影片
營業時間
今日營業
11:30 - 23:00
星期一至日
11:30 - 23:00
以上資料只供參考, 請與餐廳確認詳情
Hesheeat 絕對係閨蜜情侶聚腳地，無論主菜甜品都非常出色，賣相味道都令人無法抗拒！紫薯鮮奶 （熱）紫薯香搭濃郁奶味好夾，味道恰到好處，飲起嚟好順滑，有種綿密感！Coconut pandan latte 經典班蘭同椰奶組合，清新不膩！蟹肉辣肉腸蕃茄水牛芝士扁意粉 主要用蟹肉、茄肉、辣肉腸、水牛芝士煮成，將所有配料撈勻後，每一口都食到啖啖蟹肉 鮮味，辣肉腸好香口，整碟扁意粉味道酸酸甜甜好開胃！嚟到hesheeat點可以唔食甜品 !士多啤梨麻糬梳乎厘配士多啤梨雪糕單望賣相已經覺得幸褔♥️ 梳乎厘厚嘟嘟軟綿綿，蛋香味極濃，鋪住一片白雪雪嘅麻糬皮令賣相更可愛😍 多咗一份柔軟煙韌口感！梳乎厘即叫即整，製作需時半小時 ，所以食主菜時已經落定order！ 特濃5.0牛乳芭菲-朱古力平時經過餐廳門口見到好多人拎住雪糕嚟打卡 ♥️ 芭菲特點係層次豐富，我叫朱古力orea味，除咗牛乳雪糕，中間仲有Oreo×杏仁粒×脆脆米通👍
繼續閱讀
有時係旺角搵食都唔知點揀，選擇太多，而今晚就係比佢嘅甜品吸引到，這間店其實在其他地方都有分店，這間店以木系顏色配上柔和主調，感覺好舒服，這裡除了甜品外，餐牌還有其他選擇，小食同主食選擇都唔錯，今晚就點了份單骨雞翼配配水牛城醬，個人比較喜歡的選擇，食落方便，入口即刻可以將骨肉分離，外面炸到脆卜卜，雞肉都仲係好Juicy，配埋個水牛城醬，真係一個唔錯嘅餐前小食！主食點了安格斯牛肉芝士漢堡配薯條，上枱有烤得香脆漢堡包夾住塊厚身多汁嘅安格斯牛肉，從中間切開後，見到層次分明，脆包夾住了半熔芝士及厚厚嘅安格斯牛肉，一口咬入去時淡淡嘅肉汁流出，加上半熔芝士，口感濃郁，配上沙律及薯條非常豐富滿足！還有滑蛋原條鰻魚蓋意式紅飯，原條燒鰻魚配上鰻魚醬汁，夠曬肥美豐富，加上嫩滑嘅滑蛋包著的意式茄紅飯，味道配合之餘還十分開胃！飲品就係人氣之選宇治抹茶士多啤梨鮮奶配抹茶雪糕，飲品打卡一流，三色分明層次感強綠白紅，由上而下有幼滑的抹茶雪糕浸在濃濃混合了鮮奶嘅抹茶粉上，中間就係香濃嘅鮮奶，以士多啤梨為底層，搞匀底部一齊入口又係另一種感覺！當然今次重點係甜品朱古力Oreo特濃5.0牛乳軟雪糕芭菲，在特濃5.0牛乳軟雪上撒滿了可可粉，入口牛乳味香滑濃郁，食完上面嘅雪糕後還有可可脆米、Oreo餅、nuts 同慕絲朱古力醬，完全是超華麗嘅組合，對於一個甜品控真心推介之選！另外朋友都點了士多啤梨牛乳刨冰，大大份之餘，在香濃牛乳刨冰最上面放了一個香濃士多啤梨雪糕球外，旁邊圍滿了新鮮嘅士多啤梨，牛乳刨冰份口陣陣濃郁牛乳味道，真係好治癒，對於在夏日炎炎的日子，享受這款透心涼的甜品，真係讓人感覺愉快！整體而言，價錢、食物質素、份量全部都成正比，CP值高，份量比出邊嘅西餐廳大份，如果同朋友放工一齊到這裡享受一下就最好不過，坐得舒服，服務態度好同細心。
繼續閱讀
仲好記得以前同朋友一食西餐就會揀去食cafe，依間餐廳仲係以前舊位置時成日都要排長龍，自從搬左新鋪就好耐都無食過，早幾日同朋友約食飯去重拾回憶估唔到搬咗新鋪之後依然保持水準，更比以前提升左之餘，份量亦都相當大份，我哋叫咗個主菜、意粉、兩個甜品再加一杯嘢飲一齊食燒原隻黑松露春雞配薯條一送到上枱，忍唔住嘩一聲，份量非常大份，將我隻手拼埋落隻碟度相等於巨型尺寸嘅春雞，雞皮外層係滿滿黑松露，用刀切開嗰時聽到外皮酥脆聲，雞肉入口軟熟剛剛好，再連埋外皮一齊食帶微微酥脆感，而且仲鎖到肉汁，兩重口感惹味又夠香! 旁邊嘅薯條亦炸得非常香脆，愈食愈停唔到口🤣雞肉冬蔭忌廉燴扁意粉雞肉醃過再煎至金黃色，入口相當軟熟，外層煎得乾身口感微脆，但食落係軟熟肉味香濃，不得不讚過冬陰功忌廉汁Creamy食到陣陣嘅冬陰功辣味香，大少少酸又帶少少辣，扁意粉口感爽滑彈牙，拌埋個汁一齊食真係冇得輸，私心必點推介🥰士多啤梨麻糬配士多啤梨雪糕梳乎厘班戟食完個主菜同意粉已經有七成飽，但係食甜品係第二個胃，賣相好吸睛，梳乎厘班戟口感軟綿，蛋香味好重，連埋煙靭嘅麻糬皮一齊食幾得意!朱古力Oreo特濃5.0牛乳軟雪糕芭菲餐廳招牌嘅牛乳軟雪糕淨係賣相已經俘虜我個心，軟雪糕外層灑滿可可粉，入口相當軟滑，牛奶味濃郁，入口感覺輕巧，底層仲有可可脆米同Oreo餅，超邪惡！特飲叫左依杯宇治抹茶士多啤梨鮮奶配抹茶雪糕，飲落抹茶味濃郁突出，唔會太過甜，搞匀底部嘅牛奶同紅豆蓉飲令整體味道層次更加提升，完美配搭☺️整體而言，價錢、食物質素、份量全部成正比，性價比好高，份量比一般外邊西餐廳大份，如果三五知己一齊share食最好不過，坐得舒服，服務態度好同細心
繼續閱讀
放工去了旺角食晚飯，因為甜品，所以選了Hesheeat。旺角店裝修幾清雅，木系顏色配上柔和主調，感覺好舒服。點了幾款菜品，都令人十分滿意。燒原隻黑松露春雞配薯條大大隻嘅春雞搽上黑松露醬嚟燒，上菜嘅時候極具霸氣，黑松露嘅味道香氣撲鼻，雞肉鮮嫩，無論係雞翼定雞髀都係好Juicy，最令人驚喜嘅係雞胸竟然一啲都唔嚡！除咗春雞仲有脆卜卜嘅薯條同埋新鮮嘅沙律，真係一個豐盛嘅主菜。香煎三文魚明太子忌廉扁意粉顏色鮮艷嘅明太子忌廉意粉永遠係我去Cafe嘅首選，估唔到呢度仲加上芝士片同埋香煎三文魚，皮脆肉嫩嘅三文魚同明太子意粉簡直係絕配。椰子斑蘭Latte一杯充滿熱帶風情嘅飲品，椰子汁同埋斑斕汁混和得恰到好處，沒有誰搶了誰的風頭，彷彿置身在沙灘享受陽光與海浪聲中。士多啤梨麻薯梳厘班戟配士多啤梨雪糕春天係士多啤梨嘅收成期，當然要試士多啤梨疏乎厘。精緻嘅擺盤，充滿空氣感嘅疏乎厘被士多啤梨糖同士多啤梨包圍，疏乎厘上面放住薄薄嘅一層麻糬，再放上士多啤梨，旁邊嫩滑的奶油，可以伴隨疏乎厘一起享用，唯美的造型是一件藝術品。芋治抹茶特濃5.0牛乳芭菲上菜的時候已經覺得頗有層次感，濃濃嘅抹茶粉下面是幼滑的牛奶雪糕，雪糕下面是蕨餅，丸子和米通，底層係奶油同埋紅豆。甜味，煙韌度，口感層次分明，意想不到是紅豆下面竟然是綠茶味芝士！！Hesheeat的甜品從來都是賣點，美味嘅甜品為這一餐畫上完美句號。
繼續閱讀
HeSheEat Cafe (THE FOREST) 裝修非常之有特色，以溫暖嘅木色系為主題裝潢，散發簡約小清新的文青風。店內特別配上造型獨特嘅圓筒形吊燈，與咖啡色藝術磚牆相映成趣，增添幾分文藝氣息。同時，寬敞嘅樓底配上大面積落地玻璃窗，俾人一種敞亮舒適嘅用餐空間。講到食物，主菜本身已經好正，份量都幾滿足。不過，真正攞命嘅係佢哋嘅甜品！真心推薦！💕主菜方面，我哋叫咗香煎比目魚樓配蜜糖芥末薯仔同蟹肉辣肉腸蕃茄水牛芝士扁意粉。香煎比目魚樓配蜜糖芥末薯仔嘅味道同口感相當特別。比目魚經過香煎處理後，外皮變得輕輕酥脆，而魚肉內部則保持濕潤和嫩滑，帶出魚本身的鮮美。配搭的蜜糖芥末薯仔，則為整道菜增加了甜中帶微辣的風味，薯仔烤得外皮帶脆，內部柔軟，芥末的微辣與蜜糖的甜味結合，既創新又誘人。蟹肉辣肉腸蕃茄水牛芝士扁意粉則展現了豐富的層次感和濃郁的口感。扁意粉本身吸收了蟹肉和辣肉腸以及蕃茄的醬汁，使得每一口都飽含海鮮與肉類的鮮味及蕃茄的酸甜。辣肉腸提供了微辣的刺激，與蟹肉的鮮甜相輔相成。水牛芝士的加入，則帶來奶香濃厚，並帶有淡淡的鹹味，使整道菜的口感更加豐富多維。這道菜不僅味道豐富，還有令人滿足的口感，是一個味蕾的極佳享受。牛油果奶昔嘅味道同口感真係難忘。用咗新鮮牛油果整，超滑嘅口感加上啲淡淡嘅果香，再加埋牛奶嘅奶香，搭得好好，每一啖都好滿足😊。牛油果同牛奶嘅味道完美融合，飲落去特別滋潤。特濃5.0牛乳軟雪糕芭菲（朱古力Oreo味）就係甜品中嘅翹楚🍫。高濃度牛乳雪糕，質感超級綿密，口感滑到不得了。加入咗朱古力同Oreo碎片，既有朱古力嘅濃郁，又有Oreo餅干嘅脆香，層次豐富。每一啖都係濃郁同香脆嘅完美配合，真係視覺同味覺雙重享受。至於原味梳乎厘班戟，味道細膩又輕盈🍰。班戟超級蓬鬆柔軟，外層微微脆口，內裡卻保持住嗰份濕潤。搭上簡單嘅奶油同糖粉，每一口都有牛奶嘅甜味同梳乎厘特有嘅滋味。
繼續閱讀