HALF by involtini

最近Jep by involtini rebrand完重開叫half！概念係每人可以分享 同埋裝修左真係好靚 由天花板教堂風 座位擺設 到餐具餐碟 全部都好復古有義大利感覺 我地試左2款最signature pasta！🍝Parpadelle alla carbonara💰158-full首先carbonra賣相好靚 肉煸得好正 似食臘肉 手工麵嘅口感幾硬 蛋黃雖然唔係好流但撈得係添加口感的 唔知係咪我影相太耐所以意粉唔算好熱 個汁就有D白白地 點完意粉會鹹多D幾有味但食到最後真係好鍾意麵嘅口感 硬身好啱我口味～夾鹹嘅豬面肉增加咬口幾好🍝Signature red prawn tagliolini💰380-full紅蝦意粉之前jep已經超出名 兩隻蝦油味都好出 蝦肉本身會小小軟爛感覺 意粉係幼麵 但第一啖有小小略苦（可能來自檸檬皮？之後食就夠味 我真係有壓出蝦頭好正）感覺汁可以多返小小 咁樣意粉會濃味D 但撈麵感覺唔錯的！4款antipasti好有tapas嘅感覺🍉watermelon carpaccio💰45超特別 聽到chef出來介紹先知上面係西瓜皮本身冇留意menu以為係洋蔥+新鮮西瓜口感真係好似醃製洋蔥嘅酸甜味 呢個combo真係用盡西瓜每分每豪 西瓜自己好甜 fetacheese偏鹹用來中和成碟口味啱啱好🥩beef tartare tart💰45牛肉粒感好正 有肉絲口感但唔會腥 千層絲好有心機整 有榛子同魚子醬做點綴🥔potato pave 💰38千層薯仔焦香口感+質地100分 風乾火腿存在感略低 可能融合好D味道再突出會更好🧆classic meat ball💰55意大利肉丸真係有筋有肉 有手打牛肉丸嘅感覺 增加口感加上芝士同番茄汁撈完唔錯 鍾意呢種口感多過一入口即融！仲有送左個蕃茄芝士多士好驚喜 蕃茄清甜多汁 唔鍾意食嘅我都食左幾舊 芝士係mascarpone+parmigiano好順滑同番茄好夾 多士唔係硬脆 口感外脆內軟 同cheese夾得好好！整體來講環境已經好加分 意粉手工仲要樣樣都可以做signature dish 每一種都想試 約會/同朋友慶祝 聚餐好選擇！…查看更多

【Half】由銅鑼灣Involtini開始，及至後來的Jep，直到現在的Half，這家都是特別的存在，這感情特別微妙，是眾多餐廳當中最不想消失的一間。Half的餐牌，最大特色是有「Half」的選項，主菜連意粉也可選半份。品項多了，有熟悉的餐點，也有全新的，選擇方面是一個躍進。Dry Spaghetti Alla Allssasina($140/full)，這款名為刺客意粉，體現了Half的革新，先煎後煮的意粉，再加入番茄醬汁，賣相和做法有啲似兩麵黃？其實是一道南意鄉土料理。拌入Buratta Cheese同吃，好欣賞蕃茄醬汁味道複雜鮮香，充滿溫度手作感覺，正是店家最擅長的，意粉煎過口感更加分明，先是酥脆的食感，然後是熟悉的手工意粉的水準，是一種新體驗，幾推薦這款新口味。Clams, Spaghetoni($180/full)，選它源自於對Jep海鮮系意粉的懷念。用的是沙白蜆，熟度保留了蜆身鮮甜。蜆配柚子胡椒味道太清新，還是較喜歡刺客意粉。其實已有想試或回味的意粉，例如Gnocchi,Tagliolini,Carbonara，反正會再來訪，不急。有多款Mocktail和Cocktail，Thai Ho Jep($88)加入胡椒檸檬葉等辛香料，還有Vodka，穩陣之中帶一點特色。Tuen Mun 6 Bun Monk($68)加入花椒茴香更有特色，酸酸甜甜有種異國風情。Crispy Tiramisu$55對意大利甜品除Gelato一向興趣不大，Tiramisu是最經典的選擇，除了酒香不夠濃之外口感幾細滑，面層咖啡脆平添一點特色。餐前麵包是青醬蕃茄配法包，昇華了的儀式感，用料是新鮮的法包夠香脆，但是文迪更懷念以往的🙈。走進Half，依然是有種熟悉的感覺，餐桌的設置只些微改動，有趣是廁所空間感強，又帶點玩味，竟然似個VIP包廂😆。最失落是少了吧桌，沒有了手工意粉展示櫃，也看不見Jack在廚房晃動的身影。帶著Jep的記憶，仍能感受到氣氛的更迭，手繪壁畫和羅馬雕塑，藝術又帶點玩味，不會太fine dining，保留地區餐廳的舒適感覺。Half價錢是合理的，特別是選half的話，前菜加上手工意粉，最低$120就有交易，而現階段不設加一，如果份量夠食可以放在飯堂之列？終於等到了Half的回歸，「Half」對於新客是嶄新的體驗，但對於舊客而言，「Half」可以有無限的解讀，所以文迪跟簡生意見出現分歧了。但結論是Half保留了初心，但同時又變心了，無論是尋找舊日的Jep，或是重新認識Half，都是快樂的體驗，因為那是不多見的用心和味道。恭喜HALF的開業，祝屹立不倒😄https://www.involtiniconcept.com/menu題外話：Rebrand是店家重塑形象，不是結業。…查看更多

話說我生日月🎂，朋友好有心💕，帶我去左屯門一間超有格調又充滿玩味嘅意大利餐廳慶生！呢間係連續8年攞米芝蓮推介嘅 Involtini Italian Cuisine @involtini.concept 嘅姊妹店，最近轉型將傳統同創新融合嘅意大利菜餐廳，用咗好多後現代手法去呈現巴洛克風格，成間餐廳嘅裝橫同器皿都充滿藝術vibe🎨🖌️，入到去即刻覺得自己好elegant，超級打卡able！📸✨✨免費餐前小食📌藍芝士洋蔥多士一坐低，侍應即刻送上，香濃得來唔會太膩，啱晒開胃！😋 跟住我哋叫咗幾款前菜：✨前菜 Anti Pasto / Cicchetti / Tapas📌Tuna Kueh Pie Tee 🐟 🥑吞拿魚他他配牛油果脆杯，上面仲有啲魚子醬點綴！一啖咬落去，魚鮮味同牛油果嘅creamy感滿滿，仲有脆杯嘅口感，簡直係味蕾嘅前奏！🎉📌Beef Tartare Tart🥩 法國生牛肉他他撻，配榛子同炸金菇，仲有魚子醬加持！牛肉嫩滑得嚟好juicy，榛子同金菇加咗層次感📌Classic Meat Ball 🍖 傳統juicy意式肉丸，仲有檸檬皮同芝士嘅香氣，簡單得嚟好有誠意，係comfort food嘅代表！👌📌Watermelon Carpaccio🍉 薄切西瓜芝士沙律，配黑醋西瓜同醃製酸甜西瓜皮，呢個真是一個清新嘅驚喜！西瓜同芝士竟然咁夾，酸酸甜甜好開胃！🥗✨主菜 PrimoSignature Red Prawn Tagliolini🦐🍝西班牙紅蝦手做意大利幼麵，呢個真心係全晚嘅MVP！紅蝦汁濃到爆，仲有檸檬皮提鮮，侍應建議將蝦頭壓出汁同膏一齊食！蝦頭嘅精華同幼麵完美融合！✨主菜 SecondoM5 Rib Eye (250g)🥩 澳洲M5和牛肉眼，煎得外脆內嫩，油香四溢，配上新鮮沙律，清爽同濃郁嘅平衡感好正！牛肉控必點！🔥✨甜品 DolceDessert "Raviolo" 🍓🍫 士多啤梨朱古力大雲吞，仲有西西里式碎冰，甜而不膩，口感好豐富！最貼心係可以按我哋要求點上生日蠟燭同寫上「Happy Birthday」，儀式感爆棚，影相超靚！🎂🎉呢間餐廳真心好有驚喜，環境優雅又好chic，食物每款都好有心思，傳統意大利菜加咗創新元素，生日飯、約會、閨蜜聚會都啱晒！😎💖…查看更多

終於book到食呢間手工意粉 地方唔大 冇book嘅話 真係好有機會食唔到😛😛🧡Cichetti 威尼斯啤酒芝士多士- 脆多士 配陣陣啤酒味嘅芝士🧡Beef Tartre 生牛肉他他撻 - 除咗一粒粒嘅法國牛肉 仲有金菇絲 增加口感🧡Tuna Kueh Pie Tee吞拿魚牛油果他他脆杯- 加埋魚子醬 豐富咗味覺ge享受🧡Ham & Cheese- 有creamy ge Burrata 中和左 Parma Ham 🧡#BerrySalad 雜莓黑醋核桃沙律- 集合左雜莓甜味 黑醋酸味 核桃豐富咗口感 好開胃🧡Red Prawn Tegliolini 西班牙紅蝦手做意大利幼麵- 西班牙紅蝦好新鮮 蝦頭一定要食！好多蝦膏- 佢做嘅意大利幼麵 好出色 彈牙好嚼- 加埋佢ge蝦膏汁 好回味！🧡M5 Rib Eye 澳洲M5和牛肉眼- 要咗medium - 肉質鮮嫩多汁 脂肪分布平均- 成塊好稔…查看更多

今晚同屋企人去左珀御食飯，留意到新開左間西餐廳，舖頭叫HALF覺得個名幾特別，於是提早預約左，原來Half 有 開心share concept 嘅意思，而店內用新舊式羅馬柱做主題。🫶🏻牛肉他他撻用法國牛肉碎做底，肉質鮮嫩入口即化，配上香脆炸金菇增添口感，榛子帶出微妙堅果香氣，魚子醬點綴提升鹹鮮層次，撻皮脆香，整體係口感豐富又高雅嘅前菜😍🫶🏻吞拿魚牛油果脆杯吞拿魚新鮮且細膩，牛油果醬滑潤香甜，脆杯賦予酥脆層次，味道鮮美中帶有奶油感，啱啱好嘅清爽與香脆感😋🫶🏻雜梅黑醋核桃沙律沙律醬料酸甜平衡，黑醋增添深度，核桃香脆爽口，整體清新醒胃又有口感層次，非常開胃👍🏻🫶🏻布拉塔芝士、風乾火腿半份布拉塔芝士超creamy，質感柔滑，搭配鹹香濃郁嘅風乾火腿，鹹鮮交織，簡單卻奢華，配搭完美🥰🫶🏻刺客意粉先煎後煮令意粉帶有微微酥脆感，慢慢吸收醬汁成Risotto狀，口感扎實又滑順，配上布拉塔芝士提升奶香與濃郁度，口味創新又難忘❤️🫶🏻澳洲M5和牛肉眼7成熟肉眼火候掌握得剛好，七成熟保持多汁嫩滑，脂肪分布均勻，濃郁牛味爆棚，絕對係肉食者嘅極致享受👍🏻🫶🏻士多啤梨朱古力大雲吞大雲吞包裹甜美士多啤梨朱古力餡，配上清涼西西里式碎冰，酸甜平衡，甜品清新又解膩，唔會太膩口🤪整體嚟講，菜式創新又有層次，口感豐富，味道配搭巧妙，食完超滿足😋
…查看更多