Glasshouse (太古城中心)

營業中

休息中

當晚有朋友黎左探我地😛想近近地想係屋企附近搵野食今晚就係機會喇本身OpenRice book枱A La Carte Menu有8折,店員見我地一行4人,介紹既時候分享話有個4人set 幾抵食 $878 + 10% 😋望過d野食幾岩心水所以就試下:A: Appetizer 8選3🍴凱撒沙律配煙三文魚沙律菜爽脆，醬汁份量啱啱好 兩大塊煙三文魚 正常發揮🍴 炸粟米蝦餅 有小小似泰式小食既蝦餅，比較薄食味道一般🍴酥炸魷魚鬚食完蝦餅，對炸物減低左期待😳點知哩個有驚喜😍 每條魷魚都炸得香脆調味岩岩好，唔點汁都正哩個推介!! B: 是日餐湯 x4 當日個湯係雜菜湯另外可加$20轉龍蝦湯 我地轉左2個雜菜湯正常發揮 龍蝦湯幾好，味道濃郁，可以一試C: 主菜 9選4🍴五色芝士薄餅薄底脆Pizza，芝士本身就係咸咸的但佢食落面頭有一點甜味 咸咸甜甜 好過癮重點係 芝士Pizza食完唔會有膩嘅感覺😳個人認為哩個太岀色，我一個人食左3塊🤣👍🏻🍴美國頂級西冷 +$28叫咗七成 黎到應該3成左右我問左屋企人要唔要換 佢哋話唔使 點知店員已經拎住隻碟行過黎主動問: 「牛扒應該無七成，你夾俾我拎返入去再煎」真係好sw

今次用餐體驗真係令人難忘!我哋唔單止試到精緻嘅士多啤梨芝士蛋糕,仲品嚐到香濃嘅皮鴨pizza同入味嘅西冷牛扒,每一款菜式都好出色。首先,個士多啤梨芝士蛋糕可以話係整個餐單嘅亮點。呢個甜品表面光滑細緻,入口更有層次分明嘅酸甜口感,配埋鮮紅欲滴嘅士多啤梨,實在太過誘人。每一口都令我回味無窮,好似置身於夢幻般嘅甜品天堂。跟住造型獨特嘅皮鴨pizza同樣令我讚不絕口。餅皮酥脆,邊角仲帶有一絲焦香,托住咗香滑濃郁嘅鴨肉同各種爽口嘅配料。每一口都有唔同嘅口感,真係層次豐富、令人垂涎。仲有點左呢塊紮實多汁嘅西冷牛扒更加係絕佳之選。肉質嫩滑入味,每一口都散發住濃郁嘅牛肉香氣。店家調味恰到好處,既唔會太鹹又唔會過於辣,可以完美融合肉質本身嘅鮮味。整個用餐過程可以話係目不暇給。由細淡雅嘅甜品到濃重嘅主菜,再到扎實嘅牛扒,每一款都有自己嘅特色,都令我嘅食慾大增。服務人員嘅熱情周到,亦令整體用餐氣氛更加愉快。相信下次嚟,我一定會再光顧,重新體驗呢份難忘嘅美好時光。

如果可以 我星都唔想俾我係app叫外賣 講真我幫襯左好多年 堂食同外賣都係 依家到底發生咩事？換左廚師？完全係趕客一樣個意粉又乾 唔上色 仲要有啲係痴埋一舊 我每次都叫同一個意粉 最近既水準同以往既完全唔一樣 今次簡直係乾啃一樣鴨肉湯河個湯 清澈既顏色無左 以往有分湯 今次又無 黎到個河粉糊晒不特止 個湯唔知係落左青檸定咩 酸既仲算 仲要有苦澀味！龍蝦湯仲過份 黎到得1/3碗 好似俾人偷飲左大半一樣 打開個盒唔知以為係醬料多過湯 震驚到仲要好鹹 2塊包一塊仲要燶晒！大佬你個湯唔平架 原價過百架 減左價都8x 你俾幾啖咁既水準我？單骨雞翼同以前食既都唔一樣 又油又鹹！成餐飯可以用難食2個字黎形容！完全係唔洗再幫襯！市道差你都唔係咁呀？！生意差真係唔好怪人 你睇下你地岀咩食物俾人先！好過份！

店內服務員由帶位開始已經呼呼喝喝，成場大把吉位，係都要我地坐正中間………..食物合格。但未明原因店內有位但會不停做出催促的行為，如一食完一碟就立刻收碟。埋單仲離譜，叫埋單唔應我，我就出去前台，疑似經理大聲呼喝叫我行番去中間埋單…..服務差，店員無禮。無下次！

平日去食，點咗set lunch，蘑菇濃湯，香辣龍蝦炒意粉（加$20），埋單$185。蘑菇濃湯，味道偏鹹，溫度只係屬於微暖。香辣龍蝦炒意粉，好多辣椒，龍蝦肉堆埋只有一隻龍蝦鉗嘅份量， 令人失望。凍檸檬茶，茶記都會好飲過佢沖。有機會，我唔會再試。

Happy FridayHappy Dinner🍝🍛🍜🥧🍮🍹酥炸雞扒炒意粉 $188炸櫻花蝦餅 $78Banana Creme Brulee $98整體食物味道中規中矩，意粉爽口，蝦餅金黃香脆，creme brulee甜度適中，簡簡單單，開開心心歡聚晚餐😚😋

行街唔知食咩好，發現哩間未試過。餐廳裝修幾靚，天花板好多花草裝飾，打卡影相都幾好📸👑椰香青咖喱青口 $168前菜唔知揀咩好就上吓個青口啦，結果有驚喜，平時食青口多數都係白酒忌廉，今次青咖喱又幾特別，椰汁味好濃郁，咖喱好香，加上有少少辣就更惹味👍🏻 多士脆卜卜，配埋咖喱汁好味道😋✨黑松露鵝肝牛肉炒河粉 $178乾炒牛河食得多，加咗鵝肝即刻感覺好高級😂 仲有埋黑松露升級不少🤭 估唔到黑松露配埋一齊咁夾，食到黑松露嘅香味又有河粉嘅鑊氣，鵝肝煎得好靚，外皮香脆內裡嫩滑😍 牛肉肉味香濃但有少少韌。✨龍蝦湯 $88龍蝦湯配忌廉當然係perfect match，飲落香滑，味道濃而不過鹹。✨炒芥蘭苗 $88芥蘭唔算係苗，好彩唔老😆 蝦醬味道好香好濃，不過鹹咗啲😅🔍整體感覺：環境都幾乾淨企理，衛生都唔錯。食物質素同味道都唔錯，只係有少少美中不足。價錢的確唔算好平，性價比唔算太高，但都係值得一試嘅。

放工想食好啲，近近地揀左呢間。7點有多得4枱客仲諗住有啲唔妥。無大期望反而顯出驚喜😀- 服務好好 - 下面好多留言都話服務好差。我諗佢換咗唔同侍應。我係孕婦，佢主動俾咗杯熱水我，仲成個茶壺擺低等我慢慢飲😊期間服務都非常周到。臨走每個侍應都有Thankyou byebye。- 二人套餐$448好抵食😀2前菜2湯2主菜2甜品2飲品主菜 酥炸富貴鴨 - 唔油，皮酥脆，肉嫩滑，份量又足👍🏻甜品 即焗牛油軟曲奇 - 質地味道都好正，加雪糕真係食唔停口👍🏻平時好少寫食評，但佢之前啲評語咁差，希望幫佢平反下。尤其是服務真心唔錯😊食物都有水準😊 晚市得4枱客確實唔容易。

呢間店個裝修幾靚，佢個午餐都抵食，食西冷都係$200內，西冷煎得剛剛好，重肉味之餘，口感亦都好腍，不過份量就唔算好多，食完唔會話好飽，佢個薯條我覺得幾好味，另外叫咗杯招牌檸檬，比我想像之中好飲好多。

食咗個$298的tea set，估唔到都幾精緻喎！第一層有龍蝦沙律，三文魚卷同埋鵝肝多士，有啲估唔到，雖然細細舊，都幾好食。第二層有炸蝦生菜卷，焗蔬菜撻，迷你牛肉漢堡同炸蝦。佢呢度係做東南亞菜，所以個牛肉漢堡有啲薑味，估唔到都幾驚喜喎。第三層係甜點，朱古力brownie正常味，士多啤梨mousse cake同奶凍都係椰子味嘅，嗰啲蜜糖珠珠有陣香味連埋椰子奶凍食都幾特別，但奶凍太實，口感差咗少少。藍色嗰舊估唔到係綠茶蛋糕，呢個淡口番少少都幾好食。馬卡龍係焦糖同另一舊疑似cream味，正常發揮。整體甜點偏甜，所以要提早叫定咖啡/茶，邊飲邊食比較好。咖啡都好飲，有層crema，好香。熱茶係breakfast tea。下午茶時間冇乜人，很清靜，就算叫杯嘢飲傾吓偈都唔錯，肯定舒服過Starbucks或者Pacific Coffee。我哋响Openrice app預先訂位，仲有七折，超抵！我哋都係即興去食，所以都係半個鐘前訂咋，方便。

經外賣APP order左外賣，價錢唔平，淨係薯格都82蚊，叫左3樣野total $400。雖然係外賣APP ，但其實價錢已經係冇mark up到。價值$82嘅薯格，說好的煙肉呢？調味勁鹹，10舊都冇。價值$145嘅沙律，真係x出聲。半個牛油果加兩片麵包 ?_? 說好的蟹肉都失左蹤，成本唔洗$10，賣呢個價進取到呢。呢個價錢起碼俾多幾條沙律菜啦，唔expect份量仲少過starter。價值$166嘅拌麵份量係相比之下都算幾佛心，雖然都係勁鹹唔好食，但起碼會見到舊三文魚冇失蹤。呢間野真係可以blacklist。- - - - -Glasshouse (太古城中心) (太古)太古太古城道18號太古城中心1樓101A號舖

一踏入Glasshouse，立即被花草裝潢嘅環境吸引，整個心情都鬆晒。開餐一啖清新嘅粟米湯，或者鮮嫩三文魚沙律，先至正！🥣🥗 接住嚟嘅椰香咖哩豬扒飯，咖哩香濃得嚟，豬扒嘅外皮食落脆卜卜，真係滿足到我對食物嘅質感追求。和牛漢堡肉質有啲乾，但黑松露蛋黃醬互相配合得剛好，隻薯條又係我心水嘅脆薯🍟。跟住篤身試咗啲番茄芝士羅勒薄餅，重點係嗰層皮薄到出奇，每一啖都充滿咗芝士嘅香濃同羅勒嘅清新，口感層次感十足。最後當然要嚟塊藍莓芝士餅，話你知，連蛋糕都可以做到咁綿滑，每一啖都似係漂浮喺芝士雲端之上🍰。一路飲住我嘅凍檸潤喉🍋，飽足之餘，我覺得今次嘅食物既有口感上嘅驚喜，亦都有味道上嘅層次，下次同朋友傾吓偈嘅時候，一定會再探訪。

Lunch同埋同事一齊去食。成間店都係吉位，但都要門口等位，因為冇乜人手，等咗一陣，侍應帶我哋入去入面近廚房嘅位置坐，用QR code自己落單。叫咗小食拼盤，松露薯條，蜆肉炒意粉同埋豬扒烏冬。小食拼盤有雞翼同埋雞塊有個芝士醬，味道普普通通。薯條配松露醬同埋茄汁，薯條係粗薯條熱辣辣，所以係好食喎。豬扒烏冬塊豬扒都幾大，湯底好淡普普通通。假新聞蜆肉炒意粉好乾身，味道少少鹹，唔算係好食好普通，份量比較少。環境係幾好嘅，不過食到中途，因為我個位係向住廚房望過去見到個着黑色衫應該係主廚或者廚房大佬之旅用口咬咗個調味樽，然後將調味樽入邊啲嘢倒落碟將要出俾客嘅送上面即時感到勁嘔心，已經食唔落。覺得佢個行為係慣咗，所以咁多人喺前好自然咁做咗呢個動作……我就唔會再返去食，你哋自己決定啦。

Express Lunch A + B + C終於有機會嚟 Glasshouse (太古城中心) 食飯，用 APP 訂位十分方便，好多次路過門口見廚櫃放滿精美蛋糕甜品，不過今日可能時間尚早蛋糕款式較少，所以無食蛋糕改叫咗其他嘢。佢午餐選擇好多，可以跟沙律自助餐，南瓜湯、牛油果、熱狗、薯條，仲有第一次食鷄蛋仔跟火鍋，大部分質素算唔錯，而且價錢唔算太貴，只是室內音樂有點大，影響到唔容易傾偈，和眼見只有兩三位店員，所以整體來說還是有改善嘅空間。

整體食物質素一般且份量少，而且香港職員比較惡劣。當中曲短髮女職員態度有特改善，全部服務期間黑臉，呼呼喝喝。同佢反映送錯食物時第一時間會先不禮貌地質疑客人，而且上餐時撞到客人,亂放食物於朋友的財物上，十分古怪，直頭接貼錢買難受，以後不會再來。