Hei's Kitchen

話說第一次寫食評，因為今次實在太嬲。呢間餐廳想同朋友試好耐，終於有時間黎試試。原本想試下佢個牛肉河，不過原來晚市無牛肉河。侍應叔叔誠意推介我地吃食北越牛肉酸鍋，仲話係獨家，見叔叔用心推介，我地梗係試下啦，盛惠$238，再另外加一，openrice訂坐88折並不適用。我之後仲叫多個油飯$15，再加四條串燒$48。個鍋送到，見到啲牛肉，即刻勁唔開胃，啲生牛肉係熟牛肉咁嘅顏色，並唔係鮮紅血。我問叔叔啲肉係咪唔新鮮呀（如圖），叔叔話冇問題架食得架。我心諗，你收我$238比啲咁嘅牛肉我？再試下啲牛肉，絕對任何餐廳嘅一人火鍋都有呢個質素，而且個價錢肯定平至少兩倍。仲有啲生菜，加埋應該有五塊左右 。 之後到個串燒（兩串雞，兩串豬），每一串得三分二隻女仔食指咁多肉，啲肉質，鞋左啲，完全食唔到任何肉味，唉。不過，呢個串燒有88折，不過都係要加一。 最後，油飯係最好食，盛惠$15 加一再openrice 88折。飲粒粒分明，煙煙韌韌咁，係有啲油，有啲黃黃地色，但完全無黃薑味，無油香味，但已經係最好食。 結論，呢餐我食左三百幾蚊，無肚疴，無食物中毒，但環境非常乾淨，如果你想同班fd搵個地方輕鬆吹下水，呢度可能岩你，但我絕對唔會再去。…查看更多

睇個門面平平無奇 竟然食完返尋味😋串燒嘅沙嗲汁好香🤤肉質好腍酸菜魚較辣 但湯底好好味送飯食一流！魚塊好多🤤好似食極都仲有咁最後就係主角 牛肉酸鍋🤤個煲好靚😂打完卡可以開餐！湯底較酸但好開胃 牛肉 紫洋蔥 芽菜 呢個組合真係一試難忘🤤👍🏻…查看更多

放工去觀塘拎身分證，點知拎完突然落大雨，打算去附近餐廳食晚餐避雨，無意中行過見到The Wave有泰越餐廳就決定一試。我地兩個人叫左一個小食拼盤，馬拉盞豬頸肉炒椰菜苗同泰式冬陰功海鮮金邊粉。味道好香口同埋份量足夠，食到舔舔脷！值得一讚係店員哥哥好親切，人情味好足夠！佢仲另外推介左越式酸牛肉湯，我地決定下次再黎試一試！最吸引係Openrice 提早訂坐仲會有折扣優惠，估唔到落雨賜左個美食意外驚喜俾我地🥰…查看更多

媽媽節一家人出去食飯慶祝去The Wave食泰國野個到環境ok 唔算太多人，由地鐵站行過去都近，易搵同唔耐冬陰公湯唔太辣，少少酸好易入口又夠多料青木瓜沙律，酸酸甜甜又爽口，食完好開胃皮蛋比較普通串燒連埋佢個醬好味，最鍾意食沙嗲醬食泰國野必食炒椰菜小食拼盤同海南雞有水準但炒米面好似無咁特別 比較普通母親節每台都有送左芒果糯米飯做甜品同埋送1枝花俾所有媽媽，👩表示有花收好開心😍😍做仔女既表示，只要媽媽開心，乜都夠啦😘😘😘祝所有父母身體健康，長命百歲😘…查看更多

餐廳是包含了泰菜，越南菜，中菜嘅特色。 朋友就算唔係最鍾意食泰菜都可以有其他選擇，呢樣係幾好👍侍應哥哥強烈推薦店舖的*特色北越牛肉酸鍋*又很用心教我地要點樣食湯底香濃帶點酸味非常開胃作為第一道菜絕對適合。生牛肉很新鮮，五分熟擺落口滑溜香口絕對想再encore! 推廣期內可免費添湯底。香煎墨魚扒，如果可以切厚一點和增加一點蝦膠彈牙質感就更好了。招牌蛋花咖哩軟殼蟹配薄餅， 咖哩汁炒得香口亦夠味，薯仔亦有炸過，只係略嫌軟殼蟹本身太鹹了，鹹到最好幾件都吃不下了。。。。呢度居然有酸菜魚食！我地問左侍應叔叔，決定試他推薦的Heis水煮魚。 因為本身唔太食得辣 ，已經叫了小辣， 估唔到個麻辣依然咁強烈，麻香味十分濃厚， 麻薯粉十分煙韌好吃 ，同行朋友大讚配上白飯食一流 題外話：因本人食辣十分之差勁，食左兩片而且 辣到紅曬標眼水 另一位侍應哥哥很貼心，拿了一大碗熱水給我過水，又給了我一杯冰凍烏龍茶解辣最後點了一個芒果糯米飯為整餐晚餐劃上完美嘅句號。 糯米飯略嫌黏性過強， 如果可以配上多一點汁更好。飲品方面，龍眼冰挺推薦，一大杯裏面有十幾粒龍眼肉總括嚟講，食物質素不俗。 牛肉酸鍋最有驚喜食得辣嘅朋友仔絕對可以一試 酸菜魚/水煮魚。值得一提的係這裡的所有侍應都很有禮貌下次黎再試下其他野食…查看更多

街坊系列 – Hei’s Kitchen 💚小編又去觀塘搵食😳但竟然見識唔一樣既觀塘平時人來人往既開源道竟然無咩人流😧以往既人龍都消失左🥺得返小好人係等緊外賣雖然好似舒服左🥲但小編覺得有點小空虛------------------------------環境: 餐廳面積都幾大👏🏻坐得都好舒適小編幾鐘意佢D燈飾💡每盞都有唔同特色衛生做得好好🧽清潔都有用上清毒劑------------------------------食物: 招牌越式生牛河 ($77) 🍜湯底有特色😋清甜得黎帶點少少胡椒香牛肉份量好多😍有成6-7塊大大塊既牛肉有別平時食開既肥牛🥩選用左肉味更重既部位河粉爽口唔油膩☺️份量夠哂飽肚越式蒸粉包 (+$18) 🥟好考功夫既越式小食🥰每日限量供應外皮夠哂薄身🤤而且仲米香充足餡料好多,填滿哂成個粉包🤪啖啖滿足泰式班蘭奶茶 (跟餐) 🧋味道特別😍味道意思唔到咁夾飲落夠哂香濃同滑身👍🏻甜度輕啲就完美------------------------------服務: 態度友善💁🏻‍♂️反應速度都好快午市堂食加外賣繁忙❤️店員好落力同爽手------------------------------環境: 7.5 /10食物: 7.5 /10服務: 7 /10地址: 觀塘興業街4號The Wave1樓101及103號舖人均消費: $ 80 - $ 150…查看更多

🐮招牌越式生牛河生牛肉被熱辣辣嘅牛骨濃湯輕輕灼熟，保留濃郁牛肉味又不失嫩滑口感，就算無雪花肥膏，都有入口溶化嘅口感。河粉軟滑，非常夾牛肉。🐔三巴旺海南雞喇沙喇沙湯底香濃，好有椰香味，少少辣，風味剛剛好。餐廳選用唔同嘅麵，有米粉有粗麵，唔同口感食起更有層次，又可以掛湯。另外海南雞爽滑，雞皮一啲都唔肥膩，仲好爽口。配上兩款醬汁，一雞兩味。🧋泰式斑斕奶茶配合香港人口味，唔會太甜，但茶味唔夠濃。🫖 紅棗桂圓茶真材實料有紅棗，龍眼肉，溫熱滋潤，女士飲養血補身。…查看更多

今日喺觀塘拎完團購之後，梗係要喺附近捐窿捐罅搵嘢食，行到去the wave，呢到有好幾間食肆，我地又唔想食西餐，見到呢一間店主打北越菜，幾特別，即管試吓！*特色北越牛肉酸鍋 $198*平時食生牛河、越式粉就食得多，第一次見呢個打邊爐既食法。老闆上菜時超詳細咁介紹，千叮萬囑個檬粉唔好直接放落火鍋入面煮😆😆個越式式牛肉湯雖然望落清清地，但係比想像中濃郁好多，少少酸得來又有少少甜😆，洋蔥同埋芽菜輕輕灼熟，口感爽脆，再放捲到好靚，成舊玫瑰花嘅牛肉片落去煮，記住幾秒就夠喇，超嫩滑。最後將檬粉夾落自己隻碗度，筆啲熱湯上去，擺番啲牛肉片、芽菜、洋蔥，完成✅*冬陰功海鮮炒金邊粉 $108*賣相都幾靚仔，四隻大蝦，仲有啲帶子粒、魷魚粒，好大碟，兩個人食到勁飽，啲金邊粉好彈牙*泰式斑蘭奶茶 $28*典型泰式奶茶嘅味道，有啲啲斑蘭椰香嘅味道*金桔檸檬水 $28*酸甜醒神，夠晒開胃，正😄…查看更多

今日要去觀塘處理d公司嘢整完都差唔多到午飯時間 所以就喺度食埋個lunch先至返公司見到有間東南亞美食 就決定試吓😋.🌟招牌越式生牛河 ($73)湯底有濃郁嘅香料味 而且河粉幼滑牛肉質量幾好 牛肉腍得黎又冇乜肥膏🥩切成薄片之後放熱湯啱啱熟透 呢個餐除咗配河粉之外亦都可以轉為湯檬🍜.🌟泰式香葉肉碎炒飯 ($73)炒飯炒得乾身而且有鑊氣加埋肉碎、香葉、豆角落去炒好惹味獨特嘅香料亦都充滿泰式風味🇹🇭.🌟泰式斑蘭奶茶 (+$2)午餐只要加$2或者$4 就可以分別配上熱飲同凍飲奶茶用煉奶沖 味道唔同一般港式奶茶☕非常香滑 而且仲有d淡淡嘅斑蘭味🌿.🌟凍柑桔檸檬水 (+$4)柑桔同檸檬🍋酸酸甜甜 非常清新解渴 .餐廳空間較大 坐得幾舒服🤗平日係觀塘返工嘅朋友想食好d都可以考慮下…查看更多

觀塘Lunch 周圍都一堆人食野，同事介紹呢間越南+泰國菜，位處The Wave 1樓，環境乾淨又坐得舒服，lunch set 唔太貴而且野食味道都唔錯！❤️泰式炒金邊粉 4隻開邊大蝦炒金邊粉，炒得好惹味，炒到一條條得黎又唔會碎濕濕，而且份量十足，好夠飽🧡招牌越式生牛河 有好多片生牛肉，湯底好香好夠香，同樣係好大碗好多河粉！💛泰式班蘭奶茶 招牌既班蘭奶茶，好香滑，泰式奶茶又唔會超甜，班蘭味越飲越出💚紅棗桂圓茶 好香紅棗味，好甜好滋潤…查看更多

正價餐牌有78折,而家無堂食晚市外賣或中午食都抵食,有水準既餐廳特色北越牛肉酸鍋一份有牛肉,菜,一碗粉同埋牛肉湯鍋入面放滿特製既北越牛肉湯,濃醇帶酸越食越濃味,個種味有D似酸梅,幾特別食個陣先放牛肉再落菜焗一焗,牛肉薄肉嫩滑粉係好索湯,D湯唔似有味精,飲完都唔口乾仲越飲越好飲,呢一鍋夠一個人食另外叫左份炒金邊蝦粉放滿大蝦,有各樣食材切絲炒成入面有點辣椒粉,花生粉,拌勻食口感更佳蝦肉彈牙,粉身少油香口惹味再黎2杯特飲,包括奶茶同柚子梳打帶比味覺唔同既體驗觀塘興業街4號The Wave1樓101及103號舖Shop 101 & 103, 1/F, The Wave, 4 Hing Yip Street, Kwun TongHei's Kitchen…查看更多

👧🏻😋👅🍽✨Hei’s Kitchen (觀塘The Wave)環境極好 好食lunch 😋-❤️本身lunch menu都夠多款, 不過我通常一間餐廳第一次都係食左signature dish 先知佢咩料, 係唔錯既❤️另外仲有weekly special, 見哥哥好熱心咁同客人介紹, 樓面兩位反應快態度好, 都抵俾加一既❤️鋪頭有兩邊位好闊落, 幾多人黎都唔怕逼-🇸🇬🍜🦐 泰式炒金邊粉 $73✨賣相100分! 堆到高高的, 仲有4隻開邊蝦放面✨炒到每一條粉都好分明, 連埋芽菜一齊炒唔算好油✨豆乾同個粉好入味, 鹹鹹甜甜咁有鑊氣-🇻🇳🥩🍲 招牌越式生牛河 $73✨牛湯超濃呈深色, 四大塊生牛肉上仲有D乾蔥, 洋蔥, 乾蒜, 賣相更好睇✨粉幼身, 好滑; 牛肉唔會太薄, 肉質軟滑-🇹🇭🌿🧋 泰式斑蘭奶茶 (凍) 加配$4✨一飲落係好厚身既奶茶, aftertaste有D斑蘭蛋糕味 (即係斑蘭味😂)✨奶同茶好balance, 有埋斑蘭令層次更豐富, 係好泰式既特飲! (但冇收特飲錢唔錯😂)-🍋🥤金桔檸檬水 (凍) 加配$4✨食炒pad thai就叫杯清爽D既野飲, 都冇揀錯✨好彩唔記得叫少甜, 個金桔超酸好開胃同解膩-加一服務費-…查看更多

餐廳：Hei's Kitchen (觀塘)地址：觀塘興業街4號The Wave1樓101及103號舖有時食得太多茶餐廳同Cafe就會好想轉轉口味，日本菜同台灣菜又時不時都會食🤭，難得喺觀塘The Wave @thewavehk 一樓搵到間唔算太貴嘅泰越式餐廳 Hei’s Kitchen @heiskitchen ，索性就打鐵襯熱食吓東南亞菜式🇹🇭🇻🇳 呢間Hei’s Kitchen喺觀塘開咗接近半年，餐廳分開咗兩邊，一邊感覺似酒吧，有好chill嘅感覺，另一邊就似平時嘅越泰餐廳裝潢，估唔到一間餐廳都可以有兩種截然不同嘅感覺😚。佢哋主打越式同泰式食物，大廚嚟自東南亞👨🏽‍🍳，有相當多煮東南亞菜式嘅經驗，餐廳經過改良之後調教一啲比較適合香港人嘅口味，希望將東南亞特色同本地特色融合再呈現喺食客面前午市套餐有接近20款選擇，由炒飯到粉麵、叻沙到撈檬都有🍜，仲有七款好有東南亞特色嘅小食例如米紙卷、蒸粉包、無骨鳳爪等比你追加➕，都算有幾多選擇同組合👍✝️泰式炒金邊粉 $73一上枱已經聞到勁香嘅氣味😋，大蝦仁預先拆開咗殼🍤，食落方便之餘仲好爽彈鮮香，當中夾雜咗豆腐乾、炒蛋碎、韭菜同芽菜等配料，味道出色香濃而唔會好油膩，火候足得嚟仲帶有少少微辣，非常惹味🤩✝️招牌越式生牛河 $73食得出湯底用咗大量嘅肉同骨去熬製，飲咗啖湯喺好清甜濃厚，九層塔同洋蔥喺不可或缺嘅材料🧅，當然仲有後加嘅青檸汁同指天椒🌶️，芳香豐富嘅味道先能夠一層層咁帶出嚟😌。牛肉片有五塊，上枱要即刻食如果唔喺浸得耐就會變老變嚡🙈，仔細品嚐都會食到有陣陣牛肉油脂香，不過就唔算好突出飲品叫咗個泰式班蘭奶茶(+$4)同凍金桔檸檬水(+$4)，仲有泰式青檸梳打、百白果鴨屎香檸檬茶、黑糖紅豆咖啡、鮮椰班蘭拿鐵等等特色飲品可以揀，如果可以逐樣試就好喇🤤疫情之下餐廳仲推出唔少外賣折扣優惠🥡，希望迎合附近一班打工仔同埋想喺自己地方食得安全放心啲嘅食客，折完之後都幾抵食🤪…查看更多

✅ Hei’s Kitchen黎親觀塘 一定會諗起食火鍋 烏冬等但今次就發掘左呢間泰國越南菜佢係駱駝漆附近 好方便👍🏻🔆特色北越牛肉酸鍋 $198呢個係佢哋新推出既菜式☺️而家凍冰冰就啱哂啦 好似迷你邊爐咁🤣佢個概念係將平時食到既越南牛肉粉變做鍋個湯底就係店舖特別烹調 所以味道會偏酸除左有濃濃既牛肉味之如 仲有青檸味👍🏻牛肉 芽菜同紫洋蔥係另上就好似火鍋既肥牛咁🤣 食落好嫩滑 有封門柳既感覺😆呢個鍋仲跟左檬粉同生菜檬粉比較幼身同易斷 所以店員都建議我地將檬粉放入碗中另外將熱辣辣既酸湯倒入去🤣食落暖笠笠 仲要酸酸地 好開胃👍🏻味道: 3.7/5賣相: 3.5/5🔆冬蔭公菠蘿雞粒炒飯 $108面頭有大量既肉鬆😆炒飯好乾爽 味道唔會太咸仲有菠蘿粒同雞粒 令到個炒飯唔會太寡份量都好足 好大碟👍🏻味道: 3.5/5賣相: 3.1/5🔆泰式班蘭奶茶 $28最愛泰式奶茶🥰 佢都好重奶味 係泰奶偏甜既味道 但略嫌唔多茶味班蘭味都唔算好突出 配酸鍋又會異常地夾👍🏻味道: 3.2/5賣相: 3/5🔆鳳梨咸檸梳打 $38呢杯就非常有驚喜了☺️咸檸味好特出 加埋梳打 好爽😛😛仲要有埋菠蘿粒 就好似飲緊fruit punch咁味道: 3.7/5賣相: 3.7/5地址: 觀塘興業街4號The Wave1樓101及103號舖…查看更多

得晏晝呢餐堂食都要食好啲🍜1. 泰式炒金邊粉 $77幾有鑊氣炒得 份量都幾多 有四隻蝦 炒得幾香口 幾嫩 金邊粉咬落爽口乾身 唔會腍啤啤 調味都幾夠 唔錯+泰式斑蘭奶茶 跟餐仲有嘢飲 飲落偏甜 不過泰式風味都出 2. 招牌越式生牛肉河 $77個湯十份濃郁 牛味十足 河粉份量好多 好滑捋捋 咬落爽口陣牙 十分掛湯 牛肉有大概六大片左右 易咬開 幾嫩口 正+金桔檸檬水酸酸甜甜 幾開胃…………………………..🌝嘢食唔錯 又大份 又快上 食到飽一飽 可以再試🌚鋪面分左兩邊…………………………..…查看更多