euro go go

營業中

休息中

送女友到屋企附近，肚子突然咕嚕咕嚕叫，驚覺原來晚餐食得唔夠飽，但呢個鐘數可以有啲乜野食呢？好彩euro go go 救左我地黃大仙呢間分店相當闊落，而且仲開到十一點，甜品選擇亦相當多，選擇困難症又發作喇🤣先來一客香蕉船。長長既香蕉同三球雪糕（朱古力、雲呢嗱同曲奇）上面蓋上厚厚既忌廉，再加兩塊窩夫餅同朱古力威化卷，食落相當有層次，就咁一人一半食已經好飽呢個更加不得了。熱到不行既麵包外脆內軟，裡面既蛋味非常濃郁，而且有少許提子乾點綴，越食越覺得自己係邪惡大師另外亦想俾個like呢度既店員，即係就黎收舖，服務態度亦非常好，送餐速度高，正😆

又去黃大仙陪媽媽湊孫，今次2位大人帶一個小朋友，基本上都食唔到幾多野，下晝去到隨便都搵到位，都算方便叫咗個白汁腸仔火腿蘑菇意粉，比起之前喺其他分店食味道偏鹹，材料和醬汁都少，價錢又貴叫咗半份千島海鮮薄餅，材料真心少，有一塊得2舊送，味道仲要好鹹，食完之後好口乾，幸好有點菠蘿中和一下我自己就叫咗杯泡沫奶茶，本身都係諗住試吓嘅心態，表面的奶泡還打得好既，但非常重奶味又淡味，杯野冇乜茶味，其實同飲淡奶差不多。。。

終於的起心肝寫返聖誕食左d咩聖誕呢d大日子，唔想畀人鋸一筆，連鎖餐廳係1個唔錯選擇~仲要撞正大事大節，旺區唔想同人迫，黃大仙既euro gogo 就鎖定左今晚目標，2個人叫左以下幾款焗薯皮~有3款既，1款煙肉磨菇，1款吞拿魚，1款白汁雞肉~至愛吞拿魚，味道最perfect match> 之後白汁雞，但感覺焗耐左，雞粒有點過鞋>最後就煙肉磨菇，因為煙肉實在太多肥肉，過於油膩，之但係3款既sauce都唔錯既卡邦尼意粉~淨係覺得好多好多芝士，食完已經好飽，我諗岩芝士控多dPizza (半份煙肉磨菇，半份辣肉腸）煙肉磨菇其本上同焗薯皮一樣，都係太多肥肉，唔太岩我！辣肉腸就正常野，無失望亦無太大驚喜總結-真係好間唔事先會食，食pizza都係會揀返PxD....點解黃大仙既PxD會執左架

今日突登來EURO GOGO食 Pasta 意粉 有好多種,包括煙燻杏仁香草意粉*蘑菇粟米鮮茄汁意粉蘑菇肉醬意粉黑松露麥形粉*芝士吞拿魚意粉辣肉腸火腿煙肉意粉鮮茄煙肉香腸蘑菇意粉卡邦尼意粉香蒜蜆肉意粉(蒜香微辣)*芝士白汁海鮮意粉菠菜汁龍脷柳闊條麵芝士鮮茄汁海鮮闊條麵。但我當然叫了我最愛的香蒜蜆肉意粉,份量岩女仔食,男仔一定不夠,味道好,也不太SPICY^^下次會再食,但要叫2 SET^^

上一次食Euro gogo係同事介紹，覺得幾好食，後來知道黃大仙中心都有，都預左搵日落黎幫襯，今日要返早，又早左起身，就決定試下黃大仙呢間先🤗首先一讚呢度比朗坊果度舒適得多啦！地方又大，座位寬敞，光線柔和，重點係亦都近我屋企，行落黎唔洗15分鐘👍二讚個收銀妹妹好有禮貌，原本我所點既野全部都係散叫，佢提議我可以轉餐之餘，我仲多左一件蒜蓉包食😍記得第一次幫襯時，知道食店無筷子供應，所以至從果次之後，我就隨身攜帶一套便携筷子🤣所以話為左食，我可以去到好盡🤣原本係想坐門口座，可惜比人快左一步😎下次黎我一定要坐門口位，可以的話應該係每次黎我都希望可以坐門口既藤椅座位🤗

平時都鐘意去euro go go 食下飯。因為貪佢黎野食夠快，同個環境都幾好坐。又唔會話好嘈既快餐店。雖然係快餐店既模式，自己先出去點菜付錢。但又有職員會貼心幫你上菜同拎食具俾你。都幾好服務呀！很喜歡吃他們的焗野！今次叫左焗芝士海鮮，另外加錢轉闊條麵，（個人覺得襯啲！😁😁）味道好好味，將芝士撈好，令到每一啖闊條麵都有芝士。好濃既芝士味。再配上唔同款既海鮮。啲蝦都幾大隻同幾彈牙！好味！👍👍再叫左菠菜魚柳螺絲粉！好足料好好味！😃再叫左焗蜜糖雞翼。 熱辣辣，外皮搽滿好多既蜜糖，食落好甜，再咬落去有啲瑞士汁。好好味😀食得好滿足，而且價錢不會太貴！👍很好

已經成為euro gogo的粉絲好多年了，一直都比佢的即焗文化著迷。今次去到黃大仙的分店同朋友仔食個飯再去上堂。如果大家去過euro gogo好多次應該都知呢間連鎖餐廳真係長期都好多人，不過去過幾次黃大仙中心呢個門市，每次都會有位！先飲返個湯。蘑菇湯係我最近先發覺佢的存在，但飲落去好creamy好香！重點係超大碗，如果你仲想order其他野食的，建議2-3人share。之後呢個係我長期euro gogo的Top之選 --- 焗蒜蓉飽！佢除左外脆內軟，蒜蓉味仲非常香，見到D蒜蓉牛油搽滿整個飽面，係用心之作。煙肉蘑菇薯蓉係我讀大學的温書良伴，㫮因又香又飽肚。剛上枱的時候，芝士仲可以拉絲tim！加上煙肉的油香，真係色香味俱全。差D忘記呢個雞翼，香脆的雞皮，Juicy的雞肉，再加埋大量的蜜糖，簡直可以與燒野食的燒雞翼媲美！呢個係芝士焗西蘭花，由於菜會出水，減輕了芝士的濃度，不過味道還可。呢碟係卡邦尼意粉，可能之前食得太濃芝士味，呢碟無咁濃味，不過口感都感Creamy。飲品方面叫左(左)凍蜜桃茶 及 (右)凍荔枝茶。茶味濃，再加果味，唔會太甜。

因為過了早餐時段的關係，和朋友邊行邊搵食就揀中左呢間。蜜糖雞翼：很滋味因蜜糖味很濃很入味。白汁意粉：白汁很多，但味道偏淡，外加芝士粉會更好食。闊條麵：味道不錯，份量偏多，我吃到一半已經飽了。荔枝茶：有微微荔枝味，有三粒荔枝可以吃，消暑佳品。泡沫奶茶: 叫左少甜，泡沫微甜，好好味。地方夠大，坐位都算多，未到中午，很容易搵位了…隨著時間飛逝，中午時段果然多人。值得一提，職員主要是年青人，他們都很有禮貌，讓人感覺好舒服啊。

Euro gogo的tea就食得多啦，但lunch就真係小食，今日因工作關係經過黃大仙，就俾我發現到原來開左euro gogo!於是決定試一試啦！lunch 時間意粉，pizza等加$6就可以配蒜蓉包或沙律及餐湯或汽水！賣單最小要五十多蚊可見唔是話好抵食！叫左白汁腸仔火腿意粉～～味道較淡料亦不多！蒜蓉包就好味得多，每餐跟一塊，新鮮焗起好香口！簡直想encore 呢⋯⋯今日的餐湯，唔夠濃好水，味道都是較淡！總括而言，以$50幾起的價錢食lunch應該會有好多好選擇！

今晚與家人到euro用膳，點了薄餅、焗薯、意粉、忌廉湯及焗西蘭花。食物味道不錯，只是其中一個“香蒜蜆肉意粉”重手咗，竟然有濃烈嘅胡椒辣味。因為老人家不能吃辣，经反映後店長立刻更换，態度有禮，值得一讚。

早餐之後第一餐，但係又未到午餐，咁樣算係乜嘢餐 ?咁啱得咁橋又係Green Monday， 咁就求求其其叫佐碟沙律食，又好味又健康又環保，又唔會太飽肚，直頭係win win。沙律蔬菜好新鮮，青瓜清脆又爽口，蕃茄仔又甜又飽滿又夠番茄味，炸一粒粒嘅麵包粒又脆口又唔係話太硬身，脆脆口口啱啱好，加埋嗰啲香草沙律汁，味道酸酸甜甜，味道同啲沙律蔬菜好夾， 食起上嚟好好味。其實久唔久食下沙律，清下腸胃都係好好嘅， 最重要係唔會太飽肚，又可以有嘢落肚

今日係五月三日佛誕，好開心今日可以同老婆🐷一齊過左成日，睇完志明與春嬌之後見有少少肚餓，所以一齊返左黃大仙間euro gogo 食d 野先。其實之前我對euro gogo 既印象麻麻，因為記得曾經食過沙田果間euro ,都幾難食下，不過今次老婆🐷令我對eurogogo 改觀。睇menu 果時，老婆🐷又就哂我問我想食d 咩，我覺得老婆🐷最錫我最就我就係呢點，每次都會留意d 野食岩唔岩我口味。雖然我唔係太食得辣，但係都要左個香辣雞翼同埋個意粉。個雞翼辣辣地，其實幾惹味，d 汁又好味，d 雞翼又嫩滑。氣味又香又辣，我唔係太食得辣，但係聞到都已經開胃。食起上黎仲滋味，不過我食雞翼果時冇老婆🐷食得咁乾淨，哂左好多肉。呢道雞翼真係幾好味。連我老婆🐷都讚。之後就到呢個意粉，又係少少辣，不過d 意粉既軟硬度適中，食起上黎都幾好口感，而且又唔會太粉太乾，味道都唔錯，只係唔夠特別。不過見老婆🐷食得咁開心，我都覺得好味。雖然連續五日假期，老婆🐷最後一日先有時間陪我，不過老婆🐷做野忙，辛苦，我明白，我知道架，好多謝你肯花時間陪我，好感謝生命中可以遇到你。

今日去到黃大仙天下午茶時間，就去咗食hero gogo。 下午茶都好多選擇，今次叫咗個a餐 38蚊 ，價錢都合理 ，一邊唔使等位就可以有得坐， 坐得都算舒服空間感夠唔會十分逼夾。大約五分鐘左右 侍應 拿了下午茶過嚟… 火腿香腸鮮茄湯通粉加一個牛角包和一個咖啡 ，咖啡味道 一般， 只有苦味 ，牛角包係凍的，幸好過包都味道不錯。 通粉見到已經好白色， 預咗應該冇乜味道，落去只有少許香草味，完全沒有蕃茄味。香腸和腸仔都是 好淡味道，所以整個餐比較失望 ，下次寧願去返大快活， 應該會更加好。

估唔黃大仙嘅Eurogogo咁大間，地方寬落之餘又乾淨企理，坐得好舒服，閒聊最好不過，服務員嘅服務都唔錯，要先去收銀處買餐，然後服務員會幫忙送過黎。呢間餐廳以西餐為主，價錢唔算貴，無需加一收費。而食物款式都有好多選擇。叫左平價沙律，味道酸甜，份量一般。鮮茄磨菇粟米意米$40，味道不過不失，有香濃鮮茄，配料份量亦豐富，意粉爽口彈牙。紅莓汁就真係比較酸，但有益腸胃，都易入口嘅。

好耐冇外出食早餐 因有要事要去黃大仙龍翔中心做D嘢 做完後就求其去一間食肆嘆番個早餐 入到餐廳就去買咗個火腿腸仔番茄湯通粉+牛國酥+奶茶 上食物時 個牛角酥非常之大個 鬆軟之餘又夠熱 食完個牛角酥已經飽咗8成 而個通粉之份量又係非常多 但味道就淡咗D 都可接接受 比較差嘅就係杯奶茶 味道比較淡 食完成個餐之後就非常非常之飽 好抵食又滿足!