Flames (黃埔天地)

營業中

休息中

Came for late lunch, ordered Fish & Chips & a steak, one soup as other half is not interested and a roast veg to share.Soup, was lukewarm when served, taste ok, no wow, a-okayRoast veg, served hotFish & Chips, freshly cooked. The only complain, would be great if batter is thinnerSteak - don't know where to start. It is so chewy, so chewy, like rubber

今年聖誕節，知道黃埔天地黃埔號有聖誕燈飾裝置影，所以呢晚就專登黎打下卡食下野係附近行行下見到呢間Flames出左聖誕餐，就諗住試下聖誕套餐包咗一個starter, 一隻燒雞同TBone牛扒 份量好夠3-4人食 燒脆皮春雞配栗子蘋果金寶: 大廚精心炮製，春雞肉質鮮嫩，juicy! 配以栗子、蘑菇以及蘋果酥屑等鮮香蔬果點綴，幸福感UP! 煎帶子雅枝竹蓉藜麥沙律: 帶子鮮甜，表面煎至輕微焦香，配以藜麥沙律，口感層次豐富，美味又健康 烤草飼28安士澳洲安格斯帶骨肉眼牛扒配薯條及沙律: 呢舊牛扒份量好大！肉眼扒鮮嫩多汁，28安士份量豐富，最啱同朋友開心share!

當晚大約八點入坐，當時大約八成滿，一入就有位坐。坐角落頭位，不過都好快落到餐。老公叫左燒春雞配薯條加甜品，我叫左crispy pork belly配沙律加避風塘雞翼。個薯條非常驚喜，好夠脆又唔油膩，好好食。其他野食都唔錯，燒春雞調味好又唔會太乾，豬腩皮真係燒得好脆，肉質又夠軟，雞翼個避風塘味調得好好，食得好滿足。唯獨係甜品細份左少少。之後食得好回味，就叫左支corona同杯mojito，mojito調得好好味道夠rich夠層次。成餐飯都好驚喜好滿足，一定有下次。*本人確認自行付費HKD475（港元四百七十五元正）作當日晚膳之用。*本人確認，當日晚膳概無使用任何優惠、試食優惠、獲提供任何用膳優惠或其他會影響本人對該餐廳的意見及印象的優惠，致使本人給予是次好評。*當晚進食前未知食品質素，故未有拍照留念。

本人同朋友去餐廳進午餐時，有訂枱的，一入門口，一個識講廣東話戴眼鏡男職員態度十分差劣，沒有笑容，講嘢陰聲細氣，又無禮貌，掛住同同事傾計，沒有理會過入黎客人，入座時，見到有一張闊枱，問佢可唔可以坐，佢話唔比坐，坐低水又唔比，另外餐廳十分嘈吵，落單完全無人理會，上菜速度非常緩慢，食物我食完朋友都未有，同埋食物質素十分差，煙肉煎燶曬，麵包非常硬，飲品要吹幾次單先上，未見過西餐廳質素咁差，十分失望，下次唔會再黎！！

星期六同屋企人晚反，而家做優惠，二人餐六折/menu八折。对比過後，選了全单八折抵好多。。我地八個人叫左2个pizza,2个10安士牛扒，沙律，炸雞，肉醬墨西哥脆片，1个意粉都不用$2000。。帶子沙律：正常炸雞：一般(唔试也不可惜)肉酱墨西哥脆片：好味。。酸酸地加超多拉斯芝士。。正牛扒：七成熟但偏熟，应试五成，但好香炭燒味，口感一流辣肉腸&另一有菠蘿pizza(忘了名)：正常

同同事farewell 又想坐得舒服啲傾下計，於是就卜左呢間西餐廳，聽講以前有semi buffet, 但疫情過後好似無左，可惜。我叫左1/2 葡式香辣燒春雞，可選配沙律菜/薯條/香草黃姜蕃茄飯。我簡左沙律。點知原來沙律都有啲芝士灑面同醬，其實幾好食。減緊肥食少少好啦。隻雞都算大，份量好夠，不過食落其實好似無乜辣味同葡式味，似一般燒雞多啲。可能要就番香港人口味。雞肉就正正常常，普通雪藏雞的口感，唔算太鞋。整體嚟講不過不失，ok la

Book咗8點半，一行8人早15分鐘到餐廳好讓職員預早安排。由於上場客人遲走未有夠鐘交枱，職員拎個餐牌叫我哋企喺出面等等+點住餐先大熱天時，有老有嫩企喺條街等咗30分鐘，至8點45分終於可以有位比熱到濕晒我哋(訂位意義何在??)坐低已經極速點餐，之後想後加食物及飲品。餐廳職員竟然話8點45分last order8點45分先被安排入座，8點45分last order？？？由於餐廳係收10點嘅，大家都諗住食快少少，唔好阻人收工。現場已經唔夠冷氣，食到大人細路都出晒汗。點知佢仲要提早半個鐘熄冷氣催你走咁....當初揀呢間餐廳，係因為見佢咁有多好評諗住試試佢，但我嘅親身體驗係一餐食唔飽，環境又嘈又熱，而且食物普通，職員唔Helpful嘅一間普通嘅西餐廳，成個用餐過程都係非常急，催點餐催埋單催你走....未試過有咁差嘅待遇。另外奉勸各位唔熱得嘅，真係要諗諗佢

強烈推薦炸魚薯條,魚肉鮮美緊緻,大塊厚切配上現炸的薯條，極致舒暢的美食享受，價格也非常的平易近人。 pizza也是有驚喜的手制意式風情pizza,薄身，醬料豐富，餅邊酥脆。最後推薦他們的自家製醬料炸雞,口味獨特值得一試! 餐廳的菜品都用料考究，價格卻都是平民售價。餐廳飲品也頗為用心，店員現場調製，而且用全日買一送一之後都是半價，超抵! 店裡目前有218牛排配任食薯條套餐，十分超值。店員熱情有禮,臨街大落地窗就餐環境輕鬆愜意。

第一次來哩間店，都系我朋友帶我來噶，話過來試試味道。哩間店環境系幾好噶，氛圍感好好，好適合聚會、情侶約會噶。不過我覺得性價比不是很高，屬於中高水準吧。我同朋友share了一份肉眼，叫左7成熟，份肉眼都幾厚身，應該有1寸厚，肉質非常軟淋，可能5成熟口感會更好，味道都幾好噶，唔會太鹹，有小小個仲炭燒噶味道。鎖住曬滴肉汁，一咬落去就充盈整個口腔，最享受這個時候了。

預約左 7個位，6大人 1小朋友，1嬰兒（網上預約有remark），book左6：45分，當日準時去到，佢就安排餐廳中間位置比較狹窄既8個位比我地，咁我就問可唔可以要有梳化既6人位置，因為有小朋友同嬰兒，有梳化位其實係比8個單獨位方便睇小朋友，但佢地就話無得轉，我問佢7人轉6人位都無得轉？佢就話等陣，可能去搵經理啦，咁條友黎到就講英文既就話無得轉，除非你7點走 （當時6點50分），如果唔係同屋企人食真係即刻走人，無下次。

約咗兩個朋友食晚飯傾下計，隨便揀咗呢間西餐試下，睇相環境都坐得舒服，OpenRice訂位又有折(正價餐牌7折)，所以就揀咗佢。但估唔到我一早訂咗位都要坐近門口，當晚仲要成間餐廳冇乜冷氣。入到去都full house，所以又熱又嘈，未食野先大打折扣。Menu選擇唔算多，我地小食、扒、意粉、pizza各叫一款share，再一人一杯mocktail 。黑松露薯條即炸嘅，但黑松露醬得好少，就係得面頭有味，所以食咗面頭果啲，後面就同普通薯條點茄汁冇分別。我個人偏向鍾意薯條還薯條，另外配黑松露醬黎點。蟹肉巴馬臣芝士脆脆蕃茄忌廉汁通粉通粉質地煙韌，蟹肉都幾多，蕃茄忌廉汁好啱配長通粉，另外面頭脆脆唔單止加咗口感，仲有微微咸香。意式辣肉腸薄餅薄餅質地似手工pizza，偏煙韌。即叫即焗，食落芝士可以拉絲，薄餅邊都脆。唯一佢每件pizza塊辣肉腸上面都加咗粒辣辣嘅蕃茄，唔食辣嘅要留意下。10安士肉眼扒配忌廉薯蓉先試薯蓉好滑好creamy。肉眼扒叫咗5成熟，小小肥，食落牛味算重，亦唔鞋口，熟到啱啱好。但都係普普通通嘅質素。整體環境都冇我想像中咁舒適，偏嘈，冷氣唔夠。食物質素就普普通通。如果冇折食，好貴，唔太值

今日同同事去黃埔Flames食嘢，本身同事好鍾意呢間餐廳食物所以再次幫襯，同枱連我有三個同事冇㨂到half buffet，然後同事拎完half buffet 之後share咗一舊食物比另一位食，然後侍應上餐湯嘅時候發現同事隻碟有食物碎屑，跟住就以審犯嘅態度加凌厲嘅眼神質問我同事食過咩，然後就話你冇揀half buffet 就唔可以食，你食咗就要比half buffet 錢，結果我哋有比返該同事嘅half buffet 錢。我明白道理的確喺餐廳方面，我哋理虧都明白，但原來偷食咗一舊食物嘅代價就係需要被審犯般迫宮兼認錯，我諗我哋唔使被報警話詐騙或寫悔過書已經萬幸。而今日餐湯有怪味我哋更加唔應該有任何投訴，因為去到餐廳已經見識過度自動門會壞攪到個客走唔到，如果有咩唔滿意我唔知會唔會需要被困直至認錯，我諗呢啲道德標準咁高嘅餐廳真係唔太適合我哋呢啲貪小便宜嘅小巿民。

同同事食過呢間店好幾次，地方坐得舒服。但食物真係一般，第一次食意粉好淡唔夠汁唔好食，二次risotto都係一般，湯唔熱，結塊，味道古怪。今日食第三次，燒春雞好乾，碗湯都係一貫作風地難飲。如果考慮加錢飲嘅就勸退了。最詫異係服務，我食咗同事沙律吧拎返嚟嘅食，就比店員審犯咁，一輪嘴問我隻碟上面嗰啲係咪嘢食，喺邊度嚟，係咪食物😨其實你好地地同我講話加反錢冇問題，唔需要好似審犯咁。基於服務差，食物一般唔會再嚟…

Walkin 入左 黃埔天地Flames職員介紹二人套餐 今日有六折⭐️香煎帶子南瓜蓉帶子煎得半熟 仲有grill 香 蕎麥三文魚子南瓜蓉配合剛好⭐️10oz 紐西蘭Reserved 肉眼扒厚身 五成熟煎得剛好個汁冇咩驚喜 配菜可以揀蔬菜薯蓉或者薯條薯條係用真薯仔整嘅 超級長⭐️帶子三文魚籽龍蝦汁點意粉龍蝦汁偏淡 似落左較多cream帶子有啲過熟隔籬枱食燒春雞好似幾大隻下次可以試下飲品方面餐廳有做Cocktail/ Mocktail/ Wine Pairing就好似買一送一我同男朋友叫左2 杯Cocktail💫Lychee Loving 唔會太甜 足夠vodka 好飲💫Peach Sparkling Lemonade 有少少藥水味 再酸d好d 冇咩sparkling 感覺甜品係Homemade cake 我地簡左每人一件Blueberry cheesecake 地址： Flames (黃埔天地) (紅磡)紅磡黃埔花園2期錦桃苑地下G10B號舖

食過Flames嘅lunch set覺得唔錯，今次嚟試吓晚餐，同友人嗌咗個二人套餐試。香煎帶子 配 南瓜蓉帶子嘅表面雖然煎到少少燶，不過入面煎得啱啱好，唔會太熟太嚡口，配埋啲三文魚子、藜麥、南瓜蓉咁樣食，個味道幾Refreshing，表面嘅燶正正平衡到魚腥味。香煎三文魚 配 松子仁炒菠菜苗三文魚皮煎得香脆，魚肉頗滑，本身有少少調味。幾欣賞佢炒嘅菠菜，毫無菜腥味，唔會太咸。略嫌佢又有三文魚子，呢個親子丼配搭個人覺得一般，夏威夷薄餅欣賞佢嘅菠蘿係一大片，可以按自己喜好慢慢切嚟配pizza食，唔鍾意食就可以直接成塊挑走。pizza皮邊焗得脆，不過個麵團比較煙靭，食嘢鍾意有咬口嘅人可能會幾鍾意。自家製甜品 - Blueberry Cheesecake and Passion Fruit Chocolate Mousse Cake 食完飯配埋甜品簡直完美兩款甜品都正常，比較有驚喜嘅係chocolate mousse cake唔甜唔膩，可以好快就食晒呢餐整體都幾好食，不過性價比較低，間唔中有特別catch up可以去食嘅。