Greyhound Café (太古城中心)

營業中

休息中

之前感覺污糟殘舊又唔好食，見裝修完比多次機會，感覺如下：1. 大部份staff好似冇training，上菜冇禮貌唔知點攞，又上錯兩次菜，好多唔知做緊乜；2. 叫左個湯粉冇乜味，問囉盒正常泰國菜必備的魚露辣椒醬盒又唔知係乜；3. 叫個㗎喱雞粉，㗎喱湯過咸過甜，雞只得一只很幼的雞下腳；4. Pomelo 沙律，調味ok, 但配科非常單調，賣相有很大改善空間。太古城中，唔想去食餐廳榜中三甲必入，好後悔，冇下次，完。

近日到太古 Greyhound 一家人食 lunch, 以下感受到極不愉快的一連串的客戶服務:1. 不夠落單待應不夠，十分鐘內都冇人落單2. 當示意一位職員我需要落單，這職員對我沒有作出任何反應。這也不緊要! 最令人激氣是以下第二位職員的表現。3. 當我再示意遠方另一位職員要落單，他來了但用一種不友善都不止，而且用極惡的態度加眼神問我食乜。我當時問佢你想點？甚麼態度？佢經理嚟，他繼續再講多句，我覺得我冇做錯囉，離多後還眼啤啤我一家人。我除即同經理回應一句，妳自己聽及晒到所以啦！我想表達幾好嘅食物或餐廳品牌，任何顧客遇上這種根本係難仔式嘅服務態度，好似想講數咁，真令人失敗亦令個餐飯食得不快。其實我對經理講，只要簡單一句回應:「唔好意示，要你等耐咗，請問食乜」。咁是否最基本對客態度都做唔到呢？當然我明白太古 Greyhound 係好多人幫襯，對佢公司覺得少一個客唔少。我希望如有其他朋友遇到類似狀況，這寫出來。

Greyhound係泰國算係一間必到既餐廳之一，咁耐冇得返泰國，唯有黎呢間餐廳懷念一下泰國既情懷🤣太古城呢間greyhound都幾大，播住泰國流行歌，都有少少去左泰國cafe既感覺🙈🌟特色小食拼盤$228小食拼盤勁大碟，牛肉串、雞肉串、炸單骨雞翼、炸肉丸、炸春捲、腸仔，幾乎想食既小食都有齊曬😍我最欣賞炸肉丸，超級彈牙又juicy！三款沾醬都好有泰國風味，就算係同一款小食都可以食到三個味道，幾正🌟香烤雜錦海鮮拼盤$288雖然黎錯炸既，不過唔緊要啦！海鮮好新鮮，炸到酥脆同時可以食到海鮮獨特既鮮甜味😇😇💕🌟泰爽原隻椰子沙冰$88沙冰保留左原汁原味既鮮甜椰汁，香濃幼滑，中間帶有少許椰絲，增添少許咬口，夏天解薯一流👍🏻好飽

Greyhound都算是我經常會去的一間餐廳，尖沙咀，旺角，九龍塘分店都有去過，今次輪到太古城了～特色小食拼盤串燒（牛/雞），單邊雞翼，各種丸類，分量真的很多，而且還有三種醬汁以及生菜薄荷葉等等，很豐富！沙嗲豬頸肉豬頸肉嫩滑，沙嗲汁香濃，很難不好吃，但伴隨的多士就不太知道用意在哪，哈哈鮮蝦金邊粉醬汁酸酸甜甜又帶點辣，層次豐富，好吃。椰子千層蛋糕這裏的招牌蛋糕，每次必點的！ 忌廉很香滑，又不會太甜，中間有新鮮椰子肉，非常特別清新！泰式奶茶，青檸梳打也很有泰式風味～

Greyhound 已經開到周圍都有 好似好有特色好有水準 不過今次係第一次食前一日訂位可以有85折平日野晚黎唔多人 所以其實walk in都有位 Menu選擇十分多 前菜 沙律 頭盤 湯粉 意粉 炒粉麵 飯多到眼花撩亂 唔知揀乜好彩我哋多人 可以share叫咗3個主食 2個小食1️⃣秘製辣肉醬手包粉卷 ($108)依個賣相好得意 有半個生菜 一搭粉卷 一碗肉碎 一碗綠色嘅醬食法應該係用粉卷包辣肉 再用生菜包🥬估唔到幾好食 辣肉唔太辣 但係超濃味 粉卷薄簿哋好似mask咁😂晶凝通透 食落少彈牙咁 生菜味道清 咬落清脆所以三個加埋好多啦有層次感之餘 個肉食落冇咁油膩👍🏻好味2️⃣鮮蝦帶子墨魚汁麵 ($158)依個上面有魷魚 帶子 蝦 蟹籽 不過唔多🦐🦑另外仲加咗啲辣椒仔,車厘茄同香葉墨魚麵係自己原先黑色 而非外面用咗墨魚汁 所以唔會食到成個口變黑色🙈份量一般 餸相對少 味道就一般般 食落辣嘅 海鮮唔係新鮮 所以冇乜特別唯一係個麵質幾有咬口 但係感覺唔值$158…3️⃣沙嗲豬勁肉 ($88)依個都係賣相靚啲多士粒用竹籤插住 豬頸肉一片片咁豬頸肉食落超級稔 加上佢切到好薄 整到條邊咬落勁香脆😋多士烤焗

要食精緻泰式菜 Greyhound都算得上價錢相宜 質素有保證今日就嚟到太古城 好彩唔使等位Greyhound signature Iced lemon tea $42夏日炎炎當然要飲番杯凍飲消暑Greyhound特色飲品就係青檸紅茶最正就係將青檸紅茶整成冰塊飲落啖啖濃郁 非常爽海鮮Menu非常抵食 忍唔住叫咗兩樣菜式辣椒青檸烤新鮮馬尼拉蜆 $138用上馬尼拉蜆 非常大隻 分量十足用烤煮方法 蜆肉煮得剛剛好口感彈牙帶炭香泰式酸辣烤原隻龍蝦 $238另外一樣海鮮菜式就係龍蝦原隻開邊 大細適中蝦肉爽甜彈牙 配青檸泰式汁 非常開胃配菜有火箭菜 有清新嘅東南亞感覺香煎和牛扒 $298Greyhound除咗有泰式菜之外西餐亦非常出色所以點咗和牛牛扒 Medium rare試試食落油香非常重 配菜蘑菇亦吸收咗牛油香味另外要讚 就係焗蒜頭 鎖喉剛剛好 帶出甜味

夏日炎炎☀️就最岩食Thai food😋 Greyhound Cafe 太古分店全新裝修咗，木屋頂型嘅設計配合埋西式餐桌椅，同餐廳嘅主打食物fusion thai菜好貼切～仲有最新限定太古店New Thai Grill Menu🍡🍢🔥!! 即刻要試一試先😍 香烤雜錦海鮮拼盤以竹籃上菜，多款唔同嘅海鮮，烤熟了的蝦、扇貝、蜆、魷魚、青口，配以三款不同醬汁，好有風味☺️ 喜歡吃肉嘅朋友，仲有呢款特色小食拼盤可以選揀～多款不同肉類串燒、腸仔及丸子🍡配以泰國風味醬汁及生菜🥬，好有fusion泰國生菜包嘅感覺😄 飲埋泰冰爽原隻椰子沙冰，好清涼🥰 夏天太熱冷親又不想食carbs的話，串燒都不失為一個好選擇啊～

今日同朋友去咗太古城度行街 見到呢間食泰國菜嘅餐廳Greyhound 入面好多人所以就入去試下啦餐廳裝修行工業風 但係有超大戶外窗 採光超好 感覺一啲都唔冰冷 雖然人多但係都坐得幾舒服辣椒青檸燒鮮海蝦串 海蝦夠曬新鮮肉質非常彈牙 可以點埋特色嘅酸辣醬一齊食 更加好味辣椒青檸新鮮青口 個汁幾惹味甜甜辣辣非常開胃 青口鮮味十足香紅咖哩鴨飯 咖哩唔太辣 香料味超強非常討好 甜甜地加上炆得超軟淋嘅鴨肉一齊食 撈飯一流呀泰式奶茶千層蛋糕 泰式奶茶忌廉非常香奶茶味 而且仲有濃濃嘅奶茶醬一齊食 食落口層次無窮 甜而不膩香蕉朱古力千層蛋糕 同樣地好多層次 鮮忌廉好輕盈 配埋香甜嘅香蕉 唔錯

Greyhound Cafe係一間泰式fusion餐廳，在香港有好多間分店，仲以為係本地餐廳，原來佢係泰國過江龍。難得今次太古城呢間推出香烤海鮮，而且只係太古城分行限定，即管就去試一試餐廳地方好大，又寬敞，坐得相當舒服。啱晒一班人食住燒烤慢慢吹水。海鮮選擇非常多，唔想諗嘅就直接叫什錦拼盤，咁就包羅萬有，樣樣試齊。可惜朋友對蜆殼類有敏感，所以我地散叫左泰式烤鱸魚，辣椒青檸燒鮮海蝦。再加多一個墨汁海鮮意粉打下底。估唔到係意粉先上。墨汁意粉真係堅黑，有時其他餐廳果D只係加D墨汁上去D意粉度，但呢碟意粉係黑到入心，好重墨魚汁味，正呀。海鮮都好鮮甜同新鮮，估唔到呢個泰國餐廳煮西餐都相當有水準。辣椒青檸燒海蝦，D海蝦都好大，蝦肉係結實彈牙，而且非常鮮甜，應該係非常新鮮。個青檸汁酸酸辣辣，更吊出蝦既鮮味。泰式烤鱸魚，原條烤，好大條。有好多泰式香料一齊烤，魚肉一D腥味都無，魚肉好鮮甜，好滑又唔老，而且好重香料味，齋食魚肉都已經好好味。如果喜歡重口味D，就可以點埋個酸辣汁，味道就會更惹味。烤鱸魚仲會配多個泰式沙律，酸酸辣辣，好開胃。

今日同同事去食我的生日飯，我們已經專登早D來，希望可以避開繁忙時段。我們四個人11:40am 已經入座，是餐廳的第一張枱。點完野食後，餐廳先上沙律及餐飲，我另外三位同事的main courses已經到左，大家都係返工放lunch，所以冇話特別等一齊食，當他們食了一半的時候，大概是落單之後的25分鐘，本人的食物仍然未到。所以便查問一下情況…. 😞第一位員工敷衍地同我說”廚房整緊”， 態度不太友善。☹️再等多10分鐘，我班同事已經專登食得好慢，想等埋我，我就先後向另外兩位員工查詢，他們話會follow up，不過無再走過來跟我們交代。😣 再等多10分鐘，我同事已經將食物同餐茶都飲完食完，我再追問多次之前話會follow-up的員工，他有一點驚便向另外一位較高級的員工查問，這位高級員工即時幫我查查，之後話廚房準備緊。大概5分鐘後，我的食物熱辣辣送到…. 我就要急速地完成，費事同事要等以及都要趕番公司。我明白漏單係會出現，不過追問四位員工，要到最後一位至去幫我跟進就實在太過離譜。最後想補充一點⋯ 我點的是最簡單的菜式，Lunch Menu 中的辣肉碎飯 😓 我自己喺屋企整都唔使一個鐘。😜

好多朋友講過Greyhound Cafe 既檸檬茶非試不可，我今日就同女友去左太古，睇吓檸檬茶有幾把炮！餐廳裝潢充滿時尚氣息，帶少少暗黑風格。- 香烤雜錦海鮮拼盤海鮮拼盤用左藤籃，充滿夏日氣息，海鮮包括蝦、蜆、魷魚同青口，每款海鮮嘅數量好多，其中蝦同魷魚最出色，蝦幾鮮甜，至於魷魚點泰式甜辣醬一流😋- 馬沙文甜咖哩配泰式薄餅薄餅比較乾身，唔係好油膩嗰種。至於咖喱完全唔辣，每一啖都有肉絲，甜甜地配薄餅一流。- 意大利肉腸芝士餡餅餡餅非常鬆脆，入面除左名字提及嘅肉腸芝士外，仲有香草同番茄，味道豐富，另外仲有少少拉絲效果。- 冬陰功湯配意大利雲吞冬陰功非常開胃，味道唔算太辣，入面有原隻大蝦，肉質彈牙而且好入味。雲吞外皮唔係我所認知既意大利雲吞🤔，不過入面餡料好足。- Coconut Shake椰子沙冰清涼透心，入面仲有啲椰子肉！- Ice Lemon Tea職員先預備一杯茶同一杯冰，送到客人面前之後將茶倒入冰杯入面。茶底非常香濃，飲到最後都唔覺得檸檬茶有被冰溝淡左味道，難怪個個朋友都讚好👍🏻除咗檸檬茶之外，食物質素都唔錯，尤其係海鮮拼盤。除咗香烤外，餐廳仲有提供白灼同酥炸另外兩款，相信一樣咁出

依家多咗嚟港島區食嘢，開始慢慢摸熟下啲路同發掘更多好嘢食。太古城中心好似好多嘢睇，但又其實唔係，今次係呢度有新嘢可以試下。想去旅行啦。。。望住啲裝修，有啲位令你覺得自己去咗泰國resort，盞燈同條木條交接著，但另一方面又有新派裝飾同字體。呢邊係唔覺好泰式，座位坐得舒服。特色小食拼盤，228元，唔係講笑，好多，重點係佢俾三款醬你點，分別帶出辣，惹味，甜酸唔同口感。拼盤算係多嘢食，每樣都有，整得好食，仲有薄荷葉添。今日想咩都食下，所以又點拼盤，唔駛諗，啱哂我呢啲懶人。香烤雜錦海鮮拼盤，288元，都幾豐富，加埋小小青檸汁，鮮味可以出啲。鹽烤鱸魚配泰式芒果沙律，288元。當然係會咸啲，揭開魚皮，見到魚肉係嫩而且滑，係肚度放左香茅。芒果沙律可以中和到，腰果又香口。呢個誠意推介，魚係夠秤同好味。環境都幾舒服，可以傾下計都唔錯。

今日去太古城，心血來潮所以就想去呢間Greyhound Cafe，所以就喺OpenRice訂咗位。中午12:30去到，已經差唔多有六成人，過多15分鐘之後，基本上已經坐滿了。我哋點左個頭盤，一個小食同一個炒飯。個頭盤幾豐富，有好多唔同嘅雜物，醬汁都有三款。仲有一啲蔬菜俾你夾住啲肉食，可以減少油膩感。個生菜包味道幾好，個汁比較辣少少，特色係加咗腸粉片嘅物體。令到剩低口感比較豐富。但係啲菜有好多水，如果是整走啲會比較好。菠蘿炒飯有兩片大菠蘿，裏面都仲有啲小菠蘿喺個炒飯裏面，海鮮都好新鮮，飯都吵到粒粒分明。雖然收費比較貴，但整體份量比想像中大，環境比較狹窄少少，服務也不過不失。係一間會再返去嘅餐廳。

- 𝗢𝘃𝗲𝗿𝗮𝗹𝗹 𝗖𝗼𝗺𝗺𝗲𝗻𝘁 -環境 : 9.2/10服務： 9/10味道： 9.3/10影相： 9.3/10性價比 : 8.7/10回頭率 : 8.7/10➖➖➖➖➖➖➖➖➖➖➖➖➖➖好耐冇去太古，今日一行不知不覺中行左大半日😂肚餓之時突然比我見到我最愛既「Greyhound Cafe」緊係二話不說衝入去先啦🤣.不得不說，重新裝修嘅「Greyhound Cafe」環境真係吾錯！暗淡嘅燈光，輕跳嘅音樂，邊食邊聊天，幾令人幾Relax下～.©特式小食拼盤 $228泰式拼盤一次過可以食哂六款特式小食適合大家一齊Share黎食🥳有招牌單骨雞翼，泰式豬肉腸，泰式炸魚球豬柳串燒，雞肉串燒同泰式春卷其中，小編大愛單骨雞翼，豬肉腸同炸魚餅球🙈雞骨醃入味，由於係單骨關係一啖就食到雞肉啦😎豬肉腸外皮薄脆，入口好Juicy!魚餅球入面加左香茅，好有泰式風味😘.©香煎大頭蝦配泰式芒果沙律 $228由於係即叫即燒嘅關係，等候時間會耐少少～大頭蝦嘅外殼燒至鬆脆，但裡面嘅蝦肉依家Keep得住嫩滑彈牙加埋炸蒜一齊食，香脆可口而或者可以蘸上泰式酸辣汁酸酸辣辣，開胃又提鮮👍.©椰子沙冰 $88如果你亦係椰子迷，

今日終於岀城啦，同港島區嘅朋友見下面，好耐冇過黎太古城，每次黎都要溜下冰，今次就食餐好嘅。好，坐低睇吓有咩好食先。啖啖蟹肉黃咖哩虎蝦，係呢度嘅super signature，果然睇得又食得，舖滿蟹肉之餘，虎蝦大大隻，黃咖哩惹味得黎唔太辣，配埋印度煎餅食，超正！燒和牛配檬粉，燒和牛非常吸引，表面煎香，裡面係粉紅色嫩肉，墊底係乾檬，可以點兩款越南醬汁，第一次有呢個食法。鮮魚露炒生菜，看似普通生菜，炒得唔錯，食落個魚露味控制得啱啱好。Mango shake，好濃郁嘅芒果味，有絲絲芒果肉，唔太甜，沙冰夠幼細。招牌椰子千層蛋糕，呢個係必食，一層又一層，每層除咗有椰子cream之外，仲有粒粒新鮮椰子肉，食落唔會漏。