hier.

做嘢經過鰂魚涌，想食得輕盈啲，行過叫做Hier嘅沙綠店決定試一試！價錢非常實惠，沙律低至$48，飲品都唔貴。沙律combo $78煎三文魚藜麥羽衣甘藍沙律：大大塊嘅三文魚煎得幾香，唔會有腥味。羽衣甘藍唔苦，加埋其他新鮮沙律菜好易入口。香辣雞肉蝴蝶粉好有咬口，辣辣地超開胃。仲可以自己揀醬汁，香橙羅勒醬酸味味，更顯清新。大大份，女仔一定夠飽。抹茶麻糬貝果$28原來係享樂烘焙嘅出品，難怪質地咁煙靭，質素保證。包本身抹茶味偏淡不過cream cheese茶味香濃，入面嘅麻糬翻熱過後非常軟糯，呢個配搭非常好咬。Matcha Latte $40 （轉oat milk +$5）抹茶味香濃，如果用返正常牛奶，拉花應該會靚啲！買pastry飲品可以有折扣，正！有少量座位比客人堂食，適合一個人靜靜地望住條街享受健康又美味嘅一餐，想舒服啲又可以帶返屋企細味。…ดูเพิ่มเติม

附近做完嘢經過見到呢間主打健康輕食嘅cafe，外賣為主，座位唔多，但係食物款式選擇都幾多幾吸引😋ღ 雙重烤三文魚扒沙律三文魚外層微焦香，帶點香脆，肉質鮮嫩多汁，搭配清爽脆口嘅沙律菜，仲有酸甜醬汁帶出層次感，食落既健康又滿足ღ 香辣雞肉蝴蝶粉香氣十足！蝴蝶粉入口彈牙爽滑，雞肉嫩香帶微辣，粉條索滿醬汁，辣而不嗆ღ 色彩繽紛牛肉沙律睇落五顏六色好吸引，牛肉嫩滑多汁，配搭多種鮮甜蔬菜，加上酸甜醬汁，層次豐富ღ 豆腐花Latte飲落嫩滑細膩，帶有豆腐花嘅柔和甜香，混合香濃奶味同咖啡香氣，滑順又唔膩ღ Matcha Latte 唔單止有靚靚拉花，口感都超滑順香濃！抹茶味帶微苦，配合濃郁奶香，入口細膩香醇…ดูเพิ่มเติม

今日全日都飽飽滯滯,行經這店是吃沙律的就去試試。鴨胸蘋果沙律配慢煮雞胸牛油果沙律,鴨胸質地嫩滑,鴨皮Q彈,味道有煙燻的香味,蘋果很爽脆;雞胸質地結實,感覺到有豐富的蛋白質,味道有點辣辣的很開胃,粒粒的牛油果很軟滑,特別一提這裏有自家製的香橙羅勒醬,味道清新可口,用來配沙律味道一流。雙重烤三文魚扒沙律,三文魚大大份,烤得焦香,肉質結實有咬口,味道有鹹鮮味,沙律新鮮,蔬菜爽脆。是日餐湯粟米湯,用新鮮粟米造成的粟米湯,每啖也可以喝到粒粒口感的粟米粒及粟米碎,粟米的味道濃郁,輕微的甜味使人喜歡。豆腐花latte,這個值得一讚,豆腐花跟咖啡及奶的配合做到比例適中,豆腐花的軟滑可口,遇上了咖啡及奶的濃郁味道,混合起來味道一絕,大家要試一試。凍朱古力,朱古力味道很濃,味道不會過甜。味道: 值得一試環境: 舒適衛生: 乾淨企理服務: 尚可價錢: 超值…ดูเพิ่มเติม

午餐想食得健康啲，但成日食沙律就好鬼悶，同埋太古坊附近ge 沙律都唔太平。午餐時間，見到Hier 推出蒟蒻飯，其卡路里只是普通白飯嘅10%，係一個減肥嘅新選擇！店內有2個款式揀，「慢煮咖哩雞胸」或「韓式一口牛」，今次就㨂左韓式一口牛。蒟蒻麵就食得多，蒟蒻飯就真係第一次試。蒟蒻飯煮到好乾身，口感彈牙有嚼口，幾好食！一口牛份量都幾多，同泡菜一齊煮，味道惹味小小辣，牛肉粒肉質都幾嫩滑，配埋糖心蛋，一定夠飽，食完唔會有空虛感！…ดูเพิ่มเติม

最近食得肉太多了，係時候清清腸胃，今日決定清清地，食沙律之類。雙重羽衣甘藍三文魚扒沙律三文魚扒只有少許調味，己呈現出鮮美、煎起來帶有淡淡海鮮鹹香的風味。羽衣甘藍獨特的微苦與草本清香，搭配三文魚的油脂，整體口感豐不錯，絕對係健康有營的一道沙律。粟米忌廉湯非常濃稠，啖啖兼有粟米衣，增添了口感，好有田園清新味道。豆腐咖啡咖啡本身味道濃厚，加入了豆腐原素，另質感順滑，有豆香，飲到末端，還有豆腐可嚐，推介。…ดูเพิ่มเติม

今日去左區鰂魚涌tea一tea ，入去咗呢間小店主打新鮮健康輕食！店舖內有三個位，外賣為主，一入到店已經聞到好香味coffee 現今OL 都係健康為主，呢區返工LUNCH 就有口福雙重羽衣甘藍三文魚 $78我好喜歡食三文魚，結合蛋白質、綠葉蔬菜有益健康燒得好香三文魚加上有微微黑椒味道非常之夾食落真係好飽肚感，佢哋嘅份量都好足啲沙律菜全部夠爽脆又新鮮同好多係底部架色彩繽紛牛肉沙津 $78有好多粒牛肉粒，都好有飽肚再加上有 有羽衣甘藍、 南瓜、粉鷹咀豆、蕃茄仔 睇得出夠豐富仲好健康最近都唔食飯，唔好睇盒box 仲以為唔夠食佢地足料夠飽肚+$25 栗米湯好香又滑又健康栗米湯啖啖非常栗米味香夠香濃hier.鰂魚涌海光街34號地舖…ดูเพิ่มเติม

要搵一間有益健康，好味沙律，又啱我口味嘅真係非常之難，但係呢間小店嘅沙律我真係非常之鍾意，佢每一個items我都覺得好好味！！ 性價比高，喺呢區返工嘅人可以有呢個 choice真係好！！佢哋嘅蕃茄湯，非常之濃郁好味。牛肉沙律，與烤南瓜塊、羽衣甘藍絲、車厘茄、鷹嘴豆共舞，色彩繽紛，啱晒我嘅「彩虹飲食法」非常之健康有益，好齊全好均衡！！另外，蒟蒻飯配慢煮咖喱雞胸，蒟蒻飯粒粒分明如珍珠，煮得非常之啱啱好，鋪著咖喱雞胸，肉質嫩，軟硬適中。咖喱汁融入雞蛋碎同蒟蒻中，好濃郁入味。另外，兩杯嘢飲都好好飲。Orange Americano 香橙美式咖啡，咖啡融入橙汁。果酸與咖啡香在舌尖共舞，令味覺非常之豐富。豆腐花咖啡，我好鍾意！！豆腐花注入咖啡，勾勒出深淺琥珀紋，豆花的清甜中和咖啡的微苦，非常特別同有創意。呢度係我好鍾意嘅選擇，會再encore！！…ดูเพิ่มเติม

海光街嘅 **hier.** 主打清新輕食，沙律雙拼（慢煮雞胸牛油果 + 鴨胸蘋果）$48 超抵食，菜葉新鮮爽脆，最驚喜係配搭 **牛油果汁**，香滑濃郁得嚟又唔膩，同雞胸同鴨胸出奇地夾！ **蒟蒻飯配韓式一口牛**（$78）係必試之選，飯粒煙韌有咬口，卡路里低但蛋白質豐富（27g），牛肉雖然細件但醃得入味，醬汁微甜帶韓式風味，食完飽足又冇罪惡感！ 飲品**豆腐花Latte**，豆香突出，口感順滑；而 **Orange Americano** 就橙香清新，提神又醒胃。整體嚟講，hier. 係附近返工族嘅健康好選擇，食材配搭有心思，味道自然又唔會太重口味，絕對值得一試！ 🥗 沙律雙拼 - 牛油果汁超加分 🍚 蒟蒻飯一口牛 - 高蛋白低卡之選 ☕ 豆腐花Latte - 豆香濃郁 🍊 Orange Americano - 清新醒神 #鰂魚涌輕食 #健康午餐推薦 #蒟蒻飯 #牛油果汁…ดูเพิ่มเติม

HIER第一次黎, felt 到所有野都好有heart Orange Americano $45 倒啡入凍橙汁個下好似dirty 咁靚~ 唔係第一次飲orange Americano, 但今次味道比記憶中個杯impressive.可能因為用嘅荳同鮮橙汁更夾, 橙香配較為fruity Americano 酸甜清爽, 好岩夏天飲豆腐花咖啡 $48第一次見~ 用左自家製黑糖同豆花牛奶配啡，甜度適中. 底層有好多軟嫩豆花再增加口感, 如果有粗d 飲筒可以更易吸埋就更好色彩繽紛牛肉沙津 $78牛肉切粒燒完幾香, 唔會乾. Salad 有羽衣甘藍, 甜甜南瓜、粉鷹咀豆同百合茄. 呢個組合味道豐富又高蛋白質膳食纖維好健康. 依家用丘比做個salad dressing, 個人相對會喜歡黑醋蒟蒻飯配慢煮咖喱雞胸 $68蒟蒻飯夠哂健康, 低GI 低卡仲0脂肪. 而個口感真係好似飯, 配埋煮得嫩雞胸同調味剛好咖喱, 提供夠27g 蛋白質又夠飽蕃茄湯夠酸幾開胃 …ดูเพิ่มเติม

喺鰂魚涌返工嘅我，日日都要諗lunch食乜。幾推介呢間可以take a away又可以堂食嘅小店，因為佢嘅Offerings健康得黎，價錢okay, 同埋都幾大份，一定夠飽雖然小店一間，但係環境都幾chill，同埋成日都唔記得帶印花卡嘅我，可以黐張卡佢哋牆上邊，咁就一定唔會唔記得帶儲夠當然可以換咖啡啦~非常推介佢哋新出嘅豆腐花latte，唔太甜，但係有豆腐花嘅香味，亦有咖啡味，一開始覺得呢個配搭幾奇怪，但係試落去真係好味，仲要買兩杯會抵啲，所以記住同Friend一齊嚟試！佢哋新出個韓式一口牛蒟蒻飯，真係好surprise ！估唔到蒟蒻飯食落同白飯差唔多，但係當然健康好多倍啦。最重要係食完之後真係會好飽肚，啱晒平時要keep fit又鍾意食好嘢嘅我另外我個friend嗌咗橙味嘅Americano ，甜甜酸酸嘅橙味配上啲咖啡，都幾唔錯。想講我個friend話諗住唔食咁多，所以冇嗌飯，嗌咗沙律，但係其實佢哋嘅份量都好足啲沙律菜全部都好fresh…ดูเพิ่มเติม

放lunch嘅時候諗唔到食乜嘢 所以決定試吓呢間成日經過嘅小店店舖裝修好吸引好簡約而且食物飲品選擇都幾多全部都係健康之選啱晒keep fit成日食外賣嘅客人我試咗雞 鴨胸沙律估唔到份量超多沙律醬好清新好健康 水果味好充足鴨胸和雞嘅口感都唔錯特別推薦蒟蒻飯減碳就最適合啦咖喱汁味道啱啱好今次都係食雞 下次試吓牛外賣咗bagel同埋scone比同事佢哋都讚食物水準好好最後值得一讚嘅係小店新出嘅豆腐花latte好好飲一定要試呢個🫶🏻…ดูเพิ่มเติม

剛好在附近做義工tea time放break, 想食少少嘢，路過見到有decaf coffee 決定幫趁。叫左個Caesar salad同埋decaf flat white. 沙律裏的食物都好食，個獨立包裝醬都好食喎。杯咖啡都好滑，一共$68. …ดูเพิ่มเติม

鋪面唔大，只有面對落地玻璃高身座位三個，勝在開揚唔壓迫試試店員介紹新產品，黑糖豆腐花咖啡，估唔到中西合璧，意外地有新意夾得來，豆花細碎口感配咖啡香，不過只有凍飲供應熱飲嘅就試下開心果拿鐵，不含咖啡成份， 以無糖開心果醬入饌，一入口濃郁堅果香又唔甜印式大蝦沙律，紅椒粉大蝦配鷹咀豆充滿印度風情，油醋比一般沙律醬健康慢煮雞胸軟身完全唔鞋， 菜單上標榜蒟蒻米配上藜麥， 完全食唔出係蒟蒻米，以為畀錯與一般米飯口感無異，健康又不影響口腹之欲，好感受到小店對出品嘅用心…ดูเพิ่มเติม

最近，朋友推介鰂魚涌新開的㗎啡和健康沙律的輕食小店，開店初期，每當朋友幫襯小店的咖啡時，老闆會主動詢問朋友對咖啡的意見，經過一輪的調整後，最後，還tailor-made朋友喜歡口味的咖啡，足以證明小店老闆好有誠意留意每位顧客嘅需要，不斷改善，務求令到顧客喜歡，除此之外，你會發現店裏收銀處附近，有一幅特色牆，牆上佈滿顧客的咖啡印仔卡，小店為顧客保管和直接為顧客吸印仔，以防大頭蝦顧客忘記吸印仔，非常體貼👍🏻👍🏻👍🏻今日我就品嚐了朋友專屬的口味咖啡，㗎啡香濃，苦中帶出滑滑的奶香，非常醒神😁，店員仲為我杯咖啡畫了海馬圖案😘😘😘，令人心情開朗😊😊🥰🥰…ดูเพิ่มเติม

佢IG post做早餐優惠，一份有餡牛角酥加Black or white $45幾吸引咁。所以見blue Monday 就買黎食。牛角酥有plain, 沙律蛋，芝士火腿同藜麥吞拿魚揀,我揀咗最後者，另外配飲細Latte 。因為即叫即製，所以等10分鐘左右。我係買外賣返公司食，返到office食牛角酥好脆同香，藜麥吞拿魚就正常味道，加埋生菜同蕃茄，感覺好freshLatte都好香滑，重nutty 味，鍾意呀。過左一星期念念不忘，2刷左今次叫左蛋沙律配細Latte，一樣新鮮好味。店員話轉凍飲或加大就加5蚊，下次試埋凍飲先…ดูเพิ่มเติม