Friends Mochi Bread

營業中

休息中

今天早餐唔知食咩好，經過這間店有新鮮出爐好多味道選擇嘅麻薯包包，而且仲係有菠蘿皮同正常皮好特別。 而且價錢都係$ 7至8蚊。 忍唔住買埋比同事試吓先。個個讚不住口。 我自己食左紫薯味和咖啡味，口感Q Q，菠蘿皮不太甜配埋杯奶茶做早餐一流

今次買咗斑斕、芝士、紫薯菠蘿皮、黑芝麻同埋朱古力菠蘿皮每款都可以揀要普通/菠蘿皮斑斕味食落幾香 入面有少少椰絲！💚芝士味食落鹹香 不過可以芝士味再重啲💛紫薯菠蘿皮焗返熱之後微脆 裏面嘅口感煙靭紫薯味唔會好假💜黑芝麻味道幾特別 有少少芝麻糊沙沙地嘅口感 唔會好甜🖤朱古力食落好濃郁 面頭有朱古力粒粒 焗返熱食 勁香甜 煙煙韌韌🤎排名：朱古力＞黑芝麻＞紫薯＞斑斕＞芝士凍食朱古力味麻糬泡芙有啲似麻糬波波加入朱古力忌廉搣開爆曬朱古力忌廉🤎個cream幾香滑食落微微煙靭 唔甜膩 $20兩個嚟講 做下午茶一流

新開麻糬店 有好多味道選擇😃每款味道仲有可以揀菠蘿皮 輕輕翻熱岩岩好 幾煙韌 單價頗進取 久唔久過下口癮都唔錯😋 包裝都幾靚 送禮或做散水餅一流 開心果菠蘿皮麻糬 $12開心果醬幾濃 有開心果肉 有咬口斑斕菠蘿皮麻糬 $8味道幾香 食落仲有少少椰絲⛺️Friends Mochi Bread📍香港鰂魚涌海光街12號地舖#fml_quarrybay #fml_dessert #fml_mochi#鰂魚涌 #鰂魚涌美食 #鰂魚涌餐廳 #鰂魚涌食乜好 #麻糬 #麻糬波波#quarrybayfood #hongkongfood #hongkongfoodie #hongkongfoodblogger #hongkongfoods #hongkongfoodguide #hkfoodie #hkfoodies #hkfood #hkfoodblogger #hkfoodblog #hkfoodstagram #hkfoodlover #hkfoodporn

今次去食嘢之前，特登喺OpenRice download咗張9折coupon，$45就買到價值價值$50嘅coupon，真係好抵！大家千祈唔好miss咗呢個優惠呀！試咗幾款麻糬，質感真係好煙靭，咬落去好有嚼勁，好過癮！不過味道就偏淡咗少少，試咗幾個唔同口味，發覺同原味差唔多，可能係專登調到咁，岩哂我哋呢啲唔鍾意食太甜嘅人。另外要大力讚吓啲職員，服務態度真係超好，笑容滿面又細心，令人食得好開心。整體來講，今次體驗唔錯，尤其係用埋coupon之後性價比幾高，鍾意食麻糬嘅朋友可以試吓！

食完lunch行過，見到好多顏色同口味，買咗個朱古力味麻糬做下午茶提神，表皮係似菠蘿嘅皮，幾特別，入面就同平時麻糬差唔多，如果係流心朱古力就好啦，價錢只係8蚊，適合做早餐或下午茶

今日老公過去太古坊開會，離開既時候經過見到呢間mochi店，知道阿女咁鍾意食mochi，廿四孝爸爸即時買咗三款味道試下。個包裝唔錯，有透氣孔，唔會怕焗濕mochi。第一款試咗呢個紫薯味，面頭又菠蘿皮，聞落好香，食落覺得個味無想像中咁出，mochi個質地係好既，加上我地番屋企再焗翻熱先食，個菠蘿面少少香脆，直程有新鮮出爐既感覺。我地大家都最鍾意呢款咖啡朱古力味，唔會太甜，咖啡味好香。最後試咗呢款肉鬆味，總係覺得咸點之中，肉鬆同mochi係好夾既，呢個都唔例外。整體黎講，呢間mochi店性價比唔錯，仲要係爸爸特登買番屋企孝敬個女，我又可以乘機試新野，加倍味美啦！

亞囡今年聖誕聯歡會話想帶朱古力麻糬返學校分享，講到分享、做亞媽就唯有一早去買，又真係幾好味既，粒粒漲卜卜，咬落去每口都有麻糬，煙煙韌韌，亞囡就最鐘意朱古力同肉鬆，朱古力一咬開勁濃，點知老闆都話佢係最受歡迎喇，我就最鐘意咖啡，黑芝麻同斑斕，其實我一直都麻麻地斑斕，一直都冇勇氣去試，見佢係廚櫃咁靚，就試下，點知從此就愛上咗🤣新出有開心果，不過太早未出爐，冇緣試，見到仲有凍食，都幾吸引，但因為要趕住送貨比亞囡冇買，下次試埋先