Greyhound Café (新城市廣場) (已結業)

無諗過Greyhound變得咁差1. 服務差，由頭到尾唔會同你笑一下，好似去咗澳洲食茶餐咁。俾餐牌你係fing晌你前面。埋單亦唔會講句多謝。2. 冬蔭功河粉入面隻蝦大隻係大隻，但係一挾即散，肉質霉到唔識點形容，可能係新蝦種。仲要入面有啲草菇係臭的！3. 杯奶茶比水更淡。隻杯嘅杯耳係立痴痴，明明係無糖，都唔知係隻杯無洗過定係沖果個人隻手太污糟，都唔知點解咁都可以serve俾客人！明明已經收得唔平，但係質素奇低，食完唔痾都已經好幸運

聖誕日，聰明的當然不會去吃西餐給人掠水了，於是來了吃泰菜。一直覺得這間泰菜超高質，食物好，環境好，價錢中中間間，是我心中的泰菜首選。這間餐廳其實主要做fusion 泰菜，年輕人一定喜愛。牛丸牛肉粉湯底是正宗泰式牛肉湯，好濃郁。牛丸很彈牙，麵底是金邊粉。成碗麵都充滿地道泰式風味。卡邦尼意粉這道完全是西式的卡邦尼，不含泰菜元素。忌廉醬汁正到不行，奶油味香濃，質感超creamy，高質！椰子千層蛋糕個人覺得這蛋糕比起著名的L 字頭餅店出品的，有過之而無不及。一絲絲的椰肉，跟夾層的鮮奶忌廉好配合。加上蛋糕上面的鹿頭餅乾裝飾，成件cake 好有聖誕feel!

話說去到門外，因太耐無食，想拎張飛者。眼見出面一大堆人，有拎咗飛，有未拎飛、冇拎飛一堆人，同店內員工招手示意想拎飛，裏面啲人當你透明嘅，講句等陣先都好丫。好彩唔係七月14 ，如果唔係我覺得呢班人同我一樣，都係已經唔系人間。講真，如果唔係一大堆自由行等，咁嘅服務態度，只要有競爭即刻冇人去。好彩香港仲有一大班自由行。爽臍錚用

今日要食素又唔想食中式，上網search到新城市鎖定兩間西式歺廳有冇肉歺單，其中一間Greyhound cafe，想向新城市揾位食飯一啲都唔易，起碼要等45分鐘以上，所以提早6点左右到唔駛等就入得。歺牌有數款素食睇相幾吸引，最後叫咗淨粟米餅，雜菌炒金邊粉(忘記影)，另外朋友就叫和牛芝士煙肉漢堡，帶子蘆筍香草意粉，鮮蝦炒金邊粉。粟米炸餅～粉多粟米少, 甜酸醬太少，要多碟醬要等好耐。雜菌炒金邊粉及鮮蝦炒金邊粉～味道可以，但配料少份量又少，兩這價錢只相差$10，如果今日不是要食素一定揀後這。和牛芝士煙肉漢堡～朋友話肉略乾及薄，味道一般。帶子蘆筍香草意粉～還可只是汁太希及淡。食過其他分店，沙田依間質素比較低，有待改善

阿女比完賽攞到第三名，同佢去慶祝一下，阿女自已揀呢間餐廳，之前去過尖沙咀分店，而且都幾好味！秘制辣肉醬手包粉卷 - $108綠色既辣汁另上，辣唔辣任君選擇，肉碎太淋，包埋粉皮和生菜，唔係好感覺到有肉既存在，但辣汁好味！蒜香辣椒青檸白酒汁煮青口 - $138青口新鮮，無白酒味，但酸酸辣辣都幾開胃！特色炸薯角配蒜香醬 - $48賣相唔多靚仔，但係有薯仔味，又脆口！鮮蝦帶子墨魚汁麵 - $148阿女食左一啖，然後大叫「唔好味」。呢個麵係無墨魚汁，個汁係酸酸地，而d麵又硬又無味......呢個午餐都有d失望，係坐得舒服既，但食物一般，價錢偏貴！無下次了！

One of the best reason of having early dinner is having a great portion of food in an extremely good deal.The set comes with my favorite item in this restaurant is Thai spicy mince pork with sunny side up rice, I love the fact that the mince pork is tasty and spicy enough that you can completely finish the whole plate, especially when the running yolk on top of the rice.The soup is a mushroom with crab soup, can't really taste the crab, having said that the soup is still pretty good. Another one

平時係Greyhound 的忠實fans， 每星期都會去食LUNCH / DINNER， 尋日係我嗎咪生日所以就帶佢去有信心保證嘅沙田新城市的Greyhound 慶祝，點知未食嘢已換來一肚床氣。 大概11:30踏入餐廳，內裡只有 5 至6張枱有客人，有一位心情極度火爆神經失常的waitress帶位。 點餐時，我嗌了Thai Iced Milk Tea， 依位waitress已經態度奇差地反問我 “係Thai Iced Tea定Thai Iced Lemon Tea呀!” 我亦有禮地重覆一次係 “Thai Iced Milk Tea..有奶嗰種。＂Waitress再好火爆咁問 “唔要檸檬?!”，我再三重覆一次係 “Thai Iced MILK Tea…奶茶…所以唔會有檸檬。＂因為有小小懷疑佢嘅接收能力所以叫waitress覆一次單，覆漏了一樣嘢不過佢急急腳走咗，咁唔緊要啦，一陣再order過。 其間，依位waitress的火爆態度趕走了2枱，主要都係因為對客人態度差。。。沒人出街食飯會想貼錢買難受。。。其實當時只有5枱客人，total有2位waitress，場面唔係好忙。。。點解會han

平日嘅晚上，去沙田新城市廣場搵食其實都唔算艱難，間間餐廳都冇咩人等位情況之下，決定揀咗呢一間Greyhound兩個人去食，叫咗三樣嘢，第一樣係炸粟米蟹餅配甜酸醬，呢一碟份量係夠嘅，每一件都唔細，但個蟹餅其實冇咩味，最好食係嗰啲甜酸醬。跟住再叫咗一個咖喱配薄餅啊，餅有兩款，有一款好似印度薄餅咁樣，鬆化啲幾好食，令一款相對硬少少。不過兜咖哩就唔係好大兜，係絕對唔夠搽晒落啲薄餅度食嘅。最後就係個炒金邊粉，同出邊一般泰國鋪食嘅冇咩分別，但份量就細咗三分之一，價錢亦都貴過出邊啲鋪頭。

朋友一向都幾鍾意去 GreyHound食晚餐, 今晚跟左佢去，環境唔錯，幾cosy，坐得幾舒服，我地叫左軟殼蟹沙律，墨汁鮮蝦意粉同芒果鵝肝醬多士首先呢個芒果鵝肝醬多士鵝肝算係幾香，但係我懷疑似鴨肝多啲，多士唔脆，不過三樣加埋一齊感覺唔錯!軟殼蟹沙律幾香口，但份量唔大🤔墨汁鮮蝦意粉就真係好一般，無乜墨汁味，但帶子尚算新鮮，最想試嘅椰子蛋糕今晚已經賣曬，所以唯有下次再試!

上星期Lunch 同事建議不如一齊去Greyhound cafe 試下，反正開咗咁耐我都未食過🙈餐廳環境都幾舒服，可算是在嘈吵的新城市廣場內，難得的一個綠洲！😌環境相對安靜，好像比較少「行李箱」旅客的蹤影！🤫👏🏻👏🏻👏🏻凱撒沙律🥗（with Set)凱撒沙律，生菜夠新鮮，芝士味道亦不錯！食完就更加開胃😋粟米湯 (with Set)粟米湯果然用大量粟米打碎再煮，每一口湯也是滿滿的粟米，味道香甜，濃度剛好！👍🏻不會過鹹的不會過甜。旁邊的蒜蓉包，亦不能忽視，又香又脆、送湯一流！一口蒜蓉包，一口粟米湯的感覺，的確係享受香草辣椒豬肉碎配白飯（$118）香草辣椒豬肉碎配白飯，外表看起來的確有少少遜色，有少少似碟頭飯😓不過肉碎惹味，香草🌿辣椒🌶️味道，配上旁邊的魚露送飯一流！旁邊附上鹹酸菜豬肉湯，味道怪怪的🤨泰式雜錦炒金邊粉（$118）金邊粉好夠鑊氣，好多配料，每一啖食落都夾到唔同嘅配菜。而且辣粉、花生、芽菜和蔥放在碟的旁邊，可以隨自己喜好添加！不過如果唔係太食得辣嘅朋友，記得要小心加辣椒粉🌶️啦！（因為都幾辣㗎🔥！）金邊粉的確幾好食，可是份量不多～🙈Thai Iced Milk Tea (with S

Dinner at shatin.....is weekend day.....waiting a table around 20mins...........Some healthy drink........is good for ladies.....👍🏻👍🏻👍🏻Chicken Wing ......which is delicious!👍🏻👍🏻👍🏻Pad Thai..... foie gras toast with strawberry 🍓 little spicy sauce🦑🦑also spicy !!!At the end with healthy drink 👍🏻👍🏻

星期日......到處都是人..........等位食飯........來到這間....等了差不多5張枱..便入座了........環境尚算舒適...........Menu 頭幾頁已有吸引的果汁..........每次來都點的單骨雞翼......真是好吃.......推介！金邊粉...............士多啤梨鵝肝多士.......good!7成熟....血血的.........魷魚筒......口感不錯.. 不硬果汁

結婚前的晚餐，住沙田帝都酒店，當然晚餐地方首選新城市廣場，落到最下面個層，揀了Greyhound Cafe..這間餐廳環境舒服，食物種類好多選擇！揀了煙肉意大利粉、菠蘿炒飯、排骨生菜、剪肉餅、叫了一杯野飲！最好味覺得是菠蘿炒飯，炒得乾身得來好惹味，菠蘿一點也不酸。這間餐廳食物不錯，只是份量不算多！服務生反應較慢、叫了好耐⋯才過來落order!

見星期六中午去到新城市廣場，周圍取飛都很多人，就行到到這間歺廳，等了几分鐘便有位，入到去坐下後感覺舒服。但侍應不會主动提供－杯清水，除非客戶要求。試了那個極級午肉河，牛肉好香好重牛肉味，值得－試！mini burger 几好食，不過個飽有点油膩。會再光顧！

同契姐預早慶祝生日饭🎊🎉 - 揀左沙田新城市廣場Greyhound Cafe 食晚餐. 其實可能後日中秋節，加上今日星期六，周圍都好多人。不過我地未夠六点半入座，吾駛等位。呢間cafe 食物包羅萬有，又泰，又西。我地都好滿意啲食物👍🏻😋，尤其是个生菜包，單骨雞翼又夠香脆。最尾更叫左個芒果千層蛋糕(mango crepe)🍰比契姐。講真，個蛋糕真係好味，甜度刚好。不過芒果糯米飯稍為硬左d希望契姐及妈妈都滿意今餐生日飯😊下次會再去幫襯。