Homeland (彌敦道)

營業中

休息中

依晚去旺角，與家人來到 Homeland 食晚餐慶祝生日。餐廳有意外驚喜，甜品上寫字畫碟，好精美呀，仲有即影即有相作為留念，呢度真係慶祝日子嘅好地方 ~這裡環境不錯，裝飾擺設有心思，我地選擇 Handmade Pizza Set $398 /2位，套餐包了Pizza、餐湯、沙律、小食和餐飲，豐富又美味。黑松露牛肝菌蘑菇湯 配 蒜蓉包     首先送上餐湯，這款係黑松露牛肝菌蘑菇湯，牛肝菌與黑松露味道很配很濃，黑松露香味散發出來，啖啖濃郁鮮味，滑溜好飮，配搭外脆內軟嘅蒜蓉包更滋味。慢煮雞胸胡麻沙律沙律菜好新鮮，用上胡麻醬汁拌勻，雞胸肉好爽口，沙律口感fresh，開胃又好食。牛面頰墨西哥芝士餡餅呢個好驚喜 ~ 喜歡芝士既我地，夾住重芝士同惹味牛面頰，牛味濃厚，肉質嫩滑，餅皮卜卜脆，配搭芝士醬及牛油果醬，感受到墨西哥風味！德國腸拼盤     (+$58)一客有3款香腸 - 紐倫堡肉腸、意式葱油腸及墨西哥辣肉腸，煎得非常脆口，每款味道各有特色，食起嚟十分惹味，薯蓉放在底部，口感軟綿綿，更伴上酸菜沙律，少少酸，清新爽脆，開胃解膩。蘭王蛋卡邦尼意粉     $148另外，單點咗蘭王蛋卡邦尼意粉。散

餐廳：Homeland (旺角)地址：旺角彌敦道726號19樓仲記得第一次去Homeland已經喺四年幾前嘅事，當時一行入大埔總店就好有家嘅感覺🏠，雖然2024年頭大埔店結業，但原來老闆喺旺角另開新店，唔經唔覺都開咗大半年🎉Homeland主打新派多國菜🍽️，有新奧爾良海鮮🦞、自家製Pizza🍕、肉類主食、意粉同飯等🍝，最經典仲有佢哋好拿手嘅寫字畫碟甜品🎨，真喺好靚好真好出色😍，約埋親朋好友去慶生慶祝最適合👍✝️PiPi Pizza套餐 $388呢個2人餐有2個餐湯、1個特色沙律🥗、1個主食同1個Pizza🍕。是日廚師精選濃湯喺薯仔忌廉湯，另外加$18叫咗個都幾鮮味濃郁又有龍蝦肉嘅法式龍蝦湯🦞，仲配埋鬆脆嘅蒜蓉包；沙律叫咗溫泉蛋素煙肉粒凱撒沙律🥗，流心嘅溫泉蛋撈埋沙律一齊食幾和味，加上巴馬臣芝士同素煙肉鹹香十足主食加$88叫咗個波士頓龍蝦占多黑松露闊麵，半隻加咗芝士焗香嘅龍蝦望落好吸引🤩，不過肉質就有少少嚡，底層嘅闊條麵爽滑彈牙，口感一流，有陣陣黑松露同龍蝦汁鮮味另外值得一讚嘅喺呢個墨西哥雞肉芝士餡餅🥙，微脆煙韌嘅餡餅夾住惹味雞肉粒同雙色拉絲芝士🧀，面頭有墨西哥辣椒絲🌶️，配埋牛油果醬或者酸

Homeland 真係可以做到令你有賓至如歸嘅感覺，無論係餐廳職員嘅服務態度，定係食物嘅質素又或者係服務嘅貼心度，每一個部分都酪以令你有係屋企嘅溫馨感❤️最特別嘅係哩到仲會提供甜品畫碟嘅服務，全部都係大師級嘅畫作👀👀仲會根據慶祝目的量身訂做，每個都係獨一無二嘅設計，而且仲會幫忙用即影即有相機📷影低值得紀念嘅一刻👍🏻👍🏻唔怪得差唔9成人都係嚟慶祝生日🎂，同埋記得記得一定要book 定位先，walk in 一定會無位🤭我地揀咗新奧爾良海鮮盤🦞（2人份），除咗海鮮盤之外，仲有頭盤、餐湯同主食，仲可以以優惠價加購小食同升級飲品添🤗🤗新奧爾良海鮮盤相當豐富，波士頓龍蝦/北海道松葉蟹腳二選一，仲有阿根廷珍寶赤蝦、蟶子、青口、大蜆、德國膠、薯仔🥔粟米🌽等等😆😆開邊原隻龍蝦🦞肉質新鮮彈牙仲有膏嫁其他海鮮都十分新鮮鮮甜，薯仔、粟米🌽西蘭花🥦嗦哂招牌秘製BBQ 汁辣辣地好惹味😋😋慢煮雞胸日式胡麻沙律🥗慢煮雞胸軟稔嫩滑，雞胸撕成一條條方便食用，沙律菜新鮮爽脆👍🏻龍蝦🦞汁海鮮鐵鍋燉飯燉飯嘅軟硬度適中，以龍蝦汁燉製鮮度更高，面頭放滿了新鮮海鮮，仲用咗食用花裝飾，淨係賣相都💯💯香草🌿蒜香🧄焗田螺拼薯蓉去殼田螺加上香

身為大埔友，又點會唔識Homeland呢間西餐廳？最估唔到而家喺旺角都可以食到😍生日慶祝好地方，除咗有靚靚嘅甜品畫碟服務，仲有即影即有俾我哋🤤真係慶祝嘅福音！🍽️ 泰式柚子墨魚仔沙律我哋叫咗個二人套餐可以包一個沙律，沙律梗係要食啲特別嘅嘢呢個有子墨魚仔沙律，酸酸甜甜夠晒開胃🤤🍽️ 龍蝦汁鐵板海鮮燉飯第1個主菜就加錢叫咗龍蝦🦞汁鐵板海鮮Risotto😋真係要讚一讚個燴飯夠晒入味，龍蝦汁味濃，仲有大量嘅海鮮同埋大大隻焗鮮蝦比Lisboy慢慢品嚐🍽️ 秘製北京填鴨薄餅Lisba最愛某大型pizza店嘅北京填鴨薄餅，估唔到見到呢度嘅Menu都有得揀，當然即刻order咗😍成個餅底都焗到好香脆，岩晒Lisboy食，而Topping都有好多鴨肉！🍽️ 士多啤梨巴斯克奶蓋芝士蛋糕話說都慶祝生日一定要叫個甜品慶祝一番，呢間西餐廳浪漫嘅地方係有寫碟服務😍所以慶祝李氏一家生日，叫咗呢個有新鮮士多啤梨🍓俾Lisboy食嘅蛋糕，個芝士蛋糕仲好Rich，仲有一層口口嘅奶蓋流落嚟，真係色香味俱全！🍽️ 蜂蜜柚子茶 & 柑橘蜜二人餐就包咗兩杯餐飲，蜂蜜柚子茶同金橘蜜都係想像中嘅香甜，不過不失，大大杯解渴一流！最愛係呢間餐廳會

這間可說是頗具人氣的西餐廳，其最大特色之處就是叫蛋糕會提供畫碟服務，最適合來此慶祝生日或特別紀念的日子，所以當晚用膳期間就已經有四檯客人在慶生，好有愉快的氣氛。其實店內環境偏昏暗，不過就幾有情調，餐桌之間稍為靠得太近，但坐得尚算舒適，由於位處十九樓高層，窗外可挑望旺角街景都唔錯。菜式方面主打薄餅及海鮮盤的套餐，今次我們選了PiPi Pizza 套餐（$388/2位），套餐已包括餐湯配蒜蓉包、特色沙律、主食、Pizza及餐飲，都算抵食㗎！但如果飯聚是希特別意義的話，當然加優惠價升級部分食物就更perfect啦。所以餐湯我們+$18改做法式鮮打龍蝦湯，味道濃郁且湯汁滑口，又有粒粒龍蝦肉，蒜蓉包亦烘得香脆。至於泰式柚子墨魚仔沙律，沙律菜新鮮爽脆，醬汁入口微微酸辣，墨魚仔都算爽口彈牙。食Pizza及主食前，我們還追加小食+$88德國腸拼盤，有齊三款不同口味的香腸，個人比較喜歡帶點大蒜胡椒等調味的紐倫堡腸，底下還有份量頗多的薯蓉同樣好食。Pizza其實有墨西哥雞肉芝士餡餅、黑松露牛肝菌芝士薄餅、招牌明太子海鮮薄餅，以及秘製北京烤鴨薄餅可選，我們當然選了最後者，皆因比較特別又冷門，果然入口真係食得

去咗Homeland呢間高質特色西餐廳食飯，真係好正！荃灣同旺角都有分店，環境好chill，好有氣氛，坐低即刻覺得好放鬆。我哋仲趕到早鳥優惠，星期一至五九點前離座就有八折，真係抵到爛！今次我哋試咗佢嘅新奧爾良海鮮盤二人餐，超級豐富，有餐湯、沙律、小食同埋個勁誇張嘅海鮮盤，食到我哋好滿足！海鮮盤可以揀蒜香牛油或者香辣蒜蓉味，我哋揀咗香辣蒜蓉味，想佢更加惹味。一上枱真係嚇親，個海鮮盤擺到成座山咁高！我哋揀咗北海道松葉蟹腳，望落去有一整隻咁多，肉質好鮮甜，啖啖肉，正到痺！仲有海虎蝦、鮮大蜆、青口、墨魚仔、鮮鮑魚同蟶子，全部海鮮都好新鮮，啲蝦超大隻好彈牙，食到停唔到口。配菜有德國腸、燒薯仔、粟米同西蘭花，樣樣都好味。餐湯我哋揀咗黑松露牛肝菌蘑菇湯，個湯好Creamy，又滑，菇味好香，側邊仲有一塊焗得好脆嘅香草牛油法包，好正！沙律就揀咗慢煮雞胸胡麻沙律，啲菜好新鮮，慢煮雞胸肉質唔嚡，仲好Juicy，感覺好健康。小食叫咗香脆炸薯條，炸得好脆，上面仲有少少辣粉，再加埋茄汁，食到停唔到口。

這道濃湯由新鮮的龍蝦熬製而成，湯色濃厚而富有光澤，搭配著豐富的海鮮，例如蜆同埋蝦讓每一口都充滿層次感湯頭的味道濃郁卻不油膩。 搭配的烤麵包更是為這道湯增添了額外的享受，輕輕一沾，吸附了濃湯的精華，口感香脆，完美融合。北海道帶子海膽醬意大利燉飯 —意大利燉飯的米粒煮得恰到好處，外滑內韌，充分吸收了海膽醬的鮮美。海膽的獨特風味與鮮甜的帶子完美融合，醬汁的濃郁程度適中，讓整道菜品不會過於油膩。 波士頓龍蝦明太子海鮮薄餅： 薄餅的底部完美烤至酥脆，搭配上波士頓龍蝦和濃郁的明太子醬，口感豐富。除了明太子醬之外， pizza落去還有蟹膏、煙三文魚和蟹柳，食材很豐富，但我覺得Pizza略嫌有一點鹹。最重要是記得如果要來慶祝生日提前通知餐廳要畫碟嘅圖案，餐廳的畫碟真的很美

已經係第二次嚟旺角呢間「Homeland」啦！上次篇食評都仲未批到，但係佢哋啲甜品真係太靚太吸引，忍唔住又嚟食多次，寫多篇食評！🥰上次嚟已經覺得佢哋啲嘢食好正，今次都係！不過，我最掛住嘅始終都係佢哋嘅畫碟甜品！🐰💖 真係可愛到爆燈，每次見到都少女心大爆發！今次同朋友嚟，我哋都係揀咗個二人餐，份量依然咁足，兩個女仔食都夠晒飽！而且每道菜都好有心思，睇得出廚師哥哥真係好落力㗎！講到個甜品，真係靚到唔捨得食！🥺 啲兔子畫得超逼真，好似真嘅一樣！甜品味道又啱啱好，唔會太甜，食完都係咁開心！前菜個蘭王蛋素煙肉凱撒沙律，啲材料依然咁新鮮，擺盤都係咁靚！😍 蘭王蛋好香，配埋素煙肉，同埋啲爽口嘅生菜，真係好開胃！跟住個法式龍蝦海鮮濃湯，口感都係咁 creamy，龍蝦味超濃郁！😋 每啖都飲到海鮮嘅鮮甜味，好正！主食我哋又揀咗手工薄餅套餐，因為上次食過覺得好好味！德國腸拼盤，真係飽到上心口！啲腸仔依然咁彈牙，味道依然咁濃郁，配埋薯蓉食一流！牛面頰墨西哥芝士餡餅，🍕 餅皮薄餡多，好好味！牛面頰肉都係咁嫩滑，配埋濃郁嘅芝士，同埋墨西哥風味嘅醬料，口感依然咁豐富！🌮最後個開心果奶蓋巴斯克芝士蛋糕，口感都係咁綿密

同朋友係旺角行街，經過呢附近，朋友想食樓上西餐，於是上網搵到呢間餐廳。一入餐廳個環境好寛落，枱與枱之間鬆動，位於19樓望到旺角高樓大廈既景，黃昏時間好浪漫，睇到一絲絲陽光。我點左pizza 套餐，有兩碗黑松露牛肝菌蘑菇湯重黑松露香味，滑滑口感，厚厚忌廉，配上脆口多士。套餐亦有蘭王蛋素煙肉凱撒沙律蘭王蛋香濃雞蛋味，由於係生蛋，蛋味重，顏色方面橙黃色，撈落沙律菜甜甜地，沙律菜爽口，仲有法式田螺，我同朋友第一次食法式田螺，焗完啲螺好軟腍，薯茸有忌廉芝士味，配上田螺幾夾。片皮鴨pizza 上面鋪左一大執大蔥同青瓜，薄餅上有片皮鴨，好似食緊片皮鴨包，口感食咁片皮鴨包咁。最後甜品，點左焦糖無花果伯爵茶奶蓋芝士蛋糕，奶蓋芝士味濃稠，微甜既無花果蛋糕配上奶蓋芝士。

上網成日見到呢間餐廳，好受歡迎咁，早前終於book左呢間餐廳食晚飯，呢度位於高層，望到日景同夜景，坐窗邊位可以影相！我地睇到餐牌有套餐唔錯咁，叫左Pizza Set二人餐🍕.🍕秘製北京烤鴨Pizza足料，味道幾似片皮鴨，因為Pizza上仲會鋪上大量青瓜條同蔥絲，而鴨肉都多，幾juicy! 個人幾鍾意呢款Pizza.🦞法式龍蝦海鮮濃湯味道鮮美，仲有大大件青口，旁邊既蒜蓉包烘得好脆! .🍄‍🟫黑松露牛肝菌蘑菇湯味道濃郁，有口感.🥗慢煮雞胸胡麻沙律份量大，雞胸滑，胡麻汁配沙律菜幾Fresh.🥓德國腸拼盤裡面有紐倫堡肉腸、意式蔥油腸、墨西哥辣肉腸、薯蓉同酸菜。薯蓉又香又幼滑.🍫榛子朱古力脆脆蛋糕一早預訂左要畫碟，要求畫烏薩奇同句子，甜品就揀左呢款蛋糕，上枱時餐廳點左蠟燭俾我地，仲送左張即影即有俾我地🙌🏻 畫碟公仔幾得意，影完一輪相後就食蛋糕啦都唔錯，朱古力味濃，滿滿榛子粒，有口感.🌹玫瑰荔枝果肉梳打呢杯幾香甜，除左有玫瑰香之外，仲有2大粒荔枝果肉.🍍仲夏菠蘿梳打係清新既梳打，有一大片菠蘿乾在杯上

✿╮❤╭✿✿雜感女生   好味日記✿˚*•✰。Homeland．無法抗拒的手工 PIZZA。✰•*˚✿✿小資女的Dolce Vita✿✿❤餓底飯聚．食勻全世界❤❤吾係POL - Peggy On Line．Proof Of Life❤  ❤位於旺角的Homeland 真係好好食，主打手工 PIZZA，出品有水準，真係必試！ Homeland環境好舒服，裝修好有格調，好啱同朋友嚟聚下。我哋揀咗個披薩 2 人餐，真係超級抵食！一上檯，見到個餐好豐富，即刻令人食慾大增。 首先上嘅係煙三文魚凱撒沙律，啲菜好新鮮，煙三文魚嘅味道好濃郁，配埋沙律醬，簡直一流，一啖落去好清爽。跟住就係黑松露牛肝菌蘑菇湯，一聞到個香味就已經忍唔住要試。湯好香濃，每啖都充滿住黑松露同牛肝菌嘅味道，仲配埋脆卜卜嘅包包，用包包蘸埋啲湯食，正到痹！ 秘製北京烤鴨薄餅真係呢餐嘅主角！一上台，嗰陣香味已經撲鼻而來，勁香勁惹味。薄餅好薄好軟，包埋烤鴨同其他配料，咬落去，口感豐富，真係食到停唔到口。餅底烤得香脆，配料好豐富，芝士又夠多，每啖都好有口感，朋友食完即時話本月要再嚟食多次。 西班牙蒜油大蝦配酸種麵包都好出色，大蝦好新鮮，蒜

想找一個有儀式感、又高性價比美食的餐廳來慶祝生日，Homeland 絕對是一個不錯的選擇！餐廳有落地玻璃窗，可以欣賞滿滿的城市燈光氛圍。當日餐廳坐滿人，可見人氣之高。服務員親切細心，這間餐廳賣點是提供高質素畫碟服務，可以提前預訂喜愛的圖案，當天還送上一張即影即有合照，超貼心，為你特別日子留下記念！HANDMADE PIZZA SET $398/2位🍄黑松露牛肝菌蘑菇湯散發出濃厚的黑松露香氣，充滿牛肝菌及蘑菇的鮮味。搭配外脆內軟的蒜蓉包，沾湯一起吃非常滿足。法式龍蝦海鮮濃湯（+22）湯很醇厚，裡面有龍蝦肉粒、青口和大蜆，很豐富，每一口都能品嚐到豐富的海鮮鮮香泰式柚子蟹肉沙律（+26）沙律很豐富，上面放滿蟹肉和蟹籽，洋蔥、車厘茄，搭配新鮮的沙律菜和的柚子，酸酸辣辣的泰式醬汁令人食慾大開，非常開胃的前菜！🍞地中海炒大蜆青口配酸種麵包（+78）份量超足！青口和大蜆都非常飽滿，搭配濃郁的蕃茄醬汁，酸種麵包吸滿醬汁後口感更佳，超級惹味。🍕波士頓龍蝦明太子海鮮薄餅（+108）龍蝦薄餅視覺效果一流，整個龍蝦頭放在 Pizza上，還有兩大隻龍蝦鉗。用料豐富，上面鋪滿木魚絲，滿滿的三文魚、明太子、龍蝦肉、

同朋友慶祝生日，特登約左呢間餐廳比個驚喜佢🥰 餐廳裝潢用色大膽，牆身好趣怪咁掛左好多攪笑掛畫🖼 有一排落地玻璃望旺角街景，適逢我地到個陣係黃昏，好適合打卡📸 餐點擺盤好精緻，份量唔少，性價比都幾高👍「忌廉煙肉意粉」好香忌廉味，蛋味又濃郁👍「招牌火焰桂花啤酒雞」本雞很火的在看你！未著火之前呆萌呆萌的🤣 有工具手套比你享受手撕既快感🤣尾聲個陣，職員就埋黎清檯，上左我預約左既畫哂公仔既甜品，係好靚既畫碟甜品😍 我朋友超開心😍 因為呢對kuromi同cinnamoroll真係畫得好靚😍「榛子朱古力脆脆」好好味，脆得黎又唔會太漏，我會為左佢想再黎食多次😍「北海道士多啤梨果撻」日本士多就係夠甜，配埋撻皮味道岩岩好！估唔到價錢小小有呢個質素，$98甜品*2+$35畫碟*2，咁樣兩甜品兩公仔都只係$133*2🥰 仲送左次即影即有，為我地呢餐影個happy ending🥳

Bookmark咗哩間西餐廳好耐，餐廳裝修得好INS風，好多打卡位。熱桂花咖啡，牛奶咖啡落入少少桂花，飲落好幼滑。玫瑰荔枝果肉梳打，荔枝味清甜，飲落清爽又有玫瑰香味。地中海風鮮大蜆青口配酸種麵包，用大量番茄加蒜片烹飪大蜆同青口，海鮮食落清甜得來又有好濃郁的番茄蒜片香味。酸種麵包送上來已經焗熱，周圍好脆中間Q彈。BBQ醬燒滋味豬肋骨配薯條，豬肋骨唔算好大一件，不過勁厚切，食落肉質軟嫩。調味除咗BBQ醬，還落入孜然，為傳統酸甜味道增加一絲風味。焦糖無花果伯爵奶蓋巴斯克芝士蛋糕，蛋糕奶味香濃，入口綿軟細膩。奶蓋唔會好滯，每一啖都好幸福。今日睇到有客人落咗order，係甜品碟上畫畫，仲要畫得好好，下次一定要試試。

之前上網看到這間餐廳寫字畫碟甜品好美， 今日朋友生日所以預訂了這間餐廳食晚飯， 餐廳地點好方便旺角地鐵站走三分鐘就到， 餐廳裝修雅緻環境有特色。慢煮雞胸胡麻沙律：慢煮雞胸保持雞肉嫩滑，配搭胡麻醬汁令雞肉味道更突出， 沙律菜好新鮮增添清脆口感。酥脆炸雞翼：雞翼黃金酥脆，表面均匀覆蓋鹹蛋黃， 鹹蛋黃醬份量恰到好處，不會過於鹹也不會掩蓋雞肉鮮味。意式鮮茄大蝦意粉：意式蕃茄醬汁濃郁與大蝦鮮味相得益彰， 蝦肉新鮮彈牙經過調味更顯鮮味。西西里龍蝦汁海鮮鐵鍋燉飯：海鮮份量不少， 每一口燉飯都吸收濃濃的龍蝦汁， 米飯裏面仲有好多香菇，令到整體味道更加鮮明。開心果奶蓋巴斯克芝士蛋糕：蛋糕甜度恰到好處， 奶蓋的微鹹感與開心果的清新 香甜好夾， 巴斯克芝士蛋糕質感細膩，另加35蚊可以有畫碟服務（ 記得需提早預約），物超所值畫得超美， 遞上蛋糕的時候店員還送上一份小驚喜幫我們拍了即影即有相片， 滿滿儀式感。