2025年10月13日 星期一今日放工經過紅磡站，竟然見到有間麵包店應該新開張無幾耐，但人山人海好多人幫襯見到店舖裏面擺滿咗各式各樣唔同種類嘅麵包，非常吸引，每款麵包嘅價錢都唔算太貴，夠晒貼地，於是決定每樣都買啲返到去同屋企人share一齊食一返到去打開個袋先發現原來自己買咗咁多，全部賣相都好吸引，店員有溫馨提示如果當日食唔晒嘅話就可以放落雪櫃擺一至兩日保持新鮮首先有麻糬QQ布丁，分別有四款不同味道，奶香布丁底打得滑順，入口即化；中間夾層藏住麻糬，咬落去瞬間彈牙，而上面果層白色糖霜微甜不膩，有啲似煉奶加鮮奶油既混合版右下既焦糖燉蛋味表面焦糖燒得剛剛好，微微脆口，好似法式Crème brûlée既港版進化，底層蛋香濃郁，甜度控制得好好，食到最後仲有一點焦糖既微苦回甘，整體味道成熟又有層次至於左上既紫薯流心，外層係紫薯塔皮，香氣濃郁但不搶戲；中間果層黃色流心好似蛋黃醬混合奶油，濃郁得來又不膩，上面果條朱古力線條唔止係裝飾，仲帶來一點微苦平衡，溫柔又有深度左下就係開心果抹茶，綠色塔皮帶啲抹茶既微澀，入口後慢慢釋放茶香，中間餡料係開心果醬，香濃滑順，上面灑既碎果仁唔止增加左口感，還令到整體味道更立體，抹茶同開心果既組合意外地合拍之後有迷你爆漿生冬甩，呢款迷你冬甩外層係鬆軟甜甜圈皮，咬落去瞬間爆漿，內餡係濃郁朱古力醬，尺寸剛剛好，一口一個，罪惡感低但滿足感高甜度偏高但不膩，適合配杯黑咖啡邊食邊飲呢個係開心果鬆鬆酥，綠油油既外皮係開心果混合酥皮，入口鬆化到好似剛剛出爐既千層酥，輕輕一咬就碎成香氣四溢既粉末中間餡料係濃郁開心果醬，尾韻帶點果仁既微鹹，平衡左整體甜度，食完嘴裡面仲留住堅果既餘香添然後有香蔥麻糬包，外皮係微微酥脆既麵包混入香蔥碎，一打開就聞到濃濃蔥香，好似街邊剛出爐既蔥油餅咁一咬落去中間藏住麻糬，軟糯彈牙，鹹香中帶點黏黏既幸福感整體味道好似係港式麵包同日式糯米糰既混血，鹹甜交錯，越嚼越香最後仲有甜品蜜桃奶凍，上層係蜜桃果凍，透明晶亮，裡面藏住細細既桃肉粒，咬落去多汁又清甜；下層係奶凍，奶香溫柔咁包住成個口腔兩層混合一起吃，好似飲緊蜜桃奶昔但更加輕盈，甜度剛剛好，十分滿足…查看更多
。眼見其他蛋糕款式也很吸引的，雖然很想試，但都不敢再試了，真係唔想再失望多次又難為自己個口。
