Ha Noi 越南菜

營業中

休息中

這家店午餐時段都幾繁忙，坐無虛席，裝修簡潔明亮，感覺企理。極品牛三寶檬粉$72這湯粉的檬粉份量十足，生牛肉份量唔多，正常水平，唔會好肥或好柴；牛𦟌幾軟腍，有兩片，有少少厚度；牛丸無乜特別，感覺平平；然而湯底清澈，有牛骨味，亦不會油膩。+$5奶茶奶茶是港式，沒有太澀口，茶味比較突出，味道是ok的。

首先一定要提提大家, 不是由重廈大廈進去啊, 是重廈大廈附近的一間叫heath慶方的商場進去.其實我也是頭一次去這個商場, 主要是我朋友說這商場裡很多食店, 於是便決定進去吃晚餐.河內生熟牛肉湯河 ($68) :  牛肉很香滑, 生熟牛肉是剛剛好, 不會太生又不會太老, 剛剛好, 肉質鮮嫩, 又幾重牛味. 牛肉份量夠多, 個湯都幾好飲, 真的不錯.越式河內三寶飯 ($73)  有雞扒, 雞翼和扎肉.材料非常豐富.雞扒煎得好香, 夠大件, 雞肉夠滑, 不錯.雞翼都一樣煎得好香, 好入味, 幾好食.扎肉都不錯, 好好食.酥香軟殼蟹1隻 ($44):  軟殼蟹炸得非常脆, 好好食, 份量夠大, 仲食到有蟹膏, 幾正.越式豬頸肉 (細) $32, : 豬頸肉好香口, 幾好食, 不錯.椰汁紅豆冰 ($30) : 幾好飲, 又夠大杯, 正.

估唔到係尖沙咀都有咁抵食既餐廳, 話說今晚OT買外賣返屋企食, 同事話重慶大廈地庫有間越南餐好抵食! 我就黎左呢到試喇, 價錢黎講的確係唔錯, 相當親民!我就叫左我地成日都會食既菜式:1/ 越式春卷撈檬 $67炸至金黃酥脆既春卷, 內裡為新鮮蔬菜同肉, 相當豐富美味, 再點上酸辣醬汁令人更開胃😋2/ 蕃茄蟹肉扎肉湯檬 $69非常濃厚既鮮湯底, 用多個蕃茄同蟹膏炮製而成, 口感濃郁鮮甜🤗扎肉彈牙同湯汁配合得好好, 飲落暖身美味！3/ 軟殼蟹米紙卷 $70叫叫即炸既軟殼蟹新鮮十足, 加上新鮮蔬菜同香草卷係薄薄既米紙內, 食落多重唔同嘅口感, 感覺健康又美味！4/ 越式豬扒包 $52食越南嘢點可以唔叫佢哋既法包, 最估唔到嘅係咁大條🤭 入邊除左惹味又香既豬扒之外仲夾住新鮮蔬菜, 滿足味蕾又唔會膩5/ 牛油果沙冰 $34綿滑既牛油果沙冰再加上少許既奶香味完全係完美既結合！推介！6/ 椰青 $45係餐廳到飲椰青最怕係佢果肉刮唔到而椰青水唔夠甜! 但可以放心, 佢哋完全冇呢個問題, 啲果肉俾我刮到見哂底！

令人難以難忘既越南菜～🍤 小食：越式炸蝦餅 🍤這道越式炸蝦餅給人一種脆脆的驚喜！外層金黃酥脆，內裡鮮嫩多汁的蝦肉讓你愛不釋手。每一口都充滿了海鮮的鮮味和越南特有的香料風味。搭配著醬料的融合，這道越式炸蝦餅絕對是開胃又美味的小食選擇！🍤😍🔥🥤 嘢飲：鮮芒果西米露和熱情果冰 🥭🍧來到Ha Nei，你絕對不能錯過這裡的嘢飲！鮮芒果西米露帶有芒果的濃郁香甜和西米的綿密口感，一口咬下讓你彷彿置身於熱帶的水果園。熱情果冰則是一道清涼解渴的選擇，讓你在炎熱的夏天感到愉快和舒爽！🥤🌞🍹總結來說，Ha Nei越南菜餐廳不僅提供傳統越南菜的美味，還將現代元素融入其中，為用餐體驗增添了一份時尚感。無論你是越南菜愛好者還是尋找新口味的冒險者

🍲🍤🌿 Ha Nei越南菜 🍲🍤🌿📍地點：尖沙咀中心地帶，方便又便利。💡氣氛：這家餐廳帶給你一種舒適和輕鬆的感覺，讓你彷彿置身於越南的小巷中。🍛 主菜：香茅豬扒撈檬 🐷🍋這道香茅豬扒撈檬真是令人驚艷！豬扒煎得香脆多汁，外層酥脆，內裡嫩滑。撈檬的酸爽和香茅的香氣完美結合，讓每一口都帶來清新的感覺。這道菜絕對是讓人回味無窮的絕佳選擇！😋🍛🍋🍜 小食：越式豬頸肉 🐖這道小食是越南菜的經典之作！豬頸肉經過獨特的調味和烹調方式，口感細嫩多汁。每一口都帶來豐富的肉香和獨特的越南風味，讓人愛不釋手！配上適量的蔬菜和醬料，更是讓人垂涎欲滴！🍜🐖🔥值得去試下，推介！

為食花太郎 Fafafoodblog🍴軟殼蟹撈檬 74 蚊🦀成隻炸得好香脆既軟殼蟹大大隻 撈檬足料 有蘿蔔絲 青瓜絲 加 d甜酸汁 好正🍴越式咖喱牛腩飯 64 蚊🐂牛腩好入味 帶 d筋肉位同肥膏 咖喱汁 香料味幾香 咸度夠 連埋牛腩撈飯正🍴越式炸蝦餅 32 蚊🦐蝦餅外面香脆 入面蝦膠彈牙 蝦味夠 點 d甜酸汁都正🍴越式香茅豬扒24 蚊🐷豬扒煎得好香脆 香茅味入味 正#豬扒 #軟殼蟹 #香茅 #蝦餅 #咖喱 #牛腩Score 平均分< 7.8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~Ha noi#hanoi尖沙咀彌敦道36 至44 號重慶大廈地庫 heath 21 號鋪~~~~~~~~~~~~

之前有朋友推介過呢間越南嘢，行街見佢喺重慶大廈附近嘅一個新裝修好嘅商場有分店，就決定試吓～生牛肉湯檬 係食越南菜必試嘅湯粉，一上枱就見到分量十足，配菜豐富，仲有好多片生牛肉！！生牛肉口感鮮嫩，肉味都幾香，湯底溫度十足，慢慢煮熟啲生牛肉，而且湯底味道唔會太濃亦都唔會太淡，飲落有淡淡牛骨香，另外附上青檸同埋辣椒，加埋落湯到食，湯底層次感即刻升華咗～酸酸辣辣🥰越式豬頸肉飯豬頸肉燒得剛好，面頭燒到香脆的，中間肉質保持鮮嫩，薄切上枱，方便食用，份量方面都唔少，都有好多片，淡淡豬頸肉嘅油香，配合越式甜酸醬同埋醬油，真係好適合送飯，好快就食晒🤣粉麵飯亦都可以額外追加一啲小食，我同朋友分別叫咗以下兩款小食。雞翼（兩隻）雞翼外皮炸得幾香，加上少少香茅味，幾醒神～春卷兩件（兩件）呢個春卷有幾有驚喜，賣相唔錯，顏色好豐富，食落味道都好豐富，春卷外皮揸得啱啱好，食得出裏面嘅餡料都有用心調味，幾惹味嘅一個小食～另外叫咗兩杯粵式飲料都幾好飲！椰汁椰果西米露呢杯野簡直就係完美結合甜品同埋飲品～入邊都幾多椰果同埋西米！而且味道唔會太甜亦都唔會太厚身，一杯滿足晒食甜品同埋飲嘢嘅慾望～越南滴漏咖啡（凍）上面就係齋啡，下面

最近知道重慶大廈呢度開咗個新嘅美食坊，今日就同個同事過嚟試咗呢間越南餐廳，買啲嘢返office度食。裏面裝修都幾靚牆身嘅畫都好有越南特色。我就叫咗個順化牛肉撈檬同埋加左個越式豬頸肉小食。同事就揀咗個順化番茄蟹肉扎肉湯檬同埋份越式炸蝦餅小食。首先要大讚個牛肉撈檬係非常之好食，牛肉醃得好食，另外佢嘅檬粉我都覺得畀出面嘅越式餐廳出色，份量又夠多。豬頸肉亦煎得非常香口，邊邊位焦香，肉食落嫩嫩，好味道。至於同事個番茄蟹肉扎肉湯檬，我試左少少確實又係非常出色，湯底濃濃番茄湯味，食完又唔會口渴，真番茄製作，而且味道豐富，唔係單純番茄味，一開外賣碗，見到一絲絲蟹肉，仲有豆卜吸晒湯汁，非常滋味，扎肉同湯檬同樣出色，相比下，我更愛同事個湯檬，推介！ 蝦餅炸到金黃色，好吸睛，熱辣辣，食落Q彈，仲咬到少少粒粒蝦肉，好食！餐廳食物cp值十足，下次夠時間都要再堂食回味下。

黎個場裝修後第一次再來，平日晚市個場較靜，人流較少，但黎間越南菜都算幾多人食，我選擇左一個飯，朋友選擇左一個檬粉，加兩個小食，兩杯飲品，價錢合理抵食，朋友吃豬頸肉撈檬粉，份量很多，豬勁肉好味(掛住食忘記拍照），我點三色飯有香茅豬扒，雞翼同扎肉，三樣食都好食整體得覺得係可以一試春卷好味

黎開尖沙咀重慶呢頭，通常都係去搵咖喱食，但朋友話今日黎試新野，食越南菜。 真係好好奇，黎到原來重慶大廈個地庫新裝修左間Heath，入面開左好多新野食。今日朋友就帶我黎食呢間Ha Noi越南菜。睇落都幾大，坐得幾舒服。我地坐底就叫左2個小食先，越式炸蝦餅同炸春卷。原來小食仲可以跟主食有平，咁又幾抵wor。炸春卷係好唔錯，因為佢唔會話炸到好硬，亦唔會一咬就散晒，好出奇地佢幾結實，又好多料，好好食。 而炸蝦餅都好香，唔會好粉既質地。主食就叫左越式河內三寶飯，同豬頸肉撈檬。 三寶飯有雞翼，香茅豬扒，扎肉。 估唔到都好大件，而且feel到幾新鮮炸。豬頸肉撈檬個賣相都好大份，真係好抵食，亦好好味。另外野飲都好正，檸檬蜜糖薑蜜，都好似熱薑可樂。杞子龍眼茶又真係足料煲既。今餐真係發現新大陸，可以再黎食。

HA NOI 今天放假和朋友去尖沙咀行街食飯😆 行經重慶大廈隔離新裝修的地庫！裏面有很多食肆🔥 朋友想食越南嘢♥️見 Ha Noi 越南菜館！一於去試吓😉它位於尖沙咀彌敦道36-44號重慶大廈地庫health21號舖😄尖沙咀地鐵站H出口行2 分鐘就到👍門口的裝潢金碧輝煌，十分搶眼😆 入面裝修以越式為主，有厨房用的藤製品、風乾香料🌶️等等💯 地方寬敞，光猛整齊清潔，坐得舒適👍食物的選擇超多！我們先來小食： 酥香軟殼蟹🦀 大大隻又多蟹肉😋 外殼炸至金黃鬆脆，咬落有口感！ 有蟹膏和蟹香味！超正👍 越式炸春卷炸得十分鬆化，薄薄的米紙包了地道餡料，很好吃！主食要了極品牛三寶🐮湯河粉🥣 份量不少，有半生熟牛肉片，鮮嫩多汁、牛展片炆得入味腍滑！仲有牛丸入口彈牙又有牛味💯 牛骨湯底鮮美，河粉幼滑，夠哂味👍 扎肉撈檬粉🐷 檬粉就夠哂彈牙😆 扎肉鮮味，還有其他越式常用配菜💚 淋上越式魚露醋汁，酸甜和辣就非常開胃好食😋飯品要了椰汁三色冰🧉香濃嘅椰汁加入紅豆、綠豆和啫喱粉條，調配得好地道！好飲👍 鮮芒果🥭西米露：芒果夠新鮮又香甜，份量十足！ 西米煙靭有咬口，和芒果係超配😆這裡的越式食品處理得好地道和好味道

重慶大廈地庫新裝修有好多新餐廳，不過要注意唔係重慶大廈入，要前小小落扶手電梯餐廳好有越南氣色，有唔同佈置，價錢都抵食🥢極品牛三寶湯河粉(生牛肉、牛展、牛丸)湯底濃郁鮮甜，牛肉、牛展同牛丸嘅組合更加豐富味道。生牛肉鮮嫩多汁，牛展酥軟入味，牛丸彈牙有嚼勁。同湯河粉結合，每一口都能夠感受到牛肉嘅鮮美與湯底嘅滋味🥢越式香茅豬扒撈檬豬扒經過香茅同其他香料嘅調味，帶嚟一種濃郁嘅香味同獨特嘅風味。撈檬嘅酸爽味道同豬扒嘅鮮嫩口感完美結合，帶嚟一種清新而開胃嘅味道🥢越式炸蝦餅蝦餅經過特殊調味同油炸，外層金黃酥脆，內裡鮮嫩多汁。食落去，可以感受到蝦肉嘅鮮甜與餅皮嘅香脆🥢酥香軟殼蟹軟殼蟹經過油炸，外層酥脆而不油膩，內裡肉質鮮嫩，品嚐到蟹肉嘅鮮美同酥脆皮嘅口感🥢椰汁三色冰椰汁冰涼而爽口，帶嚟一種濃郁嘅椰香味，配上紅豆、綠豆、涼粉，口感豐富🥢蜜糖柑桔水柑桔散發出淡淡嘅柑橘香氣，配上蜜糖嘅甜味，帶嚟一種清新嘅口感。飲落去，可以感受到柑桔嘅清甜同蜜糖嘅滋潤

最近唔知點解好想食越南嘢，所以今日經過尖沙咀重慶大廈附近就落咗地下搵嘢食，見到呢間好多人幫襯嘅越南餐廳試吓！估唔到佢好似做街坊生意嘅設計嘢食質素上有驚喜！🌟順化蕃茄蟹肉扎肉湯檬最鍾意就係佢呢一個蕃茄蟹肉檬，蕃茄味道濃郁，而且有超級多蟹肉，味道鮮甜非常之正！🌟越式豬頸肉撈檬另外佢嘅豬頸肉都好出色，唔會剪得好乾，反而有好多肉汁，而且調味啱啱好，配搭埋佢嘅撈檬好出色！🌟小食叫咗越式炸春卷(2件同蝦餅，兩款都非常之香口～蝦餅亦都好好食，食到蝦肉嘅香味，亦都炸得非常香脆🥳🌟椰汁三色冰 羅望子冰嘢飲方面，我哋都叫咗兩杯，從來都未飲過羅望子嘅嘢飲，原來係咁嘅味道都幾好飲同解渴☺️

今晚收工想食粉麵類，去咗尖沙咀重慶地庫個商場，有間叫做HaNoi嘅越南粉麵店，好食😋，坐得又舒服，性價比又高👍🏻我地叫左兩碗粉🫣生熟牛肉湯檬：牛肉鮮嫩好滑溜☺️特別係生牛肉，好正！湯頭亦好好飲，一啲味精都唔覺有，順口得黎好清甜😳極品牛三寶湯檬:有齊生牛肉、牛𦟌、牛丸，一次過滿足三個願望，牛丸好似特別彈牙😝我地再追加左兩樣小食🫡越式炸蝦餅：紮實爽口彈牙，用料夠哂鮮，而且熱辣辣上枱，好抵讚！豬頸肉：少少燶邊真係好正，油脂又豐富，仲有陣陣油香味😋黎多兩杯特色飲品：椰汁珍多冰同椰果椰汁西米露，入面勁多料，呢餐真係抵食得來又好味🥰🥰

餐廳位於尖沙咀鬧市中心，位置方便。餐廳面積比較大，可容納嘅客人唔少。餐廳裝飾特別，有藤帽同單車，有地道氣氛。順化蕃茄蟹肉扎肉湯檬蕃茄的酸甜味道和濃郁的湯頭相互融合，非常濃郁。蟹肉係另一個亮點，份量唔少，絲絲蟹肉分明，質地細膩，帶有海鮮嘅鹹香味，為湯檬增加了層次感，好味到連湯都喝清。越式豬頸肉撈檬豬頸肉層次分明，表面香脆，外表睇到以為比較乾，但食落有肉汁，唔嚡口。檬粉唔會太淋，配料十足，加埋酸香醬汁，非常清新開胃。另外加了2個小食。越式炸蝦餅炸粉唔厚，蝦肉結實，趁熱食是特別好味。酥香軟殼蟹比我平時食過嘅大隻多肉。外殼炸至金黃酥脆，咬下去時能發出令人愉悅的脆搭聲，這種口感帶來了滿足感。蟹肉肉質柔軟，整隻蟹外殼的脆口與內還的鮮嫩相互呼應，讓人愛不釋手。飲品係椰果椰汁西米露同鮮芒果西米露。幼滑香甜，味道唔錯。估唔到尖沙咀可以揾到咁美味，價錢唔貴嘅越南菜，之後開餐地點又可多加1個了。