HAHA CHICKEN 하하치킨 (西九龍中心)

西九龍中心food court張櫈斜咁，都無阻晚市人潮因為真係好多平靚正嘅嘢食，其中呢間炸雞真係飽到你瀡唔到滑梯晚市依然有set，一個餐有成三大嚿炸雞，仲有飯同飲品好夠份量又夠平，出面好少有咁平嘅價今次試招牌芝士味，芝味濃郁，外皮好爽脆，雞炸得好乾身鎖汁，肉質好嫩另外一個餐就要蒜香醬油味，醬汁多到完完全全包圍住啲炸雞，超級香甜又唔會浸腍啲炸皮，滲入滑口雞肉超正跟餐有兩款飯可以揀，卡邦尼飯聽落好特別卡邦尼汁撈飯又幾得喎，飯底煲得唔錯，好快就食咗大半兜飯另外一款係安東雞飯，醬汁係啡啡地，似燉雞汁，送飯都幾惹味跟餐加廿幾蚊有薯條，仲要係有味嘅，粟米湯味最獨特，又真係有湯味，撈落薯條又幾夾狂熱味即係微辣BBQ味，食落香噴噴，份量仲好多，廿幾蚊好抵加平時年糕係煲熟佢嚟食，炸年糕就比較少見，跟餐加幾條試吓，試吓跟芝士炸雞撈，脆皮煙煙韌韌咁，口感都幾好咬口…查看更多

想食炸雞，見到餐牌又好似幾抵食所以就試下買左個蒜香醬油炸雞餐 $51賣相都唔錯，面頭仲有幾舊年糕增加韓式味道呢個價錢有４舊雞，肉質OK，無骨，食得方便亦都有好香蒜味，不過口味就偏重間唔時食下都唔錯，加埋罐汽水，滿足晒 …查看更多

話說西龍中心一向多美食，今次逛街就想邊食邊走，於是特意找了可以直接拿着走的韓食小店，點了炸雞套餐及小食。首先是熱愛甜醬芝士粟米味的友友大愛系列！點了芝士及粟米濃湯薯條小食，主菜即點了炸魷魚蒜香醬油炸雞及芝士炸雞，包了兩份飲品及飯，分別是有大量好食方形薯仔的卡邦尼飯及安東雞飯。炸物大份而且見到即叫即炸，炸魷魚彈牙，新鮮脆炸的雞肉鎖汁十分ok，脆皮底下的滑肉一咬即分滑，加上調味比例分佈濃度超級配，整體連飯加雞及小吃都無違和感。粟米濃湯薯條湯粉均勻散佈每條薯條，啖啖粟米味超幸福！而炸雞方面的調味，醬油味的甜與芝士香濃都同樣好食，邊食邊大啖飲上飲品超快樂！…查看更多

香港有唔少好食嘅韓國炸雞店，呢間都唔例外，相比之下價格親密，地點方便，難怪咁多學生幫襯。炸雞有幾多款口味，全部即叫即整，新鮮熱辣辣，外脆內嫩，啖啖肉。個人最鍾意芝士味，另外有蒜香醬油，風味清新，濃郁但唔搶，而甜辣炸雞甜中帶微辣，充滿層次感，非常開胃。炸雞可以叫套餐，跟配飯。卡邦尼飯係意大利經典口味，米飯綿滑順口，配上濃郁奶油醬，令人一口接一口。安東雞飯偏向東南亞，雞肉鮮嫩，飯粒吸滿醬汁，風味更上一層樓。小食方面推介粟米濃湯薯條，薯條酥脆，粟米濃湯鹹甜又香，紫菜都唔錯，經典，好味。…查看更多

勁難食 d肉又乾又柴見到評論吹噓到好似幾好食 咁咪那晒嘢囉講睇相就跨啦啦 個個都讚不絕口 講到識飛咁 真係得啖笑等餐都係大概15分鐘左右 中途都冇見有幾多人幫襯d雞肉難食 d肉又乾又柴 外面好重味，但入邊又冇乜味 超級鞋口 (我外賣返屋企大概15分鐘路程)唔係真係以為撈d醬汁 出幾個口味 就叫韓式炸雞香港越來越多所謂嘅韓國餐廳 但真係完全唔係個回事 仲有個飯更加唔好叫 打開食咗一啖 果斷掉咗佢 ............服務態度就中規中矩 始終喺food court亦都唔會有任何期待........... 做餐飲業最基本食物品質都咁差 難怪咁多結業潮 (當然仍然有其他保持質素對得住價錢嘅餐廳)希望香港餐飲業爭氣d  如果唔係真係唔好怪人北上消費 ................…查看更多