EXP

營業中

休息中

近來試飲蔬果汁，希望幫到減體脂，咁就多啲 quota 可以食好嘢！今晚無 dinner time! 仲要無時間回家打汁🙁經過又一城見到 EXP 旁有 Drinks to Go，有好多不同蔬果汁😍仲要有 ABC 汁, 即蘋果、紅菜頭、甘荀、檸檬打汁！好好味呀！下次無時間就可以嚟買杯😍

今日去又一城行街，到左夜晚就上openrice睇下附近有邊間餐廳好食，偶然見到呢間餐廳評價好似唔錯就去試試，點知佢地嘅服務態度實在「震驚」我！去到餐廳就撳咗飛仔等叫位，等到叫到我地時，我拎張飛仔俾個男店員睇（身高大約180，戴黑框眼鏡，約30-40歲，身型略胖），佢望左望我地張飛就叫我地「等一等」，ok我諗可能係未執好檯。點知佢陸續叫左好幾個排喺我地之後嘅飛，入座人數都係同我地一樣，我再走去問又叫我地「等一等」！我地之後再等左一陣，哇！唔對路喎！排喺我地後面嘅不斷入座！問之前嗰帶位男店員究竟咩事啊？！佢望一望我地張飛，話「我唔知你地嗰number」「咁宜家俾你入去得未」，態度惡劣！雖然食物味道還好，除左呢位叫飛帶位男店員外，其他店員都態度有禮。之後再睇睇openrice食評，好似帶位嘅職員原來都曾被「點名」（雖然唔知係唔係同一位啦）。

EXP 係讀書時期，一完SEM就會同同學一齊去食飯🤣🤣今次喺附近學車學完啱啱好就有得食下午茶😳👾窩夫配炒蛋煙肉 $48✨個蛋係幾滑嘅同窩夫呢個配搭係幾好👍👍起碼唔係配麵包咁乾🤗煙肉就冇乜特別都食得出係現成野🤭👾意大利泡沫咖啡 (跟餐)✨成個餐最加分咖啡香味都有，不過不失但一跟埋呢個餐就會覺得個咖啡特別精緻🤣🤣其實呢一個餐都幾貴我諗主要係因為佢喺又一城性價比唔高，我唔會再返去食下午茶😂@meatymonsters#勇敢作反食肉獸#mm九龍塘 #日式西餐

話說平時去開都食牛扒烏冬，個牛好稔好好味，煮得剛剛好。由於食得果個牛烏冬太多，今次轉下，試佢個軟殻蟹炒意粉。個意粉偏酸，由於本人不好酸野，所以覺得麻麻，但個軟殻蟹真係好好味。碟野一來到，當然二話不說咬落個軟殻蟹度啦，哇，點知d汁噴出來，好彩我有用個碟兜住，真係眼睇住d汁飛咗去碟的另一端！個軟殼蟹炸得剛剛好，又唔油膩，裏面啲肉鮮美。飲品叫咗芒果樂園，呢度啲果汁一向多選擇又鮮榨，真材實料，凍飲但上面唔會有冰阻住你個咀。埋單一個人141蚊無任何優惠，但食物高質就ok

The only thing I like about this restaurant is its view of the ice rink. But actually even the dining environment isn’t nice too because it’s SUPER NOISY! We literally had to shout at each other in order to make ourselves heard lol. What's more, you have to wait for a LOOOOOOOONG time for each dish to be served, such that a three-course meal would probably take you 3 hours..... Then the worst is the food itself! I had a fried soft shell crab spaghetti. Oh my god. I know soft shell crab spaghetti

同家姐喺九龍塘行到攰攰地家姐推薦左一間食下午茶嘅餐廳就係EXP，佢話呢間野又平又好食咁當然要去試吓啦！好彩我地當日係平日所以都唔算好多人，我哋入去唔使等都已經有位,嗰度環境都幾大同埋都好闊落,坐得都好舒服。首先我哋嗌左個卡邦尼意粉同埋一個蕃茄煙肉手工pizza，意粉煮得啱啱好唔會太淋，口感適中醬汁都非常之creamy 。另外個手工Pizza仲要係熱辣辣，用料十足，口感鬆脆。另外加$12仲可以有鮮榨果汁添！非常抵食。呢間野冇令我失望，一定會再嚟！

疫情又來襲，出街食野都要搵啲衛生環境好啲嘅餐廳。今日就揀左又一城EXP。相比平時，今日停嘅時間唔算耐。係停嘅期間就係出面買左野飲先 。係出面買入去餐廳飲嘅好處就係可以飲住等，又可以免加一。停左10分鐘左右就入得，見到啲枱都係隔住俾顧客坐，確保有一點五米嘅距離。兩個人食呢，我地揀左兩個主食，一個小食。基本上我地每一次黎，我地都會叫呢個蕎麥面。尤其是係夏天，食返啲凍凍地、酸酸地嘅野特別正！大蝦爽、彈牙！上面嘅水果又唔會覺得特別酸或者死甜，剛剛好。呢個炒意粉就係朋友推介，食落都好香，加上啲花生粒同蒜粒仲香，但又唔會覺我肥膩。呢個就係第一次試嘅，但呢個就一般般，冇咩驚喜。只係原先以為得一個牛油果醬，點知原來仲有酸忌廉，相比下就酸忌廉個味正啲。煙肉就得兩塊最後都係食剩左啲薯塊，其他都清哂呀

性價比指數: 🌕🌕🌕🌕🌑好味指數:🌕🌕🌕🌗🌑服務指數: 🌕🌕🌕🌑🌑環境指數：🌕🌕🌕🌗🌑.係又一城溜冰場隔黎既餐廳, 食物可以, 但勝在價錢算平、部分食物配搭都略有特色，而且有多款鮮果汁可以選擇-.Dinner✦ Mango Rice Paper Roll $62.✦ Spaghetti Bolognese $82.✦ Tomato Mozzarella Pizza $92.✦ Vit Burst (orange, grapefruit, green apple) $33.✦ Power Ginger (green apple, carrot, orange, ginger) $33.Total: $332.2 (included 10%service charge)..-✧ Mango Rice Paper Roll 成個組合我都勁鍾意，有芒果同紅菜頭既米紙卷！仲有埋芒果汁點，好fresh. 不過紅菜頭真係未必個個鍾意，唔鍾意菜青味既人慎選😛.❖評份：🌕🌕🌕🌕🌑..✧ Spaghetti Bolognese ❖評份：🌕🌕🌕🌑🌑..✧ Tomato Mozzarella Pizza厚批，

今日，我走到去又一城諗住睇車展，就睇咗寶馬，車都唔錯有機會都可以睇吓。見肚餓不如食嘢啦，就去到呢間野，大集團嚟嘅。呢間野我以前食過，都幾好食價錢都唔貴，但講真服務呢好麻麻。首先讚咗賣單嗰個幾好。我懷疑其他好多係Part-Time，所以都完全冇任何服務精神....我會想幾十年前我後生嘅時候做part-time都好有服務精神，收人錢財當然要做嘢。我真係好唔開心囉，凍檸茶黎都係得七成！本身個凍檸茶杯又唔係大個，係小氣㗎但係真係應該正常人都會小氣！我冇投訴啊，我問Waiter攞杯冰，諗住填番滿杯凍檸茶。點知都當我唱歌🎤，算數我開post講就可以啦沒吹水的!就係咁你要努力啊!

之前朋友介紹過，這間都幾好味，我地4個人，7:00pm 經過，等了一會兒，就入座了 原來店舖也幾大，直行行到盡頭，才坐下來！店內裝修得，好似幼稚園，每一張櫈，都不同顏色😂叫了三文魚pizza，都幾好泡菜炒飯，我覺得辣了一點軟殼蟹意粉，好味軟殼蟹沙律 ，好味蘋果冰茶， 普通omelette。疏乎厘，都好好味嘢食來得很快！整體，也不錯，下次會返嚟幫襯

今日自己一個吃Lunch :軟殻蟹🦀炒🔥意粉🍝加鮮搾果汁（🍎+🍓+🥝），D意粉炒得好惹味，軟殼蟹炸得不油不腻，成個餐包一杯鮮榨果汁🍹，既健康又解渴👍👍👍

依間野喺學生時代已經開始食佢，但嗰陣時學生年代覺得呢間野都算貴，真係久唔久先同班同學一齊食，而家已經好少嚟九龍塘， 黎到緊係要再回憶下佢啦，叫咗個帶子墨魚汁意粉，一樣仲係咁好食，另外再叫多個呢期興健康嘅牛油果大蝦pizza、份量夠味道又好真係超值，仲可以睇班人溜冰😂

EXP一直是菲兒約朋友的勝地，坐得舒服，食物又岩口味🤩第一次叫烤雞串，剛剛好四人，一人一串，雞肉烤得剛剛好，肉質保持juicy❤️每次見的大蝦西柚芒果蕎麥面，特別夏天食好開胃和清爽，酸酸甜甜，蕎麥面已充滿了醬汁，很入味。我們還試了新菜式，軟殼蟹炒麵，充滿日式風味，味道像大阪燒醬汁的味道，還有鰹魚碎🌟菲兒本來麻麻地食pizza，但這裏的pizza很好吃，除了外型獨特，人手拉的餅底較薄，材料豐富和平均，醬汁不會太膩。最後必定要叫甜品，泡芙班戟個名已很特別，食落像泡芙皮，有咬口，班戟樣子，薄薄的，加上雪糕，凍熱交融～～oishi🥰晚餐時間通常要排隊一會兒，但通常不用等很久便有位置。環境對住溜冰場，挺舒服。食物質素頗高，保持水準，價錢合宜。

1930到門口, 然後攞飛, 等咗5分鐘就有位，職員好貼心見我約女仔安排一張4人枱俾我 食物質素唔錯 order 軟殼蟹炒意粉及芝士泡菜飯, 果汁100%推介 新鮮好味道，枱與枱之間有距離，適宜拍拖/朋友聚會

對係我來講EXP係又一城裏面最佳之選, 每次黎都必定叫一杯鮮榨果汁同埋呢度最出名嘅大蝦牛油果千島醬pizza🍕🤤 同出面連鎖pizza店唔同，佢係即叫即做長條形狀的餅底，牛油果🥑加左落去同雞蛋同千島醬混合成件事+50分😘另外在叫咗個墨汁帶子意粉，味道我覺得可以再濃啲，但比好多地方出色了！帶子食落亦有口感，唔會咬落去即散。反正個軟殼蟹個人覺得有啲失望，外觀我俾9分，堆到成座山咁🤭但食落又喊又甜又酸，味覺太複雜搞到完全唔知食緊乜野🤦🏻呢個我俾4分....下次會想試其他salad~