Grove

食物真心好味，年紀較年長的女侍應服務態度好好，已光顧多次，但今日中午約12:00左右前往，店舖沒有人排隊等候，店內有吉位，我一個人見到玻璃小圓枱2人位置有位，準備坐低，但男侍應就指住我示意要我坐中間大枱位置，那刻我心想平時都唔會咁，就算我一個坐小圓枱會有人會搭枱，很正常，沒有問題的，如果人多冇位我是不介意坐中間大枱，之前都坐過，但今日有位都不能夠自由選擇，真係失望，最後我二話不說直接離開…查看更多

Grove delivers a surprisingly satisfying culinary experience, though not without its flaws. During lunch hour, the atmosphere is bustling to the point of being noisy, and the seating arrangement feels cramped and poorly optimized for comfort.The Angus beef burger with grilled onions, cheese, and bacon is a standout. Served with either regular or sweet potato fries, the burger impresses with its juicy patty and flavorful bun—far better than expected. The sweet potato fries are a welcome option, adding a touch of variety to the plate.The pan-seared halibut with herb avocado sauce is another highlight. Generous in portion and well-cooked, the fish pairs nicely with the creamy avocado, offering a fresh and balanced profile.While the quality of the food is commendable for first-time diners, the service could be improved. With a few minor improvements, The Grove could become a top choice for casual dining.…查看更多

係會展工作，午飯時間睇下有咩食，行過見到呢間café同其他分店既裝修好似有D唔同, 見裝修咁別緻都會幻想下佢既食物可能會比其他分店好。餐廳環境行到入去先知,原來唔搭枱的話選擇少之又少,2 人用餐只能坐係玻璃邊，不過當日天氣唔錯，可以有個靚景望下都醒神D食物質素唔好期望太多了，同其他分店質素差不多已經叫左一個好安全的蕃茄意粉, 賣相是OK 的唔算難食，只能叫裹腹，lunchset 又包杯野飲, 係會展附件黎講呢個價錢算幾抵食飽之後就快快工作了…查看更多

夜晚去演藝睇話劇，因為早食飯，又唔想太遲入場，所以就過咗嚟海旁搵嘢食。成日以為呢間食包，但係原來都有幾多選擇。本身想食羊仔柳，但係朋友話唔係好肚餓，所以淨係嗌咗一個餐再加個湯同埋番薯條share嚟食。揀番薯條好似比薯條健康啲，輕甜又唔會太乾。既然朋友唔肚餓就放棄咗羊仔柳，就叫咗個豬頸肉冬陰功意大利飯，飯粒硬度適中，喺依啲咁熱嘅天氣食啲少少香辣嘅嘢幾開胃，個豬頸肉都焦香味十足，實在係意想不到。同埋呢個份量輕食就剛剛好。雖然係掃QR code落單，但係職員由入店到離開，安排座位，送餐都相當有禮貌。…查看更多

梗係要寫返篇食評啦，真係好耐冇動筆。今次要特別多謝 Grove 嘅員工，喺今日咁惡劣嘅天氣下，仲要開門為客人準備食物，真係值得一讚。今朝一出門口就見到天色灰沉沉，原來已經掛咗黑色暴雨警告 signal。本來打算返公司，但見到咁嘅天氣，心諗不如獎勵下自己，於是就喺附近搵間餐廳食個靚早餐。行過 Grove 門口，見到佢個玻璃屋設計好有格調，自然就被吸引住，行咗入去。一入到去就覺得環境好舒服，光線充足、空間感十足，仲有啲綠色植物點綴，氣氛好 chill。今次叫咗個豐富早餐拼盤，包括香脆煎蛋、肉味濃郁嘅紐倫堡腸、鹹香煙肉、烤到微焦嘅番茄、外脆內軟嘅焗薯角，仲有清新爽口嘅水耕菜、甜甜地嘅烤 BB 甘筍，同埋啖啖鮮味嘅烤白蘑菇，配埋香脆多士，真係一流。食物質素高，擺盤又靚，食完個人都精神晒。雖然外面落住大雨，但喺 Grove 入面就好似置身另一個世界，咁溫暖、咁舒服。多謝 Grove 嘅團隊，令我喺暴雨中都可以有個咁美好嘅早上。下次一定會再嚟！…查看更多

同朋友諗住中午去書展前喺附近食個午餐，咁啱經過見到餐牌價錢合理，入邊都好多人食，就諗住試吓👍🏻👍🏻我哋兩個人各自嗌咗一個餐同一杯嘢飲泰式冬陰功醬鮮茄藍青口扁意粉 $73 ⭐️⭐️⭐️我選擇咗嘅藍青口扁意粉，青口份量多有差唔多12隻👍🏻味道中規中矩👍🏻水波蛋芝士甘筍菠菜忌廉菠菜麵 $73 ⭐️⭐️朋友選擇咗嘅忌廉菠菜麵，賣相一般，而味道亦都略為淡🧐野飲方面我哋一個叫咗latte 一個叫咗玫瑰綠茶Latte拉花不錯，而玫瑰綠茶茶味尚可👍🏻🎉店舖環境衛生職員有禮貌🎉平日中午時間不需要排太耐隊就可以入座總括而言，想喺灣仔地段用唔太貴嘅價錢食一個快西餐都可一試👍🏻…查看更多

因為我6月14日去會展中心睇旅遊展覽，行過路過見到這間新店，就入去一試.剛巧見到係有下午茶，就叫個下午茶試下啦.枱上係有qrcode落單.我就用微信支付素描code.個男店員話.呢個唔係用微信的掃描.係用手機的素描qr code.好的.明白.照做.但係個職員慨語氣已使我們感到有點怪！那就跟住方法去做qr code落order啦.按來按去.都按唔到.當我去到落飲品慨時候.見到係黑咖啡，我問位店員，黑咖啡.係唔係可以自己另外加奶加糖呀.個店員姨姨話.係呀.黑咖啡.如果你喜歡，咖啡送到來的時候.可以問他們取奶或糖.我見自己落單按來按去都落唔到單.走出去 counter找職員帮手落單啦.出到counter，我指住個menu話想要這個圖的食物，指住個圖四次.個店員都問我係唔係要個圖所指示的number.因為我睇唔到個number.好細個字印在左手邊.所以我就話就要這一個圖的食物.指咗四次.係唔係睇唔到個number，講唔到個number,只係指住個圖.就落唔到單呢？再選第二個餐.選個焗飯.個店員話焗飯需時要15至20分鐘."冇得吹單呀”,焗飯需時.係明白的.那我就問有邊一個餐係唔使等得太耐呀.炸雞髀會唔會好快的呀.個男職員已很不耐煩.我的餐全部即做.都算喇.就叫個焗飯啦！杯咖啡來到.仲搞笑.我問位姨姨.唔該杯咖啡畀的奶我呀.個姨姨問我要一份奶定兩份奶呀.2杯咖啡.就要2份奶啦.跟住個姨姨還要去問其他職員.先至可以取到一小杯唔熱的奶給我們.最激氣的係，個男職員還说，“黑咖啡梗係冇奶啦.要加奶，就叫latte啦，畀多$10咋”！我由始至最終都冇人講過畀我聽原來有latte可以選擇.講到我好似唔想畀錢.又要求杯黑啡要再加奶.在外面.無論高級慨酒店，黑啡，都會另外加一杯奶在旁邊另上，給客人自己選擇落幾多或者落唔落奶或糖.或者係普通的茶記，咖啡都會加上奶的.成件事，講到係我多了要求，最後兩杯咖啡.根本就要放棄沒有飲.超難飲！至於食物，講句公道話.食物慨味道係可以的.只係個男店員慨態度.有待改善.唔係因為我冇錢，先至在你們的cafe食下午茶.你的店係近會展中心附近.很多外來慨遊客帮襯.完全影響香港人服務態度给遊客的感覺.係極差！我自己就唔會再有下次喇！…查看更多

好耐無寫食評哩間要令我重拾電話打幾隻字.印象中對上一次食groove已是2019到處封路時在觀塘急急吃難食得很從此生活充滿變化失望有時就係見到香港人自我放棄嘅態度eg.做餐廳但比劣食客人做服務業但大大聲講是非、粗口、都唔好話有無禮貌…不能盡錄.今次竟然有勇氣再試就係大集團早餐app成日hang機近水流枱望下menu又有港式早餐試吓啦辣雞胸羅絲粉 估唔到仲有兩大塊蛋雖是雞胸但都幾淋加埋番落濃湯仲有兩片靚菜一d都唔hea❤️仲飽到食唔晒.最欣賞店員老老嫩嫩都好溫馨有禮貌尤其一位長者auntie 早晨byebye都係真心….幾耐無聽過！最重要係咩….全部講緊純正廣東話！.原來咁嘅服務態度喺香港已經絕種咁滯🥹嘢食咖啡又幾好唔係唔支持？！.唔知佢地係franchise 定集團旗下同當年觀塘比較真係差天共地👍…查看更多

第一次幫襯，人唔多。本來埋counter落order，被告知要掃枱上qr code，ok無問題。落完單幾分鐘，有侍應放刀叉，以為就快有野食。點知過左15至20分鐘，食物未見。同侍應收銀你眼望我眼，冇人問過我地任何野。老公再掃qr code，見唔到order，我問侍應，佢話「咩嘢？」，先知要線上比埋錢先叫完成侍款！我地馬上起身走人。侍應就話我可以去counter order同比錢！要記得：我啱啱入去個陣就係想係counter order同比錢㗎！母親節一肚氣，不會再試。…查看更多

【灣仔區】【Grove】呢間嘢聽過好耐，有時經過某啲地方都會見到。而最近我啲學生無啦啦都有攞呢間餐廳做佢哋功課嘅一部份，又令我對呢度生出咗少少好奇心。喺會展站旁邊嘅海港中心見到佢哋好似新開咗間喺度，搵晚就入咗去食吓。果然，啲嘢都幾新淨，應該真係新開。我叫咗 $128 嘅「珍寶全日早餐」，蛋我揀咗太陽蛋，仲有紐倫堡腸、煙肉、烤番茄、烤蘆筍、焗薯角、烤BB甘筍、煙三文魚、牛油果、水耕菜、多士，整體水準唔算好高，正常啦，係嗰半隻牛油果唔錯。可能如果唔係炒蛋冇晒而被逼轉太陽蛋，可能好啲。我另加 $18 要「是日餐湯伴蒜蓉包」個湯係番茄蘑菇湯，唔算濃，一般啦。再加 $10 飲熱「鮮奶抹茶」，杯嘢反而又幾好，順滑易入口，抹茶味都出。埋單 $156，嗰個位置又唔可以話好貴，我考慮嘅點反而係先買後坐嘅方法，都幾影響一位又冇嘢霸位嘅客人。。。（地址：灣仔港灣道25號海港中心1樓105號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #1am灣仔區 #灣仔 #會展 #grove #alldaybreakfast #珍寶全日早餐 #是日餐湯伴蒜蓉包 #番茄蘑菇湯 #鮮奶抹茶 #1am1742 #1ambackup…查看更多