Hosea

營業中

休息中

一直以為九龍城淨係得泰國菜，原來都有出色既西餐廳！依間距離宋皇臺港鐵站亦相當近，B2出口步行5分鐘就到。餐廳既裝潢純尚簡潔，一入到去已經有一種舒服既感覺。而食物價錢都收費合理。今次同屋企人就叫咗兩個套餐，每個套餐都會包沙律／湯，一個主食，同埋一杯飲品。是日沙律生菜薯仔沙律，食落非常清甜開胃，食材新鮮是日餐湯 （薯仔湯）薯仔湯睇落賣相都唔差，味道濃郁，讚讚👍香焗英國嫩豬柳伴焦糖菠蘿 $158呢個英國豬柳煎得相當唔錯，外表煎到金黃色 微脆，又唔會太過焦。而且好大塊，份量純對足夠，配上燒菠蘿，有些甜味陪襯，味道很好，唔會太膩。炸薯角亦是即刻炸，非常新鮮！香烤紐西蘭肉眼扒，是日時蔬 $188肉眼扒好厚好大塊，而脂肪分佈均勻。👍👍烤完之後，睇落有啲焦，但食落都有肉針，唔太乾。絕對對得起呢個價🤭👍追加 藍莓芝士蛋糕 $38芝士蛋糕擺盤靚，有士多啤梨同埋藍莓，cream作裝飾。食落都充滿芝士味，二個人加一份就好足夠✅青蘋果冰茶 x2好清新既感覺，會令人一飲想再飲，食得多肉，飲返一啖蘋果茶絕對可以解膩！

位於九龍城嘅木系cafe，食過一兩次㗎喇，印象中係好食先再回訪~前菜係蕃茄湯或者薯仔沙律，個湯幾好飲，濃厚杰身creamy~🔘菠菜芝士雲吞配螺絲粉 無論廣東雲吞定意大利雲吞我都鍾意食，菠菜芝士雲吞有香濃芝士味，好似都有四至五隻，螺絲粉唔會煮到腍晒，口感啱啱好~🔘雙層芝士魚柳包配薯條麵包輕輕烘過，本來以為只有芝士係打孖嚟，原來魚柳都打孖上，非常好，加上生菜同他他醬汁，薯條同個包嘅味道都符合預期~ 今次嚟係好想食返上次冇食到嘅甜品，上枱賣相兩款都幾靚~🔘芒果拿破崙拿破崙的酥皮夠脆，加入香滑嘅吉士醬同鮮甜芒果，口感豐富，好快被我哋K.O.~🔘 Broken Tiramisu朋友最愛嘅甜品，手指餅唔會過濕，忌廉幼滑帶點咖啡香同酒香，甜品幾有驚喜兩款都好味，下次嚟想試埋其他甜品~

多數人都會去九龍城食泰國菜，就會完全忽略咗其他既菜，但其實嗰度除咗有高質既泰國菜之外，都有好多高質唔同國家既餐廳。經過比呢間餐廳落地玻璃後面既簡約風設計吸引住，唔只有普通枱既選擇，更加有高台既選擇可以坐，好適合一大班朋友或者一兩個人自己嚟都得，坐低整體感覺好舒服，亦有少少屋企既感覺添。佢單點有唔少既選擇，而計落我最終選擇要精選套餐好似正啲。。套餐前菜 - 沙律 & 餐湯沙律正常發揮，食落好fresh 餐湯係忌廉蘑菇湯，蘑菇湯好足料，而且忌廉好夠，整體成個湯好滑身。。香烤紐西蘭肉眼扒 ($118) 尼到已經嗅好香，牛扒唔單止好厚、好大塊之外，睇落表面既油脂都好夠。叫咗五成熟，切開果然做到呢個效果，食起嚟個牛唔止充滿油脂，亦好有牛味，更加感覺好Juicy👍🏻旁邊既薯菜亦炒得好好食。菠菜芝士雲吞配螺絲粉 ($118) 菠菜芝士雲吞份量好多，有六大隻，而且每隻裏面都充滿着好多既菠菜芝士蓉，真係皮薄餡靚。螺絲粉都唔輸蝕，口感彈牙之外，忌廉芝士都好掛汁，整體口感好豐富。Dessert 。 芒果拿破崙(+$58) 芒果切到一片片鋪係拿破崙上面，外型好有夏威夷風格，本身擔心芒果果肉比較淡黃色有機會酸，

九龍城都有唔少西餐，未試過呢間，見佢裝修都幾精緻俾佢吸引咗入去。有二人餐或者係一人餐，二人餐其實非常抵食，但奈何食唔到太多怕浪費，就同朋友一人一個餐share。精選沙律沙律唔係普通嘅雜菜沙律，係有腸仔，又有長通粉嘅沙律，份量都唔少。餐湯今日餐湯係薯仔忌廉湯，好creamy。$178 香煎三文魚柳伴蝦刁草忌廉汁虎蝦非常之鮮甜，有手掌咁長，蝦肉彈牙，仲有食到蝦膏添。香蕉三文魚份量都幾大件，唔會覺得腥，煎得啱啱好，唔會老。仲配咗薯蓉，口感綿滑。$188 香烤新西蘭肉眼排 5 成熟肉眼份量唔細，冇諗過咁大塊，煎得啱啱好，少少焦香，肉質鮮嫩。炸薯角外脆內嫩，呢個價錢勁抵食。青蘋果冰茶朋友話青蘋果味都濃郁。水蜜桃冰茶好Fresh，唔會過甜。唔需要加錢好抵🥳。

🔶 吞拿魚沙律螺絲粉 以為沙律都係得少少菜，但佢有吞拿魚同螺絲粉，以沙律而言都幾有誠意🔶 是日餐湯 忌廉湯上到熱熱的，唔算好濃，配埋忌廉好creamy，正正常常🔶 香烤紐西蘭肉眼扒伴薯菜 $188肉眼扒七成熟，個樣睇落普普通通，但食落都有肉汁，外表微焦唔會太乾牛扒份量都足夠，對得住價錢，OK的~另外薯角都幾大舊，香香脆脆，加埋少少蔬菜增加清新感🔶 大蝦配龍蝦汁意粉 $178香煎鮮蝦肉質有口感，龍蝦汁不會過咸，濃稠度剛剛好幾惹味，係冇伏之選🔶雪糕窩夫上枱時窩夫又熱又脆，配埋雪糕又熱又凍咁食好滿足🔹環境簡約風，黃光調，令人好放鬆，環境舒適又坐得舒服，特別鍾意D店員親切友好，服務周到，而且因為人流唔多，所以我walk in都有位，可以慢慢坐低同朋友傾計

九龍城除咗有泰國菜食之外，都有唔同Cafe今日就同朋友去左Hosea 食飯, 餐廳環境舒服簡約我哋就叫咗2個精選套餐, 套餐包左沙律/餐湯蟹柳粟米沙律, 配以沙律醋, 酸酸甜甜, 好開胃餐湯係白菌忌廉湯, 入口非常幼滑😋主食就揀左忌廉藍青口扁意粉青口上面鋪滿忌廉, 除咗更加香滑之外, 仲好鮮甜香煎三文魚柳伴帶子配忌廉汁三文魚煎得啱啱好, 外皮煎香左, 下面配埋薯蓉, 細膩幼滑餐飲就揀1杯水蜜桃冰茶同1杯青蘋果冰茶水蜜桃果味香濃, 飲落清新,青蘋果就比較酸, 配埋冰茶唔會好甜我仲追加左芒果芝士蛋糕, 芝士幼滑香濃, 芒果味幾出, 配埋一齊唔會好膩👍

九龍城美食林立，本來想找個泊車位再慢慢揀餐廳，機緣巧合下福佬村道附近正有位泊車，眼前被這間木系裝修的西餐廳吸引，有別於一般餐廳,大門入口竟然一大塊實木，需要按下自動門禁才能打開進入，很有格調。我們點了2人分享套餐，薯仔餐湯及粟米蟹柳沙律都幾清新。燴藍青口忌廉汁，青口大大隻又嫩滑，配上忌廉汁好好味！煙三文魚牛油果薄餅，選用新鮮牛油果，煙三文魚整成一朵朵玫瑰花於薄餅上面，好有誠意！黑松露雜菌意大利飯，將金菇炸成一朵花型，非常吸晴，而意大利飯硬度正合我心意！飲品方面，有不同的冰茶口味，我們選了水蜜桃及青蘋果味，甜度適中！這裏環境不錯，坐得幾舒服，職員招呼友善，很享受的一餐！

母親大人生日 🎂所以安排左在屋企附近一間文青cafe 同佢慶一慶祝下☺️ 入到餐廳已覺得好舒服 十分欣賞佢呢個咁簡潔無印風既裝橫 🪟🪴我地就每人叫左一份精選套餐 然後share☺️是日餐湯係 忌廉薯仔湯😗 啲薯仔🥔blend 得好幼細 👍味道剛好 至於沙律🥗就是蟹柳粟米沙律🌽 加埋啲沙律醋好開胃😄主菜方面 我哋叫左 野菌菠菜千層麵 👍個千層麵新鮮熱辣出爐😄 濃濃既芝士鋪在面 有拉絲既效果🫕🧀個千層麵都有成5-6層 食完都幾飽肚🤭 同埋野菌菠菜也蠻多的 鋪在千層麵幾均勻🥹 另一個主菜則是 香煎三文魚柳伴蝦刁草忌廉汁🐠🦐 三文魚煎得幾好 👍幾厚肉同埋鎖汁 而個蝦的確幾大份 😄 配埋薯蓉 媽子很滿意生日又點少得甜品呢 我地仲追加左半份waffles 配朱古力雪糕🍫一人一舊窩夫🧇剛好 個朱古力雪糕很出色！夾雜住啲朱古力碎 🤭 推介！而飲品我地一人一杯 呀媽飲左咖啡 ☕️ 可以自行加奶 而我就飲左熱蜂蜜柚子茶 😗另外還大讚呢到啲員工服務 十分周到跟友善👍

九龍城除左泰菜之外，仲有好多cafe。呢間位於九龍城嘅cafe充滿簡約日系風，給人一種完全無壓迫感嘅氛圍。二人套餐真係好抵，只係$380，有齊小食、Pizza和意粉。蕃茄忌廉湯濃濃嘅蕃茄味，作為前菜湯品，非常開胃小食要左英式炸魚薯條，份量十分豐盛，炸得夠香脆，完全唔油膩。令人驚喜嘅係，呢種條狀魚柳嘅質感一啲都唔鞋薯條炸得酥脆可口，中間仲有薯蓉口感外酥內軟，絕對令人食唔停口❤️西西里辣肉腸披薩非常出色。熱融嘅芝士同辣肉腸、蕃茄醬融為一體，餅底非常符合我口味，薄而酥脆，勁回味拿破崙意粉係經典義大利麵食，意粉煮得淋左少少，不過配料搭配得恰到好處，每一啖都充滿著濃郁嘅味道❤️

7點約咗個friend去九龍城Hosea. 我從太子行去九龍城，天色暗，冇風有微雨,去到餐廳，人覺又熱又攰,先來支Stella Artois.爽爽。喜歡這裡木色簡約環境，樓底高，氣氛舒適，聊天好地方。薯仔菠蘿蔬菜沙律，清爽，好味，微酸微甜,原來同凍啤幾夾。雜菜湯，蕃茄西芹香草，暖胃開胃又好味。雙層芝士魚柳漢堡配薯條，濃香芝士味，魚柳香嫩，不錯，薯條新鮮好味。香烤西冷肉眼扒配薯角雜菜,肉眼扒,5成熟,肉質鮮嫩,保持水準.一口菜一口肉,吃來不會有過肥過飽感覺.可惜,有下一場宵夜.留返下次試甜品.

九龍城不嬲都多各國嘅美食，係吃貨必去，最近去咗呢間西式餐廳，整間餐廳嘅氛圍好舒適，裝潢簡潔而有品味，不錯不錯！👍🏼👍🏼三文魚牛油果Pizza 🍕 個底餅烤得香脆，口感好好。上面鋪滿咗新鮮嘅三文魚同熟透嘅牛油果，味道鮮美又滑順。三文魚嘅鮮味同牛油果嘅濃郁完美融合，加埋大量嘅濃郁芝士，口感非常好，真係啱晒我嘅胃口！法國燒春雞配薯菜個燒春雞燒得汁多肉嫩，每一啖都飽滿多汁。佢嘅外皮烤得香脆，內裡肉質鮮嫩多汁，同埋佢嘅調味料真係一絕，帶有微微嘅香料香氣，令燒春雞更加美味。配埋啲炸至金黃色嘅薯菜，脆脆嘅口感同燒春雞嘅鮮味相得益彰

Hosea • 九龍城九龍城呢間西式餐廳又係再一次幫襯，餐廳精選晚市套餐有5款主食選擇，另有2人同4人套餐，餐廳距離地鐵站5分鐘路程，環境唔錯，坐得舒服😋😋..✅ 香煎三文魚柳伴虎蝦·刁草忌廉汁 🐟 $178三文魚柳煎至外皮香脆，保留到肉汁，肉質嫩滑；虎蝦肉質爽彈，蝦味香濃；忌廉汁滑溜，奶香味幾濃，整體唔錯😙..✅ 香烤紐西蘭肉眼扒·是日時蔬 🐮 $188肉眼扒叫左七成熟，生熟程度可以，肉汁保留到，略帶少少油脂香。肉眼目測大約8安士，份量唔錯，另配有薯角，香脆惹味，幾好食👍🏼

環境清幽，幾舒服嘅感覺，最鐘意佢有大玻璃窗，可以望到室外環境，雖然係街景，如果中午黎陽光透入嚟都應該仲舒服簡簡單單叫咗個二人餐今日餐湯係🦞龍蝦湯🥄雜果沙律🥗燴藍青口忌廉汁味道又香又滑，藍青口,肉質鮮嫩又厚肉，好鮮味， 店員好細心上菜時已經預畀 一個桶仔畀我哋擺青口殼👍🏻煙三文魚🐟牛油果🥑pizza🍕初頭以為係簡簡單單嘅 牛油果醬 點知 係用新鮮牛油果配煙三文魚(仲整成一朵朵玫瑰花咁樣) 非常足料卡邦尼扁意粉🍝味道濃郁口感幼滑嘅芝士醬汁配上啖啖煙肉香味 濃而不膩 ... 加上餐廳用左扁意粉，掛晒所有的醬汁。朋友仔叫咗蜂蜜柚子茶而我就叫咗水蜜桃冰茶， 甜度啱啱好

忙裡偷閒，約左相識十數載既閨蜜食午餐，諗左好耐，最終決定黎試試呢間望上去好有文青風既cafe。午餐時段，餐廳未算好多食客，所以唔駛等位就可以直接入座。整間cafe以木系為裝修格調，非常有書卷味道。食物方面，餐廳冇提供午市套餐但有精選套餐以及2人分享套餐可以選擇。當然餐廳亦有供應其他散叫美食如：全日早餐，意大利粉，意大利飯，漢堡，薄餅甚至各式扒類。因為今次係食午餐既關係，我地選擇左精選套餐。沙律配香煎鮮蝦🦐配龍蝦汁扁意粉；蕃茄湯配香烤紐西蘭肉眼扒，是日時蔬。沙律配上意大利黑醋，非常開胃惹味！龍蝦汁配上扁意粉味道濃郁，鮮蝦🦐亦未常新鮮彈牙。尾尾再配上香濃咖啡，又係完美既一餐😋

🌟港鐵宋皇臺站B3出口 5分鐘路程🌟#九龍城美食 #香港美食 #宋皇臺美食🌟#小清新cafe #cafehopping #caffeineholic #coffeeholic 呢間都bookmark 左ge cafe 今日終於黎到啦 🤗🤗午後時間 唔係太多人Cafe 地方幾大 枱與枱之間闊落趁仲有精選套餐 就好快叫左🙆🏻‍♀️🙆🏻‍♀️🌼#蟹柳南瓜沙律- 黑醋味道同沙律好夾👍🏻👍🏻🌼#雙重芝士魚柳包配薯條- 有兩層唔同芝士 少少熔 好吸引 - 魚柳新鮮炸起 咬落去都熱辣辣🌼#香烤紐西蘭肉眼扒配時蔬- 肉眼扒 叫左七成熟 都好稔 又好juicy- 仲配埋脆薯角 🌼#芒果拿破侖- 芒果鮮甜 - 呢個拿破侖 層與層之間 有吉士 唔會太甜！👍🏻👍🏻跟餐飲品 叫左一杯齋啡 一杯latte 好飲👍🏻👍🏻