FIVE GUYS

營業中

休息中

【觀塘人氣美式漢堡店 味道不過不失】一直都好想試吓呢個據稱係美國🇺🇸最受歡迎嘅漢堡店Five Guys，咁啱經過觀塘APM見到冇人排隊就叫咗個Little Cheeseburger🍔試啦，水準不過不失，可能係我期望太高😢🍔LITTLE CHEESEBURGER 💰70(5.5/10)Cheesebureger用錫紙包住，入邊嘅漢堡扒🐄冇乜味，唔鹹唔淡咁，配上半溶芝士🧀都OK，配料有烤過嘅蘑菇🍄、洋蔥🧅、蕃茄🍅、生菜🥬等，好豐富，所有配料都可無限任加，不過成個包好似好濕好淋，令到整個漢堡好軟淋淋咁，賣相一般般，而成個包都唔係好夠熱♨️，下次唔會再試😔..〰️〰️〰️〰️〰️〰️〰️〰️〰️〰️〰️〰️〰️〰️味道👅：5.5/10（比老麥好食少少only）環境☺️：6/10服務🙇‍♂️：5/10抵食💸：3/10（性價比低，一般般）〰️〰️〰️〰️〰️〰️〰️〰️〰️〰️〰️〰️〰️〰️🍴Five Guys📍觀塘觀塘道418號創紀之城五期apm大堂C2號舖Shop C2, Concourse, Millennium City 5, apm, 418 Kwun Tong Road, Kwun Tong〰️〰️〰️〰️〰️〰️〰️〰️〰️〰️〰️〰️〰️〰️

雲尼拿奶昔（$55）🥤加oreo 曲奇賣相：🐧🐧🐧🐧味道：🐧🐧🐧🐧🐧奶昔大大杯以店舖自家製紙杯盛放，頂端唧cream 企身美觀，賣相不錯。味道方面，雲尼拿味足，奶油味香醇濃郁，甜度適中。口感順滑，搭配oreo 曲奇碎更有嚼口。薯條regular size ($50)賣相：🐧🐧🐧🐧味道：🐧🐧🐧🐧🐧薯條量極多，紙杯滿載之餘，更有不少瀉在紙袋內，非常抵食。薯條色澤金黃不會過燶，尚算乾身不太油膩。味道方面，薯條口感外脆內軟，十分香口。鹽量適中，鹹度足，不用額外添加醬料已經十分惹味。煙肉芝士熱狗（$80)賣相：🥚味道：🐧熱狗以錫紙包裝，就算即場打開食用，內裡麵包亦以皺作一團，極不美觀。熱狗腸不知為何要中間切開一半奉上，尺寸偏細偏幼。煙肉、芝士尺寸跟熱狗包相約。熱狗腸、煙肉油淋淋至反光。味道方面，熱狗包已被錫紙焗至過冧過軟，口感不佳。熱狗腸、煙肉味道一般，非常油膩。芝士味道偏淡，毫不突出。$80一個熱狗包如此質素，非常不值。等候時間：🐧🐧🐧🐧假日下午4點幾下單排隊至成功領取，約需時15分鐘左右。服務：🐧🐧🐧部分店員不懂廣東話，需以英文下單。店員親善有禮，如有需要會詳細解釋配料選擇，並耐心等候客人下

首次試Five Guys係喺灣仔店，今日行觀塘咁啱見到，於是試下唔同分店。是日週末，同平日午飯時間嘅灣仔店唔同，唔使排隊且座位只有六成被佔。因為顧客唔算太多，所以樓面清潔跟得上，衛生情況良好。Five Guys份量好足，所以兩個人都係一人一個Burger，細薯條同士多啤梨奶昔就兩人分。但即使係咁都覺得非常飽。Burger飽身同漢堡扒都足料，而且好多肉汁，不過因為咁令飽身有啲濕，未必人人鐘意。總括而言觀塘店維持Five Guys 一貫水準。

Five Guys開左禁耐終於來試下🤣👌🏻士多啤梨奶昔 ⭐️⭐️⭐️⭐️⭐️/5🥤奶昔好好味👍🏻叫左士多啤梨🍓奶昔那店員講原來可以一杯奶昔有禁多隻味😂最驚奇係見到有**煙肉味**…真心唔禁挑戰薯條🍟⭐️⭐️⭐️⭐️⭐️/5堅好味🤤叫左辣味薯條🍟其實個味係似熱浪味薯條😛好好食😋同埋薯條係即炸，又脆又香 岩哂薯條控來芝士牛肉漢堡⭐️⭐️⭐️/5無咩驚喜😂味道正常食材好熱好新鮮😳🤝得閒經過會再來食😀好鐘意佢既薯條🍟同奶昔🥤

🐱🐷Five Guys 經過咗好多次都冇入去食 因為太多人喇！ 今次放工早少少去到 又係堂食嘅最後兩日 一於把握機會試試佢💓好多人第一次食都應該會揀佢嘅漢堡包 toppings任揀🤩但今次揀咗佢嘅cheese beef hot dog嚟試 玩法都係同漢堡包一樣 可以揀自己鍾意嘅配料～我地揀咗生菜🥬蘑菇🍄蕃茄🍅蛋黃醬🥚第一次食牛肉做嘅熱狗腸 幾香濃 好襯芝士同蛋黃醬🥰另外叫咗個大杯嘅辣粉薯條，啲薯條係新鮮炸起 熱辣辣🔥好鍾意佢連埋片 所以好香薯仔味😚啲辣粉好多會集中喺杯嘅上層 所以食之前最好倒落個袋到shake shake佢先 咁就啖啖都食到個辣粉🤪不過大杯真好多 兩個人食都有啲多最後緊係唔少得佢嘅milkshake☺️呢杯只係揀咗Oreo 諗住清清地試試個味 真你好好飲 同快餐店嗰啲原全唔同 係似嗰啲milkshake 專門店嘅味道❤️ （唔少心偷飲咗兩啖🤪本身係滿嘅）-🐱🐷總結：兩個人第一次食嘅話可以嗌一個包 一個薯條 一杯milkshake已夠飽🤣下次會再嚟試試其他野食❗️注意：食完野要自己扔垃圾⭕️因為佢所有野食都會用個大紙一次過裝比你 你可以食完用個紙袋包番好 再扔落垃圾桶✅

今日經開APM，由於未夠六點，舖頭冇乜人，完全唔使排隊。兩個人叫咗一個hamburger, 一個cheese burger, 薯條(little), 朱古力奶昔。價錢都唔平，總共$280。大概等咗5分鐘左右啲食物就有得拎，都熱辣辣嘅。每個漢堡有錫紙包住，薯條就可以自行揀茄汁仲有醋選擇。漢堡感覺上冇其他餐廳咁鹹，份量都幾大，食完都幾飽。薯條唔記得叫佢走鹽，覺得鹹咗少少。我哋叫咗little size, 但分量好多下，兩個人一定夠食。有興趣可以試吓點醋，其實都幾夾。另外叫咗朱古力奶昔，味道幾好，又唔會太甜。總括來講，食物質素都幾好，價錢貴，性價比唔算太高。未必常常會食，但都值得一試。

今日放Lunch嚟到Five guys食晏，好多空位慢慢揀，可能價錢偏貴，少啲人會返工嚟食晏。叫咗個Regular size嘅薯條🍟再加Cheese Hotdog，Hotdog同Burger 都係可以再揀Toppings ，今次Hotdog我揀咗Tomato、Onion、Grilled mushroom同BBQ sauce。薯條畀咗超大份我地，Regular size但多到兩隻杯都裝唔哂🤣🤣，炸得好香脆，食唔停口，但略嫌太多鹽，有啲咸。至於熱狗🌭️有啲失望，食落凍冰冰，之前食普通熱狗係暖啲，加咗芝士只係覺得好漏，因為隻狗凍嘅，啲芝士溶唔到，食落麻麻… 下次唔會畀多10$，叫返Hotdog (55$)仲好。

第一次食Five Guys排隊排左粒幾鐘，第二次已經唔使排隊，第三次在觀塘APM已經冇乜人，其實細細品嚐呢個漢堡包，發現肉質係真係唔錯嘅，尤其加上新鮮蔬菜，香濃芝士係好吸引嘅，不過唔可以成日食，因為都幾肉赤，今次食咗佢嘅辣薯條有啲似熱浪薯片囉！最重要杯無糖可樂可以添飲呢個係開心嘅！完！#漢堡 #fiveguys #fiveguysburgersandfries #bloggerivyso#ivyso #hamburger

【Five Guys。Kwun Tong】我知我知，呢間食店開左好耐，有時行過見人多，又怕等，所以一直無機會黎試。.今日終於人少少，入黎試左。.美國大型連鎖漢堡包店，雖然係快餐店方式運作，都係標榜鮮製食品。開放式廚房，整個製作過程都見到，食得安心😆.因為無 Combo，唯有分散點餐。❇️Cheese Burger💰HKD 90先唔講價錢，Burger 本身都大個，麵包 / 芝士 / 生菜 / 漢堡肉，一層層係好清晰。令我最深印象係外層既錫紙包裝，並非用一般既蠟紙，用上錫紙醬汁無咁易滲透，食起黎會較「乾淨」。食得「乾淨」，可能係我一箱情願...，FiveGuys 漢堡包確係又大又厚，醬汁滲出標晒出黎，我最後都食到成手汁😂.黎Five Guys，真係唔好用新識拖友黎，易出事，出洋相🙈🤡😆😂.整體方面，用餐感覺係唔錯，味道略厭比預期中淡味，因我會預期肉汁會較多，但實際係有少少乾。醬汁多與肉汁多係兩件事。其他食材配菜係新鮮。..薯條方面，$45 係細Size，但份量一d 都唔少。因茄汁係任添任加，茄汁控岩晒👻.除左茄汁任添之外， Soft Drink 都係任飲🥤🥤.食到成手汁，食前真係要預備定濕

當天我是去食午餐，去到APM 路過諗住試下新嘢，點知就後悔莫及⋯⋯未試過咁嘅質素嘅食物，竟然收這個價錢！？！真心啲嘢食又貴又唔好食，又冇乜選擇，本人未試過寫食評，估唔到第一次寫就係寫劣評，佢哋啲Burger 麵飽已經唔得，最搞笑就係啲bacons 係炸燶晒，牛肉無味又乾，成個包根本唔值$75，中size薯條叫做味道好少少,但價錢都唔平（$55），最後，嘢飲我叫咗杯奶㛭，好甜好漏，我食金完這餐整個下午都頸渴都不得了，總言，絕無下次

頭先食晚餐，飲咗杯麻麻哋既奶昔咁岩經過Five Guys就要入去飲番杯奶昔彌補一下心入面嘅缺陷門面每間分店都一樣樣，一樣feel餐牌自選奶昔 $55揀咗香蕉，士多啤梨，雲呢拿 係好杰既質地重奶味仲食到士多啤梨果肉

下午4點半左右非繁忙時間，點了mini cheese burger, 包面凍冰冰。有點失望。milkshake 我覺得太甜。應該不會再去。朋友點了bacon burger 及薯條。薯條正常ok。這店沒有花生任食，可能疫情關係。

Five Guys 係香港開咗咁耐終於有機會試食啦，平時食shxxx shxxx就食得多今次咁啱出咗嚟觀塘拎野又見到有Five Guys即刻入去試下。一行入去間鋪好大，一眼睇晒餐廳入面嘅都係南亞裔人，所以落單都係要用英文。我叫咗個單層漢堡，15款材料都可以任叫，選擇困難之下我叫咗10款材料，餐廳有堂食位置但係佢所有漢堡包都會放咗入紙袋。大約等咗5分鐘就有得食啦！佢用咗錫紙包好，漢堡包嘅大細大過拳頭，肉質好juicy，麵包亦都好鬆軟，而且溫度唔會太熱一食就入得口，配埋我選擇嘅材料我會比90分

當Five Guys 進駐香港時，大家都抱著期望。之前太多人排隊未能一試，今日見不用排隊便開心想試一試這出名的漢堡包店，可惜今日一試，確實失望。沒有套餐，全是單點。價錢比起其他漢堡店屬偏貴，點了一個小芝士漢堡和奶昔。奶昔很好味，有很多士多啤梨，但價錢偏貴！ 芝士漢堡包的牛肉完全沒有牛肉味，質感很鬆散，麵包一般，沒特別。不知是否不同分店有不同？總括來說，覺得這價錢應該可以食到相同質素的漢堡包，可惜！ 幸好奶昔是好味的。

之前同朋友講開burger and fries,友人提過five guys,今日去apm食個quick dinner,決定試吓five guys. 2個入到去order 咗一個little cheese burger, 一個BLT with cheese 加一個soft drink, $200😳burger 味道ok! bLT 煙肉香脆但太鹹！但係2個包都係唔熱😞早知去…..另外想叫暮條，但係見人哋order咗嗰啲炸得有啲燶，所以冇叫🤭