Grab & Go

營業中

休息中

喺九龍公園游完水就喺附近食埋野先返屋企，行過見倒哩間主打做外賣生意嘅尼泊爾小店好多人買外賣，見啲野食幾特別平時少食，價錢又唔貴就試下。因為主要做外賣，所以店內只有兩個堂食位，不過小店都喺枱下面加左掛勾方便掛袋，非常貼心。Grab主要賣意粉、三文治、小食、蛋糕哩啲輕食，另外亦有多款特式咖啡，全部都係幾十蚊有交易。佢地逢一至五12:00至14:30都有Lunch Set，定價會比散叫平少少，亦可以優惠價加配小食、甜品同飲品。雞肉墨西哥餡餅配薯條($53) - 餡餅有兩大塊，入面夾滿雞肉同番茄粒，餡餅餅皮唔會太厚太硬或者太鞋，味道都唔錯，食時仲可以加埋牛油果蓉、番茄沙沙醬或者酸忌廉。餡餅下面仲有好多薯條，薯條非常香脆，仲帶少少咬口，食到停唔倒口。雞卷餅配薯條($43) - 雞卷有兩大條，入面有好多雞肉、紅蘿蔔同蔬菜，醬汁雖然係紅紅地，但食落其實唔辣嘅，食時可以加酸忌廉或者辣椒仔辣汁都得。水牛城雞翼(跟餐加$23) - 雞翼炸得好乾身好脆，旁邊嘅醬汁其實比較似泰式辣汁，甜甜辣辣幾惹味。Mochaccino & Caramel Latte(跟餐加$18/杯) - Mochaccino朱古力味同咖

佐敦Grab and go今日嚟到柯士甸一帶睇完樓之後想搵嘅醫肚又唔想去到尖沙咀咁遠就去咗佐敦上海街柯士甸附近嘅呢一間grab&go見佢有lunch setcarbonara都只係$53加$18仲有一杯特製咖啡唔使諗梗係即刻試吓啦首先雖然係一間小店但係出菜速度都好快嚟到嘅時候香噴噴上面鋪滿Bacon仲有好香嘅cream sauce冇用蛋夠晒正宗加咗少少佢哋獨特嘅香草第一啖已經食到好creamy亦食到Bacon嘅鹹香$53你講真係物超所值特製咖啡叫咗hazel nut latte攪勻佢之後飲一啖真係好飲啖啖嘅hazel nut 味。除咗lunch set 依d 主食外呢度仲會有各式各樣嘅三文治或者蛋糕咁睇落都幾吸引價錢亦都唔貴店員嘅姐姐亦都好好禮貌行過記得試吓喇

墨西哥雞肉夾餅Chicken Tacos $68 3件為一份，微辣🌮小編一直對tacos情有獨鍾，食過幾間餐廳，都係第一次見到咁大份😂用料豐富，最喜歡自家製sour cream味道!!另可揀薯條套餐(不過…都係想食Parmesan Truffle Fries…所以單叫🙈巴馬乾酪松露薯條Parmesan Truffle Fries $48即叫即製，上桌時先是香濃撲鼻的黑松露味，芝士碎鋪在炸得金黃的薯條上，令人食指大動，長長薯條脆身中帶點韌性，配上茄汁及店家自製的千島醬實是一流，而且份量不少，完全可以滿足到2個人👯‍♀️絕對是物超所值藍莓芝士蛋糕Blueberry Cheesecake $31芝士味濃，甜度正常，反而溫度意外地不高，令蛋糕口感相對軟綿p.s.店舖不大，只有2個坐位，主打外賣生意，假日下午人流單接單。值得一提👍🏻店員良好的服務態度，除了熱情地介紹及推薦餐點，亦會留意著客人需求如餐具及桌面的整潔，從各種細微之處，可見他們對食品及店舖的重視。‼️温馨提示：請以英文落單

Grab & Go🥡位於佐敦的外賣店，有輕食三文治，沙律，亦有意粉🍝，墨西哥餡餅等主食。餐廳只有2個座位。Quesadilla - Breef外皮夠薄，不會太麵包感。內餡是牛肉碎和三色椒🫑。不太喜歡椒的我，覺得三色椒好甜，而且和牛肉好夾。仲有配上三款醬汁：香草牛油果，乳酪，蕃茄。The purple mix🍹蘋果紅菜頭西柚檸檬汁，呢個組合甜甜的，無咩草青味。店舖的咖啡☕️都似乎幾吸引，店員都幾推介，同埋店員好有禮貌和熱情，會慢慢解釋或者推介不同的食物。

做完gym🏋🏻‍♀️去食下午茶🤣除咗肥都係肥，但做運動為左食好西係我既名言🤭經過見到呢間外賣店🥡原來係尼泊爾餐廳🍴見佢有一千零二個位，當然要坐低食。想食又怕肥同行既人好重要，脂肪轉移術就係呢啲時候要施展😆嗌左6件雞翼，應該係生炸🤔咬落去係有汁，滑嫩，唔會炸到乾柴，點埋個sauce啱啱好，個sauce係酸酸甜甜有浸特別既味，應該就係尼泊爾風味啦🤣薯條🍟係至愛，Parmesan Truffle Fires，勁香松露味，又脆熱辣辣，隔離個件食唔停口🤭仲有個Parmesan sauce，都唔錯👌食完咸野當然要食翻甜架啦，#果仁芝士蛋糕🍰我就覺得太甜🤏🏻要配埋杯咖啡先無咁’溜‘，反而杯咖啡好香，咖啡豆係尼泊爾出產，呢個有驚喜☕️杯檸茶就正常啦😌新開既外賣小店，其實有Tacos同wrap食，價錢唔貴，不過下午茶就唔食太飽，下次再嚟柯打啦！