影片
營業時間
今日營業
11:00 - 22:30
星期一至四
11:00 - 22:30
星期五至六
11:00 - 02:00
星期日
11:00 - 22:30
以上資料只供參考, 請與餐廳確認詳情
相關文章
呢一間主打外賣嘅Pizza，有好多唔同嘅分店，今日終於可以第一次試到佢嘅味道！我同朋友就叫咗幾個返屋企食！請睇到嘅味道我哋都覺得非常出色，而且每一個價錢都唔過$200。如果呢一個價錢喺灣仔嚟講，我哋都覺得可以接受！而且佢嘅餅皮係師傅即刻叫佢即刻整，所以絕對唔會有太硬嘅情況出現！喺上邊嘅toppings亦都非常新鮮令到成個Pizza嘅口感同埋味道更加好食！鍾意食pizza嘅朋友真係絕對唔可以錯過呢一間餐廳！佢仲有另外甜品冬甩，下次可以再試吓！🔥
繼續閱讀
Happy Friday🎉 今日同事們話想去草地chill住lunch我欣賞佢哋唔怕曬黑同熱親咁就一於食pizza 同 donuts4個人食 所以就叫咗個2-4人分享套餐包1個小食 2個pizza 3個donut 仲有2個飲品一開頭以為呢間主打donuts 今次試過啲pizza 改變咗我嘅諗法所有食物都即叫即製 夠晒新鮮等咗唔夠廿分鐘就有得拎 🐥香脆雞翼有成10隻咁多 咬落好脆 肉質滑同埋juicy配埋dip醬食 有第2個風味Pizza批邊皮夠脆而且同酸種餅底 食落有煙韌口感會另外配有dip醬for點pizza食🦐蝦王手工pizza啲蝦大大隻 每塊pizza都有2件蝦 夠晒足料呢個帶啲辣味 🐥烤雞pizza個bbq醬甜甜哋 面頭就有🐥🧀 🐥唔會嚡口 如果有小朋友 一定鍾意食呢款2款 donuts 都爆晒漿 著白衫嘅同事不幸中招 🤣donut炸得外脆內軟 食完覺得好 😈🍩開心果白朱古力開心果味比較淡啲 反而白朱古力味好出🍩榛子可可醬連埋砂糖一齊食 會好甜 但有口感怕甜嘅可以撥一撥走啲糖
繼續閱讀
今次終於去食呢間喺全港有唔少分鋪嘅人氣店 Dough Bros！佢哋主打Pizza同Doughnut，當中Pizza款式創意十足，未入口已經令人好期待！The Pepperoni Supreme
用上傳統嘅番茄醬打底，再配以水牛芝士、辣肉腸、意大利香腸同牛至草，味道濃郁又有層次。香腸煎得微焦，帶出油香，水牛芝士有拉絲效果，蕃茄底則帶少少酸香，剛好平衡咸香肉類，整體非常惹味The Truffle
呢款係純素口味，以黑松露醬作底，鋪上mozzarella芝士、雜菌、火箭菜、巴馬臣芝士，最後加上橄欖油點綴。香氣四溢，松露味濃郁不膩，配上菇類既咬口與火箭菜嘅清新感，口感層次豐富
繼續閱讀
一向都好鐘意食pizza，食開Pizza Hut同PHD，想試下唔同嘅嘢，於是上網search，搵到依間好多人讚嘅手工pizza，果不其然，真係好正。喺屋企好肚餓，search完就叫咗外賣。叫咗個辣肉腸pizza，個pizza好足料，好多辣肉腸，而且芝士味又濃郁，好好味。個邊好特別，唔算脆口，但係好有嚼勁，可能因為係手工pizza。仲叫咗香脆雞翼，配埋啲dip醬，都尚算好食。令人最驚喜嘅係doughnuts！叫咗半打，六種口味，分別係焦糖、Oreo、可可醬、吉士醬、士多啤梨醬同白朱古力醬。送到過嚟仲熱辣辣，估唔到咁好味。揀咗cinnamon sugar，真係好夾。一次過食咁多唔同口味，真係好過癮。都幾滿意，會再次order。
繼續閱讀
叫Pizza佢一定係三甲之內叫咗三款唔同嘅披薩。先講嗰個肉腸披薩，上面嘅肉腸切到一片片，size均勻，烤到微微焦香，咬落去肉汁豐富，搭配嘅芝士都拉絲拉到好似蜘蛛網咁，不過可能芝士放得有啲多，食多幾塊有啲膩。同其他餐廳嘅肉腸披薩比，呢度嘅肉腸味道算係比較濃郁嘅，但就冇乜特別嘅香料去提味，唔夠層次。再睇嗰個雞肉芝士披薩，雞肉嫩滑，芝士嘅奶香同雞肉嘅鮮味融合得幾好，上面嘅紫洋葱增添咗少少嘅爽脆口感同清甜，但係芝士嘅量相對肉腸披薩少咗啲，感覺冇咁豐富。同街邊嗰啲平價披薩店嘅雞肉披薩相比，呢度嘅雞肉質量明顯高好多，口感唔會柴。最後個火腿芝麻菜披薩，火腿鹹香適中，芝麻菜新鮮爽脆，帶住少少嘅苦味，中和咗火腿嘅鹹味，幾開胃。不過芝麻菜有時會有啲老，咬落去有啲韌。同之前食過嘅意大利餐廳嘅火腿披薩比，呢度嘅火腿質感稍遜一籌，但價錢就親民好多。總體嚟講，呢間餐廳嘅披薩都有自己嘅特色，雖然有啲小瑕疵，但係味道都算唔錯，價錢方面都算合理，值得一試。
繼續閱讀