影片
港鐵灣仔站 A3 出口, 步行約5分鐘
繼續閱讀
附加資料
自助烘焙店
DIY BAKING STUDIO
營業時間
今日營業
10:00 - 22:00
星期一至日
10:00 - 22:00
以上資料只供參考, 請與餐廳確認詳情
因為屋企開壇整蛋糕實在太麻煩，又多嘢洗同準備。呢種模式之下，設備齊全、有人幫你洗埋嘢🥹 所有材料企企理理擺好哂👍🏻👍🏻 以自助形式自己去拎返所需材料🧑🏼🍳睇住個pad就可以慢慢整，蛋糕種類都幾多種，今次我揀咗期間限定嘅士多啤梨巴克斯蛋糕，女女兩歲幾都玩得好開心，仲要個商場主打親子，幾層啲嘢都幾啱睇，側邊就係西松屋👍🏻👍🏻👍🏻同小朋友一齊整完蛋糕等焗嘅時間仲可以出去行吓，唔使呆等。
繼續閱讀
今次我和細佬仔就去到位於灣仔合和商場的自助烘焙店挑戰一個難度有3粒星的月球蛋糕🤭我哋可以跟住iPad上面嘅步驟一步一步做，每一個步驟都清楚地列明，對位細佬這個年紀絕對可以自行閱讀，更可以參考影片，自己清楚按照所有指示去不同的區別選擇不同的工具、食材等等而份量亦清楚列明，非常簡單易明。透過自助的方式去製作蛋糕，可以更加有效地引發小朋友的興趣及增加參與度，不是麻木地跟隨導師的做法，而是按照每個程序清楚地去思考和理解後才作下一步的工序，過程中細佬表現得非常積極。當然，有些操控機器的程序就留待家長協助會比較好，但是大部份的步驟也可以由小朋友一個人去完成。最後，細佬看到完成品之後，他真的感到很意外，更興奮地為蛋糕粉飾一番，而我們選擇的月球蛋糕的月球更可以發光發亮，幾特別。蛋糕款式都幾多，仲有季節限定menu。
繼續閱讀
爸爸生日訂唔切特別蛋糕，於是打算自己整，個又怕要買好多料，所以就搵左間自助烘焙整個蛋糕送俾爸爸🎂平日上堂學整蛋糕就試得多，今次第一次去玩自助烘焙，原來咁正，灣仔合和呢間新開業，仲做緊9折，更加抵揀咗蛋糕款就拎住iPad 執用具同材料，對小朋友黎講好似玩緊遊戲咁，好積極😂但其實分好晒區，所有野都清晰易搵，但小朋友就有滿滿成功感，平時求求其其嘅阿囡，量材料更加聚精會神。對阿媽黎講，終於可以做啲又複雜又多材料嘅蛋糕款，因為平時買完實擺到過期都未用第二次😵而且，用具用完唔使自己洗 (so happy🥳)，環境亦非常之乾淨menu 上其實係有難易度去揀自己鍾意嘅蛋糕款式🎂，只要跟足iPad 所寫步驟，一步一步做，由要用咩材料、材料份量、具體步驟都解釋得相當清楚，基本上阿女9歲呢個年紀，已經可以自己做到難度2嘅大半部分，在場工作人員亦可以俾人詢問，同平時上堂趕進度唔同，呢度真係可以俾佢慢慢去享受做蛋糕嘅過程🤗除咗恆常Menu，仲根據唔同時間有季節性Menu可以揀，正值士多啤梨當造，梗係唔會錯過呢個「莓味滿分」🍓系列啦題外話：呢度仲有個mini bar，係等急凍等焗果時，可以沖野飲嘆下，另外仲有加購區，有蠟燭同生日牌，合和新商場6樓呢層仲有好多小朋友用品，可以順便行吓街
繼續閱讀
星期日同妹妹們焗蛋糕體驗去咗合和商場，呢邊新裝修原來呢一層有好多小朋友friendly 嘅舖頭.我哋去咗 @homebakingdayhongkong 焗一個草莓蛋糕。揀咗雲朵莓莓，首先入到去感覺好乾淨同埋設備好齊全，空間好大，如果嚟呢度開生日party都係一個唔錯嘅選擇。我哋跟住iPad同埋video一邊準備材料同埋步驟非常清晰容易，最鍾意佢嘅地方就係啲碗用完係可以擺去清潔區，佢哋幫我哋洗🤪同妹妹一齊佢哋一邊偷食一邊整好快就完成個蛋糕。下次妹妹話要帶埋哥哥一齊整其他蛋糕。週末又多一個地方可以選擇。快啲嚟試吓玩啦。🥰#hkmama #香港媽咪 #hkgirls #香港媽媽 #hkmom #媽媽好介紹 #identicaltwins #identicaltwins#hkmamablogger #hkparents #週末好去處 #親子活動 #合和商場 #親子烘焙 #小烘焙
繼續閱讀
港島又多咗個地方整蛋糕啦🧁Home.焙小日子係合和商場開咗新嘅烘焙空間可以約埋朋友或另一半體驗整甜點嘅樂趣~🍰今次我整咗雲朵莓莓以蜂蜜戚風🍯作蛋糕體，每層夾住Oreo 馬斯卡彭香緹面層加入草莓🍓同可可香緹最後畫返眼睛、嘴巴就完成間唔中店員都會主動過嚟睇下進度，若果有問題，揾返佢地都好樂意幫手！過程只需約2小時，無論約埋朋友一齊玩定係自己整送俾另一半都好適合有齊哂烘焙設備同材料，仲要唔洗自己清潔烘焙用具，真係好方便啊😌
繼續閱讀