Green Ocean Seafood

營業中

休息中

上次同狗狗嚟係年半前，午餐喺選擇同價錢上冇乜變，$88-118，唔使加一，跟冷飲/熱飲/特飲。狗狗爸爸依舊揀咗自家製和牛漢堡包，售價維持$108。自家製和牛漢堡包：漢堡包分半上，易進食；上次啲生洋蔥好嗆，今次就非常香甜，醃酸瓜唔會死鹹同太酸；麵包、和牛漢堡偏細；狗狗爸爸話漢堡切落唔juicy，但入口有肉汁，味道幾好；薯條可能放耐咗，唔太香脆；沙律菜正常，配上類似泰式醬，味帶酸，開胃香辣蒜片欖油蜆肉扁意粉：$95；係最接近素食的午餐；擺盤有待改善，意粉好似亂放咁；份量略細；侍應喺落單時提醒話有少少辣，個人而言，意粉落咗好多小辣椒，都幾辣；蒜片較大瓣，蒜味未出得曬；橄欖油唔太香；不過，意粉足料，有>30粒蜆肉凍檸茶、凍咖啡：跟餐凍飲唔使加錢，同茶餐廳一樣沖好送上，想糖、奶另上要講聲；凍咖啡的咖啡味幾香，但甜咗啲同狗狗嚟只能坐室外，夏天嚟都幾悶熱，餐廳有冷風機但冇開嚟，只得一把細牛角扇，不過，侍應願意將風扇放低啲，狗狗俾啲時間總算可以降溫。服務幾好，有2位侍應，一男一女，佢哋對寵物好友善，亦幾健談。餐廳的洗手間乾淨、企理。狗狗食評🐕📝：食物🍽️：我喺餐廳係食爸爸、媽媽餐點入面啲蔬菜，選

琴晚係第一次黎試下，餐廳環境舒適，感覺清新又放鬆。仲有，呢間餐廳提供泊車位，對於開車嘅人黎講真係好方便，唔使周圍搵位泊。佢哋仲係寵物友善，可以帶寵物一齊入去，對寵物主人真係一大bonus。食物方面，第一個上菜係是日海鮮精選蒜蓉牛油聖子（menu無的）聖子新鮮，調味唔會好重冚咗聖子嘅鮮味。同埋最重要係冇沙。 第二個上菜係法國白酒忌廉藍青口，個汁濃郁香滑，唔會好咸，青口鮮嫩，個汁配麵包好夾，加左轉麵包（無收錢）。第三個上菜係吞拿魚腩沙律，沙律係第三度菜先上我係有小小奇怪，但吞拿魚係好重油脂同無筋，個底就只係鋪咗一層薄既菜，如果菜既份量多啲會更好。最後一個上既係香辣蒜片欖油蜆肉意粉，意粉既口感岩岩好但份量小，蜆肉有啲overcook食落有渣。2人食左$627，價錢唔算平。整體黎講，適合鍾意海鮮、帶寵物同開車嘅朋友。

今天在元朗的天空之城食Lunch，所謂的天空之城其實就是在元朗和錦田之間的高埔村，不過可能因為附近有個豪宅屋苑，所以就改咗個咁勁嘅名。不過呢個天空之城估唔到都有幾多餐廳，今日食咗呢一間西餐廳，佢嘅set lunch都有幾多選擇，我就揀咗白菌牛柳粒石鍋飯。白菌牛柳粒石鍋飯$108，包埋餐飲一杯。個石鍋飯熱辣辣keep住個溫度，啲白菌新鮮得黎又無菇類嗰啲青草味，咬落去幾爽口。牛柳粒唔韌，而且煎得幾香，連埋面頭嘅蒜片，味道唔錯。

開工大吉 我又嚟食喇燒牛燒牛燒牛⋯呀！靚仔到呢😍太美味了 ！值得給100個讚依個西班牙的黑毛豬腩扒⋯好有驚喜，肉汁多、肉嫩滑，後來先知今日午餐燒牛係special lunch mean太好味了上星期食到特別Lunch set好滿足，今日又食😋今日係平常餐牌阿根廷穀飼安格斯西冷扒好肚餓 ，所以叫左意粉，都唔錯，都係燒牛吸引好多自家製和牛漢堡，睇個樣已經知好味嘩～～～～好香和牛味 唔太肚餓可以試下下次要試埋焗飯 或者 石鍋飯薯條好好味 ，要另加一份 😋

過年前夕好多同事都攞晒大假提早開始放農曆新年假期，公司得返我一支公，於是諗住Lunch Time 食好d等自己都有個好好feel嘅新年氣氛，咁就係咁樣就決定揸車過去高埔村食好西。呢間西餐廳可以話係本區嘅低調高手之一，佢嘅set lunch都有十一二樣野揀，話明食好d就梗係叫我最鍾意嘅羊架啦。$118有羊架3件，仲連埋飯、意粉或者薯菜。佢嘅羊架與呢個價錢嚟講性價比都算幾高，唯一缺點係肥咗少少，另外佢個意粉嘅汁都整得幾好食。餐飲就揀咗凍齋啡，抵食好食。

估唔到錦田高埔村都有幾多好嘢食，今日就試咗呢一間西餐廳，佢以海鮮為主打， happy hour想chill吓，就叫咗個crab cake同埋house wine。個crab cake都有啲料到，一碟有兩件，入面勁多蟹肉，而且啲蟹肉都幾新鮮，一梳一梳啖啖肉都真係幾正，佢個伴碟沙律菜都幾新鮮，crab cake配雨衣金蘭個味都幾夾。house wine係細細支嘅，即叫即開唔洗擔心開咗幾耐，以house wine黎講味道算唔錯。

今次嚟食Lunch ，未入門口就有招呼👍🏻坐下店哥哥就推介西冷牛扒，平時我不會選擇西冷，埋嚟就推介一定係好野，我就選了朋友就食羊架好期待⋯先來了飲品等了一會兒「阿根廷穀飼安格斯西冷牛扒」嘩嘩嘩！原來係咁樣燒，好驚喜呀！肉汁超多、肉質超嫩、牛味濃濃的、入口溶化了薯條好脆 好好味 再多點薯條就好喇😆連蔬菜都好出色 無根 爽甜 、燒過嘅蕃茄入口爆汁不愛好羊架的我，試左一口，這個也可以推介👍🏻質素超高的出品，廚師技術超班午市仲送餐飲咸柑桔🍊都好夠味 潤喉下次要再嚟食牛扒

午餐包凍熱飲品或特飲。咸檸菊花蜜，咸檸味勁出，冚咗菊花蜜嘅甜味。青檸梳打，清爽微酸。西班牙黑毛豬腩扒配薯菜（$88）15分鐘上枱。兩塊豬腩扒，煎得好靚，表面微脆，肉質軟嫩兼爽口，調味足，雖然有提供醬汁，但唔點都夠哂味。薯條溫熱微脆；四季豆爽脆無草青味，有調味煮過；車厘茄微酸。招牌脆皮燒雞半隻配薯菜（$88）20分鐘上枱。半隻春雞都算大隻，堅炸得好正，雞皮脆口，雞肉嫩滑，而且仲有肉汁，就算胸位都唔嚡，調味足，真心覺得好食。呢間餐廳位置比較偏僻，無車真係唔太方便，但平日午市時間，客人都唔少（而且感覺好多熟客），我估假日應該更多人。PS：午市沒有加一服務費。午市只收現金。

今晚心情好好，加上遇上美味的菜式，滿分💯睇下今晚有乜好野食先送上暖暖的餐前包包配自家香草牛油包包好柔軟 （牛油太硬）依個湯～勁讚，入口感覺係即叫即煮，與一般的完全不同，越飲飲開胃，期待緊⋯🦑🥩嚟喇欖油蒜片 超香 店哥哥推介：再用包包浸落油度食 超正依個蜆真係無得頂，蜆好新鮮、好滑、好甜，煮得啱啱好 蜆係脹卜卜架😍味道一試難忘，個汁好味到要再加多份包包汁都飲晒主菜嚟喇嘩！看似簡單，水準係一流水準嘅豬鞍，外香內嫩，入口多汁 嫩滑，廚師技術真超班嘩！嘩！牛柳 外脆內嫩，剛剛好五成熟 點解會咁好味架！鵝肝大大塊，仲有配焗原個蒜頭🧄無敵呀！咁好味 當然要配返支酒喇！一人份量朋友揸車無得飲仲有甜品心太軟好想好想食，但⋯我太滿足了，下次一定要食埋甜品

今天中午坐朋友車去了錦田~天空之城吃午餐。那裡環境很適合開車人士，有大量停車位。我們選了一間接近路口的餐廳，因為有牛扒餐。由於今天天氣不是很熱，我們選擇坐在戶外用膳。我選了西冷扒+薯菜+熱斋啡。熱斋啡喝下去不像即磨咖啡，有點像是掛耳。可能今天人比較多的原因，牛扒上得有點慢，要大概20分鐘才做好。不過也是值得的，不會像茶餐廳一樣怱怱忙忙的。牛扒煎得有點過火，如果能再生一點完美了。薯條乜炸得很好，夠熱，可惜的是鹽放多了，咸了點。

元朗 天空之城Green Ocean Seafood.味道：7/10🌟抵食：7/10🌟環境：7/10🌟.元朗有驚喜嘅隱世小店☕️呢度嘅香草烤雞配薯菜係招牌，幾好食😋烤雞皮脆肉嫩，份量都唔少🥰而搭配嘅薯菜幾特別，係烤蕃薯🍠同薯條🍟另外，石鍋牛肉拌飯都幾高質，蘑菇粒同牛肉粒好夾🍄‍🟫🐮想假期放鬆下都可以一試🤤.

2023真係一眨眼就過 經歷過聖誕節不太愉快嘅晚餐之後醒起之前係錦上路爾巒附近食過嘅呢一間西餐廳其實2019年個陣曾經係呢到食過聖誕晚餐記得佢無特別整啲節日set食物質素又好 就決定去呢到食估唔到原來咁快就已經4年🙈今次我地叫左蒜片紫蘇煮蜆、安格斯肉眼同埋黑松露帶子扁麵蒜片紫蘇煮蜆＄128啲蜆好鮮甜冇沙！而且都好肥美紫蘇味雖然唔係好出，但個汁都好好食我地仲特登問左店員有無法包可以配黎食點埋啲汁一流😋美國安格斯肉眼＄368好耐無食過啲有質素嘅牛扒呢個價錢雖然唔係話好平，但好多餐廳收呢個價都未必俾到好味嘅牛扒你食🥲我地叫左medium 出到黎煎得岩岩好而且有少少燒焦味 佢雖然有汁但我都無咩點過因為就咁配少少鹽已經好好食熱愛薯條嘅我仲再加左薯條好滿足🤣黑松露帶子扁麵＄178當呢碟意粉黎到嘅時候我地已經飽左一大半😂個汁creamy得黎唔會太漏意粉個texture同埋帶子嘅生熟程度都岩岩好！最後我地要打包一半返去做宵夜😂整體黎講呢餐真係好滿意幾年無黎唔單止食物質素keep到，仲要價錢都無咩加過下次經過要再黎食😋要特別一讚啲staff同老闆全部都好nice😆

我今晚八點半左右先至入到去，餐廳老闆都好好招呼全程冇黑面，仲免費加咗麵包畀我哋送個青口汁。新鮮藍青口，真係好好食，個汁夠熱又好香！ 我哋點左一份10安士嘅阿根廷牛肉眼扒 ，佢嗰個做法真係好好食，係有一種燒焦嘅香氣，但係係啱啱好唔會over。食完我都忍唔住口讚老闆，話份牛扒charcoal做得好好，佢話一定係要用火燒一燒佢㗎，好滿意咁樣笑咗一下🫡

在錦田，近年多了cafe ，西餐，日本菜一應俱全，唯獨是欠缺韓國料理。今日突然見到餐牌有［泡菜牛柳石頭鍋飯］真係要試一試。平日到這餐廳Lunch 通常都係食雞，佢既烤雞係冇試過失手，不過既然上星期出新餐牌，就試下佢地處理多國菜的水準。一上檯，其實都幾吸晴，泡菜的橙色，加半熟牛柳的粉紅色以及芝麻的點綴，印象分係攞晒既。而牛柳一食落口，大e概5成熟啦…唔講得上入口即溶，但佢既肉汁被封住，外脆內軟的感覺，佢Handle 得好好。下星期又試下新menu 其他菜🤤

今日係第一次同狗狗喺天空之城呢間餐廳食嘢架！嚟到時接近3點，而餐廳只有午餐選擇，我同狗狗爸爸點咗2個set lunch：美式和牛漢堡包同石窩黑松露野菌飯。午餐包咖啡、茶或特飲，而我哋就點咗香檳葡萄梳打同雪梨蜜。美式和牛漢堡包係open burger，配料一目了，仲方便狗狗爸爸進食。和牛漢堡係自家製，夠厚，切開後好juicy，狗狗爸爸話幾好食。至於漢堡包內的其他配料亦夠新鮮，不過醃青瓜同生洋蔥就唔係普遍人的心頭好（尤其後者，好嗆喉）。薯條炸得好脆，沙律菜亦幾新鮮。整體呢個餐係好唔錯既選擇石窩黑松露野菌飯係我點的。飯同雜菌的份量都多，喺飯面亦見到有啲好似黑松露醬的東西。呢個飯似risotto，不過米飯係「淋」的，冇米芯。雖然足料，但唔知點解，佢真係冇乜味，冇一份屬於菌類的香。所以，喺味覺上而言，佢真係好寡。由於份量大，食下食下，我就唔係好想食喇2杯飲品賣相平平，但幾好飲。雪梨蜜勁甜，雖然我哋唔抗拒，但如果唔係嗜甜者，就建議要避免柯打，因為飲緊時似係飲緊一匙蜜糖落肚咁。總括嚟講，我覺得呢餐不過不失，餐廳的午餐價錢同附近鋪頭差唔多，冇加一，而跟特飲唔使加錢亦係一個特點。不過，令我有所保留的係，