影片
港鐵銅鑼灣站 F1 出口, 步行約7分鐘
繼續閱讀
電話號碼
52397516
營業時間
今日營業
17:00 - 00:00
星期一至日
17:00 - 00:00
公眾假期
17:00 - 00:00
公眾假期前夕
17:00 - 00:00
以上資料只供參考, 請與餐廳確認詳情
有關獎賞計劃
影片
相片
Tomato burrata salad
Mushroom soup
+51
招牌菜
第一次寫食評，難得支持下咁用心經營既小店，餐廳氣氛好好，坐位唔多，waiter好talkative 又好好禮貌，Service 好好。食物feel到主廚好用心煮，質素唔輸比出面d大餐廳，甚至好食過出面！食左Burrata salad好好味，芝士加埋蕃茄仔同酸酸地既汁配麵包勁正！生蠔又多新鮮大隻🤭最中意係Oyster risotto!! 熟蠔都整得好好味，個墨魚汁飯好正，下次一定會再叫🤤另外食左Pavlova 同 Soufflé Pancakes ，蛋白餅出面好似比較少見，中意食甜野既人會好中意，Chef係雪糕到有落泰芒中和下蛋白餅既甜。Soufflé 好出色，空氣感造得好好，唔太甜又香蛋味，加埋有三隻醬同雪糕超正！ Soufflé唔記得左影。。。成間餐廳個vibe 都好好，今次已經二訪，食物質素同服務質素都好好，會再介紹俾多d朋友支持🤭
繼續閱讀
昨晚和朋友一行四人慶祝生日，去了呢一間隱世西餐廳，在希雲街盡頭，頗為隱蔽，店內位置不算太大，除了我們一張四人枱，亦有另一枱10位客人，另外戶外亦有少量座位！天氣好坐喺出邊飲嘢其實都幾舒服嘅！我們一共叫了兩個Starters, 一個是蕃茄水牛芝士拼多士，一個是鐵板烤鮮魷魚，再加了一個薯條，一份主食烤豬鞍，一個大啡菇意大利飯，加一支紅酒，份量非常足夠，味道亦10分好，價錢合理，加上店員熱情招待，生日的朋友非常滿意，誠意推介給大家，我們會再來的！
繼續閱讀
補返慶朋友仔生日，地點叫我地揀當然找新店試試，難得找到間收12點，不用頻頻撲食野，未到已感覺良好。去到只有兩三張枱在用餐，地方細細但不會坐得好密集，環境幾舒服。一到先點了生蠔，蒜蓉飽，青口和燒魷魚。燒魷魚要預留，味道夠鮮味。生蠔正爽，煮青口無諗到咁大盤，正兼送酒啱晒。主餐就有豬和意粉，都系按廚師建議下單全部被秒速清盤。最後朋友偷偷點了大大個梳乎里當生日蛋糕。呢餐超級滿足，老闆仲好好吾趕我地走，叫多枝酒飲滿足晒飲飽食醉。。。下次必須再黎幫襯
繼續閱讀
希雲街本身就好多好吸引嘅食肆，行到最盡頭見到呢一間係新開！但又好低調的存在。一開始覺得個名幾得意，就俾佢吸引咗，見到係食西餐，價錢又唔貴，就同朋友去食生日飯。而且因為朋友食素，佢有提供素食餐牌！可能間舖喺條街嘅最入，所以冇乜人，私隱度極高，而且夠靜好適合同朋友坐低慢慢食嘢傾偈。首先一定要推介個Burrata cheese 前菜！見到隔籬枱都有叫，勁大碟！有多士可以夾住啲cheese同埋蕃茄一齊食。會感覺到廚師好細心，因為沙律醋同個cheese個味真係好夾，而且新鮮牛油上面又會加咗少少岩鹽同香草。叫咗個湯～係pumpkin ginger soup！呢個配搭係第一次聽，但係出奇地個味好夾。本身recommend一人一碗湯，但係我話驚太飽飲唔晒，佢就幫我落咗一份，然後分咗兩碗俾我，等我同個friend可以share～ 好sweet食物方面，揀咗兩個主菜，都值得推介一下！大啡菇意大利飯～素食之選 🍄Risotto有好濃嘅菇味，然後佢話係用蘑菇湯去做呢個燉飯！自己就想食肉，所以嗌咗份羊架～羊架熟度恰到好處，配埋個薯蓉，都係濃味同埋好滑另外老闆請咗一個Salted caramel嘅cheese俾我哋食，第一次食覺得好驚艷！最後叫咗一個蛋白餅甜品！賣相一流，蛋白餅本身好甜，但係下面加咗少少酸嘅生果同埋雪糕，中和返成個甜品嘅味道！整體個體驗同食物都好滿意🤍最令我驚訝嘅係個廁所😂 第一次見餐廳嘅廁所用diptyque 嘅蠟燭同埋Aesop嘅洗手液同hand cream俾客
繼續閱讀
試新野CWB - Gordo，整體體驗非常愉快。首先係Ham & Cheese Platter配搭醃小青瓜同橄欖，Ham Cheese夾埋一齊食，唔食ham 既我都覺得好食、再嚟Tomato Burrata Salad 呢個我最鍾意，有番茄仔和香草搭配滑嫩既芝士，味道清新，再夾多士一齊食更是令人回味無窮，個汁仲好開胃，食極唔停。跟住係生蠔和薯條的組合也好食，生蠔鮮甜多汁，搭配金黃酥脆的薯條。本來想試南瓜湯，但售罄就轉飲蘑菇湯，湯夠濃郁而且口感絲滑，最重要夠熱，個人感覺鍾意飲熱湯。再試烤魷魚，鮮嫩可口，火烤至微焦，有點點燒烤味道，再加上檸檬汁，更增添了風味，我女最鍾意呢個，本想加單，可惜都售罄。再嚟有蒜香青口、牛扒，肉質鮮嫩多汁，牛扒外焦內嫩，搭配香濃的醬汁一齊真不錯，再加左個蒜片意粉，估唔到簡簡單單既蒜片係咁好食，最後食埋甜品Souffle Pancake加雪糕，外酥內軟，唔太甜，幾岩我呢d唔食甜品人士。總體而言，食物及環境都不錯，而且呢度可以選擇坐室外，環境不錯，而且四周都比較安靜，下次一定會再次來用餐。
繼續閱讀