GAIJIN

營業中

休息中

登龍街出名多好西, 今次更發現左多一間超正樓上Fusion餐廳,又可以加入我嘅登龍街must eat list啦! 呢晚同個老友黎。啲野食overall好高質但最後每人只係300幾蚊，好抵🤭餐湯（羅宋湯） 暖鮮蝦柚子沙律 慢煮三文魚扒配芒果芥末香草汁 香煎帶子蕃茄蓉意大利粉 羅宋湯酸度中庸，蔬菜料足。蝦柚子沙律啲蝦好大隻厚實非常好食！！三文魚扒一切開就見到肉質好滑嫩，厚度有叉嘅一半，一啲都唔小架！面頭嘅香料超好食！芒果芥末香草汁一定要試下，真係少少帶芒果味，好特別😋帶子意大利粉都係大大粒同新鮮帶子，呢間餐廳嘅海鮮真係幾唔錯！麵條有咬口，真心正！

唔算成日過黎銅鑼灣食野, 因為就算普通細cafe價錢呢區都偏貴, 不過呢今日食左呢間叫Gaijin嘅樓上西餐, 發現概括食物質素, CP係非常高, 真係好過去D細café囉~而家仲要有個promo係follow 社交平台, lunch有88折。我嗌左寶雲酥比目魚配芒果芥末汁,朋友嗌左紐西蘭西冷扒拼大蝦配紅酒燒汁,同一份心太軟雪糕share食。折左後埋單$400鬆啲，好抵👍👍👍比目魚個芒果芥末汁我覺得幾獨特，食落係好清爽，有一種將比目魚更提鮮嘅效果。魚肉非常細嫩，高質食材。西冷扒order左7成熟，個口感非常好，軟硬適中，肉汁滿滿，其實佢好大塊，大過我個手掌，所以好抵。心太軟一人一半食完冇咁多罪惡感hahaha,一切開就已經好流心，個心微熱㗎，好好食！！！

今日lunch同媽咪兩個撐枱腳，媽咪比較鍾意食西式野，於是帶左佢黎呢間屋企附近又高高地級嘅"GAIJIN"食飯, 呢日11點左右就黎到，平日未到peak hour所以一入就有位lu~座位勁寬落，坐落好舒服個寶雲酥比目魚（配芒果芥茉汁）非常好味好印象深刻！魚肉軟嫩滑爽，無骨，皮炸得香酥，$198好抵另加$48一齊食左個法式焦糖燉蛋，焦糖面燒得幾靚，仲有少少生果點綴吓，唔係太甜架咋，蛋香味幾濃，好正！！坐得舒適野又好食，幾欣賞呢間西餐廳

同男朋友慶祝特別日子，所以刻意搵間西餐廳浪漫一下💕網上見到呢間位於銅鑼灣【Gaijin】環境氣氛好唔錯🍴✨寧靜、高級既氛圍，配上柔和既燈光，舒適又有情調🫶🏻我地揀左二人套餐，價錢係$568 +10% service charge，性價比相當高呢！✿ Starter ✿❥ 香煎法國鴨肝配梅酒蘋果鴨肝好有水準，煎到外脆內嫩，岩岩好，有入口即溶既感覺🥰配埋梅酒蘋果，平衡返油膩感～✿ Salad ✿❥ 暖鮮蝦柚子沙律比想像中大份😚有3隻爽口彈牙既鮮蝦🥰沙律配上酸酸甜甜既沙律醬同意大利黑醋，仲有清甜既柚子肉，好清新開胃🫶🏻✨✿ Soup ✿❥ 雜菜湯 + 忌廉湯可以揀2碗餐湯～雜菜湯酸甜醒胃！忌廉湯質地比較濃稠，味道濃郁creamy🤩✿ Main Course ✿❥ 慢煮西班牙黑毛豬鞍配帶子呢碟菜超高質！豬鞍燒得好靚，面頭有少少焦香❤️以慢煮方式，保留到肉汁，食落口夠juicy！肉質厚身而粉嫩💖好易切得開，一d韌既感覺都冇👍伴碟既燒汁同豬鞍味道都好夾😋另外仲配上兩粒帶子，好厚身，食落爽口彈牙🥰✿ Pasta ✿❥ 直通粉配煙三文魚風乾蕃茄露笋煙三文魚卷成玫瑰花狀🌹賣相好靚☺️💕入口煙燻香味濃，食落充

呢間餐廳我早喺三年前已經開始幫襯，嗰陣嘅味道好有驚喜 而且餐前嘅麵包都任食 質素同性價比都好高事隔三年，我再嚟幫襯，雖然價錢嚟講就差唔多，都係100尾到300左右(lunch)我以為都仍然有任食餐前麵包，加左兩個之後，到埋單先知要收錢，又唔預先同人講，餐牌又唔寫，呢個服務態度我覺得好失望既，雖然錢唔多，但點可以唔同人哋講加人哋錢…食物質素方面 豬肉相對嚟講就冇咁有驚喜 識落比較嚡口 味道都比較淡 帶子都嫩口好食 另外叫咗個鴨肝蟹肉意粉 鴨肝有兩舊 油脂分布唔錯 入口即溶好好味 而蟹肉就唔係好覺啦 蟹肉份量真係令我好失望嘅… 另外仲嗌咗個蘋果批配雪糕 個人覺得幾好食嘅 酥皮脆口 加埋薄片蘋果 同埋雪糕 有多重嘅口感 肉桂粉都幾香用餐環境方面，我雖然星期日去食lunch 得三枱客 唔算多人，相對嚟講都幾靜 啱晒拍拖傾偈 整體嚟講 我會覺得係一般 可能因為我之前幫襯開 係好有驚喜 味道好好 對比起嚟 而家就真係差咁啲 希望態度會改善好啲，唔好再收extra charge 又唔同人講😅食物質素都有進步空間

🥗櫻花蝦溫泉蛋沙律配日本胡麻沙律醋汁🥢天婦羅炸雜菜🍖美國有骨豬扒拼帶子🐟寶雲蘇比目魚配芒果芥茉汁🍫心太軟雪糕｜🍎蘋果撻配雪糕⚡️強烈建議情侶/閨蜜嚟撐枱腳嘅法國菜餐廳！食物高質之餘服務周到，重點環境有格調超有feel，嚟呢到慶祝特別節日實冇死🤣⚡️前菜分別嗌咗🥗溫泉蛋沙律+🥢天婦羅炸雜菜，🥢天婦羅即叫即炸，香脆可口主菜嘅🍖美國有骨豬扒拼帶子超大份～豬扒厚身+鎖滿肉汁，切個下已聞到香濃肉味，伴碟嘅帶子嫩口，薯蓉都creamy🥰⚡️🐟寶雲蘇比目魚係是日MVP，魚皮薄脆富有香料味，切嘅時候超清脆「咔」一聲勁治癒🤤芒果芥茉汁酸甜清爽，同魚肉夾到絕～大推👍🏻⚡️食完鹹梗係要食甜，🍎蘋果撻配雪糕好出色，甜度剛好，撻皮夠晒薄脆，配上蘋果嘅香甜同雪糕嘅柔滑，絕對係成餐飯完美嘅句號✨

Dinner set for two：煎鵝肝（香）、柚子蝦沙律（菜爽，蝦夠份量，柚子清甜，擺盤有心）、雜菜湯配麵包（湯清甜黑椒味平衡，包鬆軟口感好）、肉眼扒（medium rare恰到好處）、三文魚長通粉（通粉煮得煙韌，汁有味而不濃不膩）、雪糕心太軟（有流心糕點做得極鬆化）、熱花茶（清新夠温度），＄569/＄284.5人戴眼鏡男士服務員（應該係經理），服務非常好，與客交流態度誠懇，面帶笑容唔趕客；整體嚟講，一定會再去。

最近喜歡發掘一些樓上的隱世餐廳，於網上搵到這間西式Fusion餐廳「GAIJIN」，Menu價錢中等，一於同朋友試試！🍴香煎法國鵝肝配梅酒蘋果 Pan-fried France Duck Liver with Plum Wine and Apple口感軟嫩厚身，配上醬汁味道酸酸甜甜！🍴暖鮮蝦柚子沙律 Warm Shrimp and Pomelo Salad凍柚子配上暖蝦，味道衝擊特別，新鮮又開胃！🍴雜菜湯 / 忌廉湯 Mixed Vegetables Soup / Cream Soup🍴炭燒美國頂級安格斯肉眼扒配紅酒燒汁 American Angus Rib Eye Steak with Red Wine Sauce肉眼扒牛味香濃，但扒內帶根，咬落有點韌～🍴鮮蝦蒜片橄欖天使麵 Angel Hair with Shrimp, Garlic and Olive Oil經典的意粉配搭，香味十足，味道正常發揮，恰到好處～🍴心太軟配雪糕 Chocolate Lava Cake and Ice Cream做得到外鬆內軟，有流心效果！熱熱的心太軟配上凍凍的雪糕，確實不錯！

早排有個FD子推介左間高汁餐廳比我, 就咁睇個名拼音我以為係日韓野, 不過原來係西式法式日式Fusion菜野, 而且係高級野來的, 真係唔好睇小呀~我地兩個人嗌左以下嘅野食share食，有：凱撒沙律西班牙式烤乳豬澳洲龍蝦配海鮮龍蝦汁意大利飯（半隻）沙律上嘅煙三文魚要加少少錢，入口油香肥美，好開胃。覺得有乳豬食幾特別咁，即管嗌黎試吓。個樣同中式乳豬少少似但煮法同味道就截然不同。食落肥膏甘香，豬皮又薄又脆的！！🐷冇左中式果種過重調味料味，又係好值得一試！澳洲龍蝦意大利飯認真無得頂，海鮮肥美新鮮程度同價錢成正比，意大利飯口感creamy,濃稠度超符合我嘅喜好，龍蝦汁好濃郁😍

今次同朋友慶祝生日，係銅鑼灣搵咗呢一間法日西餐廳。上網睇環境都唔錯啊，所以就揀咗去呢間啦用餐座位舒適環境都俾人一種幾舒服嘅感覺。今晚嗌咗以下嘅嘢食❤️😘頭盤▪️香煎法國鴨肝配梅酒蘋果▪️香煎鴨肝表面帶點脆口加上爽口梅酒蘋果再配搭左少少黑醋汁，酸酸甜甜咁都幾好食。▪️暖鮮蝦柚子沙律▪️暖鮮蝦柚子沙律擺盤可愛鮮蝦同柚子沙律嘅比例都做得唔錯湯品▪️南瓜忌廉湯▪️濃郁南瓜蓉忌廉湯飲起上嚟帶點南瓜甜味忌廉湯口感幼滑👍🏻主菜▪️炭燒美國頂級安格斯肉眼扒配紅酒燒汁▪️炭燒肉眼扒肉味濃厚 脂肪比例平均叫咗七成熟 煎得啱啱好加上紅酒燒汁 入口肉質柔嫩▪️鮮蝦蒜片欖油天使麵▪️呢款鮮蝦蒜片欖油天使麵上枱蒜香味十足意粉充滿鮮蝦嘅味道同蒜香每一口都好惹味 意粉炒得乾身😉都唔錯喔甜品▪️心太軟配雪糕▪️出色心太軟 切開內裏焗得流心甜度適中 香濃朱古力流心配上蛋糕口感嘅外層再配埋雲呢拿味雪糕 口感豐富

對餐廳環境有d要求嘅朋友之前推介左呢間Gaijin比我，尋晚同個同事happy Friday黎食左。環境果然有d料到, 主要為深藍棕色裝修, 不過於花巧但就帶比人一種現代輕奢風。至於食物嘅presentation, 同樣唔過份花巧,整齊利落,有高尚感之餘食物亦鮮味十足。我地揀左個套餐，前菜主菜甜品份量超級夠食。前菜嘅暖鮮蝦柚子沙律，有粒粒多汁嘅柚子，又有煎香左嘅鮮甜蝦，有車厘茄同好嫩嘅菜，幾開胃。而主菜嘅慢煮西班牙黑毛豬安配帶子，係好厚好厚但又好好好多汁嘅黑毛豬呀，肉嫩外脆嘅口感比滿分🥰甜品嘅心太軟雪糕入面好流心，個cake好軟熟，朱古力絕對唔會過甜。

西餐廳大家應該都食過好多間，呢排想搵一d環境高級d，但價錢合理嘅西餐廳介紹俾大家，最近俾我搵到一間，充滿浪漫情調嘅環境非常適合情侶或者閨蜜聚餐，生日、節日慶祝都好適合！🔻🔻🔻🔻🔻🔻🔻🔻🔻🔻🔻🔻🔻二人餐$568+10%🔹香煎法國鴨肝配梅酒蘋果鴨肝嘅甘香同清新嘅梅酒蘋果，呢個組合好合襯。鴨肝表皮煎得好香脆，外脆內軟，完全無鴨臊味，食得出係高質鴨肝。🔹暖鮮蝦柚子沙律新鮮嘅柚子少少酸，非常開胃，鮮蝦都好大隻，啖啖肉，醬汁都好好食。🔹炭燒美國頂級安格斯肉眼扒配紅酒燒汁安格斯肉質鮮嫩多汁，經過炭燒烹調將牛味逼曬出黎，建議5成熟，肉質先會比較嫩，配埋紅酒燒汁更加吊到個味！🔹直通粉配煙三文魚風乾蕃茄露筍煙熏三文魚同直通粉嘅組合好有創意，直通粉口感比較煙靭，加埋甜香嘅蕃茄同脆口露筍，口感好豐富。🔹心太軟配雪糕係一道經典嘅甜品組合，一上枱已經聞到陣朱古力香味，心太軟表皮好香脆，朱古力味濃郁！咖啡/茶

無意中中左去銅鑼灣行街食左間好評如潮既餐廳!好好彩呀!入到黎有個bar枱牆身又擺放好多酒 幾high-class feel🤓我地晚餐嚟到食野follow fb ig會有unlimited free flow咖啡‼️單點左4款野食😎暖鮮蝦柚子沙律 $138哩個係清爽低卡又有高蛋白質之選！焗原隻蒜頭法包$48平時蒜蓉法包食得多，比埋粒焗蒜頭你真係第一次試，蒜頭帶甜味，毫無苦澀辛辣，好好食！法包焗得超脆～！香煎鴨肝蟹肉意大利粉$168鴨肝好大好厚☺️入口即化，油脂極香！意粉白汁又好濃香，哩碟意粉必食！扒海虎蝦龍蝦汁意大利粉$158另一款意粉就龍蝦汁，汁嘅質地對比會稀身啲，但同樣都係意粉好掛汁好好食🥰虎蝦好鮮甜肉爽。兩款意粉都真係好正㗎

之前有少少激嬲另一半所以今日請佢食好西，本身諗住銅鑼灣旺區西餐應該唔平，點知每人都只係2百幾，抵呀! (我follow 餐廳社交平台, 仲有88折🤭）我地嗌嘅野係勁夠食, 希望另一半美食當前快少少原諒我!Main course都好多選擇，我地果兩款都係正野！寶雲酥比目魚配芒果芥茉汁$198 + 扒紐西蘭羊鞍 $268比目魚表面炸至呈金黃色，但裏頭都仲係咁嫩滑！！特色芒果芥茉汁好值得一試！！而個紐西蘭羊鞍，真係好厚實啖啖肉兼且係juicy!!另一半都讚食完唔會覺得肥膩！最後再加錢要左個法式焦糖燉蛋，非常香滑！！決定下星期晚餐再黎食過😚😚

GaijinHeard that they have a new chef who has introduced a new menu! We decided to try out the dinner set for 2 and it was a very pleasant surprise. The garlic bread appetizer was very fragrant and soft. The steak, which we ordered medium rare, was cooked just right and paired nicely with the sauce. The overall value was very high!Dinner set for 2 $598