Holam Bakery

營業中

休息中

Intro: 講到千層蛋糕，相信每個人都會諗起holam，呢到嘅千層蛋糕大約200-300蚊，但性價比真係好高，仲有好多口味選擇，最適合做生日蛋糕；而呢一次趁生日，就買左焦糖咖啡千層蛋糕～___________________🍽 焦糖咖啡千層蛋糕-6吋💰 250 ⭐️9/10✍🏻 就算蛋糕得6吋，比到顧客好滿足好大個嘅感覺；✍🏻 粗略咁數過最少有20幾層嘅蛋粒皮，每層都好薄，口感軟綿，技巧同功力真係好深厚；✍🏻 呢一次嘅cream好似抹多左少少，整個蛋糕令人感覺得好creamy，視乎個人嘅感覺；✍🏻 咖啡味可以更濃，個人更好更濃嘅味道；✍🏻 加埋生日牌同附送嘅焦糖脆脆，成個蛋糕好適合打卡；___________________🏠 Holam📍 觀塘開源道60號駱駝漆大廈第3座4樓I室⭐️ 9/10 ___________________

聽過holam bakery咁耐，因為唔就腳一路都冇機會試過，難得有個星期日去開觀塘，食完個早嘅晚飯大約夜晚6:45去到佢舖頭就買咗個嚟試。只可以講，如果你係expect正常、新鮮、creamy嘅千層蛋糕，千祈唔好呢個時間嚟買。。。去到嘅時候，陳列雪櫃剩返三件蛋糕，分別係：伯爵茶、阿華田，同埋另一隻唔記得咗咩款。本身想試伯爵茶味，但因為前面有人買咗，所以伯爵茶就冇咗，咁又諗咗一陣應該試邊隻。點知諗諗吓期間，店員攞咗另一件伯爵茶味出嚟擺返喺陳列櫃，所以就嗌咗伯爵茶味嚟試。店員遞個蛋糕俾我時，已經同我講要攤5分鐘先食得因為可能有啲凍，我已經覺得伏伏地，因為如果係正常雪櫃四度攞出嚟，應該未至於要攤一陣先食得，所以好可能係冰櫃攞出嚟（？）結果不出我所料，買完件蛋糕去隔籬舖位食，影吓相都過咗10分鐘。隻叉一拮入去，feel到件蛋糕完全係硬的。邊邊位都叫可以拮到底擺落口食，但拮到去中心係完全拮唔穿件蛋糕、會有覺得隻叉就要斷嘅感覺。成件蛋糕只有雪冰咗嘅凍餅/莎莉蛋糕感覺，冰、乾、沙，硬，完全唔會有你想像一件千層蛋糕應有嘅Creamy、軟棉口感。由相亦可見，你會睇得出cream同皮係分離、仲要係裂裂地

同朋友食完lunch之後即刻去試呢間嘅蛋糕😋我哋分別叫咗伯爵茶味同抹茶流心味好靚嘅打卡位✨抹茶流心千層蛋糕（$38）個抹茶流心好濃郁好重茶味，而蛋糕嘅cream會相對甜啲🍵整體食落唔會太heavy ，因為我食蛋糕之前食到8成飽都仲食得落😂如果鍾意食甜野嘅話都可以試吓呢件!!🐜伯爵茶千層蛋糕（$38）食咗一啖朋友件蛋糕，好明顯感受到抹茶流心係甜過伯爵茶好多，唔太鍾意食甜野嘅朋友可以一試!!😋店入面有個好靚嘅打卡位俾我哋影靚相🩵仲有店主狗狗喺隔離睇住你食嘢😂下次行駱駝漆會再嚟食🩶

呢間係位於觀塘既千層蛋糕店，是香港人開的。它的千層蛋糕是續塊續塊煎的，煎完續塊續塊用忌廉疊起，好有心機。🍫朱古力流心千層呢個蛋糕個生日牌係用消化餅做的，再用朱古力筆寫字，份外特別。朱古力千層蛋糕食落一層層的，好有口感。朱古力流心也有濃濃的朱古力味，蛋糕整體都不會偏甜。🍪曲奇千層呢個蛋糕食落一層層既蛋餅好香，配合埋啲曲奇味既忌廉，整體來講不錯。🐮牛乳千層食落蛋餅層很有彈性，牛乳濃郁，不知不覺便把所有蛋糕都食完了。

曲奇流心千層蛋糕外觀好精緻，望落好有食慾！食落口感層次分明，每一層蛋糕都薄嘅同時有韌性。曲奇流心嘅甜度適中，口感細膩，流心奶油都十分creamy，不過曲奇味可能唔算好濃，奶油味會重過曲奇味。蛋糕上面有啲曲奇，食落都鬆脆，令到蛋糕個口感都好豐富。泰式奶茶千層蛋糕泰式奶茶千層蛋糕嘅奶茶味真係超級濃郁，唔會過於甜膩，仲會係奶油入面食到茶葉碎，證明真材實料！不過啲茶葉碎雖然好細碎，但有啲硬，所以好容易kick到喉嚨，會嗆到。蛋糕上面有奶茶醬，都好濃郁。店員叫我地解凍至少15分鐘先食，我岩岩好解凍咗15分鐘，但都仲有啲冰渣，所以如果買泰奶味嘅最好攞返屋企食最後最後，店員好nice好好人，而且店入面有個打卡位，好靚！

🍴Holam Bakery📍觀塘開源道60號駱駝漆大廈第3座4樓I室來呢一間人氣千層蛋糕店朝聖一下，購買蛋糕後，可以過隔離立食，即刻享用蛋糕🤗店舖提供多款口味，包括伯爵茶、海鹽檸檬、曲奇流心、抹茶流心、阿華田流心等，仲有原個千層蛋糕可預訂😊焦糖咖啡千層蛋糕 $39班戟皮做得好薄，千層蛋糕亦係少甜、少油製造，每件千層蛋糕約有18層班戟皮，中間夾著滿滿的咖啡味忌廉，忌廉軟滑得來又較厚身，而蛋糕上面的焦糖鬆脆。

我由細到大都好鍾意食千層蛋糕呢間真係其中一間食過最鍾意嘅每次嚟開觀塘都會上佢地ig (holam_bakery) check 吓有咩味道同埋有無開門今日上完瑜伽即刻去先，星期日竟然無我最鍾意嘅原味諗住試下伯爵茶啦，點知話要解凍15分鐘….最後食咗焦糖燉蛋味，雖然比起原味甜啲，但係其實都差唔多味！都係咁好食呀！我由中學開始食到依家出黎做嘢幾年啦依家佢地租埋隔離鋪位所以有一個立食打卡區～ 好方便呀～即刻食好食啲～

WhatsApp回覆超級快！全程remote交易！溝通順利及時同清晰！店主超級好人同貼心！超有效率！送貨又無敵準時！下次有機會會親自嚟再幫襯！ps.遙距送客嘅，希望客人滿意～lol

屋企人買左幾件千層蛋糕番黎share~未食過Lady M不過呢間已經好滿足😆🌿抹茶流心千層$39流心都幾流質，lam落口感沙沙地，應該係用左多抹茶粉，抹茶獨有既回甘味，停留左係口差不多半個鐘🌿☕️伯爵茶千層$39伯爵茶味好濃，面頭既茶葉碎令到成個蛋糕味道再升華🍇香檳巨峰千層$36最有驚喜既一款，唔係低b提子味，係帶微微香檳香，食落酸酸甜甜，幾特別👍🏻千層皮唔會過濕又唔會過乾，之前食過一間濕到出水，千層皮同cream比例近乎50/50💞❤️每款既味都幾濃，食一啖已經食得出係咩味，三款甜度都岩岩好，真係好驚甜品好甜。屋企人request 下次經過要買多幾件試埋其他味🫶🏻❣️

今日難得黎到觀塘駱駝漆大廈行街行到攰 都要滿足本人既小肚子紅日既下午 客似雲來叫完右邊仲有個立食區 可即刻開心share! 而且擺到靚靚 俾大家打卡開心果味千層蛋糕培茶千層巴斯克蛋糕千層蛋糕 層層分明 cream 同餅好平均 又夠薄巴斯克蛋糕 有濃郁嘅芝士味 軟硬適中大家黎開觀塘 一定要食吓抵食 又好味

放假過左黎駱駝漆逛下，黎到第三座4樓，見到Holam Bakery 既千層蛋糕有好多口味，蛋糕樣又幾靚咁，就試試佢！（其實斜對面都有間又係賣cake 不過無咁多口味🤭）落完單後，可以揀堂食，蛋糕櫃隔離有個佈置簡約既鋪位都係屬於Holam Bakery，客人可以入去坐低食嘢，同埋仲有個可以打卡既位！！（記得要除鞋先好踏上地氈啊！）🍰阿華田流心 $39阿華田味好香濃，忌廉綿滑，唔會太甜。 🍰荔枝乳酪接木骨花$40荔枝味較花味突出，口感輕盈清新。（本人鍾意重口味阿華田多啲！😝）

-我自己好鐘意食千層蛋糕，所以間中都會上holam嚟買，不過提一提如果要訂原個買嘅話記得要先WhatsApp查詢🍰【8吋抹茶流心】 $380 (10/10)生日牌要再另加$10，千層蛋糕比起6吋，8吋切開更加靚，抹茶流心比起平時飲開嘅抹茶更加重茶味，我平時飲開微糖嘅都覺得好好食， 同埋食落好有層次，呢隻味我真係覺得超好食🍰【8件拼圓個蛋糕圈】 $259 (9/10)就好似名一樣有8種味嘅蛋糕，以前每日款式唔同，而家係每月款式唔同，我買嘅時候口味有: 抹茶、伯爵茶、原味牛乳、曲奇Oreo、益力多、吉士焦糖燉蛋、士多啤梨、朱古力，賣相好靚而且可以比大家自己揀食咩味，同事食嘅時候話冇LadyX咁甜，好好食，而我就食左揀剩嘅益力多味，好似Yogurt咁好開胃-📍【Holam Bakery】觀塘開源道60號駱駝漆大廈3座4樓I室🕑Mon, Wed to Sun 12:00~19:30; Tue 12:00~16:30

係人都知駱駝漆大廈超級多小店好嘢食😜心血來潮去咗試吓大家話媲美Lady M嘅千層蛋糕小店 @holam_bakery 每件既價錢都算平.口味眾多.小妹揀左最貪心既2款😂.➿巴斯克芝士x特濃焙茶千層蛋糕🧀一次過食多兩種口感~焙茶都唔錯有茶香.可以更濃.因為夾埋巴斯克芝士蛋糕食就比芝士蛋糕搶無少少.千層蛋糕既Cream夠滑☺️不過食到尾段係有D過甜膩.所以配手沖食就最好.➿抹茶麻糬 🍵千層蛋皮夠薄.抹茶味唔係一般食到既假抹茶味.而且可以有麻糬拉絲🥹小妹比較鐘意尼款🍵平時叫人介紹Tiramisu口味希望有機會遇上..➿抹茶麻糬 ʜᴋᴅ 𝟹𝟿➿巴斯克芝士x特濃焙茶千層蛋糕 ʜᴋᴅ 𝟺𝟼..(.❛ ᴗ ❛.) foodiepoison👩‍🍳  整體味道: 7.5/10 💸  性價比: 8/10 📸  打卡指數: 7/10 🤵🏼  環境服務: 8/10 🤔  推薦指數: 8/10

行駱駝漆，經過見有門口貼左勁多報導既shop，再睇睇網上介紹，發現呢間千層蛋糕既要訣係少甜、重奶味、皮薄，仲話煎皮時不會加油，見有好多口味，價錢又唔貴，就買一個6寸蛋糕試試。買左8味盒，試到8隻唔同既味，而3月份既味道就係：1. 朱古力2. 伯爵茶3. 牛乳4. 吉士焦糖燉蛋5. 紫薯粒粒6. 抹茶7. 士多啤梨8. 玫瑰同家人一齊分食8隻味，每隻味都試到少少，整體都幾好食既。見報導話每個千層cake有18層，我無數過係咪18層，就咁睇佢一層層分佈均勻，忌廉質地實淨得來幼滑，班戟皮唔厚唔薄，一層層切落有手感，唔會一叉落去就散。至於味道，其實8隻味同時一齊食呢….有部份味我都唔係好攪得清楚係咩味😛咁呢8隻味入面，我食得出味同埋比較鍾意既味係 伯爵茶 & 紫薯 。伯爵茶既味係淡淡的，只有好輕微既甜，一路食一路滲出好清香既茶味，微甜+茶香，幾好食。而紫薯味，可算係8隻味入面比較濃既味道，紫薯味好重，好似真係食紫薯咁，味道幾香濃。整體8款既忌廉都做得幼滑，全部都係微甜，所以食落唔會太膩。下個月如果出新味，都有興趣再試試。

因爲自己之前已經試過呢間的伯爵茶千層，所以上個月買左holam的伯爵茶千層蛋糕比朋友做生日蛋糕。個千層蛋糕味道一如既往的好，朋友食左之後都讚呢個好好味。本身有朋友一直都唔係好like伯爵茶，結果試左呢個之後覺得伯爵茶好似都幾好味！見到呢個情況，自己都覺得好開心哈哈🤣 🤣 🤣 🤣