Greyhound Café (新城市廣場) (已結業)

呢餐真係食得搞笑，本來想住黎買少少野就走，點知撞到個FD，係都要捉我陪佢食晚飯既然盛情難卻於是就陪佢食返餐啦個朋友都起勢係咁ORDER，話咁快就叫左四個菜個個都大大碟，阿叔我胃口唔大，都驚驚地食唔哂朋友就話食得哂，至怕佢眼闊肚窄做大嘥鬼叫到就頂硬上，呢個炸藕餅炸得香脆，配埋個辣醬無得輸炸魷魚粒，味道香脆，外脆內軟當然唔少得呢個鵝甜品，好好味，香油味四溢今餐就咁被迫地被請左一餐，不過總括黎講係開心嘅

同女兒去新城市睇戲，入場前順便搵食，上Openrice看到呢間食評唔錯，便來試試。叫了蝦仁炒粉(因忘記影Menu，因此實際名字忘記了。)味道很好，但份量很有泰國風味之”細”。女兒叫了好像肉醬芝士焗長通粉，我試了少少，好味，但也好漏。另叫了咖哩牛肉配薄餅，以主食嚟講，幾粒牛肉配薄餅，真的唔會夠飽，但味道唔錯的。粟米餅，炸得十分香脆，這個好食得嚟要推介一下。埋單600幾，價錢可以接受，幾款食物的味道都很好。奈何食完飯，再睇完戲出嚟，已經要再搵食，份量太細，唔夠飽。😂

突然想食泰國菜，經過見到E間泰國FUSION 菜，望見入面有位，就入去試試啦！假日午市都係單點a la carte menu....。燒豬頸肉陪糯米飯。燒豬頸肉上菜時唔係熱既，不過肉地都OK爽口，伴個汁一齊幾好食。陪糯米飯比較少見，都幾得意。。串燒。串燒包埋生既蔬菜串，食肉獸應該就唔夠肉食啦！！其實蔬菜串都幾fresh 可以中和下串燒熱氣既，但我想食多D燒肉串......。帶子墨魚汁意粉。中意食帶子，煮得幾爽幾鮮味意粉辣辣地，偏向少汁，略嫌乾身。2個人食唔到太多嘢，下次再試其他菜色啦～

來自泰國的新派泰國餐廳，2011年進軍香港，以黑白灰為餐廳營造型格氣氛。要讚賞一下餐廳服務：1）等位期間，侍應生不斷行到門口告知我們等候時間。2）餐廳侍應生數量充足，一舉手要點餐、要加水，立馬有人回應你的需要。但可惜食物質素一般，價錢亦偏貴。點了五款食物，由最好食排先：青木瓜沙律$88：清新爽脆，份量太少泰式鹵水鴨河$98：鴨腿夠腍，但湯底不夠濃厚。Pita pizza $118 平平無奇冬陰公蝦湯河$108:因為用了泰式闊河粉，但河粉吸收了湯底，令整道菜式味道變得好淡。個人認為金邊粉及白飯，才是配搭冬陰公湯的王道。蝦餅魚餅$98 不單止份量少，尺寸比一圓硬幣還要細（感覺被餐牌上的圖片欺騙了），完全唔彈牙，而且有點硬。總結：餐廳服務高、食物水準底（下次會嘗試其他分店）

一個人在新成市廣場找地方食午飯，行過見到這間Greyhound Cafe食泰菜的，見人少少就入去試試看。看到門口有個宣傳版，有set lunch 可供選擇。今日想食炒金邊粉，所以就選了$138的鮮蝦炒金邊粉套餐。餐廳環境很不錯，平日正午12時人流不算太多，反而12:30後餐廳開始熱鬧起來了。泰奶茶+泰式辣汁青木瓜沙律。泰奶茶甜甜的，茶味不算濃，可以一試。青木瓜沙律比較失望，一點辣味也沒有，令我忍不住再次看看餐牌有沒有寫明是辣味的。主菜鮮蝦炒金邊粉，賣相很讚，有3隻大蝦，蝦有蝦味和爽口的，金邊粉調味很好，份量也很足，內有很多蝦乾和配料，值得一試。最後個餐係包埋一個是日甜品的，想不到送來時嚇了一跳，是一整塊暖暖的朱古力布朗尼蛋糕，味道偏甜但很美味，吃完整塊真的飽到上心口了。後記：餐廳整體食物不錯，是上菜的時間拿捏得不太好，服務人員感覺很生手，不過禮貌還是有的。

今日下午茶一餐就包咗午餐，再占埋晚餐位置。因為依間嘅下午茶餐，或可稱是午餐，因佢哋都是叫 special lunch & tea set 都夠大份的，在中午時食都飽到上心口，叫咗兩份餐，一是鴨湯河跟檸茶，另一是泰式肉碎飯跟磨菇湯及凍奶茶。之後再可用半價叫咗碟三文魚。鴨湯河好味，湯好飲。而肉碎飯就比較普通正常一碟飯。但個磨菇湯就好好飲，碟飯再跟上一碟清湯的，亦都好好味的。而兩杯嘢飲都出晒名好飲的。而三文魚在泰國同一間舖都食過，其他嘢我唔敢講香港好食過泰國，但三文魚我就好肯定香港的好食過泰國的。

環境幽雅 高級泰國食府泰國風味 西式食材同中環嗰間相比 有另一番風味沙田分店主要食小食 炸雞軟骨必食 但可能有人會覺得過分油膩食漢堡包 配泰式辣將如果係沙田搵唔到嘢食俾你呢間一定係首選啦因為唔使排隊

今日過開沙田, 知道新城巿廣場都開咗分店, 決定去試下, 大概12點左右, 唔算多人唔駛等位, 之前未試過喺到叫飲品, 多數飲免費既清水, 今日叫咗杯凍檸茶, 侍應攞個杯埋嚟, 即場倒杯茶出嚟, 試飲後以為落錯單...凍檸茶 - 外觀上同普通既凍檸茶有分別, 檸檬呢到係用青檸, 仲要得一片, 茶底感覺好奇怪, 偏甜, 講唔出係咩味道, 我就唔識欣賞, 比較鍾意普通茶記既凍檸茶多啲牛丸湯米粉 - 之前試過河粉口感麻麻地, 所以今次試米粉, 湯底濃, 牛丸爽口, 仲有啲牛腩添, 不過就過咗火位, 米粉幾好食招牌脆炸單骨雞翼 - 招牌菜係不錯, 幾間分店食過晒, 都係同一味道, 外脆內嫩好味香蕉朱古力千層蛋糕 - 賣相非常吸引, 睇得出甜品師既用心之作, 之前試過椰子千層蛋糕, 今次轉試香蕉, 香蕉新鮮即場開嚟切既, 千層蛋糕夾住香蕉片食, 味道好夾好味

今次黎到沙田就試下呢間泰國菜。叫左水牛芝士漢堡、意大利肉腸芝士餡餅同埋朱古力窩夫做甜品。個水牛芝士漢堡個賣相非常特別，黑蚊蚊咁食落芝士味超級濃，而且有塊大蕃茄係包與包之間，食落唔會太膩。另外，有幾條薯條食下但薯條份量頗為少，如果可以有更多會較好。仲有叫左意大利肉腸芝士餡餅，咁味道算okay 啦，不過不失。而呢個朱古力窩夫就好好食，因為佢個朱古力味道好濃，唔會太甜，又唔會太溜，食完唔會話好口渴，所以有機會一定再食

WOW 沙田區終於開設greyhound了 因為在其他區食過好好味 所以今次都有點期待的哈哈 大約8點入席 所有坐位都好full呀 等位時已經睇定menu 坐低時已可以落單 有效率架嘛😌😉哈哈 BTW 今次點了六款菜式鮮蝦米紙卷 米紙卷皮很煙韌 醬汁帶點酸辣 還有點香葉 米紙卷加上薄荷葉 再加點醬汁 入口有陣香味 還有醬汁的味道 還可以吧軟殼蟹沙律 勁大隻喎 還有點菜 軟殼蟹炸得很脆又唔會太乾 又幾好喎 不過就唔覺得有蜜糖芥末味🤔🤔蔬菜都幾爽嘅 不過不失吧沙嗲雞肉串 有三串雞肉 有三串蔬菜 仲有個沙嗲醬 個醬好香呀 雞肉好軟熟 燒得剛剛好 同埋啲蔬菜好fresh好爽呀 同埋辣椒都唔辣嘅 可以食埋呀哈哈 點埋個醬一齊食真係無得輸 仲有呀 幾粒麵包仔都烘得好脆好香 同樣地 點埋個醬 真係好好味 食到停唔到口 哈哈 哩個正呀😋😋可以trytry 真係色香味俱全😍☺️海鮮函餅 有四塊 餅皮唔會太脆又唔會太乾 再配上海鮮粒 同埋已有嘅醬汁 每咬一啖都分配得很平均 整體嚟講 都係可以嘅 又係可以trytry😉😉帶子露筍香草闊條麵 其實我係另一間greyhound食過哩款麵 真係好好好食 但沙田哩間就

之前朋友說太古城的Greyhound好好食，昨天回歸日晚上忽然下起大雨，剛巧在沙田，就試下沙田的分店水準如何。裝修都可以，地方也算寬敞。點了紫米卷，泰式炒貴刁，軟殼蟹沙律，豬手糯米飯和數杯特飲。啤酒太貴了，沒點...軟殼蟹沙律，豬手太乾太硬了，不過也算脆。而最期望的青檸檬茶(朋友重點推介的)，就一般般了，朋友說太古城那間分店整得好好飲的，這間弄的茶真的一般。其他飲品和菜色也可以的。埋單四位，七佰多也不貴

還記得剛開張時 Greyhound 並沒有午市套餐，也沒有下午茶餐。午飯時段要 A la carte 實在不值，只試了一次。今天碰巧經過，發現已有套餐，還有很多選擇呢，難怪人流不錯。泰式鹵水鴨湯河 ($98) 湯粉滑溜，味道不過不失。鴨腿份量也不少，但味道較淡，肉質粗糙，還有雪藏味，很是失望！Spicy Spaghetti Thai Style ($108) 意粉味道小辣，有泰式感覺。用豆腐和蔬菜炒成，夠健康清新，但份量有點小。餐飲叫了熱咖啡同凍檸茶。它們的凍檸茶與泰國的 Greyhound 一樣，用的冰是檸茶冰，所以冰溶了味道也不會變淡。這是很聰明的做法。凍檸茶不太甜，很適合我口味好。但熱咖啡卻太濃和苦澀，有點像喝 espresso。

小食：蒜香醬係邊?竟然俾茄汁我，相當失望！薯條夠熱，但有少少overcooked 頭盤：雞肉裹粉相當香脆鬆化，令人驚喜，值得一試。不過雞肉佔既比例相對小。主菜：有一隻已開邊虎蝦放係螺絲粉上，東蔭公醬汁好惹味，中少辣，我覺得再酸多啲就perfect啦！蝦頭內充滿蝦膏，睇到我想快啲食哂入口！除咗個薯條唔得，我想讚一讚個服務。服務生非常細心，為我地準備咗紙袋裝好外來飲品，又不斷為無得賣既甜品致歉。綜合以上，我會再黎試試其他食物既！

週日晚上差不多九點，基本上新城市廣場地下唔洗等位的食市不夠三成，因為實在很肚餓，所以就去左呢間環境唔錯嘅地方坐低食晚飯。沒想到我和朋友並沒有因為肚餓而再降低原本我哋低要求的要求。-份量比相片少好多倍不再話下串半咖哩魚蛋(十粒左右)大小嘅炸蝦/魚丸$98-連好簡單嘅食物都整到好難食！粗過麥記炸薯條少少嘅單骨炸雞翼十二支(六隻)$88……感覺好似放左落滾油炸左成半個鐘咁！好過份，簡直有被騙的感覺。重申，環境服務算唔差，但食物質素同價錢真係半分都無。今次係有openrice以來，我第一次寫食評，完。

初次沙田新城市廣場體驗，無意逛到這家餐廳，點了軟殼蟹墨魚汁意粉和雜菌炒金邊粉，附贈的青木瓜沙拉調味適當，很開胃，軟殼蟹意粉比較失望，蟹殼部分很咸，蟹腳部分比較OK，意粉本身太乾又硬，連我這種不愛軟面的人都嫌乾硬；金邊粉就值得推薦囉，酸甜辣香融合得很好，不油不膩，真的不錯👍。環境較為嘈雜，但尚可接受，整體來說還算舒適，稍微觀察下週遭食客，確實泰式料理居多燈光擺設一開始會讓人以為是咖啡甜點為主，但飲品的選擇不算多，主要還是以餐點為主的餐廳！Ps:泰式咖啡很濃，有種咖啡加奶油的味道。