Dozy

營業中

休息中

深水埗呢邊真係越來越多文青Cafe，這間Cafe裝修偏水泥風，配上懷舊的裝飾，充滿特色。.😋DOZY BRUNCH $108全日早餐好豐富，有法蘭克福腸、紐倫堡腸、🍳炒蛋、🍅燒蕃茄、多士和🍄大啡菇。法蘭克福腸及紐倫堡腸，夠惹味，煙韌有口感；炒蛋炒得很嫩滑；燒蕃茄夠甜；多士好香脆，配上自家製柚子忌廉好美味；大啡菇食落多汁又健康。.🥪蟹籽蟹肉配檸檬刁草醬三文治 $98三文治烘好香脆，蟹籽和蟹肉🦀份量都很多，混合埋🍋檸檬刁草醬，提升味道和口感，簡簡單單的材料就整得那麼出色。.🍰巴斯克芝士蛋糕 (抹茶) $58芝士味道濃郁，又不會掩蓋抹茶的味道，口感軟滑。.🥭Chloe $68用了熱情果、芒果及咖啡特調而成，想不到味道這麼夾，融合一起味道充滿特色，值得一試。.☕️Mimi Momo $68焙茶沙冰加上咖啡整成，焙茶的茶味甘香，加上香濃的咖啡，整成沙冰慢慢溶化，飲落順口。

週末去了深水埗捜購布匹，行到熱辣辣於是走入了一間型格café稍作休息!這間位於基隆街的café，餐廳是水泥風格，店內有多張梳化，令人有種返到屋企chill的感覺!歐陸式醃三文魚牛油果芥辣忌廉貝果，貝果上有滿滿的沙律菜和醃三文魚，還有大量蟹籽在上面，加上芥辣的嗆鼻，有種刺激味蕾的感覺！蟹籽蟹肉配檸檬刁草醬三文治，多士入面有大量拌上清新檸檬刁草醬的蟹肉，加上卜卜的蟹籽，口感豐富！烏龍茶卷蛋，卷蛋有好甘香的烏龍茶味，口感軟綿，而且又不會好甜！Espresso Tonic，咖啡味道帶酸，跟tonic味道好夾，味道亦易入口！Coffee Smoothie，咖啡味的沙冰味道都幾香濃，還加入了雲尼拿雪糕，味道更香滑，更透心涼！

經過深水埗見到間水泥工業風既cafe，見幾得意就入去試吓！！ 餐廳入面有一面牆搵左藝術家畫左幅畫，令空間帶出一點禪意同寧靜感。餐廳出面都有2個位可以帶埋寵物用膳，不坊試下💕 😋 Dirty $40呢杯Dirty令人相當難忘，牛奶味道相當香濃，不論係視覺效果定係味道都層次分明，望住牛奶慢慢融合在濃縮咖啡內，感覺很療癒，大推介😋😋 Ice Long Black $42每杯咖啡都由老闆沖泡，老闆嚴算咖啡豆，所以咖啡都好香濃。Long Black更加試到咖啡原味，味道偏natty，解膩之選！😋 Dozy Chocolate $50對於吾飲咖啡既人嚟講，飲chocolate 係另一選擇！呢杯朱古力味濃郁，奶味香濃，令人一啖接一啖💕💕😋 Tofu cheesecake $58豆腐味好香濃！ 不過芝士味吾算突出，驚喜之處係蛋糕上有黃糖，令人感覺似食豆腐花🤣🤣 😊 Basque Burnt cheesecake $58味道中規中矩，芝士味可以再濃啲！ 食落都軟滑抵食程度：⭐️⭐️⭐️食物質素：⭐️⭐️⭐️⭐️員工態度：⭐️⭐️⭐️⭐️環境裝飾：⭐️⭐️⭐️⭐️衛生情況：⭐️⭐️⭐️食過返尋味：⭐️⭐️⭐️⭐️（滿分：⭐️⭐️⭐️⭐️⭐️）#foodief

食物有ADB, 意粉&包類! 裝修走工業風，好raw而且寛敞👍🏼 同朋友chill一個下晝好悠閑☺️.🥯蒲燒汁鰻魚滑蛋貝果 $108: 好日式嘅Bagel😆 蒲燒汁鰻魚肥美鮮甜，配滑蛋好match☺️ Bagel煙韌有口感👍🏼.🍝慢煮香草雞扒牛油果醬意粉 $98: 牛油果醬意粉味道清新 口感creamy🥑，慢煮香草雞扒肉質鮮嫩😍.🍰焙茶巴斯克芝士蛋糕 $58: 焙茶味夠香濃，巴斯克芝士蛋糕呈軟心😍 口感幼滑😋. 🤎Mimi Momo $68: 焙茶latte+咖啡，茶香配咖啡豆烘焙過嘅果味好提神👍🏼.🖤Nothing $68: 黑芝麻豆奶+咖啡，黑芝麻有顆粒感好香濃☺️

假日在深水埗信步而行，不知不覺走到基隆街。見到一間樓底極高、走水泥風格，配搭復古梳化、植物、吊扇和木桌椅，既懷舊又型格，佈置看似隨意，但別具心思，令人感到放鬆。🫧 Dirty $40夏日炎炎，忍不住點了冰的Dirty😚 但個覺得咖啡比例偏少，咖啡味比牛奶沖淡了🥴🫧蟹籽蟹肉配檸檬刁草醬三文治 $98三文治烘得金黃👍🏻 蟹籽量比想像中多，食落啖啖蟹肉，配上檸檬刁草醬，味道夠light❣️🫧慢煮香草雞扒牛油果醬意粉 $98見到每一枱都有點這款意粉🙊一上枱就已經聞到陣陣香草味🌿 雞扒表脆肉嫩，但個人覺得香草落得稍為重手，孜然味太搶味了，變相吃不出牛油果醬味，反而豬先生十分滿意😆 🫧伯爵茶卷蛋 $45cake of today✨ 伯爵茶味濃淡得宜，忌廉輕盈不膩💕 蛋糕夠鬆軟，好味😋這裡的梳化非常好坐🤣🤣 喜歡這裡的氛圍，很cozy，令人想慢下來。這裡消費可以儲印花？ 滿5印就有9折；10個就有free drink😆😆 等我下次再回頭光顧儲印🙊🙊

近年深水埗文青cafe大家都會諗起大南街，其實附近既基隆街都有唔少文青Cafe，今次到訪以水泥工業風裝修配復古家具佈置既Cafe，Cafe以長長矮矮椅或梳化靠兩邊牆放置，配以高高既樓底空間感十足，不過為配合整體環境，所有枱都係矮枱，食野時其實有啲唔舒服，不過平日黎放空嘆杯啡唞吓氣係幾Chill。食物方面，試咗西西里蕃茄海鮮意粉，有蝦、帶子、蜆肉配蕃茄汁，味道偏淡同埋意粉質感一般，整體沒有驚喜。相反個南瓜牛油果石榴沙律配香橙酸甜汁顯得好味，南瓜烤得好香甜甜的配埋熟度剛好的牛油果好食。本來好想試佢個豆腐芝士蛋糕，但今日無，結果試咗佢個伯爵茶卷蛋，蛋糕鬆軟配滿滿伯爵茶香的忌廉，甜度適中配咖啡一流。佢地有杯特別既咖啡Nothing係Cappuccino加黑芝麻，不過我飲番咖啡既味道，所以都係揀番Latta咖啡味香醇，OK La。不過佢個Cold Brew桂花烏龍茶有驚喜，冷泡茶充滿烏龍茶香，反而覺得茶比咖啡出色。整體嚟講食物同飲品都OK，環境係加分位，同朋友嚟chill下傾下係個唔錯嘅選擇！

這間Dozy位於深水埗基隆街嘅地舖，係一間店面環境好有工業風格調🤔，以一盆盆綠色植物擺放感覺都幾特別，而牆壁上畫咗特別的璧畫!.歐陸式醃三文魚牛油果芥辣貝果 $88呢一款貝果賣相真係睇得吓🤔，色澤又夠吸引😍材料豐富，佢嘅醃三文魚帶點芥辣味😋口感鮮味都好嫰滑，整個貝果口感煙韌又有咬口，再加埋D蟹籽配沙律醬令到味道更加好味!.紫菜滑蛋肉鬆厚多士 $78呢款厚多士望著都好想食🤤，配料都好豐富😮，有紫菜、滑蛋、肉鬆，用咗嫩滑嘅滑蛋口感軟綿綿帶點濕潤😋，同埋滿滿嘅肉鬆令到整塊厚多士都好豐富，上面放咗D紫菜點綴，整份厚多士食到入口味道都好好味😋，有紫菜同肉鬆嘅脆口帶點香脆，配埋滑蛋蛋香味😙，加埋厚多士嘅脆口三者相當之唔錯!.豆腐芝士蛋糕 $58呢款芝士蛋糕賣相都幾特別🤔，感覺上好似一件豆腐，但係比起豆腐更加好食，食到入口聞到芝士香又帶點豆香味😙，口感相當之軟綿綿又帶點滑口😋，而甜度適中，真係好有特色嘅甜點!.朱古力咖啡 $45呢杯咖啡賣相都唔錯🤔，聞到香噴噴咖啡味😙!.有機古樹紅茶$58呢杯古樹紅茶茶味都好香😙，色澤通透帶點渴紅色夠哂鮮明，飲入口茶味十分之濃厚!.

近年深水埗是咖啡聖地，有不少咖啡店進駐，這次就去了其中一家打卡。位於基隆街的小店，以工業風裝修為主，另有小樹木做裝飾，感覺挺特別的🤩。食物以輕食為主，另有咖啡、茶飲及甜品選擇。-💥朱古力咖啡 HKD$45 | 有機古樹紅茶 HKD$58，朱古力咖啡顏色較深色，朱古力味較重，咖啡味挺香的。有機古機紅茶色澤紅潤，味道濃郁甘香。-💥歐陸式醃三文魚牛油果芥辣貝果 HKD$88，這個賣相吸引，另有沙律拌著🤩。醃三文魚味不會太咸，醬汁味道特別，散發微微辣味很惹味。貝果口感煙韌，拌著吃挺飽的。-💥紫菜滑蛋肉鬆厚多士 HKD$78，這個小食顏色鮮豔，擺放到像花的模樣🙈。紫菜配肉鬆口感酥脆，滑蛋香滑蛋味濃，厚多士口感香脆。-💥豆腐芝士蛋糕 HKD$58，面頭有小花做裝修，看似平平無奇的賣相。芝士蛋糕口感幼滑，豆腐味道很香，感覺像吃雪糕的。-

復古工業風 so raw 灰色水泥牆配上木系傢俬仲有幾個影相打卡鏡子 Jeng .店舖非常寬敞 提供很多位置 位置間有一段距離感覺很休閒間中有綠色植物穿插.穿搭方面文青 型格 復古 樣樣都可門口位置彩光比較好. -慢煮特級牛小排三層三文治- $108 🥂麵包表面烤得好香脆 牛小排半成熟 入口很嫩 配上蔬菜跟醬汁 非常不錯.喺度飲上一杯咖啡帶埋小寵物好relax!!!.🥂Dozy Cafe📍深水埗基隆街199號☎ 9280 5801

深水埗開咗好多新嘅Cafe，今次就試咗呢間行復古風嘅Dozy cafe。Cafe用灰色水泥做主色調，配上復古嘅傢俬，加上北歐風嘅植物，裝修都幾有心思，好啱打卡。食物方面主要以甜品為主，今次就是左佢哋嘅豆腐芝士蛋糕，蛋糕本身好順滑，豆腐同芝士味道平衡得好好，食落有少少豆腐花嘅感覺，個人覺得幾值得一試！飲品嘅話，今次叫左matcha latte，都幾有水準，但就冇乜特別大嘅驚喜！今次去正值假日下午繁忙嘅時段，所以都幾多客人，下次嘅話可能會早少少到，咁就可以享受下呢度咁chill嘅環境☺️

📍 Dozy (深水埗)深水埗基隆街199號地舖工業風cafe，環境舒服，枱同枱之間有適當既距離，唔會太近。但可以帶狗仔，見到隔離枱有隻狗仔咁可愛忍唔住影低😆😆但食物性價比唔高，叫左個薯條，成70幾蚊，真係好貴，仲要唔係手切薯條，似超市買黎自己炸個啲，所以相都無影😮‍💨👉 歐陸式醃三文魚牛油果芥辣忌廉貝果💰88😋😋😋/5價格都比較進取👉抺茶拿鐵💰45😋😋😋😋/5可以走甜👉 Dirty💰40😋😋😋😋/5咖啡味香，唔會得奶味回頭: no ，性價比唔算高，試過就好🤣🤣

深水埗好多cafe,今日就嚟呢間試吓，但真係試吓好啦，好麻麻冇吓次。佢係pet friendly嘅所以好多客人帶埋狗仔嚟，環境都ok夠空間俾每枱客人，唔會太嘈，但坐得唔係太舒服，食嘢好唔方便。到食物方面，兩杯咖啡完全唔合格，好淡好淡，冇味嘅😓 叫左份牛油果雞扒意粉，冇牛油果味，好淡呀！另外果份蟹肉蟹子三文治叫做好啲。成件事成300蚊真心唔值，你話搵個地方傾吓偈都ok, 但食物飲品質素非常一般，同埋同區會有更好嘅選擇，唔會再回頭食呢間。

周末chill一chill，揀間餐廳慢活一番。朋友遠望以為係荒廢左嘅爛樓，其實係間特色cafe。粗糙既裝修，店內燈光唔多、主要靠外來光照明，加插少少綠色植物，更添一份慵懶感🙂餐廳店員亦唔多，想入內幫襯，請自行響門前既簿仔上留名，有吉位時店員就會出黎高呼你既名字。另外，畢竟係小店，餐廳menu選擇唔多，而且總有一兩款「sold out」。Dozy brunch- 法蘭克福腸｜紐倫堡腸｜炒蛋｜大啡菇｜燒蕃茄｜沙律菜｜多士- 顏色豐富，芳香撲鼻，味道中上。值得一讚係大啡菇同燒蕃茄都十級juicy😋調味恰到好處👍慢煮香草雞扒牛油果醬意粉- 色香味黎計，上檯賣相一般，但燒雞扒香草味濃郁😶‍🌫️食落香脆可口，都值得一試。Dozy chocolate- em...自問對cafe既朱古力既要求頗高，呢到既朱古力暫時未能夠滿足到我😛因為佢奶味重、唔夠厚身。Barista speical- 廚師發辦等同於買大細⁉️姐買的是一份驚喜吧‼️今日我地試到既係花生醬cappuccino, 用既仲要係粗粒花生醬💕可想而知杯野幾咁有口感啦😆呢個配搭我俾80分😋😋😋

水泥風既裝修配上有啡色加黑色既傢俬, 加添左一種型格既感覺, 重點係呢度勁好坐, 如果有時間既話真係會想係度坐耐啲😎 如果有狗狗既朋友仲可以帶埋佢地一齊黎hea下添🐕 呢度食物選擇唔算多, 我地去既係星期六大概12點令鐘, 都有差唔多一半既鹹食係冇😅 飲品方面都有啲待色既咖啡同茶既, 迎合曬唔同人既需要☺️Dozy Brunch🥗($108)Brunch 既吸引力係十分之大, 因為入面咩都有, 今次呢個就有兩條德國大香腸, 炒蛋, 大啡菇, 燒蕃茄, 沙律菜, 多士🍞 個人覺得都係一個正正常常既brunch, 冇咩太突出既位, 但係用料都算不錯的, 當你諗唔到食咩既時候呢個絕對係一個好選擇😂慢煮香草雞扒牛油果醬意粉🍝🥑($98)雞扒既皮煎到脆脆地, 肉質嫩得黎又夠juicy, 仲要有淡淡既香草味同埋唔會覺得油膩👍🏽 意粉方面就用左扁意粉, 牛油果醬味道唔算突出, 但係加埋個雞扒一齊食係正既🤓歐陸式醃三文魚牛油果芥辣忌廉貝果🥯($88)有cheese 融左係面既bagel 本身已帶少少既鹹味, 質地唔會過硬, 有少少外脆內軟既感覺🤩 配料方面就相對冇咁突出, 三文魚既味道普通😅抺茶巴斯克芝

看了食評，看似十分吸引，所以特別去深水埗試一試。環境看來很舒服，但枱很低，所以在吃東西的時候其實很不舒服。咖啡叫了一杯Expresso tonic, 十分普通。在附近另一間cafe也叫個相同的飲品,咖啡味道明顯香濃很多，這杯完全比下去，連影相的意慾都沒有。另外叫了慢煮牛油果意粉，牛油果未完全吃不到，雞扒只有濃濃的香料味根本吃不到其他味道。送餐時還有小插曲，侍應在上菜時沒有先後次序，差一點把意粉送去效遲來的客人枱上，引起小誤會。整個用餐時間都不算十分享受，下次唔會再去。