Eat@ease

營業中

休息中

今日第一次黎依間餐廳食，餐廳屬於隱藏性平價酒店西式餐廳(因為算係係工業區入面)，食材都好新鮮，而且好大份。種類唔係話好多，但係好抵食，環境幽靜，有D輕音樂，可以靜靜地食個LUNCH啦~11月內星期六日仲有7折，三個人埋單三百幾捧住個肚走真係好抵呀XD先係出去拎左碟Salad，有好多健康食材，平時好少見既黑橄欖同迷你洋蔥都有，d菜唔會好多積水，保持新鮮狀態。之後試左小碗西湯，雖然係西餐廳，但都提供左中西式兩種湯俾大家揀，我就揀左西式既肉桂蘋果紅蘿蔔忌廉湯，旁邊有小面包可以配埋黎食。叫上餐先會上main course，我既超大碟羊扒，有需要仲可以問waiter拎薄荷jam~仲試左幾款甜點，仲有個拉心心花既latte，正。好愉快既一次用餐經驗，依到仲有車來往葵興mtr，十分之方便下次有機會試埋個DINNER先~~~

今日一家大細來到呢間酒店食半自 自助餐 一去到有， 蒜蓉焗蠔，冷盤海鮮好新鮮， 牛扒、 仲要係任食 ，羊扒都叫咗四份 ，四個人食咗八件羊扒，一啲都唔騷又好多汁、 好好味，下次都會再來。

聽晚呢間lunch 幾抵食，咁啱黎呢頭做野同同事食。呢度啲裝修幾靚，幾高級咁。有酒店嘅感覺。set lunch 有6款主菜可以選擇，除左主菜，仲可以食甜品！仲有跟一杯餐飲. 牛扒永遠係首選！$138都可以接受，因為呢個喺肉眼扒。牛扒都幾大塊喎，賣相幾吸引，都有啲厚度。肉眼咬落咗感都幾chewy。唔太食得出醃過龍嘅感覺。 肉眼下面有啲菜，如果放傍邊可以會靚啲~我覺得 side dish可以多少少。食完塊扒都飽左8成。。最後食左2件甜品就收工！一件 cheesecake 同puff。甜品細細件咁份量好啱。食完都幾滿足.

網上見到有優惠，而且價錢合理，就同埋朋友一齊去食。地點有點偏僻，由於不熟那區，等車轉車花了很多時間。來到餐廳，人流不算多，以半自助餐的形式，可以任點餐牌上的食物。推介熊本和牛扒及漢堡，牛扒雖然好淋好好食，但認為可配載不同醬汁，因為豬扒牛扒都是同一醬汁，吃落口分別不太大。另外漢堡份量巨大，但非常多肉汁，建議最後才order！

其實只要把餐牌上的都點齊！一定吃的比全自助餐更飽！而且餐牌上也有很多素食者合適的菜式， 反而所謂的自助甜點及飲品寥寥可數，有點失望！要吃雪糕還要另外加$1！見隔離枱有得吃細問才有的！為何不大方一些隨便吃呢！香草多士蕃茄沙沙很特別，味道不錯！ 但只有1.5小時真的比較趕！

約朋友吃飯，來到hotel ease，當然我知道晚餐的價錢唔貴，不會有一些不合理的期望。侍應進餐廳，因朋友未到，擔心要開始計時，但他說可坐低等，只要不落單叫東西就當未開始。有一些海鮮，長腳蟹一般，稍為欠肉。凱撒沙律加烤蝦算不俗。西冷牛扒雖然薄，但味道不錯，前後叫了兩客。其他的食物都如炸魚餅，煎魚都可接受，有檸檬但只可沖茶，沒有熱水，橙汁任飲。$220元我不知道是否便宜，但我朋友都算好挑剔的人，他話好吃過金翠(荔枝角道好多人排隊那一間)，有人說牛扒薄過快餐店，但這些牛扒肯定好你快餐店那些無味的扒。總括$220來說都尚算可以，你當然不能用它來與$500多的自助餐來比較，畢竟價錢不同。

睇到雜誌介紹，滿心歡喜同朋友去食，點知:蟹腳是紫瘀色兼無味的～～～～～焗蠔細粒過蠔鼓！！！西冷牛扒薄快餐店，仲問我要幾成熟，最後都係全熟，問黎做樣的？？？？燒豬髀嚡過煲湯豬肉，豬有豬（酥）味@@咖哩稀過水食完餐飯除左頂著條氣之外，仲頂著個胃，半夜嘔到七彩 ))))))))雖然話只係218蚊，但係我諗呢個價錢一定有其他更好的選擇，而唔係食垃圾囉！真係俾錢請我都唔會再食，第一次嬲到要寫食評話俾大家聽千萬不要中伏！

睇食評見到呢度個Lunch Buffet 好似好抵好好食咁，所以今日星期日就黎左呢度唸住試下。黎之前有冇講原來週末唔係Semi Buffet係Full Buffet，唸住野食質素都唔會差太遠，冇所謂，就入左黎。一入黎就知伏。主食得三種：一個又乾又冇味嘅炒飯，一個冇調味料煎嘅魚加沙拉醬，同埋一個好似膠嘅質感嘅豬頸肉。所謂Buffet完全冇選擇，除左主食嗰三碟，就得一碟瓜同埋蒸腸粉係熱嘅，其他全部都係咩沙拉，其實好多都係罐頭食品。真心，俾呢個價錢都會有少少期望。我相信呢間野有咁多好評係因為Weekday Lunch Buffet真係唔錯，但係週末個Buffet，真係好唔掂。

星期日去左食個lunch buffet ，完全冇野可以揀，唯一既主食係又硬又乾既炒飯同冇味既米線，離唒譜！一定唔會再食！冇啖好食！128蚊我寧願去茶記食4碟楊州炒飯！

質比價高既自助餐！之前用早鳥優惠晚訂位$214就可以食到個平、靚、正💗極奢華自助餐😝依家睇返啲相都流哂口水！等我話你知有幾好食啦！🌟煙三文魚及凍肉拼盤 三文魚脂肪條紋分佈平均，口感細膩，入口甘香濃郁！凍肉帶點點微辣，肉質香軟，口感豐富😛🌟蒜香檸檬燒豬肋骨 面層曬上檸檬皮同炸蒜粒粒！未放入口經已聞到勁惹味！肉質又滑又嫩！，加上惹味醬汁，真係食到10隻手指都啜晒啊！🌟燒羊鞍配薄荷忌廉汁 燒羊鞍一d都唔羶！脂肪分佈均勻！肉質幼嫩！ 我一個人都食左五舊！！必食推介喔！🌟參巴醬燒魚 魚肉嫩滑配上特製醬汁！入口甜甜辣辣，非常惹味！🌟杞子雪耳燉雞湯 燉雞湯係女人至愛！補身嘛！，雪耳、龍眼肉、鮮雞、杞子、紅棗、蓮子等等一齊燉左三個鐘，火喉十足！不得不讚！雞肉非常嫩滑喔！ 🌟芝士蛋糕、日本大福餅、士多啤梨忌廉泡芙、檸檬撻士多啤梨日本大福餅裡面加入蘆薈肉！口感、味道非常討好！我食左兩件！真心正！檸檬撻 酸酸甜甜！完全唔滯！士多啤梨忌廉泡芙，入口即溶！(我要食十個！)🌟仲有仲有！包埋一人一杯Häagen-Dazs雪糕同餐飲添！

好抵既lunch set, 可以享用好不錯的salad bar! 麵包有三四款，同朋友每人一款，試哂都覺得好好，因為要脆有脆，要淋有淋，件件都咁新鮮；牛油，醋，Olive oil全部ready, 任你揀!沙律好正呀! 沙律菜又新鮮又多款，另外又有泰式青木瓜沙律，蘋果沙律，火腿pasta及多款健康豆類(紅腰豆、雞心豆); 黑色、綠色既olive，真係目不暇給。估唔到這酒店不是位於市中心地區，但這Salad bar都好有級數!cream puff ok la!New York cheese cake!好好味、好煙韌既和果子!主菜方面，以下這兩個比較好。一是咖喱飯，另一個是三文魚。一濃、一清淡，所以無論你是那種口味都可以配合得到!

朋友介紹話呢間酒店入面嘅午餐好抵食，原來呢度嘅午餐係半自助餐嚟嘅，即係有少少嘅沙律同埋熱食係可以任食，然後就可以再嗌一個set lunch，仲有甜品既🤗🤗🤗話晒都係酒店入面食嘢我諗質素都應該有返咁上下，呢間酒店可能仲係好新，個出入口位都幾難搵，我哋一行八人一早訂定枱食lunch，入到去侍應好有禮貌咁樣安排左我哋坐低，我哋已經急不及待出去睇吓有咩食，其實就唔算好多款式揀，有湯啊，沙律啦，螺絲粉，不過淨係前菜都已經飽飽地，然後我哋各自帶咗黑松露意粉啦，芝士雞肉意粉，意大利飯，漢堡包等等，環境都算幾舒服啊，偶爾嚟食一餐都OK🤗

見$150 任食 diner buffet, 結果喜出望外。如果單點比較貴，buffet 抵好多。雖然平，但食材新鮮即煮，好好味，廚師勁，侍應殷勤，讚！地點超隔涉。聽講四月加價。

＄150任食晚餐，抵過返大陸食啦。仲要係酒店嘅餐廳裏邊，質素唔差個喎。餐牌上90分鐘＄150任食，我哋兩個人食咗西冷牛扒，燒羊架，剪三文魚，卡幫尼意粉，墨汁蟹肉意粉，凱撒沙律加煙肉，蘑菇湯，炸雞鎚，酥炸魷魚圈，仲有芝士蛋糕同廚師推介蛋糕，兩杯咖啡，真係抵到冇人有，食到攬住個肚走。廚房有五個廚師，樓面有五個夥計，服務好好，食物全部即叫即做超級抵食。唯一我覺得佢差啲嘅就係張凳坐得唔舒服，可以考慮吓轉櫈囉。另外酒店位置係工廠大廈中間，唔熟路的話未必咁容易搵得到。但係都係果句：超級抵囉！

食物：主菜，選擇款式適中。份量也足夠。味道也沒不滿。甜品，只有2/3款細細件湯，2款，西湯類似豆湯，幾好味幾特別，易入口。沙津，偏清淡，要自行加點千島醬環境：地方似很大，但枱和枱之間很迫。行出去需側身，也撞到鄰座。服務：ok