GARIGUETTE

營業中

休息中

身為甜品控😋一直都好想試早前人氣大熱嘅日本拿破崙酥！😍終於俾我試到啦！真係好好食👍唯一係價錢少貴🫣可以同幾個朋友一齊share冇咁邪惡～原來有甜味同鹹味 我當然推薦係甜嘅😌😌原味士多啤梨杏仁拿破崙脆酥 $165入面有滿滿特製嘅吉士忌廉同埋士多啤梨片😋士多啤梨嘅微酸中和咗焦糖嘅甜 拿破崙即叫即食十分酥脆😆😆打卡係幾靚～伯爵紅茶忌廉杏脯果醬拿破崙脆酥 $145入面有杏脯果醬同伯爵茶cream！個人更推薦呢款！有淡淡的伯爵茶味但係又唔會太甜～重點係夠多cream 每一啖都係😚😚而且仲有果肉粒👍可以選擇半個 $78過下口痕 價錢都合理👍咁就可以自私食啦🫣十分貼心～另外都有迷你款可以選擇 $38GARIGUETTE (銅鑼灣)銅鑼灣百德新街42-48號Fashion Walk地下D號舖#生活小記錄#隨心一拍#相機先食#美食 #隱世cafe #hkcoffeeshop #hkbar #西式餐廳 #foodiehk #相機食先 #hkig #hkgirl #食好西 #西餐 #餐廳 #香港美食 #香港好去處 #甜品控#cafe #拍拖👫#打卡#dessert #日本甜點 #拿破崙 #gayeecafe

假日同朋友去咗Gariguette打卡，佢位於銅鑼灣fashion walk ，環境悠閑，提供咗唔少堂食椅凳，都可以包裝得靚靚仔仔拎走。打卡真係好靚架。佢哋有十幾種口味，有咸有甜，仲可以雙拼。伯爵紅茶忌廉杏脯果醬唔算太甜，外層是酥脆的千層酥，上面擠滿了香濃的伯爵紅茶忌廉，加上酸甜可口的杏脯果醬，茶香突出。開心果忌廉覆盆子開心果控必食，搭配新鮮的覆盆子，色彩鮮豔。開心果的香濃與覆盆子好夾，香甜而不失清爽。

喺日本已經食過呢個千層酥已經好鍾意覺得好好食今日終於嚟銅鑼灣食吓佢香港同日本一樣都可以睇住佢整千層酥而且仲有得坐，又可以嗌嘢飲個酥皮真係超級脆食嘅時候可能會論盡少少但係好細心有個好靚嘅花花碟裝住仲有刀叉可以俾你坐喺度慢慢食如果外賣嘅話，仲好細心有透明膠袋包住雖然係外賣，但係一樣好脆好鬆化🩷開心果忌廉覆盆子唔止有開心果忌廉，仲要有啲開心果碎食落去好有層次又有酥皮又有忌廉，又有開心果碎仲有覆盆子添而且味道唔會太甜，啱啱好🩷伯爵紅茶忌廉杏脯果醬伯爵茶味道好出，加埋杏脯醬都好夾杏脯醬仲有少少果肉添

再訪依間日本過江龍，超出名特色拿破崙嘅專門店🤩 店內設有堂食座位供客人現場即點即食😋 保證可以第一時間食到最新鮮嘅拿破崙🤝 超級正😍 例牌必點原味士多啤梨❤️ 香脆鬆化嘅杏仁拿破崙脆酥中間，夾滿香滑嘅特製吉士忌廉，以及鮮嫩嘅士多啤梨粒🥰 食落酸酸甜甜，清新不膩，不愧為皇牌必食首選✅ 另外㨂咗一客伯爵紅茶忌廉杏脯果醬口味脆酥🤩 果香滿滿嘅杏脯果醬，同伯爵紅茶忌廉神奇地合拍😎 食落既有杏脯嘅甘香，又有伯爵紅茶嘅馥郁茶香😚 真係好特別好值得試喲❤️ 

日本東京參表道GARIGUETTE我就未去過啦👻不過香港海外分店，正正坐落喺銅鑼灣，佢哋出名圓形拿破崙，無論係打卡定係味道，都非常出色！未計特別限定，甜味已經有八隻款可以選擇，我就揀咗佢哋經典嘅大熱款式「原味士多啤梨」，原來仲可以揀HALF-HALF，選拼「朱古力忌廉香蕉果仁」，咁就可以一次過試晒兩隻味👅職員提議我哋試吓「冧酒提子麝香葡萄 」，會用咗洋酒調製，淨係啱大人食😗我朋友就幾鍾意呢個味，佢話冧酒唔會太濃，搶走晒麝香葡萄嘅味道😌而我就最鍾意佢個杏仁拿破侖脆酥，佢啲拿破侖酥即場製造，唔會擺好耐，整好咗即刻唧cream ～佢嘅酥皮面有少少焦糖喺面，甜甜地，夾埋啲Cream又唔會太漏👅基本上呢三隻味都各有千秋，希望下次試吓佢哋嘅香港限定😙✦ 冧酒提子麝香葡萄 $128｜HALF-HALF｜✦ 原味士多啤梨 $88✦ 朱古力忌廉香蕉果仁 $78

終於打卡來自日本東京的人氣圓形千層酥!!很早以前已經看過有Foodie分享被圓圓的千層酥外型吸引🤩 餐廳位於銅鑼灣Fashion Walk設有外賣座位和堂食座位更有開放式廚房看到即場製作工序務求百分百還原日本原味道‣ 原味士多啤梨 ($165)貴為餐廳的招牌千層酥兩塊香脆的杏仁拿破侖脆酥夾著滿滿的士多啤梨和特製的吉士忌廉‣ 開心果忌廉覆盆子 ($155)千層酥同樣香脆而開心果忌廉很夠開心果味，夠濃郁😆配上酸甜覆盆子 酸酸甜甜很開胃📍Gariguette｜@gariguette_hk銅鑼灣百德新街42-48號Fashion Walk地下D號舖🚩更多同類餐廳 #foodstep_甜品 🚩更多同區餐廳 #foodstep_銅鑼灣 ⊂ 喜歡我的分享就收藏、點讚、關注吧❤️⊃

GARIGUETTE - 日本過江龍千層拿破崙今日介紹一間位於銅鑼灣區嘅甜品專門店，係來自日本過江龍嘅千層拿破崙酥，有多款特色嘅口味，亦都可以選擇半半口味，鬆化香脆嘅拿破崙酥，加上表層香脆嘅焦糖脆片。伯爵紅茶忌廉杏脯果醬拿破崙$145一款有淡淡茶香嘅口味，唔會太過重味道搶過主角拿破崙千層酥，當中嘅杏脯果醬就令到茶香味同埋酥皮牛油味更出更濃。冧酒提子麝香葡萄 $128另一款就係叫咗葡萄口味，果甜滿滿嘅麝香葡萄加上冧酒提子，雙重果香嘅甜味，配上千層酥，簡單清新嘅口味。

早就聽聞Gariguette好出名，今次特地來食 “調色板”拿破侖千層酥！又真係幾酥脆呀！不愧係日本大排長龍既人氣甜品店！我試左招牌士多啤梨，好新鮮既士多啤梨一層一層叠住，加上滿滿吉士醬超美味，香香甜甜，配埋士多啤梨，美味しい!!!另外伯爵紅茶忌廉杏脯果醬係香港獨有口味，伯爵茶忌廉滿滿茶香，杏脯香甜軟糯，配搭在一起格外夾！重點係，Gariguette可以讓你全程望住店員整你既甜品，亦都係一種享受，餅皮除左本身香脆之外，仲有一層焦糖底，令到口感更加豐富添！

想試呢間日式甜品好耐~最近係Gariguette品嚐左佢地既千層餅系列有令人感到驚喜既口感同風味令人忍不住想一再回味😆.💎$168 宇治抹茶忌廉 x 士多啤梨呢款千層餅以高品質既宇治抹茶忌廉為基底抹茶既香氣濃郁絲滑既口感係舌尖上輕輕融化💃搭配埋新鮮既士多啤梨不但增添左鮮甜既層次帶黎左清新既酸度每一啖都係視覺同味覺既享受🥹.💎$148 伯爵紅茶忌廉杏脯果醬伯爵紅茶既香氣同淡淡既柑橘味道好好食忌廉質地蓬鬆柔滑搭配杏脯果醬增添左自然既甜味同果香令整體口感更加豐富😍.總體黎講Gariguette呢兩款千層餅都頗具特色強烈推薦，值得一試！

❝日本/香港店都要排隊的千層酥❞東京超高人氣的𝐆𝐚𝐫𝐢𝐠𝐮𝐞𝐭𝐭𝐞上年九月登港初開店已經超高人氣，一直好多人排隊連日本店都要排店，所以一直冇機會食🥹趁人少少終於試到，唔計價錢，真係幾好食✨࿐🍊伯爵紅茶忌廉 𝐱 杏脯果醬 $𝟏𝟒𝟓💫伯爵茶味非常突出，一打開袋就飄出嚟杏桃好清甜，調和到牛油甜膩感千層酥口感酥脆，仲有焦糖脆皮好香👐🏻🍵𝐉𝐚𝐩𝐚𝐧𝐞𝐬𝐪𝐮𝐞 $𝟏𝟔𝟖京都宇治抹茶忌廉茶味濃郁加埋紅豆、煙韌麻糬，係典型日式口味相對冇咁大驚喜，不過呢款口感更豐富😋

日本過江龍人氣拿破崙脆酥店「GARIGUETTE」係香港都有開設分店位於銅鑼灣嘅Fashion Walk 同日本一樣簡約墨黑風格 有堂食座位可以即時食到千嘅新鮮味道曾經係日本食過士多啤梨口味 對佢嘅杏仁拿破崙脆酥嘅口感和味道都好有印象開到黎香港都好好奇佢嘅味道keep 唔keep到水準香港店限定味—香滑奶茶忌廉芒果一定要試港式奶茶味啲忌廉 配上香甜芒果肉呢個配搭好味又唔過於甜膩另外仲試咗冧酒提子麝香葡萄 帶點洋酒香嘅大人口味 係我地會喜歡的甜點杏仁拿破崙脆酥口感同日本一樣咁脆 香港店有保持到水準

嚟自東京表參道嘅Mille-Pressé已經係好多地方開咗分店。鬆脆嘅拿破崙酥皮由佢專利嘅烤焗機壓製再夾住嘅內餡，淡淡嘅牛油香，鬆脆好味。味道有咸有甜，各有特色。今次嚟到又食返Signature 嘅Nepoléon就係由同一個名嘅法國士多啤梨「GARIGUETTE 」加上吉士忌廉做成。今次叫咗另一款”Pistachio & Framboise ” 係濃厚開心果忌廉加酸甜覆盆子果醬。酸甜覆盆子非常醒胃又唔會開過開心果嘅味道。絕對係值得一試嘅款式。

有次去開銅鑼灣食完lunch，經過呢間鋪見到d千層酥相片勁吸引，明明食飽飯都即刻入去試吓😀睇睇menu，價錢都幾貴，就咁一個都$165，如果揀half-half，一半一半揀兩款唔同口味，就再貴d點咗原味士多啤梨🍓真係勁好味😍😍酥皮勁鬆脆，爆多吉士，不過士多啤梨就唔夠甜。味道真係好好，日本過江龍果然唔同d但真係幾貴吓，仲貴過我個lunch😅如果價錢平一半，我諗我應該會個個禮拜都去食😆試曬咁多款味。

Gariguette是日本有名的千層拿破崙店，香港更是其海外第一間分店。小編還記得店鋪剛開幕時每天都排起長龍，這次經過店頭，看到不用排隊，馬上進來試一試香滑奶茶忌廉芒果 $168拿破崙融合了香港的特色，香滑的奶茶忌廉口感柔順，酸甜多汁的芒果與忌廉相互映襯，讓味覺層次更豐富。黑糖合桃的點綴增添了香氣與脆感伯爵紅茶忌廉杏脯果醬 $145拿破崙外皮酥脆，完美包裹著香醇的伯爵紅茶忌廉，帶來淡淡的茶香。杏脯果醬的酸甜恰到好處，和紅茶的濃郁形成對比

千層酥真係好鬆脆 🤤🤤 牛油味超香, 但唔會有好油既感覺, 面頭仲塗有一層焦糖🍯好好食,香港好少可食到咁高質既千層酥❤️❤️推介❤️🍵宇治抹茶忌廉×士多啤梨用上京都宇治産地香濃抹茶製成的吉士忌廉，好濃郁既茶味😍😍加上酸甜士多啤梨，仲有配搭紅豆同麻糬多重口感和風拿破崙👍🏻👍🏻🍫朱古力忌廉香蕉果仁朱古力忌廉好香滑，同香蕉哩個組合無得輸🍌🍌再配上香脆焦糖果仁🌰👩🏻‍🍳👩🏻‍🍳等千層酥時，仲可以睇到Staff 整千層酥既製作過程❤️➢ ➢ ➢ ➢ ➢ ➢ ➢ ➢ ➢ ➢ ➢ ➢ ➢ ➢ ➢ ➢ ➢ ➢ ➢ ➢ 好味指數：😋😋😋😋😋環境指數：🪴🪴🪴🪴🪴回頭指數：💖💖💖💖💖🔖 GARIGUETTE (銅鑼灣)銅鑼灣百德新街42-48號Fashion Walk地下D號舖