FIVE GUYS

營業中

休息中

今日終於同frd試咗觀塘新開個間fiveguysssss🍟！快餐黎講價錢唔算平 但都真係高質既～最impressive就係啲薯條叫咗regular size$50🍟岩岩買即刻食 熱到辣手 咬一條食落口 外脆內軟 又鹹又香勁惹味🍟攤凍少少食都仲係脆身既！正到呢！☆之後叫咗cheese hotdog$60同bacon cheese burger$75🌭🍔hotdog同burger我覺得burger正啲！hotdog個腸仔係一片唔係一條長腸咁有啲似jumbo腸切開加芝士🤣🌭burger啲磨菇同牛肉口感比較juicy同芝士都match啲🍔🍔🍔😝！不過hotdog有酸瓜burger無～但其實我都幾鐘意食酸瓜 如果burger都有就好！☆同朋友每人叫咗杯milkshake～我個杯係strawbery milkshake$55🍓🍓最上面加咗whipping cream～個texture幾smooth～中間有果肉可以咬～但個人覺得味道偏甜咗啲🙈下次可能叫汽水算🤣🤣☆唔知係咪外國人真係重口味少少🤔我覺得食物連飲品整體都係算重味薯條hotdog個啲食落覺得鹹 milkshake飲落就覺得甜但都算幾正下次再

Shake shack, five guys 同in n out都係我美國留學時候嘅回憶。香港個價錢一定唔夠美國平，不過嚟呢度食既原因應該都係因為食回憶，或者打卡個Menu同美國個一樣，我自己習慣叫all the way（有齊餐牌上黑色嘅topping）, 大家可以因應個人口味叫topping，除咗煙肉同埋芝士之外，其他topic都係免費。好似其他美國快餐店咁佢哋都會標榜自己嘅milkshake,今次我就叫咗佢milkshake 加bacon同我一齊食果人咗個little chessburger,望落個直徑一樣大，睇返中文先知原來little係單層漢堡。唔想食咁多肉嘅人就可以叫Little。另外仲見到佢有個冇包option，進行緊生胴飲食嘅人可以叫。味道同美國食一樣，今次外賣冇拎到花生，但係我喺美國嘅時候有無限花生可以refill.唔知香港分店係咪都係一樣最後要講一講milkshake,加咗煙肉以為會好特別，但係飲落係好普通，仲想鬧一鬧支飲管，太幼，出盡啜奶嘅力都飲唔到，建議大家可以自備珍珠奶茶飲管攻略：topping 記得揀燒洋蔥同埋蘑菇，呢兩個top平其他地方通常都要加錢奶昔top

Five Guys 呢啲外國餐廳一定要試嘅係佢嘅Milk shake，完全係另一個層次，好正，不過真係好肥😋因為可能新開張嘅關係，同埋夜晚禁堂食，所以排隊同埋攞返啲嘢食都等好耐。買完之後我就拎上車食！不過排緊隊嘅期間，睇到佢嘅薯條好出名，之後就叫做一包，係真係好好食嘅，但係好多味精，好似麥當勞嘅shake shake薯條咁不過佢啲burger真係幾好味😋但係價錢相對上都幾貴，自己就真係唔會特別去食，純粹今次經過觀塘，撞啱新開張先試吓

快啲同朋友講Five Guys觀塘分店終於開咗啦！！！相信鍾意食burger嘅人 一定有食過Five Guys~不過之前去試 最近都要去到尖沙咀食以家喺觀塘APM開咗 真心方便好多!!!!5Guys最特別嘅位係burger配料係可以自己選擇同埋都係超大份量~~嗌幾多配料都好 都係free㗎超正 感覺上好似賺咗咁我每次都係嗌All the way 配料多到癡咗線XD-✨Bacon Cheeseburger 🍔 $95Bacon Cheeseburger同Cheeseburger最大嘅分別就係 多咗幾塊bacon🥓但個人覺得啲bacon口感偏硬 唔太出味唔太值得加$10蚊去換嗰幾塊bacon🤣所以下次食 都係會嗌返cheeseburger~而burger方面 佢有分到regular size同littleLittle burger嘅大細同M記飽相似入面有一塊牛肉~Regular size就真係好誇張地大 有成兩塊牛肉加埋啲配料一啖都咬唔曬個包所以比較推薦女仔嗌little burger~因為regular size真係會飽到上心口🥲但不得不說 其實Five Guys只算係一間比較貴嘅快餐店

觀塘開左Five guys，日日都排長龍。之前食過TST果間，今次試下KT。味道食唔出分別啦，但個包包得好醜，扣分！Burger肉排係份量大嘅，所以嗌small size反而對女仔嚟講岩岩好。薯條係必點嘅，係連皮即炸，好香口！細細杯但都好飽肚。仲叫埋一杯beacon加花生醬milkshake，講真算係有D多，超飽，覺得有D太甜，飲唔出beacon味，但花生醬味就好濃郁。

[🇭🇰香港- 觀塘].🔻好美式嘅Cheeseburger有兩塊超濃牛味嘅扒,配料同醬汁任你加 🍟薯條嘅話Cajun Style正過Five Guy Style 🥤Oreo Milkshake都超正,不過最好就2個人share一杯;食完真係超飽超滿足🤰🏻.🔻🍽 Five Guys📌 地址: 觀塘觀塘道418號創紀之城五期apm大堂C2號舖.#tummysready #tummysreadytoeat #tummysreadyinhongkong #tummysreadyatkwuntong #tummysreadyforwestern #tummysreadyforamerican #tummysreadyforburger

觀塘區終於開了間Five Guys👏🏻👏🏻， 位於觀塘觀塘道418號創紀之城五期apm大堂C2號舖， 之前經過灣仔的分店見到大排長龍， 好想試但沒有時間排隊。 觀塘分店裝修以紅白色磚為主調， 開放式廚房， 餐廳播放著音樂， 令客人和員工都感覺非常輕鬆。今次試下Cheese Burger $85、Little Bacon Cheese Burger $75、Strawberry Milkshake $55、Soda $35。🔴Cheese Burger🍔～ 招牌芝士漢堡份量勁， 選用免治牛肉肉汁豐富， 配料有生菜、番茄、酸瓜、洋蔥蘑菇和蛋黃醬， 整體感覺好豐富， 絕對值得一試。🔴Little Bacon Cheese Burger🍔～ 其實都唔係好little， 份量適合女仔， 加了煙肉更香口。🔴Strawberry Milkshake🥤～ 士多啤梨奶昔好飲， 口感滑溜， 配上忌廉， 超級邪惡！🔴Soda🥤～ 價錢ok，都幾大杯。burger味道唔錯， 最正是奶昔🤤， 香滑好飲， 但整體價錢相比起就偏貴。

今日🍄🍄番公司途中，經過APM新開的Fiveguys, 之前成日聽其他人講幾好食，所以外買了一個cheese n bacon hamburger, 配料係免費任揀的，所以🍄🍄揀左生菜、炸洋蔥、磨菇、蕃茄配燒烤醬等。唔知係米唔係即刻食🤔，大約10分鐘番到公司，打開果包，麵包係『林』既，（可能和醬料份量有關？）賣相真係麻麻🤦🏻‍♀️不過味道係ok既、牛肉漢堡好夠份量、而且鬆軟、調味適中；煙肉出奇地脆和好食喎😋，$95貴唔貴？見仁見智勒！🍄🍄係覺得有點貴，試過就算了！聽聞薯條話係唔錯，但因為佢全部都係分開賣，無套餐，薯條單買又真係有點貴，所以🍄🍄又忍住了手和口🤣APM呢間面積都好大，有唔同的座位區，有機會堂食再試真d質數！

五兄弟 FIVE GUYS#Hamburgers#Sandwiches#Hotdogs#Kwun Tong#Baconburger//Cheeseburger //Regular Fries//Soda🥓Baconburger $85兩塊厚厚嘅肉又實又juicy，肉汁多漏曬出嚟，夾喺入邊嘅蕃茄唔會軟林林超爽口，又可以中和翻下面鹹鹹嘅煙肉，超飽超夠食！其實burger仲有一個細啲嘅size揀，就得一層肉，胃口細就可以嗌細款！🍔Cheeseburger $85厚厚嘅芝士食落有啲膩，好快就覺得飽，要配埋薯條同埋汽水先冇咁膩。一個女仔食cheeseburger 可能會有啲多，如果細食嘅話可以揀little cheeseburger，但cheeseburger嘅味道係好食嘅！我哋叫左all in料，口感好豐富，亦都有蕃茄解膩，非常推介all in。🍟Fries(Regular) $50正常兩個人食嘅建議share regular size嘅薯條就已經夠曬飽(薯條愛好者都可能飽到頂唔住🤣)，不過鹽落得太多有啲鹹，可以走鹽之後自己另外落。其實仲有得加Cajun 一款辣香料，不過因為想食原味所以就冇嗌

難得地開到黎觀塘 梗係要試試佢😬餐廳主打即叫即製漢堡包好彩當日11點幾就黎到 之後就見到好多人😆—————————————————🔻Little cheese burger $65猶疑左好耐 好彩嗌左small!!個size份量剛好👍🏻麵包夠軟熟餡料有酸瓜 磨菇 生菜 蕃茄 洋蔥牛肉充滿油香 夠juicy😬***🔻Regular fries $502個人食既話small就夠了而家多到食唔哂🙈來自荷蘭既薯仔連皮切粗條再以純正花生油炸 十分香口😋***🔻Peanut butter milkshake $55非常特別既花生醬味🥜 鹹鹹甜甜咁幾過隱😆***廚房係open kitchen見著佢地一路整野食一路講笑成個氣氛都幾好😆😆😆By M

成日經過APM商場門口，心裡都不禁地問:「間Five Guys幾時先開㗎？」等完又等....終於比我等到啦，正式1/25開幕🤩新開幕多人排隊都好正常，好彩我都唔係排咗好耐姐👏🏻見到地上一包包薯條確實幾震撼！Five Guys嘅burger出名就好多人都知，連Obama都係粉絲，叫咗個Little Cheeseburger，肉質juicy之餘有成15種toppings任加，貪心嘅我樣樣都想加，加到我都唔係咁好意思🙈雖然叫咗細薯條，但份量多到滿瀉晒落個袋度，我諗果度起碼都有1.5倍，另外仲加咗杯蕉+朱古力味嘅Milkshake（職員推介），係好飲但就勁溜，飲到一半就放棄咗啦🙈食個高質快餐咁就百幾蚊，間唔時豪下就好啦😆

最近新開張嘅觀塘分店😍​🍔份量好大 有兩塊牛肉 仲有好多配料​牛肉係即整 所以熱辣辣​但係其他配料係凍嘅 溫度唔係好平均​同埋🍔太大食得有啲論盡😂​​🍟大大條 但係太鹹🤢​每一口都食到有粗鹽🥴​​Milkshakes有點貴 但係幾好飲​仲有好多種口味可以揀～​我揀左士多啤梨味 入面係有果肉㗎😋​​

📍Five Guys登陸觀塘‼️ • 招牌肥仔奶昔😋🍼·==========================觀塘APM上星期迎嚟Five Guys第四間分店，住東九龍嘅朋友就唔洗去到咁遠試啦🤣🤣其實小編之前喺中環分店食過佢哋嘅漢堡覺得超失望....不過聽唔少人話奶昔唔錯，所以就決定比多次機會‼️呢到嘅奶昔配料有好多款，仲可以任揀！例如香蕉、朱古力、海鹽焦糖、花生、煙肉都有.....🤣真係好難揀🤭‼️—------------------------------⭐️Milkshake (Peanut butter, Salted Caramel, Bacon) with whipped cream($55) 奶昔都幾大杯，建議可以同朋友仔share飲🤣第一啖啜落去其實乜都飲唔到，因為奶昔個texture真係勁爆rich🤣好難吸上嚟🤣奶昔冰感十足，加埋whipped cream好有奶香，令口感更滑身😍花生醬味非常搶fo，味道好濃郁好香😋🤤聽過唔少人話加煙肉好好飲，就一於trytry佢😹😹本身仲諗緊會唔會好奇怪好伏，但估唔到竟然出奇地夾‼️‼️真心驚喜🤣煙肉粒混合喺奶昔之間，口感香脆，好有鹹香，同花生醬

今次試食一間新開張，位於APM嘅連鎖漢堡包店，之前無喺其他分店食過，所以有唔少驚喜!!眼見店內面積好大，亦有唔少座位及企位，排得唔算密，空間感比較闊，成間分店以紅、白為主色，加上牆邊有唔少英文報紙嘅節錄作裝飾，好有美國傳統快餐店嘅感覺。我係平日下午3點半左右去到，排隊點餐加等候拎野食大概用咗10分鐘，即刻搵個靚位坐低開餐。為咗盡量試多小小唔同嘅野食，我叫咗一個雙層芝士煙肉漢堡同埋一份細薯條但點都無諗過份量遠超我想像，薯條有杯仔裝，但根本多到滿曬多嚟，半個紙袋都係薯條，大約等於M記2包大薯條，仲要係加粗版，收到嘅時候好熱，炸到條條都好脆，但我略縑佢鹽比較多，唔叫野飲會覺得有啲咸。另外漢堡方面，落單時揀完芝士煙肉等，可以逐樣配料order，而唔係要走呢樣走嗰樣，自由度大好多，我就揀咗，雙層芝士煙肉，配生菜，茄汁同牛扒醬，一打開包裝，眼見唔少醬汁同融化嘅芝士流出，即刻咬一尚啖睇下里面肉嘅情況，質地比一般漢堡肉嫩，好多肉汁，牛肉味混雜埋啲芝士，十分邪惡。但最值得一講嘅反而係墊底嘅煙肉，如果你仲係小朋友，煙肉同芝士只可以二揀一，我強力推薦煙肉!每一片都脆卜卜，又甘香，配合返比較腍嘅漢堡，一軟一硬