hoo韓國包車

營業中

休息中

約朋友尖沙咀食飯喺Open rice search到依間hoo 韓國包車幾特別就決定食依間！地理位置非常方便，喺厚福街藍馬商業大廈22樓入到去好似去左一另一個世界全場紅紅藍藍嘅霓虹燈，有feel得黎又唔會好暗牆身以大排檔閘口嘅佈置，有一邊啲係漫畫書架，有一邊擺放咗好多懷舊玩具公仔，以職員工作同廚房嘅位置都扮兩個舖位咁室內營造到室外大排檔嘅氣氛有趣有趣🤩食物方面，又好有誠意一坐低已經送上兩小碟前菜～泡菜同芽菜職員話可以再添🥰🇰🇷街頭魚糕串串 $146跟埋個爐上，keep住個温度魚糕又煙靭彈牙有口感蘿蔔都好甜👍🏻🇰🇷懷舊烤五花肉 $152有生菜同唔同嘅醬料、蒜片夾住塊五花肉要趁熱食，如果唔係個豬肉凍左就硬身難咬啲🇰🇷泡菜煎餅 $86好足料，真係佈滿大大塊泡菜喺每一個餅嘅範圍好似重有少少辣椒，所以都有啲辣🌶️🌶️🌶️

最近去咗尖沙咀人氣小店「韓國包車」掃街🇰🇷，完全係韓式街頭美食天堂！最驚喜係芝士泡菜煎蛋卷，熱辣辣一切開芝士瀑布大暴走🧀，泡菜微酸辣勁解膩，蛋皮煎得香滑，邪惡得嚟忍唔住連食三件！ 泡菜炒飯！鑊氣十足🔥，飯粒沾滿泡菜醬仲有焦香飯焦，加隻流心太陽蛋撈勻食超治癒～甜辣炸雞 。外皮脆到咔嚓聲，蜜糖辣醬甜辣平衡，咬開仲有肉汁爆出嚟，配啤酒肯定啱晒！ 最抵讚係街頭魚糕串串🍢，湯底用蘿蔔昆布熬超鮮甜，魚糕厚身又彈牙，飲啖湯再食串瞬間穿越明洞！ 飲品試咗荔枝梳打🍹，荔枝味清新唔假甜，氣泡勁足好解膩，仲有原粒荔枝肉咬下～ 今次食到捧住肚走，店內播住K-pop仲有霓虹燈牌打卡able📸，同friend聚餐啱晒！

餐廳裝潢完全複制韓國街頭的小攤檔，亦有復古的洗衣機、電錶等營造氣氛。推開大門，韓式風味已經撲鼻而來（因為抽風系統關係？總之99%還原街頭小攤的鬆弛感。(1) 街頭魚糕串串魚糕串串有4至5串，亦有飄浮的魚糕3大塊。魚糕口感比韓國街頭的更有厚度，但同樣彈口。(2) 傳說中的部隊鍋有大叫大系列（L），全份會附上兩個拉麵，亦會將拉麵對半折疊，方便置於澎湃多料的鍋中。材料有午餐肉、香腸、肉粒、泡菜、茄汁豆，以及洋蔥。如果味道太濃，可以叫店員加湯∼(3) 芝士泡菜煎蛋卷特別欣賞芝士咸香中和了泡菜的辣度，令整體變得甜甜酸酸。（相信茄汁都有功勞∼(4) 一雞兩味自選兩款口味：甜辣╱蜜糖牛油。「狗摸我∼」 「고마워~」

hoo韓國包車嘅裝修好有feel，「布帳馬車」路邊攤，感覺置身係韓國街頭一樣，唔會太過擁擠，係個舒服嘅地方適合同朋友傾計。火山熔岩辣牛肉湯鍋真係超夠味！湯底濃郁，辣得來唔會過頭，啲牛肉煮到啱啱好，肉質鮮嫩，而且湯底煮過啲菜同豆腐，入晒味，飲落去係一種滿足感爆棚嘅味道。芝士炮菜煎蛋卷，真係好吸引！啲蛋卷外層金黃，入面包住豐富嘅芝士同埋炒得香噴噴嘅泡菜，一咬開，芝士流心，超級有滋味，咸香同辣嘅味道非常搭，絕對係重口味嘅人嘅最愛！再嚟係佢哋嘅炸雞，外脆內嫩，唔油膩，炸得恰到好處，咬落去嘅時候啲肉質非常嫩滑，而且唔會太乾，配埋店嘅自製醬汁，真係味道爆炸。最後，當然唔少得一杯米酒，清甜又帶有酒香，啱啱好解辣，係同燒肉或者炸雞一齊食嘅完美搭檔，令整餐食得更加過癮。

最近去咗呢間小店，簡直好似置身喺韓國街邊小檔咁！無論係裝修定擺設都好有韓國feel。真係勁多人等位，最好就係預先訂好位先去。。首先介紹一下 *泡菜豬肉鍋 大 $208* ，鍋入面有好多舊厚切五花腩，份量多到三個人都食唔晒，真係超抵食。加埋 *拉麵 $15* ，性價比一流。。另外， *招牌炒章魚 $146* 亦係必試之一，辣得黎好過癮，味道豐富，口感一流，食過一定返尋味。。飲品方面，可以試試 *復刻板真露 $65* ，同 *粒粒葡萄汁 $20* ，真露酒好配個鍋底。。呢間餐廳嘅整體氛圍真係超正，食物份量足料，味道正宗。無論你係鍾意食辣定唔辣，都可以揾到啱自己口味嘅嘢食。

今次已經係二刷呢間韓國HOO包車~八點上到嚟，依然Full House爆場。明嘅，呢度嘅韓式大排檔格局超有特色，熱鬧得來好有韓國街邊檔氣氛。嘢食款式都幾特別，今次試咗幾樣特色料理：先有送嘅小食~1️⃣韓式蒜爆雞腎（$78）非常惹味，雞腎腍得嚟保留咗爽彈口感，好有鑊氣。加埋大量蒜頭，香氣十足。唔講以為係中式料理，帶點沙茶香得黎送飯一流2️⃣蜜糖牛油炸雞（$158）呢個半份蜜糖炸雞實在係邪惡之選。大量牛油蜂蜜淋喺香脆嘅炸粉表面，鹹甜交集，配埋熱辣辣嘅炸雞，係食韓國嘢必嗌餸啊~半份嘅雞件唔知會唔會細隻啲，但都幾Juicy，食食吓都幾飽。欣賞隨炸雞附送酸蘿蔔解下膩，又可以再戰了😆下次可以試埋唔同味道！3️⃣卜卜脆炒豬軟骨 拼拳頭飯（$142）又係超級香濃，惹味之選，下酒一流！韓式辣醬甜中大辣，豬肉切成長條形，唔講完全睇唔出佢係豬軟骨！將豬軟骨切片，幾有咬口，配搭幾特別。唔怪之得佢話卜卜聲啦！拳頭飯主要用麻油、紫菜、芝麻調味，同個辣豬超夾。食埋幾點嚿飯味道中和返，剛剛好。4️⃣柚子牛奶樂 （$68）喺咁地道嘅地方，梗係要嗌返杯韓國米酒啦。推介呢款柚子牛奶米酒，好順滑😇帶點柚子蜜嘅香味，非常易入口，香甜奶滑嘅酒格

本來因韓風大排檔風格去一試，怎知期望韓風欠逢，而且地方細，又十分焗熱，一格洗手間又無水洗手，又無水沖廁，衛生情況十分惡劣。至於食物水準也比預期中普通，而且偏咸，最弊食物收費昂貴，絕非期望大排檔格局及抵食。最慘韓國燒酒也賣得高價錢，想好似韓國大排檔喪飲一餐就難了。最唔喜歡又要收加一服務費，但部隊煱煮個乾水都好難找人理會你，自己服務自己，對住冷口冷面的侍應，不如找返個阿豬媽來幫手會開心啲，真心唔明點解仲要俾咁多加一服務費。其實要開心食一餐韓國食物，找間正宗啲會好啲。

見到呢間餐廳裝修幾有特色，同埋有我最鍾意食嘅醬油蟹，就同個fd去試，價錢正常，醬油蟹好好食，其他不過不失，份量都OK大份，係張凳後面冇靠背坐得好攰，同埋唔知係咪冇窗嘅關係，啲聲好困住，啲人一講嘢就好嘈

情人節來試下。部隊窩料少，又好咸，無辣味。賣相都好平凡下。蠔煎餅，d蠔有幾隻有腥臭味，可能解凍都唔夠，滑潺潺咁，感覺唔係幾好。個雞腎又係得個咸，實在不太明白食評好的來源。

聽過呢間餐廳幾次，終於有機會試！餐廳嘅裝潢好有氛圍，可能因為係室內，始終同平時韓國見到嘅路邊攤有少少唔同，但係周圍都放滿住韓國特色嘅海報、裝置仲有招牌等，營造出一種喺韓國食嘢嘅感覺！🇰🇷《韓國水產》-蠔啊！海鮮煎餅 ($118)🐙超有驚喜超足料！煎餅炸得啱啱好，仲熱辣辣脆卜卜添！😋 煎餅入邊有大大粒嘅八爪魚同埋蘿蔔絲蔥絲，再將燒好嘅蠔放喺上面！炸粉唔會好厚，食落啖啖都係料！😍一雞兩味 - 蜜糖牛油+甜辣 ($228)🐤食韓國嘢點少得炸雞！我哋每人揀咗一款自己鍾意食嘅味道，對蜜糖牛油真心意外，同平時食嘅味道好似有少少唔同，牛油味重啲，反而食到一種鹹香味，個人就真係幾鍾意！😍😍略嫌雞件好似相對比較細件有啲唔夠喉🥲炸紫菜粉絲卷 ($68)🍙啱啱炸好熱辣辣，食落勁有層次感，喺炸好嘅紫菜裏面有粉絲同埋蘿蔔絲等，點埋醬咸度啱啱好，唔點醬嘅話可能有啲淡😗阿珠媽炒年糕 ($78)🌶️相比起其他菜式可能就普通一啲，同平時嘅炒年糕相若，對於我嚟講唔算好辣，入邊除咗年糕之外仲有魚糕🙈柚子牛奶樂 ($68)🥛比想像中易入口！燒酒嘅味道唔會好出，冇蓋過柚子味道，意外地都幾和諧！

好耐冇食韓國野，weekend同朋友行尖沙咀，佢介紹左間好食嘅韓國餐廳。我地叫左街頭魚糕串串鍋，魚糕的口感非常滑嫩，湯底清淡又鮮甜，配上些小青辣椒，大蔥，吃落去非常開胃。芝士泡菜煎蛋卷，這道菜色香味俱全。煎蛋卷外表金黃，裡面包著香濃的芝士和酸辣嘅泡菜，咬下去的那一刻，芝士的拉絲效果令人驚喜，泡菜的微辣和酸味更是提升了整體口感，讓人一口接一口，根本停不下來。然後是係蠔海鮮煎餅，煎餅外脆內嫩，裡面加入了新鮮的蠔和海鮮，每一口都能感受到海洋的鮮味，配上特製的醬汁，味道更上一層樓，實在是令人回味無窮。小食叫左韓國蒜爆雞腎，雞腎煮得剛剛好，鮮嫩不柴，十分入味。最後係紫菜飯卷，紫菜包裹著新鮮嘅材料，吃起來口感清新。

🌟🌟🌟🌟🌟 = 最高評價蠔海鮮煎餅 🦪（🌟🌟🌟🌟）本身因為價錢考慮掙扎左陣到底叫薯仔煎餅定海鮮煎餅好彩見到啲蠔都幾大隻同埋其他野都好足料（魷魚+雜菜絲）個餅煎得好香脆，蘸埋佢個汁，甜甜地又啖啖海鮮，好滿足 ❤️豬脆骨配拳頭飯 🍚（🌟🌟🌟🌟）呢個口味偏濃（+少辣），清淡健康友慎點 😂我自己個人就覺得好食，因為好惹味我會形容佢整體係類似中菜裡面既回鍋肉但係佢用既豬脆骨比回鍋肉好食，因為口感好特別，脆到sok sok聲 👍拳頭飯反而一般，因為質地比較硬但係如果你係一個需要飯氣既人，咁拳頭飯應該可以滿足到你 拉絲芝士韓式炒雞 🧀（🌟🌟🌟）同行朋友鍾意食雞又鍾意芝士，所以毫不猶豫就點左呢個個人認為呢個比起其他菜式相對普通味道係類似鐵板燒雞肉咁，雞肉帶少少焦香味伴碟既係好甜既洋蔥絲 🧅 部隊鍋 🍲（🌟🌟🌟🌟🌟）我同朋友都表示最鍾意係呢個部隊鍋 ❤️🇰🇷本身我地對部隊鍋無咩期望，因為好似好多人話齋部隊鍋既用料其實好一般但係！呢度唔同喎！佢個湯底係有層次既，唔係一般高湯或者即食麵湯而裡面既香腸同埋午餐肉都係靚過平時係茶餐廳食果啲係冬天食飯有個湯 / 鍋係唔同啲既 😄我今次就只係同一個朋友黎，如果想靜靜地傾

天氣凍就特別想食韓國嘢， 諗起幾年前幫襯過嘅呢間韓國餐廳，味道夠地道夠惹味。 餐廳嘅裝修加入咗好多韓國街頭元素，令人好似置身係韓國路邊攤一樣，餐廳唔算好大，平日既晚上好早都已經坐滿。街頭魚糕串串（$146/中份）：用爐加熱住整鍋端上，天空凍食落特別暖胃。湯底係每日新鮮製作，裏面有幾串魚糕、魚餅，同埋白蘿蔔， 全部都吸收曬啲湯汁，好入味。 魚糕同韓國街頭食到嘅味道一模一樣，口感亦好彈牙，點上餐廳配製醬汁會更提鮮。招牌炒章魚（$146）呢個真係餐廳招牌，好惹味好好食。章魚炒既程度控制得恰到好處， 係剛熟嘅狀態，所以每一粒都既爽彈又鮮嫩，重點係每一粒都充滿韓國香辣醬料味道，好惹味。拉絲芝士韓式炒雞（$128）呢個性價比好高，份量好多，而且炒得好有鑊氣。 芝士鋪滿係表面， 輕輕一拉已經達到拉絲效果， 仲可以拉得超長。雞肉本身調左味，加上芝士同洋蔥，非常惹味，配酒一流。紫菜飯卷（$76）每次食韓國嘢都必點，材料都幾充足， 有玉子、火腿、青瓜、黃瓜、紅蘿蔔等， 重點係啲飯唔會太稔。 其他嘢都比較濃味惹味，食呢個正好可以中和平𧗾一下。菠蘿梳打（$38）

本來對呢度好有期待，但最後嘅體驗真係有啲失望。首先我叫咗部隊鍋，聽聞好多人鍾意，但我覺得真係太咸！我加咗好多水，想稀釋下，最後都好難食，真係有啲失望。之後我試咗吞拿魚拳頭飯，呢道菜雖然正常，但都唔係特別好味，填飽肚子可以，但唔會有驚喜。再講返炸雞，佢嘅表現真係唔好，皮唔脆，仲有啲太多汁，完全冇嗰種外脆內嫩嘅感覺，食落有啲膩。至於炸芝士stick，我真係唔知自己食咗咩，味道平平冇咩特別。唯一好味嘅就係佢哋嘅米酒，飲落清爽，搭配其他食物算係唯一嘅亮點。總括嚟講，表現真係唔如我預期，雖然有啲菜都可以，但大部分都令我失望。如果你想食正宗韓國菜，可能呢度唔係最佳選擇。希望下次可以有更好嘅體驗！

呢間咁有韓國feel嘅餐廳，之前朋友帶過我呢食，覺得食物抵食又好味，今次我都帶其他朋友嚟！點左以下食物：韓式蒜爆雞腎，雞腎炒得非常嫩滑，一點也不覺得腥，蒜香撲鼻，味道濃郁👍👍之後就一雞兩味，甜辣口味的雞肉帶著微微既辣味，非常入味；蜜糖牛油口味香甜可口，雞肉外皮酥脆，內裡嫩滑，非常特別👍👍👍招牌炒章魚更驚喜，章魚切得剛剛好，炒得非常入味，搭配上特製的辣醬，口感好豐富👍👍海鮮煎餅都係一個不可錯過的美食，煎得金黃酥脆，大大隻蠔舖係上面，內餡豐富，每一口都是享受👍👍👍我地點左柚子梳打和熱情果梳打，呢兩款飲品都非常清爽，可以完美地平衡度之前餸菜既濃郁口感。整體黎講，呢間餐廳無論在環境還是菜式都令人滿意，真係一試難忘，下次一定會再回來！️😋 溫馨小貼士: 我地星期一晚上8點離開時，已經坐滿及有人排隊等位，所以一定要預早訂位。