HKU CYM Canteen

同朋友返到母校香港大學，行吓以往做學生時經常行嘅地方，行吓行吓，不經不覺就行咗兩三個鐘😆😆😆😆行到攰，又行到餓，就去以前成日食嘢嘅地方🥰，今次order咗日式拉麵🍜，同以前一樣拉麵好大碗，好足料：碗入邊有兩條串燒，好多塊肥牛，加埋啲配料，每次都食唔晒朋友叫咗日式豬扒咖喱飯，佢話之前喺學校讀書時未食過，想試吓新嘢～ 味道方面，咖喱飯嘅汁幾結身，咖喱味唔算好重，同唔辣；豬扒炸得好脆口，而且好大塊…查看更多

冬天緊要食番啲暖胃嘢, 牛腩係不二首選, 今次喺港大餐廳點咗個蘿蔔牛腩煲, 令我十分喜出望外。套餐包括一個煲、 一碗例湯同一杯嘢飲, 首先講過主菜蘿蔔牛腩煲, 一上枱牛腩味撲鼻而來, 結合精華所在嘅蘿蔔送飯一絕, 蘿蔔完全吸收曬牛腩啲汁液,而且本身唔太老身,而係牛腩質素方面, 由於經過長時間嘅烹煮, 牛肉變得十分淋, 個煲份量可以講係比市面上嘅都為多同大,而且白飯仲可以叫加飯。總體來說我認為呢餐飯都算係幾滿意嘅一餐飯😉…查看更多

喺港大返工已經有一年幾，一直食開同一間連鎖店食到已經好頹廢，聽同事講開咗間新餐廳，於是忍唔住就即刻試咗。餐廳門口嘅餐牌列晒一個星期有邊款食物，星期五有鰻魚飯同埋另外兩款意粉，我揀咗鰻魚飯再加多$13要杯熱latte。鰻魚飯不過不失，份量適中，不過餐廳環境相當舒服，可能因為疫情期間營業，所以大部份嘅座位都係二人座位，如果之後座位可以有三至四人座位會更加好。…查看更多

身為港大學生， 我經常都會喺上堂前或者落堂之後去港大canteen食飯， 當中食咗咁多間最推薦嘅就係呢間CYM canteen。 我諗香港島嘅物價貴大家都知，呢間canteen就提供咗一個相當便宜嘅價錢畀學生， 叫個頹飯甚至只係15蚊就可以醫飽肚，真係cp值相當高。呢間係我食過港大咁多間入面最好食嘅， 因此我經常都會嚟呢度食， 除非人特別多 ，不論係早上， 中午定係下午茶我都係首選黎cym。以上兩個 分別係朝早同埋下午茶餐，2個都係30蚊樓下就可以買到，好豐富，十分美味。提一提大家， CYM canteen買嘢嘅時候亦都需要學生證,因此如果真係想一試呢間canteen嘅話,最好識個HKU嘅朋友啦!…查看更多

港大內面少數好食既野！晚飯時段都係賣緊$40左右 而且包野飲同埋老火湯！肉餅唔算好老 用黎送飯一流👍🏻而且佢都算熱 唔會好似出面啲茶餐廳咁凍冰冰 而老火湯都算入味 唔會淨係得味精味 成個套餐價錢算平 而且餐廳餐牌菜色選擇都好多 適合大部分人口味！係高級餐廳林立既中西區搵到個就腳又平又好食既地方都算幾滿足。而且因為餐廳係學生飯堂 無論全幾耐都唔會俾人趕走 好適合一家人黎慢慢食 而食完飯又可以係港大校園入面散下步 都算唔錯架！👍🏻…查看更多

今次要介紹既係泰式青咖哩雞+凍奶茶呢個係泰式青咖哩雞都係屬於CYM CANTEEN既LUNCH SET。想食既朋友記得要係LUNCH既時間過黎一試青咖哩份量雖然比較少，但勉強足夠拌勻全部飯(加上椰奶既話)，呢個青咖哩味道相對較辣，不吃辣既朋友請小心，因為會加上紅辣椒同青辣椒，比較細心既一點係紅辣椒同青辣椒同唔會有籽，雖然辣椒籽爆炒後會有獨特的香味，但會更加辣。鐵板上有少量金不換調味。亦有栗米加強口感。椰奶份量足夠，味道十分濃郁。雞肉唔算太老，尚算香滑，味道還好。**再一次提醒，千萬不要在CANTEEN點水吧的飲品。凍奶茶味道似水…查看更多

今日要介紹既係係HKU CYM CANTEEN既炸雞•紅酒繪豬柳+凍奶荼。總價錢係$32 + $6.5 = $38, 相對較實惠呢個係CANTEEN LUNCH SET黎，所以如果大家想去試既話要係LUNCH TIME時間黎，太早只會有早餐，太遲只係得下午茶。*港大CYM CANTEEN LUNCH時間比較多人，平日要早少少去拎個位/等假期再去麵豉湯會隨餐附送。麵豉湯雖然材料足夠，但味道十分差，似水加鹽+辣味，成個餐如下圖表示，十分豐富(睇落)。凍奶茶冰量合適，味道極淡，飲落似水，加上過一陣冰已經融晒，再沖淡味道。*請大家千萬不要在CYM既CANTEEN點水吧既像品，員工態度十分HEA炸粉唔會太多。雞蛋味道極差，水量太多，完全無味，係成個飯既敗點。豬柳一般，同時成個餐係唔會食到有酒味。…查看更多

百物騰貴, 想食好東西又唔想傷荷包, 最好嘅選擇－定係食大學canteen, 既飽肚又實惠。今日同大家推介嘅係香港大學嘅平價pepper lunch。住係港島嘅朋友有福啦, 想食又便又好食嘅鐵板飯唔洗再去西九龍, 只要黎HKU CYM canteen就得啦。今次, 我揀左個芝士粟米雞肉鐵板飯。鐵板飯嘅精髓有兩點 - 鐵板嘅熱度同醬料嘅多寡。前者睇圖就知道佢做得相當出色, 可惜後者份量唔太夠。好在雞肉有事先調味, 加上有好多粟米粒補救。雖然芝士份量極少, 但$35做到呢個水平真係相當唔錯。考慮到佢嘅價錢係正常pepper lunch嘅－半左右, cp值都幾高, 會再次幫襯。…查看更多

大多數香港大學既同學仔都覺得香港大學比較出名既就係hku cym canteen (maxim ‘s food).對比起以前有蟲can 之稱既su can （現時已經執左，由另一間賣上海野既canteen取代，但食物質素都係麻麻）同埋同樣係港大校園既swire canteen, 係食物質素同環境衛生都係略勝一籌。呢次我係上完堂（18:30）過黎食飯晚飯，飯餐選擇較少。我就買左個日式拉麵加炸蝦。炸蝦🍤炸粉較厚，拉麵亦當然係普通超市拉麵，湯底味道較淡。喜歡食辣既可以係取餐隔離落點辣辣油以3十幾蚊價錢黎講為不過不失…查看更多

香港大學莊月明樓飯堂，係幾個香港大學嘅學生飯堂之一，特別係9月嗰陣時候幾間香港大學嘅其他飯堂都做裝修期嗰陣，我哋嘅一日三餐都真係靠曬佢啦。cym飯堂嘅食物大部分都係 十分經濟，飯嘅價錢都係約十零蚊到三十零蚊左右，如果唔加野飲，基本上唔會超過40蚊 。好似pepper lunch甘嘅鐵板燒飯餐都係38蚊左右，十分抵食。食物本身味道就適中偏淡少少，除左湯之外冇咩落味精，香港地有咁平嘅飯都算係咁啦。C y m開咗咁耐，間唔中都會轉一轉下啲餐牌，唯獨有幾個餐牌係基本上長年都唔會轉，其中一個就係口水雞餐，有飯有湯有滑雞唔包嘢飲都係30蚊左右，可謂十分之經濟C y m記口水雞飯餐啲雞大部分都好嫩滑好好味唯獨有個美中不足嘅地方就係，雞嘅部位好似抽獎咁，唔一定係啲非常多肉嘅地方變咗每次食嘅滿足程度都唔同。但係30蚊左右，仲想點丫？大約食6次，會有一次少肉d，咪當為健康著想食少d肉 lolC y m嘅口水雞，基本上係標準嘅辣雞，麻辣嘅程度定唔係好正宗，入口唔會話好麻。基本上味道似係比較香嘅辣椒油同配料灑上雞上面，就完咗喇。今日有幸食到雞髀位置，小弟已經大滿足了！湯係紅青蘿蔔煲豬骨湯飲落係覺得落咗少少味精嘅，但係之後都唔會口渴所以問題都唔大。成個餐食完啱啱好夠曬飽，唔使再另外買嘢食👍如果各位行開香港大學呢頭，又冇特別preference，只係想食一啲比較經濟少少嘅嘢嘅話不妨黎香港大學嘅飯堂食，除咗c y m嘅飯枱之外，仲可以去太古樓嗰一邊嘅學生canteen食出名嘅米線，或者自定配菜意粉都係30蚊就搞掂曬，保證你會有豐富而標準嘅一餐。…查看更多

港大幾間Canteen入面，最好食非CYM莫屬！食物選擇最多亦最好食當中最受歡迎一定係燒味飯 尤其係油雞！雞皮痴晒豉油 雞肉又夠滑食到悶 可以轉戰亞洲美食嘅鐵板餐料雖然小咗啲啲 但惹味同平過出面食不過建議唔係喺學生放lunch時段去因為好難搵位啊…查看更多

The service is quick here and the price is the best in all of Hong Kong. It is worth the effort to find this restaurant if you want the best value for your meal. Order the roast duck during lunch time and you will never regret it. The staff is matter of fact and get the order done for you, but do not help you much in making decisions. It is clean and orderly and has plenty of space for your friends to join you.…查看更多

Lunch time 無咩興致，所以又去附近canteen食。唔想食雙餸飯同燒味飯，所以就做勇者，試新嘢。I was moody today, so I went to nearby canteen to have lunch.I got bored with rice with two choices of sides and siu mei, therefore I tried something new.味道 Taste：7.5環境 Environment：-服務 Service：7我叫咗韓式炸雞．紅酒燴豬柳配泡菜海帶湯。I ordered Fried chicken in Korean style with braised pork fillet in red wine sauce and Kelp & kimchi soup.韓式炸雞．紅酒燴豬柳：份量比想像中大，而炸雞同豬柳嘅味道亦比想像中好。泡菜海帶湯：味道都幾辣，應該落咗好多七味粉。Fried chicken in Korean style with braised pork fillet in red wine sauce: Big portion, and the taste of fried chicken and pork fillet was better than expected.Kelp & kimchi soup: Quite spicy, there was too much Shichimi.$30夠哂飽，而且味道算唔錯。Reasonable price, average taste, and get you full.…查看更多

返工之前，就喺canteen食個早餐。Before work, I had breakfast at CYM canteen.味道 Taste：7.5環境 Environment：-服務 Service：7本身想食蕃茄通，但原來已經轉咗新menu，所以就食腿蛋麵。Originally, I wanted to eat Macaroni in tomato soup. However, the menu has changed, so I ordered Instant noodles with ham and egg instead.腿蛋麵配熱飲：$18.5麵係公仔麵，有兩塊火腿同一隻全熟荷包蛋。另附一包小麻油。Instant noodles with ham and egg plus a hot drink: $18.5The noodles was Doll instant noodles, with two pieces of ham and a over-hard egg. Sesame oil was included.咁嘅價錢，算非常抵食。It's value for money!…查看更多

作為拉麵愛好者嘅我，決定試下CYM嘅拉麵。As a ramen lover, I decided to try CYM's.味道 Taste：8環境 Environment：外賣自取 Take away服務 Service：8整體評分 Overall：8我試咗豬軟骨拉麵，拉麵份量都唔細，正常男士食都夠飽。有兩嚿都幾大嘅豬軟骨，湯就係味精湯嚟嫁喇。I tried tender rib ramen. Normal size for a man.There're two tender ribs (not small), but the soup was MSG soup.如果臨近月尾，而你又想食拉麵，不妨一試。If you really want to eat ramen but you don't have money, this may be an alternative. …查看更多