Gali

我地一家都鐘意食咖哩，行街發掘左呢間樓上印度咖哩店，入到去原來超多人食野，晚市睇黎都受歡迎，決定入座試下！:)叫左兩個印度咖哩餐，第一款叫左香料咖哩羊配白飯，套餐仲包括仙草清涼爽，呢款咖哩適合食得辣人士，雖然辣但好好食，又惹味又大份，羊肉都好有口感，只係會有少少骨，但味道真係好好又正宗，絕唔係求其整既咖哩。:)第二款係奶油咖哩雞配奶油烤餅，飲品包埋甘蔗馬蹄汁，奶油咖哩就比香料咖哩少辣一點，香料咖哩會辣啲，奶油咖哩會更適合小朋友，加左奶油係面感覺更好食，我比較推薦呢款，因為覺得好岩我食，配以奶油烤餅，餅底口感都非常好，脆脆地又唔會過脆太熱氣，食上癮了。小食有炸乳酪波，粒粒乳酪變身香脆可口炸物，，第一次食都覺得好好食，因為我又鐘意食乳酪，粒粒香脆可口，而且有酸醬任沾更可口。另外有印度烤雞，雞上滲有香料，配以酸醬好夾，一定食到飽，雞肉唔會鞋，口感都係我喜歡的口感。小朋友有一杯芒果乳酪都非常好飲，芒果果香太香濃，列入以後黎觀塘必試既餐廳之一…查看更多

突然想食啲濃味道嘅咖喱嘢，係觀塘俾我搵到呢間主食咖喱野嘅餐廳---🌟Gali🌟餐牌上滿滿都係咖喱料理，跟餐仲包埋飯同飲品，幾抵食，除咗咖喱主食，仲有唔少小食都好吸引。._.🦀 | 奶油咖喱軟殼蟹 | 🦀配飯+罐裝飲品炸到外脆內酥嘅軟殼蟹，啖啖肉，浸咗滿滿嘅奶油咖喱非常惹味，啲咖喱汁超級多，餸飯食一流。.🐟 | 奶油咖喱魚柳 | 🐟+＄15轉配奶油薄餅+罐裝飲品魚柳一大塊，炸到外脆內嫩嘅魚柳肉質，啖啖肉。呢個餐加咗$15由飯轉做薄餅，又係非常夾！跟餐嘅罐裝飲品選擇都算多，好有誠意。.🦀 | 蟹肉忌廉薯餅 | 🦀加咗小食，一碟有四件，炸到外層金黃脆口，裏面嘅忌廉薯餅熱辣辣，腍身可口，配埋兩款醬汁可以點，非常滋味。._.…查看更多

觀塘工業區內有間超扺食又充滿印度風情的咖喱小店 幾年前已經幫襯過一次 估唔到幾年後小店繼續存在(真·好難得）而且平日晚市人流旺場啊(臨走先補影店內環境）小店主打各式的咖喱料理 有肉亦有素食選擇 咖喱套餐包飯/烤餅+飲品 價錢$100左右就食到 怕辣的朋友可以點奶油咖喱雞 咖啡醬汁香滑濃郁夠creamy 雞肉入味 份量多有5件 配上惹味蒜蓉烤餅超好食 微熱外脆內軟 一份有6塊 香料咖喱相對上比較開胃 有蕃茄酸味再加香料 咖喱層次分明 微辣配白飯非常惹味 牛舌炆得夠腍 份量一樣有五塊小食點了印度巨型咖喱角 一份有3塊 外皮超酥脆 餡料飽滿主要是薯仔、豆及大量香料 味道勁香各有風味 另外點酸辣醬/乳酪醬 又可以轉換一下口味飲品方面 第一次飲印度香料奶茶 味道就…比較特別 有香料辛辣味亦有奶茶甜味 我自己就覺得試一次就好 芒果乳酪就清新香甜 口感好smooth 如果再凍少少會更好。…查看更多

GALI🍛奶油咖哩吉列蠔 ($81)印度乳酪香料咖哩軟殼蟹 ($103)蒜蓉烤餅芒果乳酪餐廳嘅奶油咖哩同香料咖哩都係極度吸引😍奶油咖哩就係比較creamy同埋甜啲，而香料咖哩就係味道會比較重同埋辣少少，兩個咖哩都係好正好正宗👍🏻同一般香港食落嘅咖哩都係好唔同！！好值得大家去試下架🤤🤤我自己就會比較鍾意食香料多啲😎而吉列蠔同埋軟殼蟹都係好正，超大隻之餘個炸粉都唔會好厚👍🏻之後就要講下另一重點蒜蓉烤餅😆😆絕對就係咖哩最佳配搭！！建議一上枱嘅時候就快啲食啦，如果唔係凍左就會差好遠😂烤餅唔會太厚，咬落口啱啱好👍🏻而蒜蓉味道足夠，唔會淨係比咖哩嘅味道搶哂🤩🤩好期待下次再去餐廳就食埋菠菜咖哩同奶油烤餅😝評分：10/10觀塘駿業里6號富利工業大廈14樓B號舖#香港美食 #GALI #觀塘美食 #抵食之選 #咖哩 #奶油咖哩 #印度乳酪 #香料咖哩軟殼蟹 #蒜蓉烤餅 #芒果乳酪…查看更多

食過兩次試過奶油、黑扁豆同香草咖喱，無一款有正宗咖喱要有既香味……奶油比較好接受，主要係唔太夠香辣，但當然人人口味唔同。黑扁豆咖喱算係比較有特色同少見，食落幾有豆香味，但依然唔似印度咖喱。香草咖喱直頭令我懷疑有冇上錯菜……食落冇香辣味之餘仲出奇地有蕃茄味……薄餅更加係難食得可怕。蒜香薄餅都還算接近啲正宗既nann，但明顯係機製普通薄餅之餘口感亦嚴重唔夠鬆軟。另一款奶油薄餅直頭好似壓扁左既紙皮一樣難咬，質地亦極度軟身好唔方便用手屈捲後點咖喱食……仲要預設係跟白飯、轉薄餅要加成$15，真係向第度未試過…餐廳環境坐得尚算舒服，但奇怪在廚房完全唔似有煮食中既跡象…極度懷疑食物只係現成預製然後加熱上盤……唔知係餐廳轉過手做法唔同左定點，但如果其他評論入面咁樣都叫好食叫正宗，我真係懷疑香港人飲食要求係唔係咁低………查看更多