DONQ

營業中

休息中

六月五日(星期五)終於到了星期五!又有兩日假期抖抖了!是日早餐是DonQ的麵包,昨日行sogo時買的!老公買了個紅豆金牛,外形是一隻牛頭,很可愛,紅豆涵!甜而不漏呢!我就要了個吉士吐司,面本身應該是脆的,可是隔了一晚就不脆了!內裡不是有吉士的!是味道有,口感鬆軟,味道香濃!不過太大個了!應該兩個人share就差不多呢!

由於感謝節關係今日ｌｕｎｃｈ就買咗包做我既午攴無乜蜂蜜味道，但包身好味，烘熱後效果更好加上有合桃,口感更好由今日至31/5都會有9折抵食呀

去到sogo,,次次見到DONQ人山人海,,我也堆埋人群中一齊買包食~見到好多包都好熱氣~所以我向歐陸式麵包進玫!選了個蜂蜜提子黑麥包同蜂蜜合桃黑麥包~每個價錢都係$12~蜂蜜提子黑麥包 :提子粒不太多,,勝在黑麥包香濃好味,,不過要好有牙力先食到.,, XDD蜂蜜合桃黑麥包:呢個比蜂蜜提子黑麥包好食,,因為合桃有好多,,香口好食!!配住D冇咩味道既黑麥包好正!兩個包都好健康美味!

個標題好怪哈哈個包係年廿九同小龜1起買的~年初一因為發燒冇胃口而冇食過野落肚係零晨太餓就頂唔順去拎左個蛋糕食食落去 真係覺得好軟熟唔會有1舊舊既感覺平時包鋪既蛋糕 食落去 會覺得好粗糙仲好易'芹'親仲要隔左咁多日先食 仲係保持軟的! 讚!因為我食左藥既緣故應該口淡淡所以咖啡味唔係好食到反而淨係食到面頭既咖啡粉好苦!媽媽之前話過隔住個膠袋都聞到咖啡味!貴 都有佢既道理會再試!

今日約晒政黨去年宵做訪問，冇時間食lunch, 唯有出地鐵時順道在sogo買了個麵包。由於要預計一路做訪問都未必會有時間食，個包動軋要放幾個鐘，所以買了個無餡的蜂蜜核桃麥包結果，我真係於距離購買後三小時先咬到個包講真，蜂蜜味欠奉，不過麥味實在好香好香；個皮...食得出佢係曾經脆過，放左響袋度三個鐘，有d韌，但未係韌到要出力勁扯，只係屬於「搣起黎要俾多少少力」的水平；但內裏仍然鬆化，加上核桃碎，一來豐富口感，二來這核桃碎也烤得很香，與麵包的麥味平分秋色。可惜太公平時留守與荃灣及九龍分豬肉 (分自己d豬腩肉)多，過海機會實在太少，每次過海，都有一大堆食肆 / 食物想趁機品嘗....雖然DONQ的味道不俗，但實在不是好到令我放棄其他食品而走去吃它；除非我又如今天般匆忙吧！ (唔係卦)

聽人地話DONQ好味，今日就去試下，Ｄ面包款款都好靚，眼光撩亂，唔知揀咩好，最後要左栗子忌廉（唔記得個名），賣相有Ｄ似Puff，幾靚～面包係丹麥包，算香牛油味，但係唔夠酥化，個人覺得Yamasaki的菠蘿丹麥好味過佢，上面類似菠蘿包，有奶粒，甜甜地脆脆地幾好味，cream同栗子都算多，cream唔夠香奶味，栗子蓉算滑，令我呢個有栗子情結的人都幾滿足總體黎講覺得OK，但係唔係好味到嘩一聲囉～可能其他面包會好Ｄ啩～

一月十四日(星期三)今日的早餐是昨日lunch時買回來的DonQ麵包!我之前都吃過,的確好吃的,於是帶老公來選擇個好吃的早餐!是工作的原動力!我要了鮮奶脆,面是香脆的鮮奶味,內有點似墨西哥的吉士椰絲!吃起來非常醒神!老公朱古力蛋糕也不錯,它的賣相吸引!內有吉士!雖則麵包有點貴,但是高質素是無可置疑!

如要比較它跟 Little Mermaid....我會覺得它貴得黎好吃一點, 起碼試過方包, 咖啡蛋糕, 鬆餅也不錯, 昨天到 SOGO 買點東西, 經過時於牛油蛋糕及合桃方包之間徘徊了一會, 最後選擇了後者, 長長一條, $15, 今天切了幾片作行山乾糧, 合桃粒不多不少, 味道香, 但麵包質感不夠細密, 有點失望!

剛同親愛的食完lunch, 她又嚷著未夠飽要食野於是去sogo既supermarket行下最後係DONQ左買檸檬丹麥酥 ($8.5)酥皮包住檸檬醬同蛋糕檸檬醬味道唔會過假、酸酸地幾好味如果有d檸檬皮係度一定會更香更好可惜蛋糕太「實」身, 有點像蜂蜜蛋糕的texture面層的酥皮一定要趁新鮮吃同埋最好一次過食哂佢, 唔係就會好似親愛的咁咬一兩啖包就話飽咁就會損失了佢最好味的時刻了~!!p.s. DONQ既聖誕面包好靚、不過好貴當你見到一個包可能要成$12,13蚊, 加多幾蚊就食到飯ge時候都會盡量減少幫襯意欲…

昨晚到 Sogo 的 Supermarket 買東西。路經 Donq, 想起很久沒有買它的麵包，就進去逛逛。人很多，個個都舉棋不定，是因爲買相實在太吸引吧！我走了兩圈，對方包、歐陸麵包、和三文治比較有興趣。日式麵包不是不喜歡，只是看着有点膩。然而，想起Openrice有很多朋友推薦香蕉普利歐，加上我是香蕉和朱古力的fans, 幾經掙扎，我還是放了一個在盤中。坦白說，我並不覺得它的買相特別吸引。另外，我又揀了一件火腿吞拿魚酥，選擇它是因為它的樣子令我想起在 Starbucks 賣的芝士火腿多士（Starbucks 賣的芝士火腿多士翻熱後超好味！！！）其實，這兩件都不是我近年的選擇（年紀大了，開始怕肥），不過是心血來潮，凑凑興吧了。最後，我還挑了一個蜂蜜合桃麥包作早餐。囘家急不及待先試香蕉普利歐，朱古力味不錯，包有一点硬，不太新鮮，香蕉少、味淡，总括來說，不吃絕對不是損失。火腿吞拿魚酥頗咸，雖然吞拿魚份量算多，但我不會再買！今天早上才吃的蜂蜜合桃麥包最合我口味，包很香，心軟，有合桃味！價錢約HK$10, 夠兩至三餐早餐份量，算合理。

咖哩包（9元）：麵包面微脆干身不油，咬開咖哩香氣撲鼻而微辣, 餡料是雜菜，青豆, 薯仔等, 咖哩味也頗濃, 食落還有小小 "攻”,但睇唔出包仔細細, 也頗頂肚 。

黎親 SOGO既supermarket 呢層，我都忍唔住要到「DONQ」買返兩個貴價包包~ 呢度d 平均都要 $ 8 一個，真係唔便宜架 但正所謂一分錢，一分貨，難得佢貴得黎又好食丫嘛~ 俾多d都要架喇~袋裝包必買之選﹕黑芝麻方包﹕一打開個袋就已聞到濃烈既芝麻香味﹔一咬落去，麵包是極軟的，真是美味到不得了~~脆皮多士﹕皮，是脆到不得了的~ 但麵包就剛剛相反，是非常非常軟熟 真係好味道到....唔識點講~ 貪吃的我，試過在返家路程中，差不多把整袋包包食哂呀單個包包之選﹕芝士軟包﹕唔食由自可，一食成口芝士~ 真係好好味呀!!! 如果你好似我咁好彩，遇到剛剛出爐的話，就更加不得了呀~ 包內既芝士係溶溶地架，真係好好味呀法式多士﹕呢款又係好好味既包包~ 面層有d糖，甜甜地，又係面層硬硬地，內裏軟腍腍，真係好味到一流~粟米法包﹕size較細，有少少覺得唔係咁抵食... 但食過後你就唔會有咁既想法~ 因為這是一個高質素既小法包，內裏仲有甜甜既粟米，真係好食架呢~~咖哩包﹕剛剛出爐又是特別好食的 個包包炸過，好脆好好味~ 而裏面d餡是咖哩素菜，唔係牛肉，岩哂我呀!!! 我最喜歡食日式咖哩架喇~

雖然DONQ有好多麵包, 蛋糕, 三文治都非常吸引,但我不知怎的只對DONQ的合桃牛油蛋糕情有獨鍾可能愛它簡簡單單, 沒有忌廉, 沒有任何花巧的東西,令我更容易吃到牛油蛋糕原來的味道和蛋糕的質感,把所有複雜的都回歸簡單的世界裡, 百吃不厭呢 每次經過仲會乖乖地付上$25, 帶它回家與家人一起分享

銅鑼灣sogo的DONQ出哂名, 食過水準唔錯, 可惜好少機會買佢d包, 但原來炮台山有分店ga wor~~~~這個米麻糬麵包其實只係米麻糬波波的長身版, 旨在收你貴d咁解, 我估佢焗得過火了, 外層脆到"卜卜"聲. 有d紅豆都乾哂, 同埋個包好扁, 好似唔夠"煙un"咁, 似乎A-1米麻糬波波好食d wor.可能係CWB間DONQ的出品先有水準la...

咖哩包（9元）：咬開麵包，咖哩香氣撲鼻，餡料是雜菜，有粟米粒、甘筍粒等等。麵包鬆軟，面頭微脆，雖然是炸包，但毫不油膩，再加上那辛香的咖哩，十分惹味香口！芝麻煙肉包（8元）：麵包面頭鋪滿了白芝麻，内裏夾了一整片煙肉，煙肉肥瘦相間，賣相吸引。回家立刻反熱。吃到中間，才知道還卷了一塊淡味鹹芝士。麵包鬆，芝麻脆，煙肉香，芝士軟糯，配搭恰當，效果甚爲討好！此處麵包做得不錯，並不遜於 little mermaid，但價錢則便宜得多。光顧之日，正是崇光大酬賓之時，就連麵包也打上個九折，以上兩包點，折實只需15塊錢。