Harbour Fun Restaurant and Bar

營業中

休息中

舊同事約平日放工後聚舊，而同事就揀選了灣仔海邊的一間 海景餐廳 Harbour Fun Restaurant and Bar，據聞有日落靚景亦有….真適合放工後chill下6點左右太陽就落山聽舊同事講左幾次 自己睇先知真油畫般的美景店員話最近都好天氣好好 日日都好靚慢煮澳大利亞天然豬外面焦香，入邊鮮嫩多肉汁，肉味夠濃，而且鮮嫩多肉汁！香烤美國西冷牛扒 嫩口不過不失,有焦香牛油香味有驚喜!坐左成晚,埋單都唔貴呢間餐廳嘅食物真係超推介！全部都色香味俱全 ,個個食到舔舔脷

環境同食物都唔錯，可惜呢個公園本身係dog friendly ,不過餐廳就唔係dog friendly la，就算outdoor 位都晤得,附近有d枱櫈，可以叫外賣食，好在今日都有d風，無咁熱,狗友想食呢間就要考慮下。今日買左咖哩羊，呢個好正，個咖哩汁好好味，最後要加個蒜容烤餅，再餸咖喱汁另外，薯仔烤餅，同梅素麵都唔錯，梅素麵同我之前係日本買的差唔多，整體食物ok

朝早開完會，見有啲時間，嘆個lunch。行到去海濱，見到一間白色貨櫃咁嘅物體，原來係餐廳，見SET LUNCH價錢唔貴就試下。本身諗住坐出面，但要BOOK，咁就坐入面啦。環境都算舒服，叫咗個SET LUNCH，就有啲失望。勁HEA，好似IKEA啲餐咁，見到都唔開胃，個意粉係想點？HEA到咁我不如去食大快活。個魚似翻熱，一啲都唔好食。甜品都無誠意，好明顯係訂返嚟。呢一餐完全浪費咗個景，個VIEW幾靚都無用。

【灣仔海旁嘆多國菜💦】/////上上個月朋友慶祝小編生日 揀咗呢間欣賞到維港景色嘅餐廳✨🫶食物款式有好多種類 味道都幾出色 但服務態度包括上菜餐具擺放力度過大、數量不足、未能即時回應客人要求就有好大改善空間…🥺.👉🏻精選冷切芝士拼盤 配蜜瓜、葡萄 ($238)擺盤整齊豐富👏🏻巴馬火腿必配哈密瓜 哈密瓜味道清甜 可以中和鹹香🍈芒果新鮮唔酸 仲有布利芝士、古岡左拉芝士等 食芝士都抵🤣.👉🏻精選刺身拼盤 ($488)擺盤充滿誠意 三文魚以及吞拿魚橫切面鮮明 口感新鮮有咬口😬而赤貝與八爪魚質感都幾爽滑*^O^*.👉🏻牛油雞塊 ($158)正宗咖喱味道 微辣帶甜😽好欣賞個薄餅 好煙韌 食多幾塊都唔油膩 雞肉嫩滑 吸收咖喱汁精華幾入味👀.👉🏻澳大利亞天然豬扒 ($188)表面帶有焦香 顏色均勻 小店嘅豬扒比牛扒製作得更juicy 切開內裏鎖住肉汁 肉味濃郁🌞.👉🏻甜品三重奏 ($88)估唔到會有抹茶味嘅巴斯克芝士蛋糕👅抹茶味微甜帶有回甘yeah!!紅豆個款甜度比較高 慕斯底都整得幾滑～—————📍Harbour Fun Restaurant and Bar (灣仔)灣仔鴻興道水上運動和康樂主題區

食物唔OK，但上菜速度超快，冇得慢慢食，要狼吞虎嚥，唔會有下次😪伙記唔專業，完全唔能夠好好享受晚餐，仲有，飲紅酒係俾膠杯，雖然唔係乜嘢fine dining，但基本嘢都冇，餐飯食得唔開心

我哋選擇坐outdoor，首先成個海賓環境係舒適既，但啲凳就坐得唔太舒服。而且個海景係望住前面有條石壆位，真係唔算好靚而又有啲遮咗望唔到對面尖沙咀個景。喺背面有一啲植物係用嚟與後面馬路位隔一隔，唔知係咪啲植物既關係，我俾蚊咬到成腳都係(本人係惹蚊人士)，建議去既朋友如果同我一樣惹蚊既就要帶定蚊怕水去。講下食物喇，廚師煮任何菜式既熟成度都拿捏得好好，味道都係正常，無偏咸或淡，多樣化西餐黎講都正常。提一提大家，餐廳無廁所，要行番出小小用公家洗手間，都乾淨既。整體來講都ok。

睇咗YouTuber 介紹，即刻book 枱試吓呢間新餐廳。精選冷切芝士拼盤配蜜瓜同葡萄 $238 -好精彩，有煙三文魚，Parma Ham，風乾牛肉，西班牙辣肉腸， 波隆拿腸，青胡椒腸；芝士有Brie, Gorgonzola 同Parmesan；有好甜嘅蜜瓜同芒果，伴碟裝飾仲有新鮮無花果，提子同合桃，cold cut 芝士款式多而且款款都唔錯，成個組合好得又好靚，呢個價錢簡直超級無敵抵呀！蒜香爽辣鮮蝦 $78 - 微辣，蝦好新鮮好彈牙👍香草炸洋蔥圈 $58 - 好耐冇食，好味，炸漿唔算厚。香煎馬里蘭式鮮蟹餅 $88 - 蟹肉多，不過個汁就冇特別，一般般。牛肝菌野菌燴飯 $98 - 味道唔錯，不過飯有啲過硬。我哋坐室外，個view都唔錯💯

復活節假期到灣仔街下，玩鴨仔船🤩好開心❤️玩完去旁邊新開cafe試吓，望住海景食lunch好有feel😘 ～香煎鯝魚柳配橄欖，車厘茄 🔺賣相麻麻🤔味道一般🙃 ～蕃茄海鮮扁意粉 🔺走辣一賣相同味道一樣吾得😅 ～精選凍肉芝士拼盤 🔺睇見隔籬枱叫左，太靚啦😃話系皇牌馬上叫 🔺味道😋好彩有加到 ～可樂 ～芬達橙汁

位於灣仔北鴻興道天橋對開「水上運動及康樂主題區」旁邊得一間餐廳，難得經過附近所以過嚟試埋。一個貨櫃箱的格式地方開揚，維港景色夠晒無敵，唔使入到去遊艇會，體驗都算幾特別。望住餐牌種類都幾多，隔離枱仲特別開咗支日本清酒享受。本身怕玉桂味道濃烈，不過又特別鍾意南瓜湯，所以最後都點咗個玉桂南瓜湯嚟試。喺尖東對岸邊，一路望住旁邊啲人跑步放狗，一路食餐，有乜投訴都無所謂。我平時唔出街就一定唔會識，嚟過就會再嚟第二次㗎啦

Not many places in HK can enjoy alfresco dining with full seaviews. This place you can sit outdoors facing the harbour with great food to match. Especially now with nice weather so enjoyable to sit outdoors with a glass of wine.The menu has a good variety of western, Japanese & Indian foods. The curry, dosa & naan bread very authentic.Prices are very reasonable, on the cheap side given the fabulous location & views.Highly recommended 👍👍👍

新開灣仔多國菜餐廳 維港海旁風景一流 ，食物質素不錯 可惜服務質素似屋村茶餐廳，較影響用餐心情實屬可惜 ，作朋友聚餐尚可接受 不適合商務/約會，影響氣氛。.餐廳氣氛宜人 上菜速度和服務態度則媲美茶餐廳。 首先，下單後15分鐘 芝士拼盤與同其他4道熱食主菜一拼出餐 原來打算慢慢享受美食加美景 ，最後依然需要超快速和狼狽的節奏進食，以免影響風味 。而服務員態度消極，大煞風景。 過程嘗試與服務員溝通減慢上菜速度，女服務員表示原因我們一次過下單所有食物（冷盤小食和主菜），所以將會一拼送上，如果廚房已經把菜準備好，則需要你們加快進食速度。由顧客的我們在提出上菜的速度調整再最後被教育提醒，表示無奈但只好接受。.當天我們晚上在餐廳室外進餐 天氣大風且涼，用餐過程向一名年輕戴眼镜男服務員索取一杯暖水被表示 「本餐廳並沒有這項服務」且表現冷漠，緊接在沒有知會的情況下被收拾了剩下的飲品和食物… 😔.食物很好👍🏻食材新鮮 餐廳對美食心思、心機和美景則被服務態度完全辜負。望餐廳日後可提早和篩選服務員質素。.人均消費$370 性價比不錯👍🏻

環境：面對着180度海景，天氣好坐戶外與親朋好友吹吹海風聊聊天，飲兩杯，減壓又輕鬆。食物：食物多元化，質素高，刺身新鮮，炸物可口。服務：年輕員工有禮貌，唯獨10點關門比較早。

見到灣仔沿岸有新開的白色貨櫃Cafe，滿心歡喜去試和打個靚卡（我承認目的主要是打卡，否則不會山長水遠去呢，沿途日曬雨淋喔），去到發生很有趣的對話：店員：有冇訂位呀我：冇呀，可唔可以坐outdoor店員：唔好意思full晒啦，你睇下入面o唔ok我：咁點booking架店員：我地星期六日冇得book既（我是星期六去的，回帶第一句問我有冇booking😳)，戶外位留左俾老闆朋友啦（多謝你咁老實😇）然後都係冇話俾我知點book位😇咁算啦反正我都去到，室內裝修真的超普通，staff好似勁趕咁分別兩次問我們可以下單未😇其實前後坐了都沒有十分鐘，因為menu選擇很普通，我真係揀唔到🫠最後點了兩款，味道不錯的，但因為微妙的對話和趕急的店員態度，感受不到海邊餐廳的美好。卡邦尼意大利粉$78蛋黃汁幾好吃，上菜時都夠熱。炸洋蔥圈$5x有點油，沒醬配的，問店員有沒有醬跟，他給了茄汁😅伯爵茶$28用Twining 茶包～可選跟奶/檸檬，可加熱水👍🏻有加一服務費。整體來說，如果一心想來打卡的話，建議重新考慮🤣。或者等熱潮過後，或沒有老闆的朋友優先留座，或者你搵到bookings 方法，緣份到你就會坐到戶外位～

食物飲品選擇唔多，但因為餐廳位置偏僻，可以理解食物賣相其實都不錯，但份量不算多唔知係咪因為份量少，員工唔expect你會share， 所以要叫先會比2份餐具你或者可能佢哋只預計d人黎飲酒餐廳上層無開，好大機會預左唔多人所以無開，下層都無坐滿，即係唔算多客人，但都可以搞錯枱號，無端端送錯其他枱的餐比我。點知最尾相同嘅事又發生向我身上，我哋嘅小食送錯到另一枱客，仲要被其他人用手攞完件食物放返落去，諗住直接比我哋，可想而知員工有幾專業。餐廳10點閂門，大約9點半度，員工唔問過你就收走未飲完嘅飲品，睇黎好趕住收工。

偶爾經過以為係食即食麵果類茶檔， 碰巧前面有個車位就本著食個快飯的心情行過去， 1睇餐牌發覺d餐賣相幾好， 但係咁(相對) 平， 反正好又1餐唔好又1餐咪試下。 點知除左個view 靚， d waiter服務超好， 上菜不除不疾， 很有禮貌。 個帶子1食落口係剛剛好， 甜品也很有質素， 就連個麵屎湯都非常好！ 我本來真係唔想寫得太好驚下次黎無位泊車， 但真係唔可以對唔住自己良好。 想飲酒的朋友可以係世貿過行人隧道來都好方便。 希望下次來試下個晚餐。