Ellipsis Cafe & Lounge

營業中

休息中

久唔久都會嚟這間餐廳，喜歡它環境氣氛，好舒服好chill好relax，menu又時不時會換。今次小編嚟到又有新菜式，都不錯呀！◇ 是日精選餐湯是日精選餐湯係蕃茄濃湯，第一口已經驚喜，係一般蕃茄湯杰，這樣口感不錯，而蕃茄味只係絲絲帶出，似帶有蕃茄味忌廉湯，不錯◇ 布拉塔芝士配松露油這款Burrata流心水牛芝士，外皮係mozzarella水牛芝士, 內裏係芝士cream，柔軟又精緻嘅外皮包裝，裝住一袋香濃嘅cream，入口濃濃乳香，配搭車厘茄同松露油，乳香濃郁感立刻提升◇ 澳洲黑松露炒蛋配煙三文魚酸種包炒蛋同三文魚，除咗顏色同樣鮮艷靚之外，味道亦好夾，加入少少黑松露味道更豐富，配上脆口酸種包，口感更多層次◇ 蒜蝦配酸種包蒜蝦除咗啖啖蒜香味之外，亦不失新鮮蝦本身嘅海鮮味，肉質亦爽口彈牙，配上少有嘅酸種包，又有另一番風味◇ 意大利卡邦尼扁意粉這碟原本係用扁意粉，但可以加$30轉公仔麵形意粉，仲可以選軟硬度，咁特別小編就叫咗偏硬公仔麵形意粉，意粉質感煙煙韌韌，口感唔錯，配上煙肉，帶少少醎味提升味道，當然少不了芝士令整體更香口◇ Daily Dessert今日甜品係芝士蛋糕，質感軟滑，香濃芝

一到十二月周圍都好有聖誕氣氛，咁浪漫嘅聖誕月份，就揀咗去位於上環嘅呢間---🌟Ellipsis Cafe & Lounge🌟食二人晚餐，晚餐份量豐富，而且餐廳環境昏暗，又有聖誕佈置，未到聖誕已經好有Feel✨️._.🍽 / 二人晚餐＄980 / 🍽🍞香煎西班牙鴨肝酸種麵包吐司意大利陳醋🍞餐前小食嘅一口過，陳醋汁開胃，鵝肝粒配酸種麵包味道好夾·🦞是日餐湯(轉龍蝦湯加68)🦞龍蝦湯嘅龍蝦味道濃，面頭仲加咗唔少櫻花蝦增加口感😍·🐂八櫻M7和牛頸脊 7oz 日式燒汁🐂和牛肉質腍身，砌成一塊塊方便食，配上日式燒汁味道好夾，旁邊配上凍薯蓉👍🏻.🐖將道酒燒西班牙杜洛克黑毛豬肩肉6oz🐖呢個上枱後會點火，視覺效果一流，打卡亦好啱，黑毛豬厚身，肉味濃郁，點火燒烤令肉質表面更香。.🍷慢煮紅酒梨配雪糕🥤成個梨沾滿紅酒，好特別，但又唔會有好強烈嘅酒味，配椰子香味嘅雪糕，味道非常夾。.🍰法式蘋果批🍰手工製蛋糕，味道香濃，口感層次豐富，唔會太甜。.🍸Chocolate Fever🍸口感濃郁，朱古力味香濃，帶有少少松露味，易入口.🍹Gin Tonic🍹味道好fresh，唔會太甜，易入口，酒精味相對較濃._.

高價低質的午餐體驗最近我去了一間餐廳享用午餐，但讓我失望至極。餐廳的價格比同區其他店貴，性價比極低，人流也少。我點了「黑毛豬切雞飯」，實際上只是一碗普通的叉雞飯，味道平庸。鰻魚飯的米飯竟然是碎的，這在餐廳中不可接受。服務也很差，沒有應有的熱情招呼，食物份量對男士而言根本不夠。最後，我點的意粉味道和賣相都不如茶餐廳。整體而言，這次午餐至少$200，但質素卻比茶餐廳還差，完全不值得。我不會再回訪這間餐廳。

唔理解呢間餐廳點解有133個好評，非常伏，不建議去。晚餐粟米湯：未見過白色粟米湯，似牛奶溝水加幾粒粟米餐包：完全未有烘焗，把一件方包切開2邊就上台，椰林閣的餐包都好食過佢主菜：封門柳，set dinner要額外加多$100，但份量極細，回家途中已肚餓。惟一好食係薯條。飲品：正常Set dinner性價比特低。原以為樓上酒吧環境適合同朋友飲酒聊天，但環境極嘈吵，同時開住電視勁大聲播歌，要嗌破喉嚨先可同朋友聊天。餐廳侍應長期站門口位置，想埋單都無人理，零服務可言。永不再光顧。

省略號係位於上環的一間創意餐廳，以其獨特的菜式和輕鬆的氛圍而受到歡迎。餐廳的裝潢時尚，適合朋友聚餐或者休閒約會。菜單上有多款創意料理，特別推薦佢哋的招牌拼盤，包含多種風味的前菜，讓人一次過享受不同的口味。此外，主菜方面，燒烤和意大利面都相當受歡迎，味道獨特且份量十足。甜品方面，試下佢們的自家製甜品，特別是焦糖布丁，口感滑順，味道香濃。飲品方面，餐廳提供多款創意雞尾酒和無酒精飲品，非常適合配搭餐點。整體來講，省略號提供舒適的用餐環境和美味的食物，係一個值得一試的地方！

- 價格與份量不成正比食物定價高但份量少，性價比低。 - 服務態度散漫侍應聚集聊天，忽視顧客需求。 - 環境設計缺陷沙發過高、燈光過暗，影響用餐舒適度。 所以大家千祈唔好去，會中伏！！

港島區中上環一帶一間相當特別既樓上西餐廳—省略號，位於干諾中心2樓，餐廳燈光昏暗，以神秘幽暗風格為主，每張枱都一設有一盞氛圍燈，令整體更有氛圍感🪩 食物方面，主要以西式咖啡店中既輕食為主，特別推介黑松露奄列，賣相精緻吸引，濃郁黑松露配上煎得香滑既奄列，熱辣辣入口相當好味～ 而餐牌上餐廳除咗提供各款咖啡，並會提供唔同酒精類飲品，日頭同夜晚都適合同朋友一齊聚餐🍴 整體而言不過不失，但略嫌晚上餐廳燈光有啲過於昏暗～

最近去了上環一間好有feel嘅酒吧食晚餐環境有型格又很有feel食物質素都很不錯！🌟輕煎帆立貝油醋沙律使用新鮮的帆立貝 輕煎至金黃色搭配自製的油醋醬和新鮮的蔬菜清新的味道讓人胃口大開！🌟煙三文魚沙律新鮮醃製的三文魚和口感清脆的青瓜和沙律菜吃起來很清新解膩🌟63度溫泉蛋義大利煙肉卡邦尼使用了63度的溫泉蛋 蛋黃滑順搭配著煙肉和義大利麵 口感更加濃郁搭配帕爾馬奶酪 香氣四溢🌟紅酒燉牛臉額配薯蓉經過長時間的紅酒燉煮 牛肉肉質軟嫩 醬汁濃郁配上綿滑的薯蓉和雜菜 每一口都讓人覺得十分滿足！🌟法式蘋果批以自家製的法式蘋果批收尾酥脆的外皮包裹著濃郁的蘋果餡料散發著濃濃的香料和牛油的氣息

聖誕去邊度約會好？👫💞 呢間酒吧餐廳氣氛一泡，新推出左個二人Tasting menu，聖誕節同另一半黎慶祝就啱晒啦❤️🎄Tasting menu For two $980🔸前菜✨香煎西班牙鴨肝酸種麵包吐司意大利陳醋鴨肝煎得外層香口，配上酸種麵包吐司同埋黑醋 ，可以中和油膩感，perfect match 💯✨昆布鰹魚水冷漬鮑魚鮑魚好大隻，水冷漬令到鮑魚入口更爽口彈牙！🔸湯✨龍蝦湯 +$68用龍蝦和大量的海鮮熬煮而成，味道非常鮮甜和濃郁！🔸主菜✨八櫻M7和牛頸脊 7oz 日式燒汁M7和牛頸脊色澤粉嫩，肉質相對結實爽滑，肉味較濃郁，滿滿優質的油花，入口好juicy，配埋燒汁味道更提升！✨將道酒燒西班牙杜洛克 黑毛豬肩肉打卡一流的菜式📸 店員會先將「將道酒」點火，然後淋上西班牙黑毛豬🔥 酒味超級香濃，黑毛豬肉質口感軟腍肉味濃，配菜嘅薯蓉好Creamy好好食！🔸甜品✨心太軟配鮮果心太軟焗得剛剛好，外皮脆口，內裡流心的朱古力醬甜而不膩，搭配士多啤梨🍓sweet sweet 💖✨法式蘋果批蘋果批批皮鬆脆香口，內餡是酸甜的蘋果片，味道適中，為今餐畫上完美句號💞🈹宜家只要搭的士到 Ellipsis Bar

今次，愛玩小生👦🏻到Cafe食晚餐，環境氣氛好正！每一道菜式都好精緻，而且更有聖誕限定菜式！食評：龍蝦湯龍蝦湯味道濃郁，鮮味十足，湯底幼滑細膩，帶有自然的海鮮香氣。配料如蝦肉或麵包粒增添口感，喝起來每口都滿載鮮甜，特別適合喜歡濃湯的朋友。脆皮乳鴿釀牛肝菌意大利飯乳鴿外皮香脆，內裡鮮嫩多汁，肉味濃郁。牛肝菌意大利飯米粒軟硬適中，吸滿了菌菇的香氣，兩者搭配一同吃，口感豐富，味道更有層次。將道中國白酒燒西班牙杜洛克黑毛豬肩肉豬肩肉軟嫩多汁，肉質鮮甜不乾柴，配上白酒的香氣，味道更加豐富。豬肉的外層略帶焦香，醬汁濃郁入味，肉香與酒香互相襯托，口感扎實。慢煮紅酒梨配椰子雪糕紅酒梨酸甜適中，果肉軟糯但不爛，滲透著淡淡的酒香。椰子雪糕香甜滑溜，清爽不膩，兩者一冷一熱的搭配，甜而不膩，口感對比鮮明。法式蘋果批蘋果批批皮鬆脆香口，內餡是酸甜的蘋果片，味道不會過甜。熱騰騰的蘋果批配一球香草雪糕，冰熱交融，口感豐富，經典又不容易出錯。📍Ellipsis Cafe & Lounge（省略號）上環干諾道西48號干諾中心2樓

作為港島人 識揾返間睇日落靚景嘅餐廳緊係好重要‼️ 黃昏時分可於大玻璃窗前欣賞良辰美景完全係賞心悅目嘅一大樂事❣️ 𝒮𝐸𝒯 𝐹𝒪𝑅 𝒯𝒲𝒪 $798🥢𝒟𝒜𝐼𝐿𝒴 𝒮𝒪𝒰𝒫 𝒲𝐼𝒯𝐻 𝒢𝒜𝑅𝐿𝐼𝒞 𝐵𝑅𝐸𝒜𝒟 是日精選湯＆蒜蓉包今日嘅餐湯係粟米忌廉湯 濃厚嘅忌廉加入粟米粒粒口感順滑加上脆香嘅蒜蓉包perfect match🥣🥢𝒮𝑀𝒪𝒦𝐸𝒟 𝒮𝒜𝐿𝑀𝒪𝒩 𝒮𝒜𝐿𝒜𝒟 煙三文魚沙律 +$88厚身煙三文魚煙燻香氣撲鼻 鹹香帶點滑順絲柔油花口感 加埋黑醋汁酸酸地好開胃好正🥗🥢𝒜𝒩𝒢𝒰𝒮 𝐵𝐸𝐸𝐹 𝐻𝒜𝒩𝒢𝐸𝑅 𝒮𝒯𝐸𝒜𝒦 (𝟩𝟢𝒵) 美國安格斯封門柳7安士每隻牛只有一塊嘅封門柳位置十分罕有🥩肉味重而肉質較腍 油花相對較少 食落低油脂感 唔使加任何醬汁都可以就咁同薯蓉一同入口 享受細膩幼滑🥢𝐵𝐸𝐸𝐹 𝒲𝐸𝐿𝐿𝐼𝒩𝒢𝒯𝒪𝒩(𝟤 𝒫𝒪𝑅𝒯𝐼𝒪𝒩𝒮) 威靈頓牛柳（二人份量）配薯菜招牌威靈頓即叫即焗酥皮酥化有層次 淡粉紅嘅牛柳極吸睛✨一切即碎嘅外皮夾心煙肉同濃香黑松露醬 令牛柳味道更上一層樓 一層又一層嘅外皮鎖住牛柳溫度保留肉汁豐富💦原有牛肉香充斥口腔直達喉嚨 每啖都有驚喜🥢𝒜𝒫𝒫𝐿𝐸

朝啡晚酒一向係我飲食宗旨2種不同的style, 2種不同的口味,但可以同時存在,不覺得很適合香港嗎?知我者莫過於好朋友, 所以朋友介紹咗呢間隱世的café & lounge 比我，話試過佢D咖啡及食物好高質, 朋友介紹得自然係好嘢,所以就晚上去感受一下~餐廳位於上環的干諾中心內，唔係朋友介紹真係唔知有間café & lounge，而且餐廳的名字都好有意思，Ellipsis, 省略號—省略都市繁嚣，延續無限故事，名字都起得咁有心思，可見十分用心。夜晚的酒吧餐廳走型格路線，氛圍帶點神秘的感覺，餐廳一排的玻璃窗，剛好可以望窗外電車街道，讓思想放空也不失為樂事，當然，亦可與朋友們促心談心，或盡情歡樂，延續每個人不同的無限故事……呢度有不同的酒吧優惠，非常的吸引，對喜歡同朋友飲番２杯的人是一大喜訊  🍹Gin Tonic (No. 3)($95)呢度嘅cocktails 都好有特色，而且用心製作。以呢杯Gin Tonic 為例，簡單但非常用心製作及細緻。呢杯Gin Tonic 用上英國御用的No.3 Gin，味道清新芳香，更突顯出杜松子、芫荽、葡萄柚皮和茴香的味道，bartender更用上Fev

平日做嘢咁攰，放工梗係要輕鬆吓！朋友介紹去上環呢間 Ellipsis Cafe & Lounge，供應多款酒品，雞尾酒更是既創意又漂亮，難得食品亦有水準，值得推薦 $980二人晚餐，價錢相宜，吃得滿意。餐廳位於上環商廈樓上鋪，取名「Ellipsis．省略」，為的是供應一個場所，讓客人省略都市繁囂，善待自己！燈火陰暗營造浪漫氣氛，不停播放着輕鬆音樂抒發心情。Gin Tonic (No.3) $95喜歡 No.3 gin 酒比較香濃，配 tonic，悶氣盡釋放。Chocolate Fever $105特為現代、獨立、事業型的人仕減壓，哈哈，是為我而設的嗎？濃度高的酒混合濃郁朱古力味道，厚厚奶油幼滑口感，隱藏金橘之香，回甘甜美，喜歡朱古力朋友們定必鍾意。香煎西班牙鴨肝酸種麵包吐司．意大利陳醋處理得恰到好處，吐司香脆，鴨肝肥美，外脆內嫩，以陳醋及果粒平衡肉膩，非常討好。龍蝦湯 +$68濃郁味美，估計是用蝦殼及蝦仔久熬出來的味道。將道酒燒西班牙杜洛克黑毛豬肩肉60oz面前倒進將道酒，然後燃明火，大增食慾。黑毛豬經過高溫燒一燒，香氣四溢，倍添外脆，肉質幼嫩，有點脂肪，調味剛好，酒香持久，色香味俱全

這間酒吧餐廳位於上環的干諾中心，主打精緻高質的西式料理，採用「朝啡晚酒」的經營模式，晚上搖身一變成為酒吧。店內裝潢以時尚工業為主，大玻璃窗透光之餘，又能欣賞到街景及夕陽美景，充滿打卡感。二人套餐 - $980香煎西班牙鵝肝酸種麵包吐司意大利黑醋外脆內軟的鵝肝細膩香甜，豐腴得入口即化，酸甜的蘋果醬及黑醋平衡膩感。龍蝦湯 +$68濃稠的龍蝦湯幼滑細膩，有著濃厚的龍蝦鮮味。八櫻M7和牛頸脊7oz日式燒汁選用著名的澳洲和牛品牌，牛頸脊有著鮮紅柔嫩的橫切面，有著密密分佈的雪白油花，不遜於日本和牛的霜降，入口肥嫩而具彈性，還有綿密的薯蓉及香甜多汁的車厘茄。將道酒燒西班杜洛克黑毛豬肩肉6oz嚴選優質的黑毛豬肩肉，肉味豐腴且肉質軟嫩，油脂分佈均勻細密，連嫩筋也能嘴嚼，再淋上燃燒的貴州將道茅台酒，醬香突出，回味悠長。慢煮紅酒梨配雪糕酒紅色原隻啤梨相當精緻，充分吸收酒香與香料的濃郁香氣，配幼滑細膩的椰子雪糕富椰奶香。法式蘋果批金黃酥脆的批底富牛油香氣，鋪上一片片像花瓣似的蘋果片，裡面還是滿滿的香甜蘋果粒，帶點肉桂香氣，口感清爽不膩。Gin Tonic - $95採用英國酒吧常用的No3 Gin，味道醇厚的

今次係二訪，最喜歡餐廳嘅座位布局，有部份係離其他枱好遠，好有私隱度，在這裏傾計好輕鬆，晚上來加上偏暗燈光好有氣氛，強烈推薦。◇ 香煎鵝肝多士頭盤是鵝肝，鵝肝肥美又煎得香口，配上蘋果蓉減少油膩感，搭上多士是絕配◇ 龍蝦湯充滿濃郁龍蝦鮮味，特別係有少許龍蝦肉有咬口◇ 火焰豬肩服務員即席示範將酒灑上豬扒跟着點火，熱力將酒迫入豬肉令味道提升，表面煎得微焦同肉質嫩滑亦令整體加分◇ 乳鴿鵝肝菌意大利飯乳鴿通常細隻，今次是一大隻乳鴿脾，開頭擔心肉質不夠嫩滑，食落真的不得了，又嫩又入味，配上鵝肝菌又好夾，滿滿驚喜◇ 紅酒雪梨配椰子雪糕椰子雪糕不只有椰子味，更有椰子絲增加口感，而驚喜在紅酒雪梨，雪梨浸滿紅酒，每口又甜又酒香，令人難忘◇ 蘋果批蘋果批一樣出色，香濃蘋果蓉，加上香脆批皮，上乘甜品