hoo韓國包車

營業中

休息中

餐廳吾算好大但是充滿韓國特式仲有播住k－pop同有一個動漫角一坐底待應會拎壺水同埋2碟前菜小食佢個餐牌主要係韓文同中文－炸流心芝士豬扒芝士份量好多拉絲效果吸睛豬扒味道合適吾會遮左芝士味－紫菜飯卷雖然係飯卷但係味道酸酸甜甜少少咸幾開胃－泡菜煎餅泡菜味十足個人覺得辣左少少（平時食譚仔10小辣）－拉絲芝士韓式炒雞焗出黎熱辣辣待應有提叫我地小心上面滿滿芝士仲有有好多洋蔥同炒雞比起出面一般炒雞份量多同埋健康－芝士蟹膏觸肉蛋卷上面有5點蟹膏但賣相無特別不過切開入面都係滿滿芝士、蟹肉同蟹柳食落口有少少流心口感－熱情果梳打吾會一味得個甜字搞好杯野無晒氣－柚子牛奶樂淡淡牛奶味柚子同酒味幾出如果鍾意食芝士呢間可以好滿足芝士份量十足

今晚終於輪到我黎潮聖拉😆之前見到好多朋友仔係呢間餐廳打卡，心入面一直好想黎。一入到黎餐廳，果然周圍都係打卡聖地😍設計風格跟足韓國路邊攤大排檔😍一排排的膠枱，膠櫈，膠汽水箱，加埋紅紅紫紫的霓虹燈光，好有氣氛。餐廳仲有d家電，書櫃的裝飾，好有家庭式經營的感覺。餐廳menu主打鍋物，同下酒小菜。🥢拉絲芝士韓式炒雞$128超強勁拉絲芝士😆面頭佈滿晒芝士，一上枱個鐵盤係超熱，職員話將所有野搞拌就食得。雞柳幾大舊，份量好多，將雞柳捲住芝士一齊食，好滋味🤤另外仲有大量洋蔥，好岩我😋🥢甜辣炸雞$158（half）半份炸雞有5大舊，size 比出面的大👍🏻半隻雞的份量，肉質幾多，啖啖肉都幾嫩滑。甜辣醬幾惹味，汁的份量剛剛好，吾會食到成手都係。下次黎要叫全份🤣半份吾夠喉。🥢韮菜煎餅$78呢個煎餅同平時食開的不同，比較薄身，好似薄撐咁。煎餅煎得幾脆，幾香口，都幾吾錯。🌟總括嚟講，餐廳環境氣氛一流，最岩一班朋友聚會，食物質素都不錯，炸雞必食😍👍🏻

✨街頭魚糕串串🍥魚湯甜甜地，有少少辣，好暖胃👍🏻裡面有超級多魚糕串、魚糕片、魚餅、蘿蔔～全部都好厚或者好大舊(⁎⁍̴̛ᴗ⁍̴̛⁎)魚糕有少少似日式魚蛋嗰種味，煙韌彈牙，好索汁 好有韓國風味🤤蘿蔔煮得好淋身同入味！我地應該叫錯咗 叫咗L size😭😭兩條友淨食呢個已經食到好飽，嗰陣係咁諗 如果突然有多2個人一齊share呢個就好🥹🥹✨招牌炒章魚🐙呢個炒章魚係有章魚粒、紅蘿蔔、椰菜，嘩！炒得好惹味，仲要辣辣地🌶️❤️章魚好脆同好有咬感，勁香勁好食🤤🤤份量都算多👍🏻🥂柚子梳打💛&青蘋果梳打🍏飲品講真就普通啦，啲口味同梳打水溶唔埋一齊。不過嗌呢個嘢飲主要係解辣同解渴😛，所以冇特別期望與失望～🆓小食：泡菜&芽菜幾好食，唔會過度重味又唔會太假，兩樣都好脆身，幾好食㗎。本身好想食炸雞🥲🥲不過食魚糕食到太飽💔下次有機會 會食埋呢個！

之前已經嚟過呢間度食過，鍾意佢嘅氣氛環境，好有特色，好似真係去咗韓國嘅街邊東檔咁，無論係啲裝修嘅擺設定係成個燈光嘅氣氛度好有feel，所以再嚟encore😋炸流心芝士豬扒芝士嘅份量超級多！一拎起個豬扒就已經有拉絲🥰😍炸得好香脆，而且啖啖芝士好濃郁，好正😋芝士炒年糕又係芝士滿滿嘅菜式，一層芝士鋪咗喺年糕上面，撈埋啲韓式辣汁同年糕嚟食更好味招牌炒章魚上次食過覺得唔錯今次再嗌最鍾意係去啲韓式辣醬汁炒到啲章魚好Juicy，好香口街頭魚糕串串每次必點系列，你鍾意呢度係會用Gas爐將成煲魚糕湯整到暖暖地，好彈牙，再加埋韓式豉油，好有喺入韓國街頭食嘅味道😋真露復刻版燒酒食韓國菜點可以冇燒酒，食完即刻成個身暖哂

上網見到個名咁得意又咁多好評，今日就同朋友試咗呢間hoo韓國包車。一入到餐廳映入眼簾嘅係韓國街道嘅風格，播住kpop，就好似去咗韓國咁，非常之有氣氛。雖然餐廳位於大廈嘅頂樓，但六點幾已經坐咗唔少人，非常之熱鬧，足見餐廳人氣！一坐低店員就自動會送上前菜同埋水。前菜嘅泡菜大豆芽同高麗菜用嚟開胃一流。打開Menu見到店主推介嘅炒章魚非常吸引，即刻就嗌咗個嚟試。一上菜就知道冇介紹錯，韓式辣醬同章魚嘅香味即刻撲鼻而來！食落口發現章魚炒到啱啱好，入味得來又唔會太老太韌，而一齊炒嘅椰菜都非常入味，真係一食就停唔到口🤤🤤仲有都嗌咗個韭菜煎餅，香口得嚟仲要即叫即煎，熱辣辣。食咗個炒章魚意猶未盡，所以再嗌多咗個炒雞。韓國炸雞就食得多，估唔到炒雞都有另一番鮮味！嫩滑嘅雞柳配埋大蔥洋蔥一齊炒，最後放上邪惡嘅芝士，簡直意想不到咁好味! 加上呢個小炒係用鐵板上嘅，食到最後啲雞仲係熱辣辣🤤🤤，或者可能係太好食我食得太快🤣啲雞非常足料，仲可以拉到絲🤤🤤最後食完咁多炒嘢梗係要嗌啤酒飲，一個字爽！除咗韓式炒菜之外，呢間鋪嘅名物仲有各式各樣嘅煱，可惜我哋太飽試唔到。不過望到其他人食都非常吸引，下次再去一定要試吓！總結嚟講，

尖沙咀嘅Hoo韓國包車顧名思義出名韓國菜，呢間餐廳喺尖沙咀熱鬧嘅地段，環境舒適同時又時尚，燈光浪漫得嚟帶點神秘。我叫咗佢哋嘅招牌菜，包括醬油蟹、炒章魚、薯仔煎餅同埋泡菜豬肉鍋。醬油蟹蟹肉鮮嫩多汁，而且都有蟹膏，咬落去入口即溶好似啫喱咁，非常鮮甜。醬汁淋喺上面，成隻蟹都好甘香，襯住紫菜脆脆食口感更豐富，唔會太鹹或者覺得膩，多多都食到😋再嚟講炒章魚，呢道菜用新鮮嘅章魚炒製，口感彈牙。章魚嘅香氣同醬汁嘅調味好巧妙咁融合埋一齊，帶嚟一種獨特嘅風味。每一口都可以感受到章魚嘅鮮甜同埋嚼勁，絕對係海鮮控必食！薯仔煎餅係一道經典嘅韓國小食，Hoo韓國包車嘅薯仔煎餅絕對唔可以錯過。佢哋嘅薯仔煎餅餅底鬆軟又唔會乾，每一口都可以品嚐到薯仔嘅香甜同埋煎餅嘅口感，好好食。配埋酸甜嘅醬料，更加提升咗整體嘅風味。最後一道菜係泡菜豬肉鍋。呢道湯煮得濃郁而香辣，入面有豬肉片、泡菜同各種蔬菜。湯底嘅味道醇厚，配料選材好新鮮。豬肉片入口即化，泡菜嘅酸辣味同湯汁完美結合，帶嚟一種濃烈嘅口味體驗。總括嚟講，我對Hoo韓國包車嘅用餐體驗好滿意。佢哋嘅韓式美食口味正宗，每一道菜都經過精心嘅烹飪同埋調味。餐廳嘅服務態度亦都好友善同周

呢排哥哥去面試多，請佢食返餐好嘅獎勵吓先🍴今次帶佢去尖沙咀呢間充滿韓國特色風情嘅餐廳，一枱一凳都神級還原韓國夜攤裝飾🎪我地叫咗兩款韓國街頭常見嘅小食俾洋洋試吓▶️街頭魚糕串串鍋 配拉麵魚糕彈牙🐟蘿蔔入味湯底攞去煮拉麵，清哂一鍋🍲▶️芝士炒年糕拉絲嘅芝士🧀️🫕濃濃奶香味加上煙煙韌韌口感嘅韓式年糕▶️醬油蟹 配 脆脆紫菜入口順滑嘅蟹膏，撈白飯一流🍙脆卜卜嘅紫菜就獎勵俾小朋友當薯片食啦久違嘅醬油蟹🦀所以就等媽媽淺嘗一下，小朋友等大個啲先食啦😂食到去中段嘅時候，已經成間餐廳坐滿晒人現場見到好多人叫🥘醬煮辣雞腳鍋 同🍛卜卜趣豬軟骨併拳頭飯最近仲推出限定晚市菜式✴️醬油系列: 醬油蝦蟹四重奏 ，下次同班𝑓𝑟𝑖𝑒𝑛𝑑再嚟試下先！

同朋友一行3人黎到呢間餐廳食野，環境細細地好有大排檔既感覺！好有Feel！我地叫左街頭魚糕串串啦、炸芝士STICK、芝士泡菜煎蛋卷等等。上菜前會有泡菜同芽菜兩款前菜提供😋上菜速度都好快，街頭魚糕串串係用gas爐上，咁就可以Keep住個熱度👍🏻仲可以加飯/拉麵，強烈推薦食到最後一定要放啲拉麵入去煮，因為拉麵會索啲啲湯！超入味勁好食😋😋芝士泡菜煎蛋卷滿滿既邪惡感！面頭係超濃郁既芝士，配埋泡菜瞬間消除油膩感😋😋越食越滿足！不過發生左一件幾有趣既事，本身我地放左個蛋糕係餐廳諗住食完飯比驚喜一個朋友，點知我地食到9點幾，餐廳10點就關門，我地唔夠時間食，就諗住同職員講想攞返個蛋糕，不過職員話就算唔係餐廳食都要收返切餅費，我地都好無奈都冇辦法諗住要照俾，不過最後收據上冇收我哋切餅費🤔🤔所以諗住帶蛋糕上呢間餐廳食嘅人要注意餐廳營業時間😂😂

裝飾風格以韓國街頭風為主！香港少有的韓國特色餐廳！菜式方面各式各樣，大多數都係韓國街頭可以食到或者食到嘅都有。韓式泡菜豬肉鍋的湯底令人驚艷。我一入口就感受到了泡菜的酸辣風味的濃郁滋味。這種結合讓湯底既具有豐富的層次感，又帶來了一種獨特的口味體驗。隨後，我嘗試了其中的配料——豬肉片和蔬菜。豬肉片鮮嫩多汁，肥而不膩，入口即化，與湯底的味道相互融合，令人回味無窮。而蔬菜的加入為這道美食增添了豐富的口感和營養價值。我將蔬菜放入湯底中煮熟，吃起來既爽口又營養均衡。韓式泡菜豬肉鍋還搭配了傳統的配菜。我品嚐了一些韓國泡菜、蒜蓉和辣椒醬，它們為這道美食增添了更多的風味和層次。酸爽的泡菜和辣椒醬的辛辣味道相互輝映，使整個鍋的味道更加豐富多樣。甜辣炸雞，醬汁好多包圍着炸雞，辣味唔算特別出，食唔到辣又想試吓嘅朋友仔都一定冇問題。炸流心芝士豬扒，呢個10分推介，芝士可以拉絲，豬扒炸到酥脆，配上流心拉絲的芝士，口感10分豐富。必試！另外飲品方面都有各式各樣，無論你想飲酒類定係飲品類，選擇都不少。最後價錢方面，價錢屬於親民，份量都好大，員工嘅服務態度都不錯。

街頭魚糕串串原煲連埋瓦斯爐直接上，一路食一路保溫，除左有5串魚糕，湯底仲有蘿蔔同魚餅，湯底幾清甜，有少少辣，完美還原韓國路邊攤味道。最加分係可以追加拉麵，輕鬆連湯飲埋。期間限定蟹膏拳頭飯韓國好多時都係要自己帶手套去搓，呢度已經整好一粒粒，一口嘅份量，除咗蟹膏入邊仲有紫菜，麻油同芝麻味，食落香口芝士炒年糕芝士量好足，上菜嘅時候係半溶狀態，年糕唔會太韌，有咬口，醬汁濃稠唔會鹹，少少辣，但應該都算大眾接受到嘅辣度p.s. 餐廳每個角落都好有韓國風味，滿滿的打卡位，枱凳就同韓國路邊攤一模一樣，長期播住韓國流行曲，輕鬆代入，以為自己自身韓國首爾。下次一大班friend叫埋兩支燒酒一定仲有feel啦！

如果你都想一秒感受到韓國街頭嘅氛圍，就要去尖沙咀大熱嘅hoo韓國包車，餐廳絕對能夠滿足你嘅願望。餐廳裝修完全仿照韓國路邊攤，從鐵閘到霓虹燈，每一個細節都讓人有種置身於韓國嘅感覺。街頭魚糕串串（M） $146招牌美食絕對畀你嚐到正宗街頭風味。魚糕串串嘅柔軟口感，配埋熱湯，絕對係難以抗拒嘅韓式滋味。炸紫菜粉絲卷 $62必試之選！外層炸到超酥脆，咬落去入面嘅紫菜同粉絲平均，亦保持著柔軟口感卜卜脆炒豬脆骨 拼拳頭飯 $142搭配飯食非常適合。豬骨經過炒煮後變得極其酥脆，每一口都能夠品嚐到豬肉的美味和骨頭的香氣真露 Fresh燒酒$65Terra枝裝啤酒 $48識飲一定飲真露溝啤酒，連韓國人都係咁飲架

呢間餐廳之前成日係社交平台見人介紹，因為佢既裝修好特別，好似去咗韓國大排檔咁😆終於可以試下！book左星期五晚7點，限時90分鐘，最低消費要每人$150（包加一）內部裝修真係好特別，鐘意打卡既人一定鐘意。落單係用qr code自己落。每枱都會有冰水同埋兩碟小菜，泡菜都幾好食，唔會太酸又唔會太辣。紫菜飯卷$76味道好普通，同埋佢包得唔夠實，有幾夠一夾就散哂。芝士泡菜煎蛋卷$112呢個幾好，入面好多泡菜，芝士都好多。年糕餃子辣湯（半份）$142呢度d鍋幾好，可以揀半份，唔洗食咁多。個辣湯味道正正常常，唔算太特別，不過煲得耐會愈咸愈辣，後尾要加d水中和反。間鋪座位唔多唔算好大，坐滿人之後環境都幾嘈，朋友坐隔離講野都要大聲d講😂

真係好耐冇食過韓國野，專程上網搵下有咩韓國餐廳，見openrice依一間幾好評，決定同朋友試一試！入到去，好有韓國街頭食地道小食的感覺，裝修設計燈光都非常之用心，好似去左韓國街邊檔咁，好有feel！👍🏻👍🏻👍🏻韓國炸雞一定係必點之選！叫左一雞兩味：醬油味同甜辣味，都係韓國炸雞必點既味道。仲叫左芝士泡菜煎蛋卷，年糕餃子辣湯同埋青蘋果梳打。一坐底，店員就送上兩小盤餐前小點，分別係豆芽同泡菜，亦原全冇收到費用！好快就上左年糕餃子辣湯啦，一路滾熱一路食，如果冬天食一定好溫暖！入面除左年糕同金菇仲有大蔥，金菇，辣辣地好惹味！餃子仲有5舊咁多！年糕煙煙韌韌，必點！芝士泡菜煎蛋卷超勁爆多芝士，中意食芝士既我地食得勁開心，每一啖都拉絲！入面既泡菜唔太辣，沒有搶到芝士既味道！讚！👍🏻👍🏻至於炸雞一雞兩味，我哋簡直係低估左佢既份量，超大份，好多舊雞，兩個人叫咁多款有點吃不晒！但味道係正既，正宗韓國炸雞！每一啖雞肉都混滿醬汁！😋😋😋

今日去尖沙咀食韓式晚餐，細細的樓上鋪，裝修得非常精緻，好有韓國街頭風味，裝修好等色，用左紅紅紫紫的霓虹燈，打卡好靚。我一行2人order左2個口味嘅炸雞，原味及甜酸味，外脆內軟，入面的雞肉好嫩滑，仲帶有小小肉汁，超級好味。除此之外，叫咗一個三色炸物拼盤，包含咗炸薯條、炸芝士條、炸紫菜卷。最特色嘅係炸紫菜卷入邊係粉絲，紫菜炸到脆脆的，外脆內軟，好好味。而炸芝士條入邊充滿芝士，芝士味好香濃，咬落去仲會有拉絲，非常推介。食咗兩碟炸嘢，叫返一個魚糕煲煲，佢係用一個煲仔，坐喺gas爈上，熱住上枱，熱辣辣，湯底好清甜，魚糕好香滑，仲有白蘿蔔，吸收晒湯入邊嘅精華，食完覺得冇咁熱氣，好正。跟住叫咗一碟泡菜煎蛋，呢個菜式加咗好多醬汁，用滑蛋捲着一齊煎，蛋煮得啱啱好，非常軟滑，好好味。飲品方面，叫咗一杯蜂蜜啤酒，真係有蜂蜜味，飲咗一啖落口，慢慢會發覺少少甜，好特別。另外叫咗一罐韓國粒粒蜜桃果汁，甜甜地，味道好清新。總結所有食物都好特色、好精緻，裝修好特別，打卡一流，非常推介。

放工嚟尖沙咀食飯，近排好想食韓國嘢，所以就嚟咗hoo 韓國包車。成個裝修都好韓國feel，廚房好似啲韓國車仔檔咁。佢仲好似韓國餐廳咁枱面會有凍水同杯俾我哋自己斟💓啲餸上得好快。坐低會上咗兩碟小菜-泡菜&芽菜先。落單係掃qr code through網上落單嘅，可以睇住啲相嚟揀，因為紙版menu未必有晒啲圖睇。我哋叫咗部隊鍋，上菜跟埋嗰爐煲好正!!! 入面啲料超足，有勁多腸仔，餐肉同菜。另外仲可以加麵或者飯，我哋就加咗麵。呢個鍋唔太辣，應該大部分人都可以食到。之後我哋仲叫咗一雞兩味 (雙拼炸雞-原味+醬油)。total得3個味-原味，醬油，甜辣揀啫。店員會俾埋手套我哋食。啲雞好好味，又大碟，我哋都差啲食唔晒。