HANG A RI Korean Restaurant

營業中

休息中

Happy friday 當然要食擺脫工作去食啲好野朋友推介呢間係紅磡嘅韓國餐廳 話啲野食比得上我地係韓國食個啲咁緊係要去試下啦！同朋友大概8點鐘去到坐左一陣已經全間坐滿哂睇黎大家都一樣同我地happy friday都冇得準時放工 哈哈哈哈 我地兩個人一共叫左三樣野十分鐘左右就上左第一道菜一開始以為入面係平時整冷麵個隻質地 原來係韓國拉麵味道唔錯 唔太辣 岩我呢啲鍾意食辣又唔食得既人 第二樣上既係我今日最鍾意食既上菜個陣仲有沙沙氣 出哂氣泡老闆娘煮既年糕用自己煮既果然係唔同啲好有彈性! 加埋芝士! 只能夠不停食最後呢樣係額外再叫平時出面食開牛肉飯都係用石鍋裝住第一次食用普通上既比起用石鍋明顯冇咁熱氣不過如果多少少汁就好喇 對我黎講啲飯硬左些少旁邊仲見到碗湯! 呢個同我係韓國個陣係路邊檔食野個陣成日問啲아줌마拎黎飲個啲係一樣!呢碗就係用黎煮熟魚糕個啲湯  我叫佢魚糕湯 哈哈哈呢種味完全令我懷念係韓國瘋狂掃街既日子呢間餐廳除左老闆娘係韓國人外 其他幫手既人都係香港人唔使怕雞同鴨講當然你想講韓文 老闆娘絕對唔介意

同男朋友去紅磡搵野食, 無意中發現韓式小店. 裝修一般, 但係有韓國小店味道👍👍 叫左雞蛋卷, 生菜包豬肉同辣豆腐湯. 雞蛋卷同出面唔同, 有d料溝埋蛋漿,加埋茄汁, 好香好好味😍 生菜包豬肉d肉好入味, 唔同出面d白烚豬肉. 價錢平尖沙咀好多.老闆娘仲同我地傾計, 請飲汽水, 就係鍾意呢種小店情懷. 下次唔使再去尖沙咀同人迫, 紅磡都有正宗韓菜!!

崇潔街最出名的“加大賀”, 由八十年代開始已經營業, 是最早的港式日本餐廳, 可惜其不思進取, 愈做愈差. 近年韓國文化大盛, 就好似當年的日本文化大盛一樣, 但我覺得至今的韓式食店仍未及當時的日本食店那麼多, 卒之在此街也開了一間, 原本想去阿芳餛飩, 但原來紅磡店係下午3:30關門, 真係嘆到呢..…韓國老闆娘話無韓國啤酒, 只有生力啤, 失望囉… 重唔夠凍添….醃魷魚 (Salted and fermented squid) $30, 送啤酒一流, 比想像中大碗, 雖尚算新鮮彈口, 但不及名店的滑滑口感.蛋花湯, 免費, 送的, 味精水加幾條蛋絲Kim Chi, 都是免費, 份量不少, 味道拍得上高級韓式店, 唯個人口味覺得不夠辣.辣炒泡菜豬肉飯 (Spicy Stir-Fried Pork with Kim chi) $58, 豬肉份量超多, 鋪上紫菜碎, 加些少芝麻, 醬汁略多, 味道偏鹹, 肉質彈口, 送飯最好.石鍋牛肉伴飯 (Mixed Rice with Vegetables and Beef served in Stone Pot) $68上檯時, 滋滋聲不斷, 超熱