El Charro Mexican Cantina

又發掘到一間令人有旅行感嘅餐廳！佢仲係一間好適合大夥人、一家大細有老有嫩嘅聚餐好地方！墨西哥菜，環境充滿咗墨西哥風情，入到去就好似行入咗墨西哥一樣，四周圍有好多色彩繽紛嘅擺設，有piñatas 同埋墨西哥帽，感覺好有趣。而且，呢度仲係一個親子餐廳，有彈跳城堡同迷你影院，小朋友可以玩得好開心，大人就可以享受美食，真係一個好地方。講返食物，質素真係非常好！我試咗佢哋嘅 nachos，個粟米片同一般街邊食嘅真係完全唔同。平時出面嗰啲粟米片脆得黎有啲硬，但佢哋呢個口感特別鬆脆，甚至有啲偏向薯片嘅感覺，搭配上芝士、sour cream 同 guacamole，真係超級夾！另外，佢哋嘅雞翼都好值得一試，最正係用雞全翼，肉質鮮嫩，味道一流。至於服務方面，真係好好！每一位待應都好友善，而且態度真誠，令我印象深刻。特別係有一刻，我哋叫咗個 ribs，原本我哋都冇發現，但待應（可能係老板娘）主動提到呢份 ribs 佢會俾返我哋八折，因為佢話呢份 ribs 個 size 比佢哋平時嘅細，真係好有誠意！以整體品質同服務計，佢哋嘅價錢都算幾抵，真係值得一試！呢間一定會係我下次再訪嘅餐廳！…查看更多

🌯🇲🇽🌮沙漠中墨西哥菜美食🛎️店舖地方好大，員工超級nice，以下為lunch價✅Starter-自助沙律吧🥗有墨西哥脆片配幾款墨西哥醬汁，牛肉碎、沙律菜、經調味嘅蕃茄沙沙及菠蘿沙沙，全部都好好味，好有墨西哥風味。而飲品吧除咗有咖啡、蘋果汁、橙汁之外，仲有雜果賓治，好味😋飲左2杯，真係食buffet bar 都食飽😆如果唔肚餓嘅人絕對可以唔要main淨係要buffet，$88就可以✅FISH TACOS 🌯- $148外皮香口得來都好軟熟，容易入口而入面亦都有唔少醬料同埋配料，包括仲香脆嘅炸魚，生菜絲、蕃茄粒、沙律醬等，口感味道都好豐富。✅CHICKEN BURRITO BOWL🥙- $138個沙律碗真係超大份，下面有啲生菜，而上面就有唔同嘅配料，包括烤雞、紅腰豆、牛油果、蕃茄莎莎、藜麥。烤雞煎香有香草味，而其他配料都好新鮮。✅EL CHARRO BBQ PORK RIBS🥘 -$148用鐵板上，新鮮滾熱辣，而肉都好juicy。但下面嘅墊底蔬菜撈咗醬汁同埋比鐵板燒過，味道超正，比肉更出色😆✅Churros +炸雪糕甜品都好出色㗎，Churros都好脆口，而且仲有炸雪糕，churros可以揀要唔要肉桂粉，另外都會有朱古力醬。而炸雪糕就外熱內凍，有冰水交融嘅感覺，如果有朋友生日嘅仲可以要求寫字。…查看更多

墨西哥料理係大家心目中最招牌既菜式：墨西哥捲Tacos～🪇今日試呢間墨西哥餐廳係數碼港商場，趁住復活節假期，望住海景chill一chill😎就算一家大細都合適架！現場仲有小朋友玩得既充氣遊樂設施！🎪🌮招牌豬肉墨西哥捲四塊捲餅（約一人份量）：$198煎餅稍微加熱，更軟而有彈性，包住燒過既豬肉，再配上調味過既蕃茄、洋蔥、香草等香料，味道又香又好味🤤📌El Charro Mexican Cantina🍽️薄扶林數碼港道100號數碼港商場2樓208號舖…查看更多

喺這家墨西哥餐廳嘆咗一個難忘嘅午餐，每一啖都似在狂歡！🎉 Soft Tacos with Chicken 直頭係新鮮爆煲，啖啖雞肉，夠juicy，嗌啱口味嘅醬汁，好好嘗。Chipotle Chicken Wings 足足嘅辣啖，啖啖肉都滲透咗辣椒同煙燻嘅濃郁香味，一啖嘴都食指大動。 🌶️ 心水推介嘅「墨西哥石鍋」（Molcajete），溫暖醬汁覆蓋住嘅嫩滑雞肉，同牛油果嘅組合，夠曬滿足！再夾塊薄餅，簡直係Perfect Match！😋 想輕鬆歎飯，又唔使太貴價，呢間餐廳真係值得一試！快啲同三五知己嚟場味蕾嘅舞會，盡情享受墨西哥佳肴喇！…查看更多

去數碼港附近staycation，晚餐揀左商場呢間墨西哥餐廳🇲🇽因為得我地一枱客，餐廳仲問我地可唔可以提早食添🤭.✨Fish Tacos✨食墨西哥野點可以唔食taco🌮🤭不過如果可以再揀，可能會揀第2隻肉類，因為個炸魚比較普通，好似快餐店既咁🙈但個醬汁酸酸地幾開胃✨Pulled pork quesadillas✨睇落好細份咁但其實入面有滿滿既手撕豬肉🐷夾埋蕃茄莎莎一齊食就無咁漏✨Chicken wings (6pc)✨蓋滿香料既雞翼，入口好似土匪雞翼既走鹽版咁，孜然味好濃但無咸味，如果可以加少少鹽吊吓味應該再好食d…查看更多

每一個菜色都好好食，食物溫度控制得好好，由其是炸魚taco, nachos即炸，churros 外脆內軟，pulled pork burritos 一啲都唔唔柴，充滿肉汁。完全估唔到呢間好食得咁緊要。絕非廣告 但希望喜歡墨西哥菜的朋友都可以試下。店員熱情，會提醒你點餐份量。我相信好快會再返黎食。Margaritas一杯份量剛剛好 甜酸適中。另外加點guacamole 50蚊，不過不得不加。另外雞肉quesadillas 朋友們話係今晚最好食。總結就係會好快返黎！…查看更多

位置沿岸的數碼港，環境優美空氣清新🥰來到這間好有墨西哥特式的餐廳，像身處外地，感覺好輕鬆。員工服務很好，會好主動推介你，MEN其實己放在枱上，但如果你有需要有食物的相片看，員工可拿iPad 出來給你❤️ 十分貼心（1）soft tacos with chicken份量好豐富，外皮雖然煎香過但係好柔軟，容易入口，蕃茄粒好新鮮好香， 點埋醬味道更提升👍 （2）Chipotlc Chicken Wings雞翼有6隻或12隻自行選擇。味道好入味， 好濃郁帶點辣，十分有特式👍肉質好軟，烹調時間剛剛好…查看更多

位於Cyberport既EI Charro Mexican Cantina，係商場內，裝修好有特色，踏進餐廳已經覺得好有格調，十分適合情侶。墨西哥菜十分正宗同出色，價錢亦唔算貴，聽住音樂慢慢食，好有情調，職員亦都好nice & helpful 😍商場內餐廳大門入口連沙津都咁大份！我地叫左個TACO, 醬汁酸酸辣辣十分開胃豬肋條 😍 肉質嫩滑！醬汁都好鮮味！…查看更多

難得黎到數碼港，呢間喺我口袋名單想食左好耐既墨西哥🇲🇽菜呢日終於都可以試吓啦😆一入到去就感受到濃厚既異國風情唔知真係一下夢幻自己置身墨西哥🇲🇽嫁🤩我同朋友個刻都唔算係十分之餓所以只係點左Tacos & DrinksTacos好好食啊😋Tacos用料都好豐富啊有雞肉，蕃茄碎，洋蔥🧅菠蘿等等非常惹味啊，個sauce就有少少辣嘅唔太食得辣嘅我就覺得越食越辣啦朋友點既house frozen margarita同我點既chapalita都好good😉 …查看更多

琴日同同事食咗數碼港商場呢間墨西哥菜，店員都係外籍人士，夠曬外國風情！餐廳好大，但客人唔多。但其實呢度好抵食，全部lunch set都係$128 加一，有齊餐湯、小食、主菜同飲品👍🏻餐湯非常特別，因為平時啲西餐廳都唔會落咁多紅黃綠椒，但出奇地好飲，唔會有嗰啲椒嘅草青味，就連唔食紅黃綠椒嘅同事都飲曬食個湯但剩低啲椒😂小食：Corn chips and dips每台都有一客呢啲粟米片配三個醬(蕃茄粒粒、蕃茄粒粒配粟米同sour cream)，始終味道都係無點牛油果醬、芝士或者茄汁肉醬咁好食；但如果真係好想食傳統nachos嘅話，其實呢度個main都可以揀嘅😊主菜：El Charro Fatijas 睇完個名都唔知呢個主菜係咩嘢。其實就係首圖嘅牛肉配紅黃綠椒同紫洋蔥鐵板燒配印度薄餅兩塊，夠晒鑊氣。份量好多，如果多啲汁更好食😊主菜：El Charro BBQ Pork Ribs同事俾咗Ribs 我試，我覺得仲好食過鐵板燒，因為佢個燒烤醬好惹味。正當我諗緊係咪用手食之際，同事個個都非常輕易地用刀叉就扯到啲肉出嚟，啖啖都係入曬味嘅肉；另外薯條都唔會太鹹，大推🤤…查看更多

哩間墨西哥餐廳在數碼港餐廳已經開咗好幾年，可以在咁嘅環境支撐咗咁耐，我相信佢係有d實力😂。每次必食嘅一定係nachos同雞翼，然後order一渣sangria，同朋友悠閒地傾計，真系好relax！另外佢個share ribs燒到骨肉分離，容易咬兼啖啖肉，醃到好入味，要讚！雖然個位置真系山長水遠，特登走去食就唔好啦，但系如果咁岩行開數碼港，都不失為一個好選擇。因為人唔算多，唔洗等好耐，而且哩度裝修都有d墨西哥風情，坐得舒服又闊落👍。…查看更多

這間餐廳在數碼港商場已經開業多年，由於餐廳地方寬敞，空間足夠，兼且有不少玩具放置在餐廳內，一直很受一家大小歡迎。這餐廳也是小朋友開生日派對的好地方，可惜疫情關係玩具收起了，也沒有小朋友生日派對，但餐廳仍有不少適合小朋友的餐枱和小椅子，也有一台大電視機不停播放卡通片，一家大細也可以安安靜靜的用膳。已光顧了很多次，餐廳食物質素也保持得不錯，其中最喜愛是full slab pork ribs，肉質嫩腍，醬汁惹味，而且份量也不少，絕對推介！Sweet corn - 烤過的粟米又香又甜，加上少許cream cheese 入口更香滑味美。Nachos (shredded chicken) - 香脆的nachos 配上溶化了的芝士、墨西哥式牛油果醬和酸忌廉，整體有芝士的香味和牛油果醬的清新芬芳，還帶些微酸，作為佐酒小吃相當不錯，唯一要改善的是雞肉不夠軟熟。Super bock - 不是太常見的葡萄牙啤酒，這餐廳提供draught 。…查看更多

係朋友既介紹下，今日就黎到呢間餐廳食墨西哥菜。雖然係位置於數碼港，比較遠，但呢到既食物好值得黎呢到食。剛坐低，waitress 都好好比左個信封裝口罩，仲會問需唔需要睇有圖片既餐牌（滿足到睇唔明只有文字版meun 既食客），而且仲會向食客推介食邊幾道墨西哥菜。呢道菜有幾種肉類比大家簡，今次簡左豬肉，超好食！呢個ribs都係超好食 ，都幾‘林’，酸甜適中，waitress仲會問埋需唔需要幫我地切埋！個人覺得呢幾道墨西哥都好好食，尤其係ribs！服務都好好，中途都有幫我地自動加水！下次會再同朋友黎試埋其他既墨西哥菜。…查看更多

雖然餐廳位置山長水遠，但勝在人少，連周六都沒有坐滿。我地都係大約七點左右walk in，得幾張枱有人。環境好輕鬆，外國人居多。主打麥西哥菜，整體都好好味啊！tacos入面是炸魚柳，好鬆軟，sauce係酸酸甜甜的好好味。老闆娘話個ribs醃左幾十個鐘😮(如果無記錯）但真心好好食！肉質夠林，亦醃得好入味。本身勁飽都忍唔住咬多兩啖肉。唯一美中不足係，不能留太耐，九點左右要關門。（盡量早點去吧）…查看更多

第一次光顧此餐廳。平日午餐有88蚊一個制定主菜的優惠。加40蚊有taco chips自助餐和冷飲及咖啡或茶。我沒有試自助餐。要了Sizzling chicken fajita, 雞肉不少,全瘦,很香,烤的剛好。肉底下全是燈籠椒和洋蔥絲,也很可口。附上的玉米餅也好吃,但份量小,不太夠飽。下次多人來可以試自助餐,配料很多喲,有菠蘿和番茄沙沙,碎牛肉醬和豆醬等,還有酸忌廉,看上去很新鮮。服務員態度ok,也很有效率。…查看更多