Garden Lounge

各有各忙的一家人，終於找到時間聚一聚！來到Murray食Family Brunch。這裏的brunch位置雖然不大，但是我們就是喜歡它的高質。而且酒店來說， Murray的裝修環境在去過的酒店當中，亦是很高分數的！Upgrade了Prosecco用來送海鮮。這裏的海鮮有蟹腳、生蠔、小龍蝦、扇貝和翡翠螺。每款都好新鮮，尤其蟹腳要一讚，大大隻好厚肉！其他的冷盤、沙律、cheese corner，都頗多選擇，令人滿意。必定要試那手切牛肉，大大件，好重牛味。這期間是印尼主題，所以提供了印尼的特色食物，如印尼串燒、飯、蝦片等，味道不錯。最貼心的是有kids corner，小朋友最愛的漢堡包、薯條、炸雞和Pizza等等，再坐小朋友，食得很開心。除了自助食物， brunch的主菜 亦做得十分不錯，我們點了牛扒、魚扒、羊架等share來食。食完主菜仲有食甜品，各款蛋糕、朱古力，深得大家喜愛！因為這個是family brunch，所以現場還有插畫師為客人即席繪製卡通手繪畫，大家都畫得好開心！最開心仲有就係大表叔埋單，萬歲~這個brunch真係適合一家大細，大家都食得好滿足！…查看更多

Garden Lounge老公牛一所以食好啲！😎揀咗美利酒店嘅Garden Lounge，食海鮮半自助晚餐🎉五星級酒店嘅裝潢果然氣派非凡，林立於中環都會之中，環境優美，氣氛舒適，好適合情侶、三五知己、或者屋企人聚會，同埋我好鍾意嘅一點係食客質素好好，唔會衝出嚟搶曬啲嘢食，啲大人唔會扯開曬喉嚨講嘢，小朋友亦都冇大吵大鬧，係一個真真正正嘅五星級環境餐廳嘅職員優秀，對答以及服務都係真正嘅酒店級，而唔係求求其嘅炒散餐牌方面，我哋揀嘅係半自助晚餐，主菜可以自選，揀咗安格斯牛柳同埋加錢揀烤龍蝦，揀完主菜於出去自助區搵好嘢食啦😬佢係一個半自助晚餐所以自助區唔算話好多嘢食（同自助餐比的話），但係立眼睇質素都好高！排列整齊，同埋嘢食望落去都好乾淨，成晚refill都好快手👍🏻刺身方面有熟蝦、八爪魚、北寄貝，質素不過不失，如果有三文魚同帶子就好喇😂 大推汁煮鮑魚！係日式醬油醬汁，鮑魚肉質柔軟嫩口，雖然好滯肚，但我都忍唔住拍咗五六隻，建議留肚all in😂凍海鮮方面，青口、扇貝、蜆都係可以一兩隻就收手，蟹腳肉質飽滿，juicy唔死鹹，鍾意嘅朋友可以食多啲🦀嚟呢度一定係食生蠔！🦪太為食所以唔記得咗問喺邊度嘅生蠔💔 生蠔唔係即開，係已經開好曬冰鎮，冇限每次攞幾多隻呢度嘅生蠔洗得好乾淨，我食咗一打都冇食到蠔殼，冇食到有臭味！細細隻好爽甜好脆口！係淡口嘅生蠔，冇金屬味，唔係走creamy路線，而我食完之後都冇肚屙嘅情況出現👍🏻凍盤小食我鍾意水晶餚肉，而老公就好鍾意鰻魚，佢話薄片得嚟冇骨，醬汁香濃，食得好開心熱食有北京填鴨同埋烤三文魚，質素都幾好，係出面餐廳可以單點嘅水準，不過我個肚位置有限就食唔到咁多呢啲喇😂食咗15分鐘左右，侍應上咗一碗蟹肉蛋花湯，典型中菜湯羹，清清地之餘都好夠味🥚另外跟餐仲有四道分享菜式，包括醬油火炙吞拿魚（呢個好食）、台式鹽酥雞、泰式辣椒醬炒蜆（都幾辣下！）、蒜蓉粉絲蒸帶子（呢個好食）我覺得如果放喺自助區畀大家自己拎會更好，唔係唔好食，而係份量都幾多，而食咗一個鐘左右先上，客人食唔哂擺喺度好似好浪費食物咁💔甜品區非常豐富，最推薦係可麗露、榛子味馬卡龍、檸檬蛋糕可麗露喺出面買一粒廿幾蚊㗎！喺呢度可以瘋狂任食！外脆內軟嘅質感不錯🤤馬卡龍好靚！每一粒都飽滿脹卜卜，唔似某啲餐廳一拎出嚟已經散曬爛曬，最鍾意榛子味，算係最唔甜嗰粒❤檸檬蛋糕夠酸！完全唔甜，好開胃醒神🍋雪糕方面係häagen-dazs，有四款經典味道選擇，有朱古力、士多啤梨、雲呢拿、綠茶🍦主菜嘅上菜時間比預期耐，食咗個半鐘先上，但食完覺得都等得值得！🦞 烤原隻加拿大龍蝦，配蒜蓉、香草牛油、香檳汁（另加$128）廚師非常貼心咁處理，客人只要輕輕一叉就可以起曬半邊龍蝦嘅肉，仲連埋龍蝦鉗肉都起咗放埋一齊處理，唔會食到呢呢hea hea咁，呢啲就係酒店級應該有嘅水準一上枱就聞到濃郁嘅蒜蓉牛油香味，龍蝦肉質細緻彈牙，唔老唔韌，自帶輕輕嘅甜味，經過醬汁吊起更有鮮美，龍蝦膏不算多🥩 烤安格斯牛柳落單時侍應仲有問我哋要咩溫度，太專業喇我哋唔係太識所以落咗個medium rare🔥牛柳上到枱時真係medium rare嘅熟度，亦睇得出rest得好好，牛柳切開時冇血水，肉汁好好咁鎖住喺啲肉入面，柔軟多汁，冇難嚼嘅筋，好好咬，成塊牛柳嘅處理均勻，食得好enjoy其實真係唔介意俾貴價錢去食飯，而係中過太多伏，俾錢仲要受氣🥲所以呢一餐食得開心，舒適，覺得有點難能可貴…查看更多

疫情時staycation 住宿過美利酒店，當時酒店房間和餐飲服務都留下非常美好的回憶，所以今年生日特意選擇再來這裡慶祝，雖然知道餐廳改變為半自助晚餐，食物款式和種類都之前少，5星級酒店，應該不會太差……..可惜是主菜食物都做得不太好，牛扒3成熟但塊扒好韌，應該是塊牛扒本身質量問題，seabass個source真心吾夾，四小菜個泰式雞肉串好嚡，燒大蝦隻蝦質量不太好。生蠔細隻但有蠔味，蟹腳淡無味，日式刺身區是「熟蝦，北奇貝和八爪魚」一堆放在枱面上，毫不吸引，味道不過不失。甜品方面更加失望，選擇少而且不吸引，味道一般整體食物質素大不如前，質量下降，令人失望，應該不會再光顧餐廳環境氣氛好好，空間感夠，不會太擠迫，服務態度良好只可惜食物質素的問題，拖低餐廳整體滿意度，有點可惜。…查看更多

今次我地食TOM FORD「陽光琥珀」下午茶**鹹點 SAVOURY**🔸阿穆爾魚子醬三文魚魚子窩夫🔸鵝肝甜菜餡撻🔸海膽鮮蝦迷你包🔸醃製椰菜花芹香忌廉撻🔸玉子燒三文治**甜點 SWEETS**🔹蝶豆花水信玄餅撻🔹熱情果芝士蛋糕🔹柚子忌廉慕斯🔹椰林飄香馬卡龍🔹特濃黑朱古力牛奶SCONES 英式鬆餅雲呢拿及提子乾配鮮奶油忌廉、草莓醬及朱古力醬整體都幾好食，唯獨是坐位是餐廳正中心四邊都是人或其他雜物，比較難拍照Garden Lounge(香港)地址: 香港中環紅棉路22號尼依格羅香港美利酒店UG花園樓層…查看更多

本以為能享受高品質像多年前質素的半自助餐，豈料卻是一場令人遺憾的體驗。 首先， 食品質素大不如前 。生蠔细到已沒興趣，完全無法享受到生蠔應有的鮮美，只吃了兩隻；長腳蟹味道淡如水，幾乎沒有蟹香，只吃了一條；鮑魚亦毫無彈性與鮮味，質素大幅滑落，只吃了兩件，與多年前的體驗根本無法相比。 其次， 用餐器具設計不合理 。餐碟尺寸如茶點碟，完全無法放置長腳蟹這類體積較大的食材。剪開蟹腳時蟹肉彈出四處，甚至彈到桌面各處，整體用餐體驗混亂不堪。 最令人失望的是，這是一家「五星級」的酒店。無論是食物、器具，還是整體用餐體驗，完全沒有達到應有標準。 整餐晚飯已沒興趣，相片也沒影，很快便離開，一切只有失望離場。…查看更多