又有濃濃的奶香。意大利烤豬肉腸，都大大塊，比起芝士更鹹香，所以成個Pizza都比較重味😆配面頭嘅苦澀火箭菜中和一下，竟然又唔會太鹹！-✅✅潮式鮑魚意大利飯。超有趣而幾好食的一個味道😦佢哋好似將潮州蠔仔粥嘅味道變成risotto咁，底味鹹鮮，帶啲大地魚、櫻花蝦同冬菇味。每粒飯都索滿鮮味。以面頭嘅鮑魚香煎過，口感彈牙而唔煙韌，好食🤤-✅花生醬煙肉奶昔。係經典嘅配搭阿！最愛花生醬的我我當然會鍾意😋加咗煙肉多左陣鹹香，鹹甜鹹甜！個base就主要係🍌味同花生醬味道，兩者味道幾平均，不過朱古力就唔係好覺。-仍然係好食的cafe啊🥹可惜當日八點幾就無曬薯糰，傷心死了，即係一定要再去啦！…Read More