Ha Noi 越南菜

荃灣廣場新開了越南菜，性價比都幾高，還有2人或4人餐選擇更抵食，員工態度親切積極，換碟加水都很快手，有一大幅綠葉牆令環境更舒服，以鋪磚技藝重現河內街角韻味，整體食物有水準，值得有下次😊🔸️香濃咖哩軟殼蟹$128咖哩的香味濃郁，軟殼蟹炸酥脆可口，沾上咖哩汁又多一層味道。🔸️法式蒜茸包$38有咖哩怎可少了蒜茸包呢，另外點了一份，法包焗得酥脆內軟，散出濃郁蒜茸香味，把法包浸滿咖哩汁後進食，幸福感倍增🤩🔸️濱海伴豬頸肉串燒餅$96豬頸肉燒得很香，點了醬汁有少辣很惹味，用生菜包住濱海，酸蘿蔔絲，燒豬頸肉，加埋魚露一起食，減底油膩感之餘又添加了口感，十分美味😋🔸️香茅雞翼$23熱辣辣香噴噴的香茅雞翼外皮烤的金黃脆口，內裡肉嫩多汁🤤🔸️椰漿芒果紫糯米飯$78紫糯米飯熱辣辣出場，咬落去有嚼勁，芒果略慊生了少少未夠甜🤪 欣賞椰漿分開上，想落幾多就自己決定😋 為是晚畫上完美號😊🔸️牛油果沙冰$38炎炎夏日，沙冰入口透心涼😋不甜飲到淡淡的牛油果味夠曬健康😊🔸️越南滴漏咖啡+$18慢慢欣賞每一滴嘅咖啡，香濃帶點苦味，超欣賞這裡煉奶是分開上的👍甜度可自控👍…查看更多

荃灣向來美食多，今回來到「荃灣廣場」，估不到商場人流甚旺，目測所見有不少餐廳均要排隊，而逛了一圈，最後就找來了在4樓的「Ha Noi 越南菜 」，皆因門外具人氣，看看餐牌，定價又親民。餐廳環境原來頗大，走入少少還有一片堂座，而整個環境，裝潢骨子，又光猛整潔，牆上的裝飾盡顯越南風情，感覺很不錯:)，而是夜可以說是座無虛席。枱面放了一些特色調味醬料，而餐具、餐紙、牙簽、飲管等就放在枱側拉櫃中，排列整齊，自由取用。在門外等候時，己看了一看餐牌，選擇多元化，包括越式湯粉、越式撈檬、飯類、越式三文治、米紙卷、沙律、濱海、小食、2及4人套餐，還有好些廚師精心推介、精選，而飲品又有加配優惠。先來一客小食「地道越式炸春卷」（$60），春卷外皮炸得金黃酥脆，卻不油膩，內餡豐富，有米粉、蘿蔔絲、雲耳絲、豬肉，沾上魚露，美味升級；此外，更可以生菜捲起來吃，在這盛夏，口感更清爽，還佐以好些醃蘿蔔，更具去膩之效。主食方面，一份點了「極品牛三寶河粉」（$79），湯頭牛骨湯確是香濃不膩，鮮味不渴喉，河粉量極多，口感滑溜，而內有生牛肉、牛展及牛丸，味美好吃，甚具質素，還伴有紫洋蔥、銀芽、九層塔、青檸、辣椒碎，作為佐料，可以令食味變得更豐富。另一份主食就選了推介的「越式香茅豬扒撈檬」（$71），香茅豬扒比我的臉還大，做得十分高水準，豬扒炸得金黃，口感鬆化而富肉汁，又滲出陣陣香茅味。檬粉同樣份量十足，將青瓜、蘿蔔絲、薄荷葉跟檬粉拌勻，加入少少魚露，更好吃。外間還是天時暑熱，來一杯冰凍飲料就最好不過。「鮮芒果椰汁西米露」（+$12）以椰汁底加入西米、芒果粒粒實在討人歡心，入口冰涼，椰子味濃；而椰青（$45）夠天然，椰青水清甜無比。由於兩款主食的份量實在多，讓我們吃得十分飽，捧肚而回！此外，招呼十分好，店員很有禮，又幫忙添水、清理碗碟，就算今晚很旺埸，上菜速度依然快。常言道香港飲食業走下坡，但若是食物有質素，服務又好，真不愁沒生意的！…查看更多

今日經過荃灣廣場見到有間泰國嘢好似好吸引，於是忍唔住想入去試吓！酸辣無骨鳳爪啲鳳爪醃到超級入味，酸酸辣辣好開胃，最正係無！骨！㗎！ 一啖一隻，啖啖肉，個汁調得啱啱好，唔會太酸搶喉，辣度係慢慢滲出嚟嗰種，好過癮。招牌越式雜錦三文治個麵包係精髓，入面又軟熟，一啖咬落去，口感層次爆燈！入面餡料多到瀉：有越式扎肉、火腿、豬腩肉，仲有啲醃蘿蔔絲、青瓜同芫茜。啲肉鹹香得嚟，俾啲清新嘅醃菜平衡返，個醬汁帶少少甜，完全唔膩。河內生牛肉湯檬粉一上枱已經聞到個湯底超香，用牛骨熬成，清得嚟味道好濃郁，飲一啖，鮮甜到不得了，完全唔係味精湯。主角係生牛肉，切到薄切切，靠個湯嘅熱力浸到半生熟，入口超級嫩滑，牛味出眾！跟住啲幼身檬粉索晒啲湯精華，滑溜順喉。越式蝦醬通菜呢碟炒通菜鑊氣十足！一上菜已經聞到陣陣蝦醬鹹香，但唔會臭到令人頂唔順。通菜炒得翠綠爽脆，一啲都唔老，蝦醬均勻掛喺每條菜上面，鹹香惹味！…查看更多

我都幾遲先入座 21：05～ 上菜速度都幾快5分鐘左右都差唔多上曬 點左生牛肉湯河 雞翼撈檬 生菜包 同一啲小食 生牛肉湯河個湯唔夠熱 啲牛肉浸唔熟 隔離仲有不知名嘅肉類 好柴咬唔開 生菜包👍🏻👍🏻 個肉碎好難食🤣🤣 未食過咁難食 首先肉唔新鮮 肉質好難食好柴 炒嘅方法都唔啱 係用老抽/生抽炒嘅？ 味道怪怪的 其他無咩特別 請餐廳好好重視食物質素 同原材料新鮮程度～經理們服務嘅好嘅 其他店員就不了 同埋d醬料樽好油 要抹抹…查看更多

喺荃灣必然食都好嘢，相連嘅商場入面真係有超多好嘢食，今次喺荃灣廣場就搵到呢間食越南菜嘅餐廳，平日下午都坐到八成人，就知呢間餐廳幾熱門！雖然我唔係下午茶時間嚟食，但下午茶都幾抵食，份量同正常餐一樣！蕃茄蟹肉扎肉湯檬，湯底好濃郁，蕃茄味好重，有少少蟹肉肉味！豆卜吸收湯的精華就真的是很好吃！非常大碗，我自己一個真的吃不完！另外加了一個小食越式香茅豬扒香茅，味道偏清淡，但值得一推的是沙嗲串燒豬頸肉，豬頸肉很厚身，燒得剛剛好，而點醬不會太濃稠，配搭得很好！…查看更多