hoo韓國包車

營業中

休息中

裝飾風格以韓國街頭風為主！香港少有的韓國特色餐廳！菜式方面各式各樣，大多數都係韓國街頭可以食到或者食到嘅都有。韓式泡菜豬肉鍋的湯底令人驚艷。我一入口就感受到了泡菜的酸辣風味的濃郁滋味。這種結合讓湯底既具有豐富的層次感，又帶來了一種獨特的口味體驗。隨後，我嘗試了其中的配料——豬肉片和蔬菜。豬肉片鮮嫩多汁，肥而不膩，入口即化，與湯底的味道相互融合，令人回味無窮。而蔬菜的加入為這道美食增添了豐富的口感和營養價值。我將蔬菜放入湯底中煮熟，吃起來既爽口又營養均衡。韓式泡菜豬肉鍋還搭配了傳統的配菜。我品嚐了一些韓國泡菜、蒜蓉和辣椒醬，它們為這道美食增添了更多的風味和層次。酸爽的泡菜和辣椒醬的辛辣味道相互輝映，使整個鍋的味道更加豐富多樣。甜辣炸雞，醬汁好多包圍着炸雞，辣味唔算特別出，食唔到辣又想試吓嘅朋友仔都一定冇問題。炸流心芝士豬扒，呢個10分推介，芝士可以拉絲，豬扒炸到酥脆，配上流心拉絲的芝士，口感10分豐富。必試！另外飲品方面都有各式各樣，無論你想飲酒類定係飲品類，選擇都不少。最後價錢方面，價錢屬於親民，份量都好大，員工嘅服務態度都不錯。

街頭魚糕串串原煲連埋瓦斯爐直接上，一路食一路保溫，除左有5串魚糕，湯底仲有蘿蔔同魚餅，湯底幾清甜，有少少辣，完美還原韓國路邊攤味道。最加分係可以追加拉麵，輕鬆連湯飲埋。期間限定蟹膏拳頭飯韓國好多時都係要自己帶手套去搓，呢度已經整好一粒粒，一口嘅份量，除咗蟹膏入邊仲有紫菜，麻油同芝麻味，食落香口芝士炒年糕芝士量好足，上菜嘅時候係半溶狀態，年糕唔會太韌，有咬口，醬汁濃稠唔會鹹，少少辣，但應該都算大眾接受到嘅辣度p.s. 餐廳每個角落都好有韓國風味，滿滿的打卡位，枱凳就同韓國路邊攤一模一樣，長期播住韓國流行曲，輕鬆代入，以為自己自身韓國首爾。下次一大班friend叫埋兩支燒酒一定仲有feel啦！

如果你都想一秒感受到韓國街頭嘅氛圍，就要去尖沙咀大熱嘅hoo韓國包車，餐廳絕對能夠滿足你嘅願望。餐廳裝修完全仿照韓國路邊攤，從鐵閘到霓虹燈，每一個細節都讓人有種置身於韓國嘅感覺。街頭魚糕串串（M） $146招牌美食絕對畀你嚐到正宗街頭風味。魚糕串串嘅柔軟口感，配埋熱湯，絕對係難以抗拒嘅韓式滋味。炸紫菜粉絲卷 $62必試之選！外層炸到超酥脆，咬落去入面嘅紫菜同粉絲平均，亦保持著柔軟口感卜卜脆炒豬脆骨 拼拳頭飯 $142搭配飯食非常適合。豬骨經過炒煮後變得極其酥脆，每一口都能夠品嚐到豬肉的美味和骨頭的香氣真露 Fresh燒酒$65Terra枝裝啤酒 $48識飲一定飲真露溝啤酒，連韓國人都係咁飲架

呢間餐廳之前成日係社交平台見人介紹，因為佢既裝修好特別，好似去咗韓國大排檔咁😆終於可以試下！book左星期五晚7點，限時90分鐘，最低消費要每人$150（包加一）內部裝修真係好特別，鐘意打卡既人一定鐘意。落單係用qr code自己落。每枱都會有冰水同埋兩碟小菜，泡菜都幾好食，唔會太酸又唔會太辣。紫菜飯卷$76味道好普通，同埋佢包得唔夠實，有幾夠一夾就散哂。芝士泡菜煎蛋卷$112呢個幾好，入面好多泡菜，芝士都好多。年糕餃子辣湯（半份）$142呢度d鍋幾好，可以揀半份，唔洗食咁多。個辣湯味道正正常常，唔算太特別，不過煲得耐會愈咸愈辣，後尾要加d水中和反。間鋪座位唔多唔算好大，坐滿人之後環境都幾嘈，朋友坐隔離講野都要大聲d講😂

真係好耐冇食過韓國野，專程上網搵下有咩韓國餐廳，見openrice依一間幾好評，決定同朋友試一試！入到去，好有韓國街頭食地道小食的感覺，裝修設計燈光都非常之用心，好似去左韓國街邊檔咁，好有feel！👍🏻👍🏻👍🏻韓國炸雞一定係必點之選！叫左一雞兩味：醬油味同甜辣味，都係韓國炸雞必點既味道。仲叫左芝士泡菜煎蛋卷，年糕餃子辣湯同埋青蘋果梳打。一坐底，店員就送上兩小盤餐前小點，分別係豆芽同泡菜，亦原全冇收到費用！好快就上左年糕餃子辣湯啦，一路滾熱一路食，如果冬天食一定好溫暖！入面除左年糕同金菇仲有大蔥，金菇，辣辣地好惹味！餃子仲有5舊咁多！年糕煙煙韌韌，必點！芝士泡菜煎蛋卷超勁爆多芝士，中意食芝士既我地食得勁開心，每一啖都拉絲！入面既泡菜唔太辣，沒有搶到芝士既味道！讚！👍🏻👍🏻至於炸雞一雞兩味，我哋簡直係低估左佢既份量，超大份，好多舊雞，兩個人叫咁多款有點吃不晒！但味道係正既，正宗韓國炸雞！每一啖雞肉都混滿醬汁！😋😋😋

今日去尖沙咀食韓式晚餐，細細的樓上鋪，裝修得非常精緻，好有韓國街頭風味，裝修好等色，用左紅紅紫紫的霓虹燈，打卡好靚。我一行2人order左2個口味嘅炸雞，原味及甜酸味，外脆內軟，入面的雞肉好嫩滑，仲帶有小小肉汁，超級好味。除此之外，叫咗一個三色炸物拼盤，包含咗炸薯條、炸芝士條、炸紫菜卷。最特色嘅係炸紫菜卷入邊係粉絲，紫菜炸到脆脆的，外脆內軟，好好味。而炸芝士條入邊充滿芝士，芝士味好香濃，咬落去仲會有拉絲，非常推介。食咗兩碟炸嘢，叫返一個魚糕煲煲，佢係用一個煲仔，坐喺gas爈上，熱住上枱，熱辣辣，湯底好清甜，魚糕好香滑，仲有白蘿蔔，吸收晒湯入邊嘅精華，食完覺得冇咁熱氣，好正。跟住叫咗一碟泡菜煎蛋，呢個菜式加咗好多醬汁，用滑蛋捲着一齊煎，蛋煮得啱啱好，非常軟滑，好好味。飲品方面，叫咗一杯蜂蜜啤酒，真係有蜂蜜味，飲咗一啖落口，慢慢會發覺少少甜，好特別。另外叫咗一罐韓國粒粒蜜桃果汁，甜甜地，味道好清新。總結所有食物都好特色、好精緻，裝修好特別，打卡一流，非常推介。

放工嚟尖沙咀食飯，近排好想食韓國嘢，所以就嚟咗hoo 韓國包車。成個裝修都好韓國feel，廚房好似啲韓國車仔檔咁。佢仲好似韓國餐廳咁枱面會有凍水同杯俾我哋自己斟💓啲餸上得好快。坐低會上咗兩碟小菜-泡菜&芽菜先。落單係掃qr code through網上落單嘅，可以睇住啲相嚟揀，因為紙版menu未必有晒啲圖睇。我哋叫咗部隊鍋，上菜跟埋嗰爐煲好正!!! 入面啲料超足，有勁多腸仔，餐肉同菜。另外仲可以加麵或者飯，我哋就加咗麵。呢個鍋唔太辣，應該大部分人都可以食到。之後我哋仲叫咗一雞兩味 (雙拼炸雞-原味+醬油)。total得3個味-原味，醬油，甜辣揀啫。店員會俾埋手套我哋食。啲雞好好味，又大碟，我哋都差啲食唔晒。

今晚突然想去韓國旅行，未安排好之際，唯有先搵一間韓式餐廳，食一個韓國晚餐。天氣有啲熱，所以一入去我就叫咗兩個飲品，第一個係蜂蜜啤酒，我第一次飲呢種啤酒，以想不到嘅係，竟然甜甜地，真係好有蜂蜜味。另外叫咗一個粒粒果肉水蜜桃汁，唔鍾意飲甜嘢嘅朋友應該會愛上。接著叫咗一個三色炸物拼盤，其中炸芝士條最為吸引，脆脆外皮入邊有好香濃嘅芝士，咬落去仲會有拉絲。其次係炸紫菜卷，脆脆嘅紫菜入邊包住軟滑嘅粉絲，好特別。食韓國菜，必食炸雞，鋪頭有3個味道可以選擇，我地揀左雙拼：原味加甜酸味，炸雞係連骨嘅，外脆內軟，雞翼、雞髀和雞胸比例平均，入面嘅雞肉好嫩滑，仲帶有小小肉汁，原味都已經超級好味。而甜酸味因為加左個醬，所以無咁脆，甜酸味道適中，好有韓國特色。仲有一個魚糕串串，佢係用gas爈熱住上枱，熱辣辣，湯底好清甜，魚糕好香滑，份量好大，落足料，多幾個人分享都夠。跟住係泡菜滑蛋卷，呢個菜式有d似蛋包飯，不過入面換成泡菜，夠飽肚，好特別又好好味。呢度裝修得好精緻，用左韓國街頭風味，加左霓虹燈，好有等色，打卡必去。注意：記得要book定枱，因為座位唔算好多，見到好多人嚟walk-in 都落空而回。

This themed restaurant recreates the popular street food culture in South Korea. The interior is designed dai pai dong style with foldable tables and plastic chairs. All items on the menu are signature Korean style street food. It is great for friends gathering, enjoying food and warm soup with some soju, just the way the Korean likes it.🔸Korean Fishcake Soup🔸Kimchi Pancake🔸Stir-fried Ricecake With Korean Sweet And Spicy Sauce🔸Korean Stir-fried Octopus🔸Yuzu Makkoli

一直bookmark左呢間韓式餐廳好耐，成日見人喺社交平台打卡，今日終於嚟試試佢啦！😆店內裝修真係好有韓國街頭嘅感覺😆食物都有好多種類～全部都好想試🥹可惜個胃冇咁大🤣🥤甜米露 - $20睇開韓綜韓劇嘅一定識甜米露식혜😆係有啲似竹蓆水嘅甜味，加上少少米粒，喺香港都有得飲真係好開心🥹🫔炸紫菜粉絲卷 - $62店家俾埋個汁你去點嘅，但我個人嘅隱藏推薦食法係：叫個炒年糕，再點啲炒年糕辣汁一齊食🤭thanks me later~🧆阿珠媽炒年糕 - $78呢個除左年糕，仲有蛋同埋魚糕片👍🏻溫馨提示：呢個都幾辣，食得辣先好嗌呀！🍗甜辣炸雞（半份） - $158啲炸雞大大件，個甜辣汁都好惹味😋🧀炸流心芝士豬扒 - $72呢個芝士超級拉絲‼️芝士控必點😋食落口好似食緊芝心批嘅邊邊，啖啖都係芝士嘅香味同口感～正！-總結：兩個人食左$429，以呢個質素同份量，我覺得幾抵食👍🏻超飽🤭推薦中意食韓國菜嘅朋友仔嚟試！

餐廳裝修得好有氣氛，天花板有韓文霓虹燈，牆上邊又有韓文店舖門口做裝飾。啲枱用咗韓國馬車帳篷嗰啲膠枱同膠凳。薯仔煎餅$82薯仔切成絲，加埋洋蔥絲。煎得好薄，好香口。用嚟送啤酒一流，煎餅外皮酥脆，裏面煙韌軟糯。原味炸雞（半隻）$152大大件炸雞，大大啖咬落去。脆皮外皮，肉質夠嫩滑，咬第一啖雞汁就衝出黎！餐廳有手套提供，方便唔會整污糟隻手。醬油炸雞（半隻） $158用左甜甜地嘅醬油做調味，食落去微鹹中帶甜味的。就算有醬汁炸雞皮都唔會淋咗，咬落去依然係脆皮。3重小食拼盤$128 有炸薯條、炸紫菜粉絲卷、同埋炸芝士番薯stick。特別鍾意咗芝士番薯stick，甜甜地嘅番薯蓉，再加上會拉絲嘅芝士真係好吸引，令人食完一條又一條。熱情果啤酒$58 酒精濃度唔會太高，都適合女仔飲。而且飲落去真係有熱情果未，酒精味唔會重，亦都唔會太嗆喉。

一入到餐廳已經好有feel😍裝修好有特式，彷如置身韓國先嚟兩碟小菜，幾香口，泡菜都啱我口味，酸同辣都適宜街頭魚糕串串：幾乎每枱都有點呢個，用gas爐煮到滾再熱辣辣咁放入口有幾款唔同形狀嘅魚糕：星星、薄片、長條、一串串，味道其實差唔多，另外仲可以點下附送魚糕汁，酸酸咸咸咁，幾醒胃🤣個湯就幾清甜！紫菜飯卷：食過好多紫菜包飯，但呢個都有驚喜，料多、飯量適中，本身冇話好鍾意醃蘿蔔，如果唔好食有時都會撩走，但呢個飯卷嘅醃蘿蔔好甜好好味招牌辣炒章魚：又係必食之一，菜同章魚嘅份量可以話係50 50，好有鐵板嘅味道，正！章魚都好大粒好彈牙，一啲都唔韌亦唔老！係有啲辣，越食越辣🤣菠蘿梳打：正常發揮，唔會死甜，靠佢解辣柚子牛奶米酒： 柚子味重，甜甜地，但酒味都重。最後附上Menu俾大家參考，氣氛好，嘢食地道，可再encore

hoo韓國包車以以韓國街頭大排檔為主題，採用了不同的霓虹燈作裝飾，室內裝修也非常配合主題，加入了街頭鐵閘門、洗衣店、漫畫店等元素，氣氛很棒，打卡一流！店裡一直播放最近熱門的KPOP，店內充斥著韓文，真的很像在韓國的街頭！這裡霓虹燈造成的氣氛真的很棒很強，連餐牌都有點難看清楚🤣但可以用QR Code下單很方便👍🏻🔹️ 街頭魚糕串串鍋(半份)　$146在香港真的不是每一家韓國餐廳都有提供魚糕串串鍋，這裡竟然有當然要叫一份😍 有全份和半份選擇，半份有5串魚糕串串，白蘿蔔和粒粒魚糕，魚糕湯底有不少大蔥，很香😋 我和朋友兩個人點半份剛剛好，用GAS爐保持熱度，可以聊著天慢慢吃，後來看到幾乎每桌都有點一鍋🤩另外也可以選擇加錢配白飯或拉麵🔹️ 泡菜炒飯 $88泡菜炒飯的份量比我想像中多，炒飯軟硬適中，不像港式炒飯那麼乾但又不會太濕，重點是放了很多泡菜、洋蔥和紫菜碎，也有少量香腸，味道夠濃夠好吃，我最享受用湯匙把所有材料拌勻然後一口吃下😋🔹️ 泡菜煎餅 $85煎得外皮非常香脆，咬下來吃得到一絲絲的泡菜，是我喜歡的口感🤗🔹️ 罐裝梨汁 $20🔹️ 罐裝粒粒蜜桃汁 $20這次因為不太想喝酒，所以選了梨汁和粒粒蜜桃汁

韓國文化對香港嘅影響，已經維持左好多年，成個Netflix 都係韓劇，聽既歌都係女團。 而且劇情同歌路都非常多元化，不斷有新作品出。相反韓國美食，就經年不變。都係一啲簡單材料配合醬料。加支啤酒或燒酒，咁多年黎，都係簡單好味又唔厭。 🍖 街頭魚糕串串，魚糕真係去韓國必食嘅街頭恩物，魚漿打成嘅薄片，同香港嘅魚旦一樣，彈牙又有口感，飲一啖湯食一啖魚糕，個湯仲要用個爐煲住，熱辣辣。最緊要用筷子一串串吉住，神還原local風味！ 🍖 阿珠媽炒年糕，年糕夠曬煙韌，而且非常入味，又唔會太辣，適合香港人口味。個雞蛋更加有畫龍點睛的作用，解到濃味又解膩。 🍖流心芝士豬扒，芝士係韓國食物配搭不可錯過嘅材料。芝士加豬扒又係宜家好興周圍都會見到嘅扼like食物，拉起個豬扒嘅時候，芝士既拉絲效果，咪就係打卡必備既原素羅！ 🍺✨️ 樣樣都好食，又樣樣都好配合啤酒同菠蘿梳打。仲要背景係咁聽住Le Sserafim，同埋好有個性嘅韓國裝飾。喺咁嘅氛圍之下，一陣就成枱都清曬。

Hoo韓國包車🇰🇷📍 尖沙咀厚福街12-12A號藍馬商業大廈22樓尖沙咀想食韓國菜，又唔想好行既石頭飯、紫菜包飯，上左包車食返個路邊夜攤feel🛺地攤懷舊裝修夠特別，最浪漫係佢既霓虹燈，好有特色👍🏻以韓式鍋物、下酒菜、小食等做主打，充滿韓風🇰🇷泡菜豚肉鍋🐷超超大鍋，滿滿既泡菜、豚肉、大葱，好香濃，煮左既泡菜好好味😋豚肉好大舊，食極都仲有，好豐富🍲飲個啤酒送下，蜂蜜啤酒，好濃既熟甜味，夾啤酒都算好融得埋🍺試杯手調燒酒，夏日的風🌻青蘋果氣泡燒酒，好鮮甜，同燒酒好夾，非常啱女仔飲，幾refreshing😬呑拿魚煎蛋卷，成日都食泡菜芝士，所以試下新野，個蛋卷都係韓風，呑拿魚別有風味，連醬汁食都好味😗懷舊烤五花腩，超超超多五花腩片，煎香連生菜同配菜上，香五花腩片加生蒜片加大葱加泡菜同醬汁，一咬就係滿口韓味味，好正😍鍋物有feel又夠晒韓，韓粉必去😇飲下酒又食下小食，聚會傾計都好好氣氛👍🏻🇰🇷