GoodDay (朗豪坊)

營業中

休息中

Café位於朗豪坊11樓，旺中帶靜，環境寬敞，裝潢以木為主調，氛圍溫馨舒適，讓人可以好好放鬆，享受悠閒時光。米紙TACO ($78)(檸檬蟹肉他他+ 煙三文魚青瓜醬）米紙酥脆可口，配搭清新檸檬蟹肉他他和鹹香煙三文魚青瓜醬，是開胃小食之選。炙燒慢煮美國封門柳香蔥牛丼，日本溫泉蛋蓋飯 ($148)封門柳肉質嫩滑，肉味濃郁，香蔥添香提味，醬汁香甜美味，有畫龍點睛作用，佐飯一流，絕對是米飯殺手！芒果斑蘭椰汁糯米窩夫 配雪糕 ($118)份量十足，芒果香甜，糯米窩夫口感煙韌，加上軟熟糯米飯，口感層次豐富，再配上斑蘭椰汁和雪糕，更添滋味。芒椰奶真露 ($56)清香爽甜，入口盡是清新芬香氣息，清涼透心，夏天消暑一流！

GoodDay 真係好啱行街行到攰要休息下嘅朋友！ 餐廳夠寬敞舒服無壓迫感～夠晒relaxing~同阿妹叫左2個main course～用優惠價仲可以試埋半份窩夫🧇～ 🔅經典慢燉鮮蔬菜蕃茄肉醬千層麵千層麵材料豐富偏濃味～上面鋪滿邪惡嘅拉絲芝士😋 口感偏腍🔅自家熬香濃幻蝦濃湯飯一款有牛油蟹肉同大蝦嘅茶漬飯定食仲配有幾款開胃前菜～將茶壺裏面嘅蝦濃湯倒入珍珠米，湯飯有口感～仲配咗啲蝦油可以增添鮮蝦美味🤤整體嚟講味道唔錯，值得推薦🔅 焦糖蘋果伯爵茶白玉丸子窩夫配雪糕睇個名都覺得佢夠晒豐富😆 事實上呢個窩夫真係有驚喜，伯爵茶味都突出，即叫即整熱辣辣中間仲夾有麻糬🤩雲呢拿雪糕都好綿滑又唔甜

喺旺角朗豪坊，有得行街又有好嘢食😋！今次放假嚟行街，之後直落食埋個飯，就揀咗呢間靚靚西式Cafe☕️。.🍕快樂的肉肉PizzaPizza配料好足，色彩繽紛，望落好開胃。食落味道好豐富，啱晒鍾意食肉嘅朋友🥩，超級滿足。.🦀日式味噌香葱蟹三味意大利飯軟殼蟹炸得酥脆，一啖咬落去，幾厚肉，份量好足。配埋香濃嘅意大利飯🍛，口感濃郁，好正。.🌹玫瑰石榴伯爵茶賣相好精緻，上面仲有茶泡，飲落嘅有氣泡嘅感覺，下面嘅茶亦都好香😆。.🥑牛油果奶昔鍾意牛牛寶愛朋友唔好錯過！飲落口感超級濃郁，又獨特嘅牛油果香味😎，感覺好綿。

今日黎到朗豪坊高層嘅一間精裝cafe🥰 裡面裝修簡約清新，頗有文青氣息，好啱打下卡影下相🥴 㨂咗一份cafe 必點嘅All Day Breakfast😋 內容包括有必備嘅炒蛋、腸仔、蕃茄、大啡菇等等❤️ 比較特別嘅係，佢哋嘅多士係特製嘅綠茶吐司😍 食落每一啖都有綠茶嘅醇香滋味🫶 好特別值得一試👍 之後㨂咗個勁華麗嘅Lotus 風味焦糖脆脆爆谷窩夫🥰 窩夫上淋滿香濃嘅焦糖醬，再加上爆谷和雜果作點綴，賣相美觀又壯麗😍 打卡一流👍 窩夫外脆內軟，與甜美香滑嘅焦糖醬一齊食，滋味極佳🌟🤩 未夠喉叫多咗一件卷蛋🤭 蛋糕鬆軟綿密而濕潤👍 裡面嘅忌廉軟盈不膩👍 中間煙韌嘅麻糬為卷蛋多添口感😋 飲品㨂咗一杯鮮奶咖啡❤️ 小狗圖樣嘅拉花好可愛😚 咖啡醇香濃厚，與順滑嘅鮮奶比例恰到好處，十分出色❤️

環境都啱打卡，文青風嘅裝修~店員都好Nice，會優先安排一啲打卡位比我地坐🥰~不過啲野食味道一般、太鹹，可能個日廚師重手咗🫠。爆谷生薑豆乳燕麥奶昔$56嚴格來講，佢唔算係奶昔，唔夠creamy，似普通鮮奶嘅感覺。爆谷似同個奶昔分開，整體味道都唔太夾。😣日式味噌香蔥蟹三味意大利飯$148味道偏鹹，唔係幾啱口味..😖菠菜蘑菇百里香草忌廉汁薯仔飯 $128薯仔粉好煙韌，但個汁真係勁鹹，仲鹹過個飯...除左個鹹味都食唔到其他味🫨

朋友話旺角朗豪坊開了間Good Day Cafe帶我去試下，我們避過Lunch繁忙時間去食就不需要等位。餐廳裝修主要以木系為主，簡潔得來帶點文青feel，幾適合來打卡。秘製無骨雞腿扒飯（珍珠米）$79用無骨雞腿扒，雞腿肉配以自家秘製甜酸醬味道甜甜地又不會過酸幾特別，雞肉嫩滑加埋蔬菜來吃不會肥膩又健康，珍珠米粒粒分明頗有口感。香蒜蕃茄辣味大蝦蜆肉香草意粉$108香濃蕃茄帶少少辣，朋友不吃辣都接受到，四隻大蝦幾爽口，蜆肉粒沒有沙，味道中規中矩但意粉比較硬如果煮淋點就更好。

朗豪坊行街行到攰嚟咗呢間小店，採用木系色調，帶點小文青風，主打All Day Breakfast、意粉飯、Waffle、拉花咖啡等西式Cafe料理。餐廳環境唔大但座落舒適，適合約會。Burger有四款選擇，要咗個烤芝士珍寶蘑菇牛油果黑松露醬漢堡，Size比想像中大，口感豐富，麵包鬆軟，醬汁足夠，值得一讚係旁邊嘅粗身薯條，炸至酥脆可口，熱辣辣，好好味😋Pasta叫咗菠菜蘑菇百里香草忌廉汁薯仔粉，出面比較少見，薯仔粉QQ哋，帶點咬口，醬汁Creamy但唔膩，菠菜同蘑菇沾滿忌廉，可以試試。甜品有芒果班爛椰汁糯米窩夫配雪糕，係餐廳嘅招牌菜之一，Waffle外脆內軟，入面有少量糯米可增添口感，估唔到班爛椰汁完全唔甜，配上冰涼雪糕都幾夾～ 另外私心推介芝士蛋糕，呢款好有驚喜，唔好睇個樣平平無奇咁，濃郁奶香味，入口即化，不過個人就更喜歡放咗一陣先好食，視乎大家鍾意厚實定係軟啲嘅質感啦！

呢間cafe好多人推介✨餐廳裝潢簡約 座位闊落舒服 食物質素高 店員亦好nice🫶🏻.📌盛日早餐 $138賣相夠晒colourful🌈綠茶多士自家廠製 坊間少見夠特別 烘得香脆唔乾 茶甘味好濃🍞🍵日本牛乳炒蛋好嫩滑 冇落太多牛油忌廉 相對輕盈淡口🥚煙三文魚份量較少得兩細片🍣蜜烤芝心珍寶腸好脆身 咬開超多鹹香芝士 惹味但偏鹹🧀🥓日本紫薯餅熱辣辣 外脆內軟綿香滑🍠烤大啡菇幾香口 厚肉多汁🍄‍🟫香草扒茄好juicy 酸甜開胃🍅哈蜜瓜夠香甜🍈水耕菜沙律新鮮爽甜🥗.📌海鮮盛宴(10吋) $148Pizza超正 已經想encore🧡Pizza dough選用bakehouse麵團 外脆內軟又煙韌 充滿麵粉香🍕配搭明太子, 沙律醬同拉絲Mozzarella 鹹香惹味🐟🧀醬汁份量適中 批底濕潤唔過腍👍🏻內餡海鮮豐富 有大蝦, 魷魚仔同蜆肉🦐🦑加埋面頭鋪滿嘅紫菜絲 口感味道更豐富 推薦啊💯.📌焦糖蘋果伯爵茶白玉丸子窩夫配雪糕(半份) +$78 凡惠顧任何主食類 可以優惠價換購✨窩夫烘得外脆內鬆軟 雞蛋香味濃郁 但伯爵茶香唔出🧇🥚夾心竟然有軟糯煙韌白玉 好驚喜🤍焦糖蘋果口感爽腍🍎杏仁脆片好香脆🍪另配搭左濃

✨原來商場內都有間「小清新」Cafe☕️✨在附近做完嘢想搵個悠閒舒適嘅地方享受下。。行入商場見到門面及餐牌也不錯便入座享受一個人嘅寧靜時光🧡餐廳環境舒適，四周以植物怖置裝飾，彷彿傳來陣陣田園氣息的味道🪴🌟炙燒慢煮美國封門柳香蔥牛丼，日本溫泉蛋蓋飯套餐包（燒甘薯、漬物、沙律話梅漬蕃茄仔）睇賣相已經相當吸引，擺款細心又精美，一塊塊封門柳逐塊逐塊圍住溫泉蛋，外層灑上蔥花及海苔，層次豐富，配以慢煮方式做法就是這樣肉質粉嫩多汁，口感非常好吃。整個套餐以商場位置來說，價錢都很合理，下次會再試試甜品吧！l

一直都好想試呢間Cafe，咁啱約咗朋友喺旺角食飯，佢又好想打卡影相，咁就決定試吓呢間Cafe。我哋嗰日大概7:00去到Cafe差唔多坐滿晒人，好彩都仲有兩個位，店員安排我哋坐喺門口附近，環境好靚好舒適，坐足一日都冇問題。🔸海鮮盛宴pizza 有成10吋大嘅pizza ，三至四個人都夠食，明太子味道好香，有魷魚又有蝦，材料豐富，餅底夠脆。🔸炙燒日本北海道黃花赤魚一夜干定食魚肉好嫩，一啲都唔鞋唔乾，仲燒得好香，即使我唔係特別好食魚，我都覺得好好食🔸焦糖蘋果伯爵茶白玉丸子窩夫配雪糕（半份）呢個甜品必叫，窩夫外脆內軟，同伯爵茶個醬好夾，窩夫裏面仲好似有少少麻糬喺裏面，口感好好。🔸朱古力玄米茶卷蛋🔸 73%伯爵茶朱古力好濃朱古力味，一啲都唔漏，唔會好甜。🔸芒椰奶真露有奶蓋喺上面，打卡一流。

我點左個蘑菇雙層芝士漢堡包餐，點左唔夠兩分鐘就到啦，薯條OK,夠厚夠熱，沙津菜有d 苦，都算，但最重要係個包一攞上手凍既...我心唸GG la,入面d 芝士又未溶，塊漢堡出黎係7成左右，無得揀幾多成熟就出左個有d 生既，不過我都食開5~7成熟既，但咬落去一d 汁都無...做定都唔好咁核突...M 記好食過佢，最重要係我食完打完我老婆個餐都未黎...吹都無用，我都終於明白點解咁少人，d 服務又慢...廚房出餐又飄忽...點再食呀

是日十五，素食Day🥒原來而家唔係淨係素食餐廳，先有得食素㗎！現時好多餐廳都有提供素食類，方便有唔同飲食喜好嘅朋友，但係通常款式都較少~不過呢間Cafe就非常之體貼啦，每個類別都有一款素食,例如Pizza，Pasta ,all day Breakfast,burger 每一個類別, 都有一款係素食, 一定有啱心水！💚菠菜蘑菇百里香草忌廉汁薯仔粉 $128醬汁香濃清新，唔會太稀，每一粒薯仔粉都沾滿醬汁，不過薯仔粉好濟，食咗一半已經食唔落😆💚素日早餐 $138呢款all day Breakfast有好香脆嘅日本紫薯餅,新鮮嘅水耕菜,哈密瓜,蕃茄,同牛油果!配有芒果果粒同麥片嘅希臘乳酪滑捋捋牛奶炒蛋,夾埋脆卜卜嘅綠茶多士，fit到漏

相信大家對goodday cafe都唔陌生之前啟德店已經好想試 不過地點有啲唔就腳🫣依家旺角都開左 方便好多！！無論係約fd食飯定me time都一樣ok!!.啟德店係以水泥風為主🩶旺角店就係warm tone大地色🤎🤎.平日夜晚6點幾黎到時間尚早所以冇乜人🤣唔想次次去cafe都係食意粉burger見到佢有定食set就叫左試試🤩🥩炙燒慢煮美國封門柳香蔥牛丼 日本溫泉蛋蓋飯 $148定食set入面仲有包沙律小食🥗呢個大推！！牛嘅份量都算多 有8-9舊一啲都唔韌 好易咬口一啖牛 再加蛋汁配飯大滿足🤩🤩連平時夜晚唔食太多飯嘅我都接近全清🤣🍰經典芝士蛋糕 跟餐$38加配食完飯 甜品胃是必須的！有幾款蛋糕揀 價錢由$38-48不等芝士蛋糕入口唔會太甜 邪惡感唔算好重🤭🍹蜜桃菠蘿桂花特級滇紅茶 $49個名好長 其實就係水果茶😂都算開胃不過整體有少少偏酸🤏🏻🫣今日食得勁飽下次再黎嘅話想試下佢哋嘅窩夫🧇睇相都好似好正咁🫶🏻🫶🏻期待下次

約左朋友出黎傾旅行行程，佢推薦呢間餐廳，因為唔算多人，而且冇限時。去到嘅時候餐廳啱啱開門，staff畀左張角落4人檯畀我地。嗌左個明太子pizza，好大個，低估左佢嘅份量。餅底好脆，味道都唔錯，女仔黎講，份量有d多。朋友嗌左班尼迪蛋，蛋係流心嘅，熱香餅都係鬆軟。仲點左一杯flat White，咖啡黎講就唔係太出色，可以試下佢其他特飲。但係拉花好靚，好有心機。仲追加左半份pancake，唔會太甜，同埋係脆口嘅。

之前出發去旅行前，出咗一轉旺角換錢～ 搞掂之後，見距離工作仲有一段時間，去咗朗豪坊行，見到有間Café啱啱做緊下午茶時段，價錢ok就入咗去試試 😁🧇 (半份) 芒果班蘭椰汁糯米窩夫 配 雪糕 😋😋😋😋😋除咗面頭有椰絲🥥糯米之外，窩夫夾層裡面都有少少，名副其實嘅外脆內軟！用調校過嘅班蘭醬點窩夫嚟食，甜甜地得嚟又散發住陣陣班蘭香味 ☺️ 芒果粒🥭好香甜，一啲都唔生！雲呢拿雪糕🍦又甜又滑，整體配合得好好！👍🏻🍹 檸檬蜂蜜 (凍) 😋😋😋😋下午茶甜品餐跟一杯指定免費餐飲 (三選一) 😊 檸檬🍋夠酸，夾蜂蜜🍯嘅甜，夠醒胃！下午茶 💵💵 約港幣$90/人💁🏻‍♀️ 甜品下午茶開始供應時間為下午2:00，都算係好早，唔使等到3點後 👍🏻 而作為喺商場內嘅Café，$90內食到個味道唔錯嘅甜品連埋嘢飲，好👌🏻㗎啦！