Goobne Chicken (東薈城名店倉)

營業中

休息中

本身諗住簡單食個tea ，呢間喺 outlet 最頂果層，仲有個狀闊海景，環境舒適，食物碟碟都好大份，叫唔到太多，今次只叫咗2種1）芝士蛋餅，我同老公二人，根本食唔晒😅 好香濃芝士味，有拉絲，3種以上嘅芝士，好滿足，餅皮亦焗得剛剛好，不過真係要趁熱食，喺有冷氣底下，凍得好快，食第二件口感已經好大分別。2）蜜糖味炸雞，可以揀有骨或無骨，我揀有骨，我覺得會好味啲。雞味冇乜，但醬料好夠，食韓炸雞，都係至在佢個醬汁啫，上枱仲好熱辣辣好香脆，呢度真係要約多幾個朋友一齊嚟，因為碟碟都好有份量。

出名的是芝士炸鸡但我觉得原味炸鸡还是更好吃的两个人点大概只能点到一种口味更适合朋友们多人一起可以尝试新的品种逛街后的好选择炸鸡配啤酒缓解一天的疲劳周末的 comfort food

出咗限定母親節餐，送飲品同即影即有相🥰今晚叫嘅四人套餐有：🍕蜜糖BBO芝加哥薄餅厚底，賣相靚仔，口感鬆軟，幾特別～🥚韓式雞蛋卷蛋味香濃，配菜新鮮，有飽肚感，抵食🍗原味炸雞叫咗無骨，啖啖肉，原味唔啖味人士🍗自選口味炸雞我哋要咗蜜糖蒜香炸雞 ，香脆又惹味，蒜片烤到脆卜卜實在食唔停口🧄飲品蜜糖西柚紅茶微甜清新蜜糖洛神花茶較甜，材料配搭特別濟州柑橘香茅茶最有特色今餐媽咪都讚好味😍媽咪滿意就好啦👏🏻🫶🏻

好耐無黎食，錦岩經過，見到有午餐（因為之前無），就入去試下落完單好快有湯同沙律👍🏻湯出奇地好飲😅👍🏻等左10幾分鐘上第一份餐甜辣烤雞（有骨）👍🏻👍🏻正，雞肉好滑火山烤雞食得辣嘅朋友一定要試

一班朋友黎屋企玩，成日都唔知食咩好。太懶，唔想煮；pizza, 食到悶。好彩，而家多左呢啲韓國炸雞店。佢呢間可以選有骨同冇骨，我個人比較懶，鐘意食冇骨多啲。對比炸雞，佢烤雞出色啲，加上特製的醬汁，真係好野味，送啤酒汽水一流！👍🏻推薦食物：1. 甜辣烤雞~$238韓國的甜辣，有啲似炒年糕個隻咁2. 火山烤雞 ~$215辣，after taste 再辣啲. 爽🥵 3.韓式雞蛋卷＄148青瓜，餐肉，紫菜，都幾好味

韓國野真係每隔一排會心思思想食🤫今次即興約朋友行街睇袋🛍️去左Goobne Chicken食嘢😂不過以前都食過好多次✳️蜜糖蒜蓉味&甜辣烤雞$238首先一定要叫半半烤雞我個人口味鍾意烤雞多過炸雞健康啲又無咁乾☺️醬汁好均勻咁遍佈每一塊雞件😋好味✳️韓式雞蛋卷 $148계란 말이 有青瓜，紅蘿蔔🥕餐肉，紫菜，芝士😋正✳️砂鍋魚糕湯 $158鍾意食關東煮或者魚蛋🍢其實一定會鍾意食呢一個因為我哋叫烤雞所以想飲啲湯無咁乾先嗌依個味道微辣 幾好食🍢🍹士多啤梨沙冰$58解渴用 味道唔錯 酸酸甜甜幾開胃烤雞保持到水準🤓👍🏻其中有一位男店員係韓國오빠點餐嘅時候如果識韓文，不妨試吓講👍🏻😉

剛在機場送完機，其中一位朋友便推介位於東薈城既呢間Goobne Chicken，因為呢間餐廳既食物出名大份，所以我地一行四人就去品嘗一下。大約下午1:30左右去到，完全不用等位。首先點了一份甜辣烤雞+蜜糖蒜香烤雞，共有10件。甜辣烤雞甜而不太辣，不食辣的人都可以試下。蜜糖蒜香烤雞，重蒜味加上蜜糖好有BBQ的感覺，加上兩款醬汁都好濃味，每人兩至三件剛剛好。之後點了一份鐵板芝士海鮮炒飯。望住芝士既顏色和分佈，就知道佢有幾邪惡同好食。之後點了一份牛肉炒粉絲去中和一下邪惡的芝士。味道不過不失，可能係炸雞同炒飯太出色，比較起來就遜色了。最後朋友點了一杯草莓沙冰，而我就叫了藍橙沙冰，藍橙沙冰味道有少少似波子汽水，飲完涼透心。我地一行四人雖然點菜的款式不多，但每款份量真的不少，而且味道都不錯。如果想試多點款式，可能要叫多幾位朋友一齊去敍餐了。

已經有朋友預告我佢哋好準時收工，但係你對外寫住收10點，就應該預咗10點先趕人走，11點你先有得收工㗎啦。9:30開始洗地，熱辣辣嘅漂白水味喺正我隔離，9:45埋嚟話要清場，我一企起身就逼埋嚟攞杯走，口講唔該，動作話我阻住你收工。尤其是淨係識講英文個韓仔，問佢杯茶冇味有冇得加蜜糖，淨係企喺度搖頭，解釋一下都唔得，直到隔離嗰個話我哋知落單嗰時冇講就冇先明。嘢食ok，但未去到非食不可，態度咁樣，冇下次byebye。

其實東薈城真係有好多餐飲選擇，但仔仔只鐘情呢一間韓式炸雞店，原因好簡單，有得食有得玩😂 3人叫3樣野食，剛剛好！Caesar salad 🥗 $108Classic Caesar salad ，新鮮沙律菜韓式雞蛋卷 $148千層蛋餅捲住紫菜包好的餡料（青瓜、小黃瓜、蟹柳、火腿、紅蘿蔔，加少少mayonnaise), 味道剛好，份量足！芝士UFO火鍋 (蜜糖蒜香烤雞+蜜糖香滑烤雞）$288芝士中火煮溶，有拉絲嘅感覺，仔仔最愛😋蜜糖蒜香烤雞很香口，啖啖肉都唔覺溜👍🏻蜜糖香滑烤雞甜甜的蜜糖味，配芝士一流👍🏻

第二次光臨餐廳，普通裝飾但環境不錯，係半開放式嘅韓國餐廳，坐位寬敞舒適, 服務態度都好好，主要講英文為主😆🗣️UFO 芝士火鍋(無骨) $288烤雞有六選二款口味👇🏻果味醬油蒜香烤醬 Fruity Soy Garlic Chicken三重芝士烤雞 Deep Cheese Chicken甜辣烤雞Sweet&SpicyChickenOspicy韓式BBQ醬烤雞 Korean BBQ Chicken蜜糖香滑烤雞 Goobne Honey Mellow Chicken火山烤雞 Volcano Chicken蜜糖蒜香烤雞 Honey Alio Chicken 我哋揀咗果味醬油蒜香烤醬和蜜糖香滑烤雞🐔 每舊雞件都不經油炸😋👍🏻，外層十分香脆可口，好入果味，肉質好嫩滑‼️蜜糖滑雞個皮冇果味咁脆，但十分充滿蜜糖味，甜度點也剛剛好❤️‍🔥建議大家+$40加芝士(mozzarella、cheddar、grana padano cheese混合)，將烤雞沾滿哂芝士，因為成個味升華晒也充滿邪惡咁😈🫣上菜後員工會幫忙開小火慢慢融芝士😚，拉絲效果一流😝

放假同老公搵埋細佬老媽子食飯，食開嗰間Essence做咗隔離酒店未開返，揀第二間食乜？上網睇吓附近有咩食，就見到呢間幾高分，自己之前見到好多人介紹呢間，已經都好想食，俾咗大家商量投票就決定去。跟住大家推介嘅食物去叫，我哋叫咗：UFO Fondue(Boneless)芝士火鍋無骨$288六款口味可以選兩款，總共有16件，四個人每人四件C8 Honey Mellow蜜糖香滑烤雞C13 Fruity Soy Garlic 果味醬油蒜香烤醬S7 韓式雞蛋捲$148S13 Korean Seafood Japchae海鮮炒粉絲 $148S21 kimchi fried rice with cheese $135S17 seafood Soup 海鮮湯$158我哋叫咗蜜糖香滑烤雞同果味醬油蒜香，食評話蜜糖香滑烤雞失色，蒜香正啲，但係我覺得係啱啱掉轉，蜜糖香滑烤雞堅正！蒜香失色！連埋啲芝士真係超好食，加上啲雞全部去骨，真係啖啖肉！本來跟食評係叫韓式粉絲雞蛋捲，但不見，那麼韓式雞蛋捲，先上韓式雞蛋捲，不錯，蛋好香！本來叫牛肉炒粉絲，好似麻麻哋，改海鮮炒粉絲，油少少。掛住食，個泡菜炒飯忘記影相！個炒飯味

It’s famous because of the Korean drama but I am feeling a bit disappointed because I think it is not worth the price, maybe the large company’s quality is like this

尋日一行3人行完大東山, 出到東涌大約六點半, 已經好肚餓, 咁一定係去東薈城搵野食. 其實之前已經黎過, 新開果邊多左好多餐廳. 我地諗住由底下而上睇下有咩餐廳選擇, 最後係選擇左起最高果層嘅韓式炸雞連鎖店 - Goobne Chicken其實呢間之前都食過唔同款嘅雞, 但始終覺得原味係最好食, 所以order左Goobne原味烤雞, 韓式雞蛋卷, 砂鍋魚蛋, 最後再加多份辣椒脆烤雞飲品方面, 我自己見幾得意就order左鯊魚之淚, 兩個朋友就order左Somersby Apple RitaGoobne原味烤雞真係無得輸, 熱辣辣烤得啱啱好, 雞雞肉嫩滑野味. 不愧是韓國No.1烤雞店韓式雞蛋卷 - 份量好足, 每人食大約三件已經好有飽肚感，味道唔錯同都幾足料，啱晒我地只食雞又怕唔夠飽嘅人.砂鍋魚蛋個湯有少少胡椒味, 所以有少少辣. 有D似關東煮. 魚蛋有D彈牙,味道清淡得黎都OK. 都幾暖胃.辣椒脆烤雞係朋友覺得唔太夠食再後加的. 呢個辣椒脆烤雞個人覺得係原味以外最好食嘅. 佢少少辣其實更野味, 但食落雞肉好似無原味咁嫩滑, 但其實只差少少 (即係原味嫩滑度:10, 辣椒脆烤:9

今日入東涌行outlet ，行到攰就想食D暖粒粒嘅美食，一見到頂層有Goobne即刻衝咗入去❤️依間goobne裝修好靚，出面仲有個海景露台同韆鞦可以chill住食雞！不過我地想叫嘅美食必須室內食，所以無出到去我地就係為咗依個UFO芝士窩放棄室外靚景❤️❤️❤️將啲雞沾滿哂拉絲芝士真係無得輸，芝士去到最尾有點微焦，就咁食都好正！我地無加芝士，但建議大家加錢加芝士，你絕對唔會後悔！！個芝士薄餅（其實我覺得佢似pie多d）都唔錯啤酒做緊buy two get one既優惠，我哋三個開心到跳起😆

嚟東薈城行街，發現二期原來都幾多餐廳，星期六夜晚Goobne Chicken都有啲人排隊，但等左10分鐘就入得去了。叫左佢個社內相親套餐A ($388)，有一份甜辣烤雞同埋蜜糖BBQ芝加哥薄餅，兩個人都預左一定食唔晒要打包走🤭甜辣烤雞10分鐘度就上左枱，上到嚟熱辣辣，攞起都辣手，都應該真係啱啱烤好，約莫估計呢度都有一隻全雞。烤雞肉質好嫩滑，都保留到肉汁，韓國好似興炸雞多啲，但呢個烤雞一啲都唔輸蝕🍗 話係甜辣醬汁，但係其實唔係好辣，甜味比較出啲。蜜糖BBQ芝加哥薄餅同我地平時認嘅pizza有啲唔同，厚好多，甚至皮邊有啲似蛋撻餅皮咁高左上嚟，食起上嚟似撻皮加少少酥皮嘅感覺。饀料非常足，要落個熱量超高警示牌⚠️ 芝士熱嘅時候又係可以拉絲的，bbq豬腩肉就似人地bbq豬肋排嘅口味，饀料仲有啲薯仔粒同薯蓉，食件落肚都好重罪惡感😈goobne嘅烤雞質素高，用烤嘅方式烹調應該都會比炸嘅無咁熱氣，但個滿足度我覺得比得上炸雞，仲有個邪惡爆燈嘅pizza，今餐好滿足😋=Goobne Chicken // 東涌達東路20號東薈城2期7樓701號舖 // 2818 2088=