Fable

營業中

休息中

依間真係miss左個街口都未必搵到🤣係軒尼詩道一路行，要轉入條巷仔行到尾先見到個燈牌，所以間餐廳先叫巷見(?)夜晚都有tasting menu，特別佢啲龍蝦料理都有料到，推介龍蝦愛好者要黎試吓！Dinner tasting menu ($398/pp)—— Lobster Bisque Soup 個湯慢煮加埋奶油，質地好creamy，龍蝦味好濃厚，仲有埋龍蝦尾肉幾重本！！—— Tuna Tartare 吞拿魚配搭牛油果、豉油同芥末，加埋紅蔥頭更有口感，好開胃嘅前菜—— Meatball 香濃醬汁，醃得充滿香草味，肉球容易一篤就分開啲肉—— Lobster Mafaldine呢個差唔多每枱必叫，有大大嚿龍蝦肉，仲講明係新鮮㗎！最特別係波浪意粉，好掛汁又彈牙，醬汁濃稠好好味😋—— Beef Ribs (+$58)值得加錢叫！成條牛骨連肉上，每塊好厚切，牛肉味超濃郁，油脂感較重，叫medium rare食落好軟嫩；配有三款醬：阿根廷青醬、法式胡椒醬、黃芥末，青醬最開胃解膩！—— Cream Brûlée 甜品就一般🫣面層嘅糖得一半燒到，唔算特別滑，勝在唔係好甜🌟推薦指數：8/10▫️▫️▫️▫️▫️▫️

Fable是隱世的法式小餐館，店面色彩鮮明，帶有法式風情。餐廳內部有一棵高大的樹，氛圍綠意盎然，讓人感覺放鬆。壁燈散發柔和的光線，牆上掛著精緻的藝術畫作，營造溫馨而浪漫的用餐環境。四道菜的Dinner Set($398)，前菜、主菜和甜點，每一道都別具風味。前菜法國鵝肝吐司 (+$48)鵝肝的奢華滋味，多士酥脆可口，充滿牛油香氣，配上豐腴的鵝肝，入口香氣四溢，讓人一口接一口。吞拿魚韃靼新鮮的吞拿魚他他，質感綿潤，配上清新的檸檬汁和青瓜，既清爽又鮮甜，為味蕾帶來精緻的享受。熱湯椰菜花忌廉湯十分濃稠，拌勻忌廉，奶香柔滑，法包粒吸收濃湯，香氣迷人。主菜龍蝦汁芝士波浪意粉配虎蝦波浪形的意粉，掛滿濃郁的龍蝦汁，虎蝦肉質紮實，每一口都充滿海鮮的鮮味。意式麵條十分煙韌，加上清新的番茄，提升誘人的鮮香，令人垂涎。法式奶油白酒燉雞配飯雞腿在奶油白酒汁中慢燉，香氣撲鼻，肉質嫩滑。把香噴噴的蘑菇忌廉醬，倒上米飯，搭配綿密的薯塊、蘑菇，讓人沉醉於醇厚的口感。甜點提拉米蘇Tiramisu鋪上滿滿咖啡粉，空氣感十足，醇厚的咖啡香散發口腔，口感輕盈，令人難以抗拒。法式焦糖燉蛋敲開焦糖表層，燉蛋軟嫰柔滑，甜度柔和適中

係灣仔巷仔嘅一間餐廳當日我地揀左dinner set<吞拿魚牛油果他他>沒有特別的調味 係預期到嘅口味配搭<藜麥堅果雜菜沙律配芝麻醬> <和牛肉丸配意大利紅醬> 肉丸係幾軟熟 <慢煮羊西冷配法式紅酒奶油醬> 羊煮得好林好入味<龍蝦汁芝士波浪意粉配蝦><Fish and Chips> 有驚喜 魚炸得好脆而魚完全食唔出係雪藏<肉醬波浪意粉> 加左香料 有啲墨西哥菜嘅味道

餐廳位置隱蔽餐廳入面環境一般 適合打卡服務質素一般食物質素差 味道差本身想試下佢社交媒體網站所謂既「老火龍蝦湯」點知佢哋話今日冇 冇說唔好係社交媒體網站 寫風雨不改黎呃人本身想試佢steak 不過睇相覺得麻麻 所以冇叫叫左3個pasta, 1個奶油白酒燉雞飯3個pasta 冇驚喜，味道差食物賣相還好一食個下我以為我自己味覺壞咗其中有2個pasta 好乾唔似社交媒體網站上面所寫掛汁意粉黎講佢真係做得幾差下出面大把手工意粉好食過佢去到甜品都好一般平時我唔會浪費時間打一篇食評第一次寫食評 我比左呢間Fable希望唔會再有人比呢班垃圾口Foodie呃到！

難食到都唔知講咩好 叫佐個龍蝦汁麵 龍蝦汁呢？ 188 比個蕃薯汁麵你加幾隻唔新鮮既蝦仔叫佐個200蚊既雞隻 d汁係同清水一樣 個名好好聽D雞肉好似食緊紙皮甘 同雙餸飯比 雙餸飯真係好味太多

縱然佢位於一條毫不起眼的（好多人會落樓呼吸的）小巷，但正正因為咁就特別起眼。reserve 張枱嚟吃個商務飯，得體又輕鬆。果日叫咗 3個 three courses lunchStarter:吞拿魚牛油果tartare 滿滿吞拿魚香，配牛油果🥑帶出佢嘅鮮Main:手撕牛頰肉醬手工寬意粉個份量偏細，作為女漢子覺得唔算夠的，但佢嘅牛面頰好香，醬汁酸甜度適中，麵質咬感不俗。Dessert:Tiramisu好出色，酒度唔濃唔淡岩岩好，個cream打得心好香滑！我另外兩位同行叫咗：前菜：和牛肉丸配意大利紅醬主菜：法式奶油白酒燉雞配飯同牛扒薯條配蒜香蛋黃醬因為商務會議關係，唔好意思影人碟dishes 😆 但問返佢哋都話好好食，而有人甜品叫埋Crème Brûlée，話好好食！你話點會唔再嚟試返菜丫？！ 而果日食飯時有人生日，全場都一齊唱生日歌，務求令果位人兄紅都面哂😆想講，職員好好，所以令到大家咁有氣氛！

🍴Lunch 3 course $188和牛肉丸配意大利紅醬 (7/10)和牛肉肉丸食落去都有牛口感同牛味蕃茄醬酸酸哋加埋芝士都幾惹味嘅，黑椒味同埋有少少辣係咪？！吞拿魚牛油果韃靼 (8/10)吞拿魚蓉用豉油撈過，有少少鹹味，下面嘅牛油果都好新鮮！龍蝦汁芝士波浪意粉配虎蝦 +$28 (9/10)蝦意粉好有驚喜，龍蝦汁係好香濃，但係少少微辣，個粉係卷卷粉，係好有口感好汁，啲蝦都好大隻爽口！法式奶油白酒燉雞配飯+$38 (8/10)咁蘑菇奶油燉雞，但比較清香，奶忌廉唔算好濃，鹹鹹地嗰種，啲雞都好軟腍，唔會好嚡口入邊有啲蘑菇啊洋蔥紅蘿蔔都幾清香嘅！法式焦糖燉蛋Creamy好重奶香忌廉味，個焦糖係脆，不過比較偏甜少少！提拉米蘇Tiramisu係超重酒香，真係好Creamy！推薦指數: 8/10真係灣仔嘅隱世角落，要行入後巷先會見到呢間小店，請問唔錯服務都好好食得非常之舒適啊，都會再去食。

位置都幾隱蔽餐廳環境幾有feel，中間仲有棵樹仔Lunch set $188+10% service chargeStarter和牛肉丸配意大利紅醬牛肉味唔算好重，唔係好食得出係唔係用咗和牛，但紅醬肉丸嚟講，番茄味算濃郁～藜麥堅果雜菜沙律配芝麻醬新鮮嘅沙律～Main龍蝦汁芝士波浪意粉配虎蝦 +$28波浪意粉有驚喜！質感好厚又彈牙，條條意粉都好長，一碟估計有4條左右，已經好滿足～龍蝦汁中規中矩，面頭落芝士好慷慨，撈勻令成個意粉更濃郁同cheesy~ 虎蝦新鮮彈牙！法式奶油白酒燉雞配飯 +$38講真，賣相唔似法國菜，仲要配飯🍚 有啲似白汁雞皇飯？不過個汁濃郁啲，帶少少酒香，味道偏鹹。雞肉嫩口，有4-5塊，仲有頗多蘑菇，冇飯真係搞唔掂Dessert法式焦糖燉蛋面頭個層焦糖燒得啱啱好～一敲落去個聲好治癒！蛋味重，甜度啱啱好，略嫌質感唔夠creamy。秋日限定栗子提拉米蘇 +$38栗子味唔係周圍都有，估唔到又幾好食😋不過酒味稍微蓋過咗cream同栗子味，唔係好balance

餐廳原來在一條巷仔內，有小小難揾，但一入餐廳又感覺去了另一個世界咁😄 環境係幾靚揀左個 3 course set lunch 頭盤牛油果三文魚tart tart係好食但坦白呢個做法難度不高主菜我要左龍蝦汁意粉配虎蝦呢個幾好味😋甜品我要左 Crème brûlée 🍮 呢款法式焦糖布丁做得非常成功，看到表面燒得金黃酥脆，可能是因為在灑糖時非常均勻。套餐唔包飲品，我單點一杯 passion fruit soda ， 飲品好香熱情果味道👅

係灣仔小巷竟然隱藏一間有feel既法式小餐館。由怕羞年輕法國主廚主理🤭老闆娘話主廚係I人，太多客人讚佢靚仔搞到佢怕羞😂可能大家睇完黑白大廚，都會認為法國只係得fine dining，佢哋想帶俾大家認識，其實法國當地都有普通小餐館，份量唔一定係精緻細份，絕對可以食得飽！享用美食之外可以坐喺度飲嘢慢慢chill，所以佢哋不設用餐時間限制，可以同朋友仔暢談盡情放鬆。今次試咗佢個main course $398up，有前菜 、餐湯、煮食同甜品。幾款菜式都有特色好味有驚喜，份量好夠，食到勁飽，亦都好啱香港人胃口，推薦俾大家！前菜：［法國鵝肝吐司］、［和牛肉丸配意大利紅醬］餐湯：［慢煮二十四小時龍蝦湯］主食：［慢煮羊西冷佐法式紅酒奶油醬］、［法式奶油白酒燉雞配飯］甜品：［秋日限定栗子提拉米蘇］、［法式焦糖燉蛋］鵝肝吐司🍞黎到見到大大件，嚇一嚇，好吸引😍 食落唔油膩，淡淡鵝肝味，加上意大利黑醋，同吐司直情絕配！燉雞飯超正！超推介，醬汁味道濃郁，雞肉好多件，燉到好腍，配料有蘿蔔同埋草菇，連埋啲汁送飯一流！食落感覺似高級版嘅白汁雞皇飯😝奶油味濃濃 ！餐廳裝潢法式浪漫有氣氛，好適合節日慶祝飲番杯🍻。

灣仔隱世法式小餐館🍽️呢間係灣仔隱蔽小巷裏嘅法式小餐館，環境裝修充滿法式風情，配上各式油畫、小盆栽、馬賽克吊燈等裝飾🐟吞拿魚他他($88)吞拿魚他他充滿鮮味，配上牛油果蓉，加埋紅蔥頭更有口感，調味都岩岩好🦞慢煮24小時龍蝦湯($78)龍蝦味濃郁，入口順滑🍝龍蝦汁芝士波浪意粉配虎蝦($188)意粉係波浪捲，外形好特別，第一次食！口感較彈牙，而且有滿滿龍蝦醬汁和芝士，而且有拉絲效果，配上龍蝦肉，肉質都幾彈牙🍝黑松露奶油意粉($158)醬汁夠濃稠，亦夠掛汁，黑松露味都好濃郁，份量大少少會更好～🌰秋日限定栗子Tiramisu($78)近期好Hit嘅甜品，Tiramisu分咗幾層，有餅乾碎、cream、栗子蓉、咖啡、海綿蛋糕，層次分明，口感豐富，栗子蓉入口順滑，食到最底會有香濃嘅咖啡味☕️餐廳原來重有Secret menu 送左2shot酒比我地，叫咗一個low key friends +organic fd 😆味道不錯～地址：Fable 灣仔安樂里1號利昌大廈地下低層D號舖。

------------------------------@fablehk 有選擇困難症既朋友仔就好建議揀佢地既4-course dinner set 🍽️Starter /Soup/Main/Dessert 🍴All in One ☝🏻 ---------Tuna Tartare with Avocado🐟🥑Wagyu Meatball Marinara🥫🧆兩款都係開胃之選👍🏻呑拿魚刺身雖然未必係高級數🙈不過就絕對夠新鮮和牛肉丸醬汁酸酸甜甜好唔錯但肉質就有少少偏鬆散👍🏻------------------------------Lobster Bisque Soup with Fresh Cream🥣🦞龍蝦🦞鮮味十足😊質感如果可以濃厚啲就更好------------------------------Lobster Sauce Mafaldine with Tiger Prawns🍝🦐Tender Slow-Cooked Beef Ribs 🐮🍖意粉🍝彎彎曲曲比較少見最重要都係夠掛汁👍🏻而且虎蝦份量都幾足炙燒牛骨無失望啖啖肉👍🏻有筋位但都唔會太韌生熟度亦剛剛好-----------

Fable藏在灣仔的小巷內，是間法式小酒館🇫🇷 店內裝潢充滿歐陸風情，用上大量綠色植物、油畫、小擺設等等作佈置，營造出浪漫的用餐氛圍，很適合前來慶生或約會呢～🥰 (當天看到有幾枱客人都是前來慶祝生日或紀念日，店員會唱生日歌並幫忙拍攝即影即有，很有氣氛💖)我們點了4道菜晚餐，套餐包括前菜、餐湯、主菜及甜品，價錢由HKD398起✨🤍前菜💕吞拿魚牛油果韃靼：鮮美的吞拿魚搭配清新的牛油果，調味適中，非常開胃🤩💕法國鵝肝吐司(+HKD48)：鵝肝質地細膩，入口即化🤤🤍餐湯💕慢煮24小時龍蝦湯：龍蝦味挺濃郁，入口順滑🦞🤍主菜💕龍蝦汁芝士波浪意粉配虎蝦：虎蝦彈牙，醬汁微辣惹味，不會太膩👍🏻 而波浪意粉的口感特別，亦很掛汁😍💕法式青口煲配薯條：醬汁濃稠入味，如果青口肥美點會更perfect～🫣🤍甜品💕法式焦糖燉蛋：外層燒至焦脆，奶香味突出，不會太甜☺️💕秋日限定栗子提拉米蘇 (+HKD48)：inspired by黑白大廚的甜品🙈✨ tiramisu質地細膩順滑，香甜的栗子跟微苦的咖啡完美融合，令人非常回味！🌰我們還加配了wine pairing🥂🥰 (HKD198/3杯) 老闆說他們的酒是特意到國外酒

隠世灣仔後巷中的法式小館，環境裝修非常浪漫又溫馨，充滿法式情調。餐廳主打特色意粉，絕對要試一試!!🌹- 傳統辣蕃茄伏特加手工戒子意粉 HK$158 🍅🍾🍝必試經典之選!!香辣蕃茄醬作基底，加入伏特加將香味昇華!!味道酸香惹味，戒子意粉超掛汁非常濃郁!!- Dinner Tasting Menu HK$398 🍽️:- 吞拿魚牛油果韃靼 🐟🥑吞拿魚他他微微調味，食得出魚肉原本鮮香!!配上細滑牛油果蓉，清新中帶有鮮香，可惜口感欠缺層次。- 奶油慢煮龍蝦湯配龍蝦尾肉 🦞湯底充滿超濃縮龍蝦香氣，入口順滑細緻。可惜龍蝦尾肉質較結實，不夠彈性。- 龍蝦芝士波浪意粉 🦞🍝充滿鮮香龍蝦汁掛滿波浪意粉，順滑口感帶有波浪捲動非常特別!!而且仲有3塊龍蝦肉更加惹味!!- 提拉米蘇 🍰芝士質地輕盈味道清新，底部手指餅浸滿咖啡酒香氣十足，餐後非常解膩!!

分享近期至愛的餐廳😆 位於灣仔小巷裡面，性價比極高，有最近大熱的波浪意粉！午市套餐只需$198起，就可以品嘗到前菜、主食，還有甜品🍮前菜有吞拿魚牛油果他他～清新又開胃！而和牛肉丸配上意大利紅醬，大粒飽滿，醬汁濃厚～主菜是龍蝦波浪意粉🍝，龍蝦新鮮🦞意粉煮得煙韌，口感較彈牙，而且有滿滿龍蝦醬汁和芝士🧀 ，輕易就做到拉絲效果😆 另一款點了西冷牛扒炸薯條，牛扒點了5成熟🥩，肉味濃且鎖住肉汁，蘸上香草汁添風味！最後套餐有兩款法式甜品🇫🇷😆 提拉米蘇及法式焦糖燉蛋🥹 法式焦糖燉蛋表面有香脆焦糖，充滿細膩蛋香～ 而Tiramisu軟滑綿密，咖啡滲透底層手指餅，苦澀味中和了甜味💖Starter▫️吞拿魚牛油果韃靼 ▫️和牛肉丸配意大利紅醬Main▫️龍蝦芝士波浪意粉 (+$28)▫️西冷牛扒炸薯條 (+$58)Dessert ▫️提拉米蘇▫️法式焦糖燉蛋▫️▫️▫️▫️▫️📍 🗺️Fable 灣仔安樂里1號利昌大廈地下低層D號舖